يستاهل العليا ليا حـل طاريـه = ابن الرجال اللي عريب خوالـه
أبوك طيب وأنت تمشي مماشيه = تمشي على درب الوفاء والجمالة

سلام يارجلن نعزه ونغليه=من حشمته نبدع بيوت الجزالة
سلام يارجلن على العهد يوفيه=ساس الكرم والطيب راعي الشكالة
يابو عجب صيتك له الناس تطريه=بالعز والتقدير لاجا مجاله
في الخير سباق ومكثر خطاويه=في السلم ساساً للوفاء والبسالة
العز ساسة والكرم خصلة فيه=هذا سنام طويق ضلعه وجاله
دامه ذخر ياجعل ربي يهنيه=حيثه كريمن يكرم اللي نصاله
مثل المزون اللي على الروض تسقيه=وألا كما بدرن بوقت اكتماله
يستاهل العليا ليا حل طاريه=ابن الرجال اللي عريب خواله
أبوك طيب وأنت تمشي مماشيه=تمشي على درب الوفاء والجمالة
إخوانك اللي في الحفل فخر ووجيه=يستاهلون المدح هم رأس ماله
ياالله ياالمعبود سدد خطاويه=بإذن الولي اللي علينا اتكاله
أقولها في مبتدأ القول وانهيه= يامرحبا بأهل الوفاء والشكالة