التغطية المصورة لحفل الفردية خنوفة لصاحبها ضافي بن برجس المصارير - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـخــــاصـــــة.::: > :: قسم اللقــاءات والفعاليات والتغطيات الخاصة::

إضافة رد
انشر الموضوع
 
أدوات الموضوع انواع عرض الموضوع
قديم 02-03-2014, 04:20 AM   #1
 
إحصائية العضو







مناحي المصارير غير متصل

مناحي المصارير is on a distinguished road


:e-e-5-: التغطية المصورة لحفل الفردية خنوفة لصاحبها ضافي بن برجس المصارير



الحمد لله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين

إخواننا أعضاء وزوّار ومرتادي الموقع الرسمي لقبيلة الدواسر





سلام احلى من حليب المصاغير .= . من هاجسٍ ساق المعاني والافكار
عند ال برجس ماتضيع التعابير .= . ربعٍ لهم في قمة المجد تذكار
أهل الدلال المتعبات المباهير .= . ومجالسٍ تلقى بها الضيف والجار
روسٍ تقدم ماتعرف المعاذير .= . في كل طيب فعلهم سر وجهار
المركز الاول خذوه المغاوير =. . في فردي الظفره قدم كل الابصار
تسابقوا ياربعنا بالتباشير .= . ضافي وسام الفوز جابه ولا احتار
ضافي ضفا صيته بجمع المشاهير .= . مواقفه فالطيب جزلات وكبار
والمدح يزها لاذكرت المصارير .= . لاد الحبيبي شبرهم فوق الاشبار
أهل العشر من ترثة كليب والزير .= . من روس تغلب ماتتقا بالاسوار
وأهل المهار مضيعات التفاكير . =. لاصاح صياح المنايا والاخطار
وأهل الكرم يوم الليالي معاسير =. . ريف الضيوف ومكرمة كل زوار
وجمع الدواسر مرهبين الطوابير .= . تغلب وزايد ماتحسب للاعمار



أقيم يوم السبت الموافق 23 / 4 /1435هـ حفل مناسبة حصول خنوفة على المركز الأول في ( الفردي ) بمزاين الظفرة على التوالي لصاحبها الشيخ / ضافي بن برجس المصارير حيث كان هذا الاحتفال شمال مركز الحيانية ( مليحات )

اليكم هذه التغطية












قدم الحفل الشاعر والاعلامي الأستاذ ضافي بن محمد المصارير




خير ما بدأ به آيات من الذكر الحكيم مع الاستاذ فالح المصارير




كلمة الشيخ محمد بن برجس المصارير الذي رحب فيها بضيوفه الكرام الذي تحملة مشاق السفر من بعيد ومن قريب وشرفو هذا الحفل الذي هو حفل للجميع وفخر للقبيلة عامة فوز خنوفة الدواسر بالمركز الاول في مزاين الظفرة



الشاعر / محمد بن برجس المصارير


يامرحبا ترحيب قدرن وصفطان .= . ترحيبتن تشمل جميع العمومي.
ألذ وأحلى من لبن كل مسمان .= . ومن نفحت الكادي عليها شمومي.
نفرح الى جونا طويلين الايمان =. . نا الفخر لامن نصونا القرومي.
لكم جزيل الشكر منا وعرفان. . =. لبيتو الدعوه بقو العزومي.
الطيب لأهل الطيب منهج وعنوان. =. . والعرف وهبه والمراجل أقسومي.
والرجل قالوا ملحته قلب ولسان. .= . ورايا حكيما لانصته العلومي .
المرجله لها قوانين وأركان. =. . قالوه قبلي مقحمين العزومي.
نطاحت الكايد عطيبين الأكوان =. . . فيهم من اقصى الناس وادنى اللحومي
من يجمع الثلاث من غير نقصان. =. . هذاك مثل الجدي بين النجومي.
ومن ضيع الثنتين ضايع وخسران .= . العلم شاره وافهمه يافهومي.
والرجل لامن صار للعدل ميزان =. . كلا قنع به من جميع الخصومي.
الحق نور وكلمة الحق برهان. =. . والناس كلا له طريق أويمومي .
يالله يالمعبود ياعالي الشان. =.. عنا على درب الهدى يارحومي.
خلقتنا لعبادتك الأنس والجان =. . وشطت بنا دنيا سوات الحلومي.
متاع وقت وكل من فوقها فان. =. . والعمر يقضي بين ليلا ويومي .
أحدا يروح وكنه موجود للان . . =مع النشاما باقيا له رسومي.
لاجاء مجاله يذكرونه بالاحسان. .= . بالدين والا طيبات السلومي .
واحدن ليامن راح ماكنشن كان =. . لاطاح قالوا مثبره مايقومي .
يالله ياللي تجزي الذنب غفران . =. اللي له عباده تحج أوتصومي .
من النار حط لنا ملاذن ومزبان. =. . وزين ملافينا نهار القدومي .
وختام قولي عد ماهل ودان. =. . وماغنت الورقا بروس الرجومي.
صلوا على المبعوث من نسل عدنان.= . . شفيعنا اللي من الذنوب أمعصومي





