أدرا على السمعة من الهمز والغمز=وأدرا عليهـا مـن دروب المناقيـد
ومن هرجة إللي مايساوي ثمن عنز=اللـي يـردد بايـه العلـم ترديـد
وأرتع بها في مربع الطيب والعـز=وأجالس رجال قـروم صناديـد
حتى ليا جا يـوم بـه للفتـى حـز=أكبل الخنزيـر وأثنـي لـه القيـد
أنـا برفقـة وافـي البـاع معتـز=اللي يوفي كيلـة الخصـم ويزيـد
وأنا جبل ماكـل ريـح لـي تهـز=ولا حسبت حساب زيد ٍ مع عبيـد
وعزمي ليا طال المدى شفت له نز=نزالحصان اللـي تعـلا الجلاميـد

يامن حبك منه القلب مرتذ=ارجوك تعال اليوم غذه
حبك ترى منه الفكر منبذ=اربع سنين والنفس منبذه
ترى الحب ماهو انا جيتك وخذ=للحب وقفه وله ملذه
ياما جيتك ساهر الليل في حذ=وانت عني سالي ٍ في رذه
مالي ومال من تعنى له بحذ=خله يولي دام نفسك مرذه
حين حان الوعد جيت منعذ=همت وماهبت الصعب كود بذه

الحبيب اللي بشوفته القلب يهذ=الحبيب اللي بشوفته من عذّه
القلب تصّبر على ما يحذ=والقلب ماهو باللي ياصل مفذه

شيخ ياشيخ بالسيح منهذ=على قولك يالغرابي من يهابي مهذه
جابر مخابر منابر ترابي مبهذ=نال الغال والغوال في زيها مرهذه
كاس الهوى مشروب يالخل متهذ=هبوبكم من صوبكم بالعذاب منهذه
طالب يالله عسى منواه في مرهذ=من شفة ثناياه ابرفاه لين مشهذه

القلب لوماخفق لك كان ماشلته=ولوماأنت ملهم قصيدي جفت أقلامي
هذا قصيدي بعينك لو تجاهلته=ينزف على شأن يروي قلبك الضامى
العام طاري غيابك ماتقبلته=واليوم حرماني أصبح مصدر إلهامى

احتجت لك في وقت فيه الصد شي مستحيل=وصديت ماكنك بوقت قد مضى جيت تحبي
وانا فزعت وفزعتي مانيب اسميها جميل=ذي عادتي ومن قبل لا اخلق عاده لجدي وأبي
رميت واخطيت الهدف فلا تحط ولا تشيل=كبوة جواد بينت راعي المحل والاجنبي
ماطال عمر السالفه بين المضيع والدليل=الاغبي وده يقنّع واحد ماهوب غبي
ابيك تدري يا كبير الجاه ان ماني سبيل=كبير جاهك بس انا مانيب عبد ولا صبي

ياعين وش عاد ترجين=اللي تبينه قال يالله الوداع
خليه على هواه ولاعاد تبكين=لابد يجر ونته من بين الاظلاع
ويذوق مر الليالي والسنين=ويصوعه الزمن ويصير منصاع
لعنبوه ماقدر هوى المحبين=ولاقدر واحد ٍ له مطاع

اانا في خاطري حاجه ولا دري ويش هي بالضبط= ولاني قادر ااكتمها ولاني قادر ابديها0

أصد منك خوف ماهوب من كره = من زود حبك خفت من شوف عينك

وقلّه ياولد دنياك هاذي=تراها مثل تكوين الجليدي
لعنها الله وأبغضها رسوله=ياكم فيها شقي وكم سعيدي؟‍!
مايمدحها سوى رجَّال جاهل=يجمّعها لعله مايفيدي
ولا منّك طلبته شئ عيَّا=شحيحٍ ما يمد ألاَّ الزهيدي
عن الماجوب ماغير ايتدسّس=وعلى الغرّات شيطانٍ مريدي
سوات الحصني اللي طول عمره=يروّغ لا يصاد ولا يصيدي!
وحكيم العقل يعرف خاتمتها=تواعدنا وتكذب في الوعيدي
متاعٍ عند خلق الله موقَّت=كما وقتٍ يجي فيه الزبيدي
مافيها غير ثنتينٍ خيارا=وثالثهن ترى ماهوب أكيدي
ذكر ربي ومحبوبه محمَّد=هي أفضل شئ في دنيا العبيدي
وثالثهن ليا ماخاب ظنّي=مخوّة طيّب الأصل الفريدي

من قال ابوي وقال جدي وخالـي=وهوه عن الواجب يدور محاويل
لوهو حفيدن لبـو زيـد الهلالـي=ما ينفع الرديان بعض الا قاويـل
لياصارمنته من ازحول ا لرجالـي=مو صلك ذكر اقبور اهلك لمواصيل
ومن يجمع الثنتين يشرب ازلالـي=ويحسب احسابه عند كل الرياجيل
لون وقت اليـوم سكبـت اعقالـي=اليا كثر مال الفتى قالـو اصيـل
هاذاحسب عرفي ومن ماطرالـي=وارج السموحه يالرجال الحلاحيل

يا حبيبي لك كتبت بدم قلبي ذا القصيده = هل خبرت أحد(ن) يسوي يابعد روحي سواتي

سيكلي ياسيكلي لا نظيف ولا مخيس=ودني لقروب أبونواف نبغى نحوس
ياجلمبو هات لي قحْشة من القراطيس =لو كيسة اسمنت أهم شيَّ نكتب به إهجوس
ياجلمبو خل أفضفض لك من الهواجيس=أنا من عرفتها وأنا بالحيل محيوس
كنت فاتح بلوتوث قلبي بالدواعيس=دواعيس منفوحة وارسلت لي هي فيروس
فيروسها فرمت القلب بأسرع من إبليس=إلين وندوز فؤادي صار متروس سوس
واليوم ياصاحبي صرت ضمن الملاحيس=لاجيت أفكر ادخل على عقلي من الدوس