مشاركتي في حفل ثابت الدفق القحطاني

[معلومات العضو شافي بن راشد النتيفات]

قصيدتي في مناسبة قحطان بطريب تكريم للشيخ ثابت بن علي الدفق العبيدي شيخ ال سلمان عبيدة قحطان



سلام ياروس قحطان اهل الفعول الاوله
اهل الحسب واهل النسب اصل العرب علم ثبات
سلام ياروس تروس الروس ياهل المنزله
قوم كفو قوم وفو بالطيب في كل الجهات
انتو عبيده في الجهل حد المخاوف تنزله
اخصامكم وقت الملاقا ماتبي كون النجات
روس ن صناديد تهز المعتدي وتبهذله
اما انكسر والا غدا جمعه مع الرقه شتات
ياهل السلوم الكايده والجود واهل المرجله
يامكرمين الضيف الى جاكم بحيل مبركات
والجار جيرتكم تنسيه لدياره واهله
فعل المهادي يشهد بماقلتنا في الماضيات
انتو زحول المجد وبكل الفعول مكمله
وانتم ذرا الخايف ليا شاف الليال المظلمات
وانتو على الخلان غيث لا انهمر سال قبله
وانتو على العدوان اشد من الجبال الراسيات
وانتو رجال ن لا انخلق فيها جبان ن تقتله
وانتو رجال ن تدجر اليا فرعو كل البنات
وانتو ترا انتو فيكم الشعر يتباهى مجمله
طبع العبيدي ماعشق غير الفعول المعجزات
اسم العبيدي ماحدن في الوقت هذا يجهله
مثل القمر لامن ظهر بين النجوم المدبحات
ايه العبيدي والعبيدي مارضى بالمهزله
كباركم مقطع حقوق صغاركم دايم ثقات
يامحزم ن لاحطه الخايف حزام ن له دله
ينسى الهموم اللي عليه من الزمن متواصلات
ياهل الوفا ياهل الوفا واقرب وفاكم يفعله
اللي تبنى الحفل ذا تكريم راع الموجبات
في حفل من ياجب علي اجي واشارك محفله
قيل انه اصغر شيخ لكن بالفعل كبر السرات
الشيخ ثابت مثل سيف ن عز منهو ينقله
شيخ مواقيفه تشرف مع فعول بينات
من يعتزي بالدفق في وقت اللقا ما خجله
ذالحين والا يومها بظهور خيل ن مسرجات
الدفق حلال الصعاب ان التوى الحبل افتله
حليم ن اليا جات عنده ماتعود مقفلات
هداج تيما كل من حوله يجيه وينهله
حاتم يمين ماظرت بالغل هيف الغاليات
انا اشهد ان من قدمك في النايبات تجمله
وانا اشهد ان من يستمع شورك كسب للطايلات
والله ثم والله ورب المصحف اللي نزله
انك كفو كفو كفو لن كان جات الصاملات
وانك ليا مال العوج ثنيت له وتعدله
انك على القمة ولاتسحبك منها المغريات
قلته وربعي محتمين الدار سهله وجبله
دواسر ن في نجد عشنا كالجبال الشامخات
عقالنا وكبارنا في ساعة الهوش جهله
مامنهم اللي ينخرش لامن نظرها مقبلات
دخيلنا لاجاه خصمه بالقيود نكبله
ونحدره ونسده اليا اعتلينا العاديات
والجار في ضف الدواسر من نواله مخبله
توسم عصاه ويعتلي من فوق روس النايفات
وبيع اللحم عيب علينا والردى مانقبله
ومسبلين الما من ايام السنين المهلكات
هذا بعض مانفعله والطيب كل يفعله
بين القبايل شارة ن تصيبها يدين ن ثقات



شافي بن راشد النتيفات