شيلة مع صوت الدواسر جريم عطينان المصارير




الشاعر فهد بن فنيس الدوسري

تستاهل الفوز والناموس يا ضافي =. . مواقفـك من قديم الوقـت معـروفه
شيـخ بكل المواقـف دايمٍ وافي . =. سيطر على المـركز الاول بخنـوفه
حول على الظفره بزينات الاوصافي .= . وأقسم على اهل التنافس ماحديطوفه
رجـلٍ إلامن حظر بالماقف يشافي =. . والحمل عـيت تراخى عـنّه أكتوفه
يوم إن كل حظر بحشود وأحلافي .= . وكلٍ على الاول تصفّق له اصفوفه
اختار سوداً شناحٍ لونها صافي =. . سوداً تهول العقل والخافق تْلـوفه
سنداً من المقدم وهزعاً من خلافي =. . والمنحر تْقـول بابٍ فـكـت ارفـوفه
فجحاً اليامن وطت بكبارالاخفافي =. . كنها تخباط هرشٍ ينطل أخفوفه
اللحي طافح ومقدم وجهها ضافي . =. واطيمسٍ يشلع العرنون غضروفه
والراس عـودٍ علـيه أذنين وقافي . =. كنها تخايل سحابٍ ترزم قْنوفه
سوداً إلا طبت الميدان مشعافي .= . كنها بشبك التحدي تاخذ بروفه
الرقم الاول لها يالجان الانصافي . . =وكلٍ على الرقم الاول يفرك كْفوفه




الشاعر ظافر بن مناحي البجيري


ياوجودي كل ماهب نسناسٍ عصير .= . يامصفي مشربي لاتكدر مشربي
ياوجودي من زمانٍ علينا مستدير .=. كل يومٍ من معاناه يزداد اتعبي
ياوجودي صرت اسير وانا مانيب اسير =. . لكن اني باقصر الرجل من ماحسبي
ياوجودي احسبني بين بها الدنيا صغير . =. لين عديت اربعين السنه وش عاد ابي
واحسبني رغم سني وزن عقلي كبير .= . لين شفت الشيب بالراس وايضا بشنبي
واحسبني باملك الكون من خوت الامير .= . واثرني من ساير الكون ضمن معزبي
واحسبني بين الاصحاب سيفي بالجفير =. . واثر من حولي يجرد سيوفه لنشبي
لو دريت بنية القوم والوضع الخطير .= . كان دون النفس والجاه ثنيت ركبي
جعل زنداً لان يابو على يصبح كسير= . . عند قوم ماتميز رضايه وغضبي
كل مخلوق معمر ترى عمره قصير =. . مابقى لشعيب عمره ولو انه نبي
مالك الا ماكتب لك ولو انك تطير .= . القرين يسار يكتب والايمين يكتبي
كل ماسويت محفوظ لليوم الاخير =. . وانت ماتدري كثير احسان ولامذنبي
يا إله ياكريم بوجهة نستجير =. . في نهارً فيه لابر لأم ولا ابي
شاخصات ابصارنا لاغني ولافقير . =. وين راحت كبريانا وين المنصبي
والحياة دروس ومن لايشير ويستشير .= . غافي في وقتنا اللي سبا حالي سبي
كل مارفع عالي الصوت كني جوف بير =. . القريب ماسمعني ويسمع الاجنبي
عالمن ماعاد نعرف ضرير من بصير .= . وان حكمنا بالمظاهر عكسنا المغتبي
دام هاذي نظرة الناس والمطلوب غير =. . اتمنى دقت الوصف عند الاكلبي
لجل اعبر عن ضميرٍ يبي زود اتعبير . =. للعمر فرصة واليا فاته ماتنتبي
عن صداقة بعض الصحاب ودي استخير =. . كل ماكسب لي صداقة بلشت بمكسبي
يامحمد لاتسوي مع العربان خير . =. تبتلش في طيبة القلب وترشح غبي
والمثل بيقول مايوخذ عقب النذير =. . ياولد بداح بين العرب غير صلبي
في زمانٍ يابن بداح معدوم الضمير= . عايشٍ في قمة المجد ماكنه وبي
بس يملك له تجارة يصير اللي يصير =.. اطلق الاشناب تلقاه تحت امره صبي
قلت الغيرة عن الدين وين اللي يغي= . . وكل رجل مامعه غيرت الدين يهبي
الله انه لايسامح سميرة مع سمير= .. كل ماذكر قصة اسمير تنهار عصبي
ويش عذره لاجتمعنا بيومٍ قمطرير=. . فيه اشوف حساب نفسي ولا اشوف نسبي
والنهاية جنة الخلد ولازمهري =. . مستوينٍ في نسبنا عجمي وأعربي




