للشاعر مهدي بن مسفر

تخيّل لو حياتي من دونك=او عيوني خلّت من عيونك
او افقد خبالك وجنونك=تطلع حالتي بالقصيد مرثيه

والاطمـاع ذل والقنـاعـه مـعـزه=والصدق نور والتقى صان صاحبـه
ومن لايكون غناه في داخل الحشـا=فالطـرف مـا يـمـلاه الاترايـبـه

من لايودك لاتوده وترجيه = أرفع مقامك ياعزيز المقامي
أرفع مقامك عن عدوك وتوذيه=ويلحقك من تركت رفيقك ملامي
حق الرفيق واجبه لاتخليه=يلزمك مثل الوالدين الحشامي

بعت كل اللـي ملكـت الا الكرامـة=وشفت قدري في عيون الناس عالي
والرجل يكفيك فعلـة عـن كلامـه=والعيون تشـوف شـي ٍ مايقالـي
من بغى يفرض على الناس احترامه=مايسولـف كـل ماحـل المجالـي

ياطالب الطولات لاتحسب أنها=تجيك بالهين وكل نعيم

يبحل العاقل بعرفه مـع النـاس الغشـم=بالسـلام يـرد لآ خاطـبـوه الجهـلـي
بالتجارب عبره لمـن يشـوف ويفتهـم=والعقول بوزنهـا فـي يديـن المعتلـي
من عسف نفسه على طاعـة الله استقـم=ومن تبع نفسه تزجه من إعـلا لسفلـي
كان تبغى الخير للفرض يبـن آدم اقـم=بخشـوع الزاهـد الخاضـع المتذللـي
وعن طريقٍ حرمه خالقك شم واحتشم=مرقب العليا عسيرٍ على من يكسلـي
ولا تسخط لو زمانك على كبـدك وسـم=دبرت اللي يدبـرك والزمـن متحولـي
ولا ترجى راعي المال لو عكشة عظـم=الأجل محتوم والـرزق كافلـه الولـي

العمر راح وما بقى فيه توثيق=واللي مضى لاشك صعبن مجيه
واللي بقى بالعمر جعله توافيق=من لحظتي يالله ليـن المنيـة

الصاحـب اللـي كنّـه الغيـم لا نـشّ=يفرح بـه اللـي خايلـه فالسمـا جـاي
هرجـه كمـا هملـول وبـلٍ ليـا رشّ=يسقـي مجاديبـي ويـروي ظمـايـاي
طلـقٍ احجاجـه جانبـه ليّـنٍ هـشّ=وأقسى من الفـولاذ لا قابـل اعـداي
درعي لمنها يبست احلوق واخشـشّ=وامّـا بحـزّات الرخـا ظلّـي ومــاي
وان جا لزومـي بـان ماهـوب ينخـشّ=هـذا (الخـويّ) وراس مالـي بدنيـاي
آفـزّ لامـن فـزّ وآكــش لا كــشّ=وان جاني امن ادناه جيته امن اقصاي
والصاحب اللـي شغلتـه فالقفـا حـشّ=من يوم اقفّي لو بعـد يسمـع اخطـاي
وان شافنـي بالوجـه تبـسّـم وبــشّ=وحـطّ المعـزّة لـيّ والعالـم افـداي
هذاك حبّـه داخـل القلـب مـا خـشّ=وعيّـت لا تعطيـه التّبسّامـه اشفـاي
هـذا بليّـا سـابـق انــذار ينـطـشّ=ياكيف اشيل الداب فـي وسـط مخبـاي
أدخل علـى المعبـود مـن نيّـة الغُـشّ=يالله لا تعـطـيـنـي إلا نــوايــاي

اكوث درب الهوى يوم وصراع=الشوق ياهوى معشوق دام مرباعه
كريم العطا نوى ولاغوى بشراع=على فنون الغي يرزم لول مرثاعه
رثع رمع من هون المشكله ليل مفراع=همومه جاتني وانا للخوي مفزاعه
لعنبوها جنبوها مال ابوها كود ملتاع=مبري بحجلها من خجلها للموت منتاعه

حليمٍ ما اقابـل راعـي الجهـل بالجهـل = والا اقبلت احل اعقـود الامـر ونشايبـه
كريمٍ ما احسب احساب ما اعطيت فالورى = عفيـفٍ تـرده شيمتـه عـن طلايـبـه
شجـاع ٍ الا حـزّت ولـزّت ودقّــرت = ما اهاب العدو لـو سـاق يمـي كتايبـه
ولا ارضى الهوان لمن عناني ولاذ بـي = ولـو كـان دنـعٍ هافـيـاتٍ ترايـبـه