أضيق من هاجسٍ دايم مصاحبني=سود اليالي تجرحني عقاربها
لو اشرح الوضع يمكنك تكذبني=بعض السوالف تحير فكر صاحبها
أسمع هروجٍ بعضها ما يناسبني=واقفيت عن كل مخطيها وصايبها
ياخوي بعض الهروج العوج تغضبني=الناس ما تتركك لوّك مجنبها
الحاقد اللي بليّا ذنب حاربني=ادري بناره ولو يخفي لهايبها
يمدحني ان جيت وإن قفيت عذربني=بعض البشر مهنته يوقد حرايبها
أهدي النفس لجل انه يجنبني=أخاف لا طالت السيره نخربها
ماهو صحيبي ولا ارضى انه يصاحبني=النفس عن مثله ارفعها واهذبها
اخاف من رفقت الخايب تخيبني=أحسب امورٍ بعضهم ما يحسبها
رفقة هل المعرفه والطيب تعجبني=وليا جهلت الامور إنشد مجربها
صديقي اللي ليا زليت عاتبني=وليا حفظلي سريره ما يهرجبها
هذاك بالطيب والمعروف يكسبني=وانا سناده ليا من حل واجبها
ياراشد أصلي عن المهياف ينتبني=بعض المواضيع مالي في طلايبها
صبري على اللي جرحني ما يعذربني=تحشم حثال العرب من شان طيبها
والله يلولا الحيا والحلم قاظبني=اني افضح السالفه واذكر سبايبها
لاشك ابصبر ولو الصبر متعبني=نفسن بلا صبر ما توفي طلايبها

انا من لابة تاطا الخطر وتسنع المنجـوم=مزبنة الجلاوي مرخصين الروح لبن حزام
نصانا من حداه الخوف يوم ان الشريف يعوم = وقيل ازبن ((وانا ابن غياث)) حنا للعدا كعام
وقدينا السلوم الطيبة بمصقل وشغموم= ولنا فالجار وقفات وصملات وضرب حسام
ولا قد خاب منهي لابة دوسر تهز الروم= تداوي من عمي بمصقلات ضربها جزام

المشاركة الأصلية كتبت بواسطة الزين (المشاركة 288218) أضيق من هاجسٍ دايم مصاحبني=سود اليالي تجرحني عقاربها لو اشرح الوضع يمكنك تكذبني=بعض السوالف تحير فكر صاحبها أسمع هروجٍ بعضها ما يناسبني=واقفيت عن كل مخطيها وصايبها ياخوي بعض الهروج العوج تغضبني=الناس ما تتركك لوّك مجنبها الحاقد اللي بليّا ذنب حاربني=ادري بناره ولو يخفي لهايبها يمدحني ان جيت وإن قفيت عذربني=بعض البشر مهنته يوقد حرايبها أهدي النفس لجل انه يجنبني=أخاف لا طالت السيره نخربها ماهو صحيبي ولا ارضى انه يصاحبني=النفس عن مثله ارفعها واهذبها اخاف من رفقت الخايب تخيبني=أحسب امورٍ بعضهم ما يحسبها رفقة هل المعرفه والطيب تعجبني=وليا جهلت الامور إنشد مجربها صديقي اللي ليا زليت عاتبني=وليا حفظلي سريره ما يهرجبها هذاك بالطيب والمعروف يكسبني=وانا سناده ليا من حل واجبها ياراشد أصلي عن المهياف ينتبني=بعض المواضيع مالي في طلايبها صبري على اللي جرحني ما يعذربني=تحشم حثال العرب من شان طيبها والله يلولا الحيا والحلم قاظبني=اني افضح السالفه واذكر سبايبها لاشك ابصبر ولو الصبر متعبني=نفسن بلا صبر ما توفي طلايبها

المشاركة الأصلية كتبت بواسطة الامبراطـــور (المشاركة 288841) :icon10: :icon10: الزين لاهنتي منهو شاعرها