الشاعر / خزيم بن فهد بن علي القحطاني


هات القلم وأكتب على بيض الأوراق .= . وخل الفروخ البيض يفرح قلمها
مثايلٍ يطرب لها كل ذواق .= . ونوادرٍ ماتنتقدر قيمها
هذا وأنا للقاف رايق ومشتاق .= . وهجوس قلبي نايهاتً هممها
سلام مني عد ما لاح براق =. . تسليمةً مثل العسل في طعمها
ياللي على العليا سريعين وسباق .= . ويزود مع وزد الليالي كرمها
وآحض منهو جامعٍ علم وأخلاق .= . والسنة الغراء بحزم التزمها
للخير مفتاح وللشر مغلاق . =. ومكارم الأخلاق يرفع علمها
هذا أبو برجس لاحمق كل حماق . =. لامنها كبرت وجاها حسمها
وإن جوله الضيفان مع كل مخناق .= . هداج تيماء هادراتٍ جمعها
وربعه على العليا سريعين وسباق =. . ويزود مع زود الليالي كرمها
كل ابلجً في مرقب المرجله واق .= . حتى تربع فوق عالي هرمها
شقر الحرار اللي تولم للإطلاق .= . اللي تتل سبوقها من عدمها

كما قال

سلام يأهل الجود والعز والطيب .= . اللي مواقفهم معزه وشيمه
أنتم هل الوقفات وأهل المواجيب= . . دواسرً ماهي بترضى الهزيمه
أهل الوفاء وأهل الكرم والتراحيب .= . وفرسان لامنه غشى الجو غيمه
والفوز عادتكم بلاشكه وريب .= . لأنكم هل الإبل من عصورً قديمه
مبروك ياظافي وتستاهل الجيب =. . معودٍ نفسك لطسب الغنيمه




الشاعر محمد بن الشرع العمور

يا الله يامنشي المزون المزابير . =. وتسير بأمرك للقيافي والأقطار
تهلها من فوق روس المناعير =. . في كل وادٍ حل به قومٍ اخيار
وبل يسوق الخير مابه مخاسير .= . تحيا به القيعان والروض مخضار
جتنا من الوافين دعوة وتقدير .= . وجينا نلبي ما سعينا فالاعذار
من شعب تمرة ساقنا للمصارير =حميةٍ نجهر بها قدم الانظار
نحمل تحايا الشعب فالقاف تصوير .= . شعب العمور الي لهم صيت واذكار
عقبه سلامي للوجيه المسافير =. . في حفلةٍ تجمع هل الطيب والكار
سلام احلى من حليب المصاغير .= . من هاجسٍ ساق المعاني والافكار
عند ال برجس ماتضيع التعابير .= . ربعٍ لهم في قمة المجد تذكار
أهل الدلال المتعبات المباهير .= . ومجالسٍ تلقى بها الضيف والجار
روسٍ تقدم ماتعرف المعاذير .= . في كل طيب فعلهم سر وجهار
المركز الاول خذوه المغاوير =. . في فردي الظفره قدم كل الابصار
تسابقوا ياربعنا بالتباشير .= . ضافي وسام الفوز جابه ولا احتار
ضافي ضفا صيته بجمع المشاهير .= . مواقفه فالطيب جزلات وكبار
والمدح يزها لاذكرت المصارير .= . لاد الحبيبي شبرهم فوق الاشبار
أهل العشر من ترثة كليب والزير .= . من روس تغلب ماتتقا بالاسوار
وأهل المهار مضيعات التفاكير . =. لاصاح صياح المنايا والاخطار
وأهل الكرم يوم الليالي معاسير =. . ريف الضيوف ومكرمة كل زوار
وجمع الدواسر مرهبين الطوابير .= . تغلب وزايد ماتحسب للاعمار
حامينها بسيوف هندٍ بواتير .= . والوسم من فوق العصا يمن الجار
وصلاة ربي عد وبل الشخاتير =. . على النبي الي تقدم بالابرار



