::: مـنتدى قبيلـة الـدواسـر الـرسمي ::: - هية الغييثات مع جيش ابن رشيد بعد مغزى شعبة نصاب

- :: قسم تاريـخ قــبـيـلة الــدواسـر :: (http://alduwaser.org/vb/forumdisplay.php?f=11)

مشكور ولاهنت يادغش البطي على الموضوع الطيب وبيض الله وجهك..........

رد: هية الغييثات مع جيش ابن رشيد بعد مغزى شعبة نصاب

الله يرحمك يادغش ويجعل قبرك روضه من رياض الجنه

والله ونعم بالغييثات مخبورين جعلهم العز

ولا على السناعيس شمر قصور

رد: هية الغييثات مع جيش ابن رشيد بعد مغزى شعبة نصاب

اقتباس:

المشاركة الأصلية كتبت بواسطة دغش البطي (المشاركة 38385)

أخواني الأعزاء الحقيقه هذه قصة ((مغزى شعبة نصاب)) و بعد إلحاح من بعض الأخوان الغالين أحببت أن أذكرها كما رواها شيبان الغياثات والقصه بالتفصيل:


	في قديم الزمان وعلى حكم محمد بن رشيد غزوْ الغياثات شمال على أهل شعبة نصاب وكان عقيدهم غفر بن مقيت آل نصَاروهو من أمراء الغياثات . المهم واصلوْ مسيرهم الغزيه حتى جاءوْ أهل الشعبة شعبة نصاب والشعبه يسكنونها قبايل شمر وحولوْ عليهم وكسبو أربع قطعان مغاتير ودبروبها مجانيب ومن لحقهم ذبحوه لين خلوهم القوم وإياها ويوم درى محمد بن رشيد أستشاط غضباً وجمع جيوشاً وخيولاً كثيرة وقيمانٍ لاتعد ولاتحصى من أهل الشمال وأبلغ أهل الرياض وأهل الخرج اللي هو منصوب إبن رشيد بالأستعداد للمعركه وسابقوهم الميراد على عد الثليماء جنوب الخرج وخيَم إبن رشيد ومن معه على الثليماء يحتري الغياثات. ويوم أقبلوْ الغياثات أرسلوْ رسيسه للخرج وخلَوْ الرسيسه ينصى محمد بن فوزان ويوم جاوه قال لهم الذيب في القليب محمد بن رشيد ماسكٍ لكم الثليماء يحتريكم ومعه جيوشٍ وخيولٍ لاتعد ولاتحصى ويوم رجع الرسيسه وأبلغهم تدارسوْ أمرهم بينهم ووضعوْ لهم خطه بأن يردون لين يظهرون على مخيم بن رشيد اللي على الثليماء ويشوفونهم ومن ثم ينكسرون ويستطردون لهم حتى يلحقونهم ومن ثم يناطحونهم ... المهم أتفقوْ على هذه الخطه ووردوْ الغياثات ويوم ظهروْ وشافوْ خيام بن رشيد كأنهم مايعلمون به إنكسرو بإبلهم وجيوشهم حادرين وهم هجيج حتى إنتصفوْ في الصلعة ويوم توسطوْ في الصلعة رجعوْ يمين مجانيب ويوم إعترضوْ للقوم وإيلا والله بيرق إبن رشيد معارضهم وراعي البيرق إبن غشيان يبون يخطموون على الأبل ... قال العقيد غفر بن مقيت لمشخص الفوارسه يامشخص وزَن على القوم كلهم وخص بالري محمد بن حمد الحطبه المواعزه ونفل بن خلف آل خلف المواعزه وأهل الذلول شعاله جهم وعصام الجباعين المواعزه وأخو شنفا مناع المناديع من غير قصورٍ في الباقين ولاأسقو ناسٍ واجد ومن ضمنهم فهاد بن خلف وقال فهاد أنا قاصرٍ يوم ماتسقوني مع المواعزه من الماء ،،، والله ثم والله ياواحدٍ يحول قبلي أن أجزم ظهره بالبندق ويوم لحقوهم القوم طمر فهادٍ الأول وعقر الأوله ويم عقرها وإليا والله ربعه محولين خلاف الدبش المكسوب كلٍ يرمي القوم،،، ولقد حصلت معركة كبيرة راح ضحيتها رجال وخيول وجيوش من قوم إبن رشيد وأعوانه ولقد أفتكوْ الغياثات كسبهم ذاك اليوم بدون أي خسائرٍ تذكرفي أنفسهم ويوم تنزحوْ ودبروْ على كسبهم وهم سالمين قال مشخص الفوارسه هذه الأبيات .

أول من طمر فهـــاد=يوم الذليل يخايــر
وحوَل نفلٍ ومحمـد=لين كثرت العثايـر
وأهل الذلول شعاله=ماهـابـوْ الذخايـــر
يـسـتاهـلون الـحـبة=حـبـة خديد النــايـــر

وسلامتكم جميعاً

محب الجميع : دغش البطي

الله يرحم ابو محمد ويجعل جنة الخلد مأواه ...

افتقدنا هذا الاسلوب الرائع ... وكفو ملايين تنطح ملايين .. بربعنا الغييثات

سقم المعادي .. ودرعنا في الخرج والدهنا ....

رد: هية الغييثات مع جيش ابن رشيد بعد مغزى شعبة نصاب

الله يرحمك ويسكنك فسيح جناته

يا خوي يا دغش

رد: هية الغييثات مع جيش ابن رشيد بعد مغزى شعبة نصاب

تسلم ورحمك الله يادغش

رد: هية الغييثات مع جيش ابن رشيد بعد مغزى شعبة نصاب

كفو بالغياثات ولا هيب غريبه على ابنا الدواسر وهذا الفعل قطرة من بحر من افعال الغياثات والدواسر كلهم.............. وتحيه للي راوي الحادثة وحبة خشم لمجالسته الشيبان وسماع علوم الاولين..

رد: هية الغييثات مع جيش ابن رشيد بعد مغزى شعبة نصاب

الله يرحمك ويسكنك فسيح جناته

يا خوي يا دغش

رد: هية الغييثات مع جيش ابن رشيد بعد مغزى شعبة نصاب

ما اقول الا :

الله يغفر لك ويرحمك ويسكنك الفردوس الأعلى

ويبيض وجهك ويوسع لك في قبرك يـ دغــــــــش

اللهم آميين

رد: هية الغييثات مع جيش ابن رشيد بعد مغزى شعبة نصاب

الله يرحمك ويسكنك الجنه يادغش بن بطي

رد: هية الغييثات مع جيش ابن رشيد بعد مغزى شعبة نصاب

الله يغفر لك ويرحمك ويسكنك الفردوس الأعلى

ويوسع لك في قبرك يـا دغــــــــش

رد: هية الغييثات مع جيش ابن رشيد بعد مغزى شعبة نصاب

كفوووووووووووووووووووووو يالقرووووووووووووووم

رد: هية الغييثات مع جيش ابن رشيد بعد مغزى شعبة نصاب

رحمك الله يا دغش البطي وجعل قبرك روضة ً من رياض الجنه ..

وألف نعم في ابناء عمومتنا الغييثات .

من غير قصور في باقي القبائل ..