قالوا تعلمت.. قلت عناد وفراسه = أجاهد النفس والدنيا واصارعها
ودرست في مدرسة من شيبت راسه = دنيا العنا اللي قصيفاتٍ مطامعها
تلميذها دايم تكتب بقرطاسه =تعطيه جملة دروسٍ ما يضيعها
والله عطانا نظر وشعور حساسه = ناخذ علوم المعرفه من مراجعها
ونساير الوقت ونقيسه بمقياسه = ونواجه النفس بالواقع ونقنعها
وترى حياة الفتى مهما قوى باسه = محفوفةٍ بالخطر والموت تابعها
من مبتدأ العمر حتى يلفظ انفاسه = يمر في مرحله تكثر زوابعها
أول حياة الفتى مشوار وعساسه = مسافةٍ في عجاج العمر يقطعها
وثاني حياة الفتى يرجع على ساسه =النقطه اللي بدا منها يراجعها
ياصل لسن الهرم ويضيّع الطاسه =ويزحف مع الارض ويخطط شوارعها
وليا تلاقت متونه وارتخى راسه = ضاعت جميع العلوم اللي يجمعها

ربعي الدواسر مرويت حد الامـواس=فالسيف خاضو نجد واخـذو سنامـه
واستوطنو عاليه واخذو بـه الكـاس=فى وقت نجدات الرجل مـن حزامـه

الرجال يميـزون الحكيـم مـن الغريـر=الغرير يغر ربعـه ، ماحـد منهـم يبـاه
جنبوا عنه وقعـد فالخـلا مالـه شويـر=مثل طرقيْ لحالـه ، مامعـه إلا عصـاه
خير مافالرجل صـدق النوايـا والضميـر=والغنـاه بطاعـة الله يـاطـلاب الغـنـاه
موقف الرجـال يعـرف غنـي ولا فقيـر=الغنى والله غنى العقـل كـان الله عطـاه
والغنـى بالمـال يفنـى ولافالمـال خيـر=لوكنوزه تـازن طويـق وجبـال السـراه
يالله أعصمنا عن الجهـل وإجعلنـا نسيـر=في مواكب طاعة الله ونكره مـن عصـاه
يركض الإنسان والموعد الشـوط الاخيـر=مادرى كم يـوم قدمـه وكـم يـومٍ وراه

حارت افكاري ومن اوكاري سريت مجنود=بند البنود بند خامس عشر جن
دحدري يامعسكرات جيوش الجن وجنود=ألعبي ياقوات ولاعبي جميع حدري مجن

كم حارب يلقاك في ثوب صاحب=عينه لما يخفي دليل وحاجبه

الشاعر راشد الخلاوي

والموقف الي يصنع الدهشه والاعجـاب ويثيـر=يضيف قوة عزم في بعض الوقايـع والصـدوف
وانا من اصحابـي وعدوانـي تعلمـت الكثيـر=وكـم غلطـةٍ تمـر قدامـي واخليهـا تطـوف
اشوفها حاجه صغيـره واعتبـر نفسـي كبيـر=والحاجه الي ماتمس الوجـه فـي ميـه ذلـوف
حيث التجارب بالحيـاه تخلـي الجاهـل خبيـر=وتخلي الـي مايعـرف العلـم يطلـع فيلسـوف
والسالفه بيني وبينك سرهـا فـي وسـط بيـر=لايدري الحاسـد ونقـال السوالـف والزهـوف
يوم الطموح اكبر من الواقع وانا عمري صغيـر=مانـي بخابـر لحـدٍ علـي منـه وامـعـروف
لكن بعد ماوصلـت الدعـوى لتقريـر المصيـر=قامت معي فيها صفوف ووقفت ضـدي صفـوف
واليوم هذا يا زمان الصمـت منقطـع النضيـر=اعـداي بالميـات لكـن اصدقـايـه بـالالـوف
واليا نشدوك الناس عنـي قلهـم حالـه بخيـر=ترى العدو يسمع واهو مقفي ولا يقـدر يشـوف

لاتلتفت في هرج ذولا وذولاك=واصبر عسى ربي يصونك ويهديك

الشاعر عمير بن زبن

يا جاهل ٍ مر الزمان وحلاته =خذ هاك عقلي مانفعني ولا بيه
في هالزمان الطيب اعلن وفاته=الطِيب مات وكل طيّب يعزيه
يرحمك ياعود ٍ حفظ لك وصاته =يبيك تتبع ساقته ما تخليه
علمك سيئات الزمن وإحسناته =يامرك بالمعروف ليتك تماشيه
الله وهبنا دين واحسن صفاته =وانزل لنا التشريع واجزل معانيه
الحق والباطل عرفنا جهاته =وما يزرع المخلوق له يوم يجنيه