يا مدور الراحه عسى سنينك طوال ... وين انت غادي عن دروب الصحابه؟ - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم الـشعر العــام ::

إضافة رد
انشر الموضوع
 
أدوات الموضوع انواع عرض الموضوع
قديم 09-01-2013, 06:43 AM   #1
 
إحصائية العضو







كويت الخير غير متصل

كويت الخير will become famous soon enoughكويت الخير will become famous soon enough


افتراضي يا مدور الراحه عسى سنينك طوال ... وين انت غادي عن دروب الصحابه؟

الناس تسأل بعضها كيف الاحوال
تسأل وهي اصلآ تعرف الإجابه

الناس تسأل تحسب ان بينها حبال
لكنها الدعوى كلام وذرابه

دنيا يشاركنا بها ألوان واشكال
فيها الرجل قيمته ، كم في حسابه ! ؟

عندك ريال إعرف ترا قدرك ريال
ولايهمك صوت عوي الذيابه

والناس غصب تحب من يملك المال
لو كان طول العام مقفول بابه

لامن دخل بالمجلس اهتز من جال
لو كان ما يملك صفات النجابه

دنيا نعم دنيا ويا كثر الازوال
فيها الردى والطيب تالي تشابه

ما عاد يحشم عم فيها ولا خال
كل ٍ على يمـِـه يشدد ركابه

الرجل فيها ما يتعـّـنز على عيال
يا عوين من حط الرجاء بالقرابه

حط الذهب بالشمس واقعد بالأظلال
حطه لعينك لو يتعـّب ذهابه

وانا صغير السن فيها لي آمال
لكن اشوف الوقت ركـّـز حرابه

بعض البشر تكسبه لاصرت عـذّال
والبعض يزعل من مجرد عتابه

(( ما كل رجال " يبدل برجال ))
لوه تشبه به ويلبس ثيابه

كم رجل في رجله من الحرمه عقال
وكم رجل له حرمه تسنع زهابه

الرجل سيف ٍ تصقله بنت الابطال
وكم سيف مسلول " دخل في جرابه

في عيني اشوف البشر داخل إقتال
وكل عن الاخر يخفـّـي صوابه

لاتغـّـرك دموع العرب فوق الاطلال
من بينهم لا عشت كنك بغابه

ما شفت فيهم واحد" صافي البال
ولا لقيت المهتني في شبابه

سعادة الدنيا تجي بعين الاطفال
اكبر هموم الطفل لاشفت , مابه

تدري السعاده ليه يا رجل الاعمال
مافكروا في ناطحات السحابه

ويا مدّور الراحه عسا اسنينك طوال
وين انت غادي عن دروب الصحابه

إنعيش ما كن الله بيوفْ الآجال
ما كنها الايام تنِـهب نهابه

دار الشقاء الدنيا , تعب , هم , غربال
ودار البقا الاخر وفيه الرحابه
الموت شرع الله ولا دونه إمهال

الموت سهم ٍ لانوى الشخص صابه

الموت ما ينفع به اقفاي واقبال
ياخذ غريمه لو زبن عند لابه

يقوله ابن قريش لا قيل من قال
اسمي ويحفظ لي حقوق الكتابه

لـ محمد بن قريش القحطاني

 

 

 

 

 

 

التوقيع

اللهم ياحي يا قيوم لا تأخذني من هذه الدنيا إلا و أنت راضٍ
عني اللهم اني اسألك الفردوس الأعلى ولقاء وجهك الكريم
واجعل القرآن شافعاً لنا لا علينا اللهم آمين

    

رد مع اقتباس
قديم 09-01-2013, 02:14 PM   #2
 
إحصائية العضو








بنت الذيب غير متصل

وسام الدواسر البرونزي: للأعضاء المميزين والنشيطين - السبب: التميز والنشاطوسام الدواسر الذهبي: للأعضاء المميزين والنشيطين - السبب: شكر وتقديروسام الخيمة الرمضانية 1430هـ الذهبي لصاحب المركز ا: الوسام الذهبي لصاحب المركز الأول بالأفضلية - السبب:
: 3

بنت الذيب has a reputation beyond reputeبنت الذيب has a reputation beyond reputeبنت الذيب has a reputation beyond reputeبنت الذيب has a reputation beyond reputeبنت الذيب has a reputation beyond reputeبنت الذيب has a reputation beyond reputeبنت الذيب has a reputation beyond reputeبنت الذيب has a reputation beyond reputeبنت الذيب has a reputation beyond reputeبنت الذيب has a reputation beyond reputeبنت الذيب has a reputation beyond repute


افتراضي رد: يا مدور الراحه عسى سنينك طوال ... وين انت غادي عن دروب الصحابه؟

ما عاد يحشم عم فيها ولا خال
كل ٍ على يمـِـه يشدد ركابه

^
هالبيت ذكرني بالبيت اللي يقول: كلن يهيل النار صوب قرصه


يعطيج العافيه يابنت كويت الخير على اختيارج لهالقصيده المميزه

شكري وتقديري

 

 

 

 

 

 

التوقيع


    

رد مع اقتباس
قديم 09-01-2013, 02:21 PM   #3
 
إحصائية العضو







كويت الخير غير متصل

كويت الخير will become famous soon enoughكويت الخير will become famous soon enough


افتراضي رد: يا مدور الراحه عسى سنينك طوال ... وين انت غادي عن دروب الصحابه؟

اقتباس:
المشاركة الأصلية كتبت بواسطة بنت الذيب مشاهدة المشاركة
ما عاد يحشم عم فيها ولا خال
كل ٍ على يمـِـه يشدد ركابه

^
هالبيت ذكرني بالبيت اللي يقول: كلن يهيل النار صوب قرصه


يعطيج العافيه يابنت كويت الخير على اختيارج لهالقصيده المميزه

شكري وتقديري
ياحبيبتي خليها على الله
والله يعافيج يابنت الذيب مرورج الأميز
وانا اشكرج على التقييم

 

 

 

 

 

 

التوقيع

اللهم ياحي يا قيوم لا تأخذني من هذه الدنيا إلا و أنت راضٍ
عني اللهم اني اسألك الفردوس الأعلى ولقاء وجهك الكريم
واجعل القرآن شافعاً لنا لا علينا اللهم آمين

    

رد مع اقتباس
قديم 13-01-2013, 11:27 AM   #5
 
إحصائية العضو







راشد المسعري غير متصل

راشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud of


افتراضي رد: يا مدور الراحه عسى سنينك طوال ... وين انت غادي عن دروب الصحابه؟

صح لسان الشاعر بن قريش القحطاني

وسلمتي على النقل المميز ،،،

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 02:32 PM


Powered by vBulletin® Copyright ©2000 - 2024, Jelsoft Enterprises Ltd.
---