الشاعر نايف بن مسرع

هواجيسي نوادرك صفيها .= . ولامن طلبت اخيارها هاتيها
واياك ثم اياك غير الجزله .= . ترى الهزيله حالف(ن) ما أهديها
ابغى كلام (ن) مايمله سامع =. . قصيدة(ن)يفخر بها ملقيها
ويطرب لها اللي لنوادر عاشق . =. واهل المعرفة لازم(ن) توحيها
قصيدة(ن) ماوجهت لتاجر .= . ولارجيته حاجتي يقضيها
ولانيب اوجهها لراعي منصب .= . من شان كسب ارضاه في تاليها
ارفع قصيدي واحشمع واعزه .= . عن مدح ناسن كان فيها فيها
نخيت هاجوس القصيد وجاني . =. وجهزتنا له دلة (ن) مركيها
جلست انا واياه جلسة عاشق .= . اللي نديمه مهرتن يغليها
وسريت ليل الشعر لين اصبحنا =. . وهواجسي عرفت وش حاديها
ناديتنا لعيال جدي زايد .= . اللي حوت الامجاد فعل ايديها
اهل الفخر والمجد واهل الشيخه .= . لازعزع الملطوم جا واديها
وناديتنا لاهل المفاخر تغلب .= . اهل الظفر والعز من ماضيها
واهل الكرم واهل الجناب الطيب =. . واهل الفعول اللي دعا داعيها
دواسر(ن) وافعالنا مكتوبه .= . في صفحة التاريخ ياقاريها
دواسر(ن) وحدودنا معروفه . =. والسيف دون احدودها حاميها
دواسر(ن) وارض الغناه اديارنا =. . ياما نواها طامع ن يبغيها
يهيم فيها طامع ن في خيرها . =. ولامن لقانا تاب من طاريها
دواسر(ن) وقفاتهم مشهوده =. . دون الدخيل الي لفا ناصيها
ياما انطحو دونه شيوخ ودوله . =. وقايعن ماشك في راويها
نجلب نفوس العز دون وجيهنا .= . ونبيعها لامن حضر شاريها
دواسرن لضيف يرخص مالنا .= . وذبح السمينه عادتن نصخيها
وجيراننا تبطي وهي تذكرنا . =. بسلومنا اللي محدن يعطيها
ناسم عصا الجيران وسم(ن) بين .= . ويصير ضيف الدار هو راعيها
مع هل الطالات ناخذ حقنا .= . واهل الحقوق احقوقنا نديها
ذكرت نقطه من محيط امجادنا .= . من شان أذكر واحدن ناسيها
وطويق ثابت والرياح اتهوزه .= . والفرقدين بعيد ياناويها
الزايدي والتغلبي في الماضي =. . صفحة شرف بارواحنا نفديها
والزايدي والتغلبي في الحاظر =. . صوارم(ن) تاريخها يكفيها
الزايدي والتغلبي حضاره .= . سادت وقو اعزومها مرسيها
العز جاهم كابر(ن) من كابر . =. ملاحم(ن) تبطي العدا تطريها
وباقي القبايل حقهم بالوافي . =. اهل الفعول فعولها تنبيها
محدن يحوش الطيب له بلحاله= . . اهل المكارم حقها نعطيها
هذي بيوت(ن) قلتها من هاجس =. . سريت به مع ليلة (ن) ساريها
ابي يقال الله يبيض وجهه .= . من سامع (ن) لاقال من راعيها
خمسين بيت (ن) قالها ابن مسرع =. . وعلى الرجال الطايله مهديها
فيا الله عساها في نظركم جزله .= . لأني ما ابيع الهينه وأشريها



______________________________________

جمع من الحضور الكريم من اعيان وشيوخ ووجهاء القبائل
































































































































































































































































___________________________________________


تسليم الدروع التذكارية للمشاركين في المهرجانات لمزيان الابل وللمشاركين بهذا الحفل








































































































