إللي يبي بعدي أنا ماني قريب = أما ربحني و إلا أنا ما خسرته

احبه جعل الويل يطويه=وانا لامن بغيته صد جعل الكي يكويه

مهما يجيك من الخطـاء مـن رفيقـك=حاول تغاضى والخطاء لا يجـي منـك
ترى رفيقك لـو وقـف فـي طريقـك=مثل الرصيد أن (قل) وأن (زاد) في البنك

إن ماحصل للهرج غاية ومدلول=وش خانة حروف القلم فالجريدة
الناس ذا سالم وهذاك معلول=وكل تجيه رسالته في بريده
ياكبر حجم الارض بالعرض والطول=وضاقت على اصحاب العقول البليده

ياااااطيب العقل ماتكمل بدنياك المطاليب= تطيب لك حاجتين وثالثتهن ماتطيبي0

احلى اللقا ياصاح في ليل=ود ٍ على ود تجتمع اطفال

ياشاري الهم بالله تشتـري همـي= ببيع باقي رصيدي واشتري الراحه
من كثر الافكار في راسي ثقل دمي =ماعاد اواطن خفيف الدم ومزاحـه

الصبر زين وفيه تحصيل ثنتين= تكسب جميل وتاخذ الحق وافي

ليت همي يقبل همك ويلمي=كان ماونيت وتعنيت غازي لمراحه
الا وجعل كمي يلتف به ويضمي=ومن الظما ..ناش ريقي قراحه

لا تشتكـي مـن جـور الأيـام للـنـاس =ادفن همومك في ثرى الصمت كله
أسـرار عمـرك خلهـا تحـت الأنفـاس =لا صـار هـراج القفـى مـا فـطـن لــه
هذاك يفرح لا لمس جرح الإحساس =وهــذا مـنـاه الـيـا لـقـا فـيــك عـلــه
جـو الربيـع بعجـة الصـيـف ينـحـاس =لا جـت هـروج ماتجـي فــي محـلـه

يابارقٍ لاح فالركن اليماني بات نوّه يقود=دن الرعد وأمطرا
سريت آخيله وعيني ساهره يوم الخلايق رقود=والجفن ماغيّرا
وواجد روحي على أيامٍ مضت ياليتها لي تعود=لوكان بالمشترا
أيام زلت مثل قطف الزهر مجناه من كل عود=يوم الشباب أخضرا
واليوم عصر الشباب أقفى وأنا صدرّت عقب الورود=وألي ورد صدرّا

بديوي الوقداني:)

انصحك لاشفت الزمان متحديك = احذر تبيح للمخاليق سدك
تراك لاعلمت غيرك بخافيك = عجزت تلقى فالملا من يودك
لاتشتكي حزنك لمن لايشاكيك = اما يتشمت فيك ولا يكبك
ترى الحرام اللي عن الناس مغنيك = يسوى الحلال الي عليهم يحدك