________________________________________________

عرض ومسيرة خنوفة




































































































نتمنا ان نكون وفقنا بتغطية تحوز على رضى الجميع

 

 

 

 

 

 

التوقيع

أتشرف بمتابعتكم على تويتر

menahi_1@

    

رد مع اقتباس
قديم 02-03-2014, 05:16 PM   #2
 
إحصائية العضو








فهد الغريري غير متصل

فهد الغريري is a jewel in the roughفهد الغريري is a jewel in the roughفهد الغريري is a jewel in the rough


افتراضي رد: التغطية المصورة لحفل الفردية خنوفة لصاحبها ضافي بن برجس المصارير

بالبداية تتقدم بخالص الشكر والعرفان لضافي بن برجس المصارير على الإحتفاليّة وإن هذا ليس بمستغرب عليه أبداً والشكر على حسن التنظيم والترتيب المسبق المعدّ لهذه الإحتفاليّة المتميزه


والشكر موصول لــــ للجنة المنظمة

علي هذا الاحتفال المبارك


وشكر خاص للاخ للإعلامي صاحب الجهود الكبيره


مناحي جار الله المصارير


ودامت ايامكم عامرة بالمسرات

 

 

 

 

 

 

التوقيع

    

رد مع اقتباس
قديم 03-03-2014, 01:07 PM   #3
 
إحصائية العضو







راشد المسعري غير متصل

راشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud of


افتراضي رد: التغطية المصورة لحفل الفردية خنوفة لصاحبها ضافي بن برجس المصارير

كفو يالاد الحبيبي ومبروك الفوز والناموس للآل برجس المصارير
وعاداتهم الفوز عسى عمارهم طوال
لاهنت يابو راشد على الترتيب المميز
تقبل ودي وتقديري ،،،

 

 

 

 

    

رد مع اقتباس
قديم 09-03-2014, 09:17 AM   #4
 
إحصائية العضو







نآصر البدراني غير متصل

نآصر البدراني is on a distinguished road


افتراضي رد: التغطية المصورة لحفل الفردية خنوفة لصاحبها ضافي بن برجس المصارير



نبارك للشيخ / ضافي بن برجس المصارير وللدواسر كافة على الناموس


بيض الله وجهه على الحفل جعل راسه يبطي حي


لاهنت يا مناحي على التغطيه الواااافيه والمميزه ..

 

 

 

 

 

 

التوقيع




استغفر الله لي ولوالدي وللمسلمين والمسلمات


المؤمنين والمؤمنات الأحياء منهم والأموات


    

رد مع اقتباس
إضافة رد


الذين يشاهدون محتوى الموضوع الآن : 3 ( الأعضاء 0 والزوار 3)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
التغطية المصورة لحفل عشاء الشيخ محمد بن محيا بن عنان المصارير لشاعر صالح بن محمد آل شملان الحقباني الإداره :: قسم اللقــاءات والفعاليات والتغطيات الخاصة:: 2 21-11-2013 10:43 AM
التغطية المصورة للأمسية الشعرية بمنزل المنشد جريم المصارير شافي بن راشد النتيفات :: قسم اللقــاءات والفعاليات والتغطيات الخاصة:: 3 21-01-2013 11:45 AM
التغطية المصوره لحفل الشيخ بندر بن مدوس المصارير بمناسبة تعيين الشيخ زامل بن مناحي المصارير رئيس خويا بامارة الرياض الإداره :: قسم اللقــاءات والفعاليات والتغطيات الخاصة:: 12 11-04-2012 06:32 PM
التغطية المصور لحفل الشيخ فيصل بن فصلاء المصارير بمناسبة فوزه بالانتخبات البلدية وزواج ابنه فهد بن فصلاء الإداره :: قسم اللقــاءات والفعاليات والتغطيات الخاصة:: 7 30-10-2011 09:45 PM
التغطية المصوّرة (الحصريّة) لحفل قبيلة الرقاعين المصارير تكريماً لشيخ على بن صالح أبو ليله شيخ قبيلة الغفران آل مرة وجماعته الإداره :: قسم اللقــاءات والفعاليات والتغطيات الخاصة:: 31 05-07-2010 10:48 PM

 


الساعة الآن 05:13 PM


Powered by vBulletin® Copyright ©2000 - 2024, Jelsoft Enterprises Ltd.
---