نامي جعل يومي قبل يومك بيوم

**معلومات** **العضو** · 28-06-2010, 07:54 PM

وشلون أنام وكيف بيجينـي النـوم=وأنا لصوتك يامنى الـروح ضامـي
نمتي وصار الليل ونجومـه خصـوم=لاتشغلـي بالـك بهمـي ونـامـي
نامي وخلي لي جفن غـارق همـوم=يكفيني أسهر لك ياكـل إهتمامـي
البارحة صارت بعد نومـك علـوم=لعبت أنا والشوق شرطي وحرامـي
أقوم وأجلس وإن جلست أرجع أقوم=والله مـو منـي ذبحنـي هيـامـي
طيفك قبالي جالس يـدور ويحـوم=حاولت أضمه ما أسعفتنـي عظامـي
من يوم شفتك وألمح الخصر مبـروم=طاحت بي عـزوم وتغيـر نظامـي
كلي على بعضي تغيـرت .. معلـوم=ثقافتي .. شكلي .. قصيدي .. كلامي
يا إني قبل ألقاك مـن جـد محـروم=ليتي عرفتك قبـل ساعـة فطامـي
كل الصبايا كوم بس ضحكتك كوم=فديت روحـك ياهـواي وغرامـي
على العمـوم الله يهنيـك بالنـوم=خلي السهر لعيـون خلـك ونامـي
نامي جعل يومي قبل يومـك بيـوم=وأنا بواصـل ليـن أروح لدوامـي

**معلومات** **العضو** · 29-06-2010, 02:18 AM

بيض الله وجهك يافهد

على النقل الرائع والمميز

اعجبتني كثير تقبل مروري المتواضع

**معلومات** **العضو** · 29-06-2010, 03:23 PM

شافي

المميز هو مرورك بموضوعي

تحيااااااااتي لك

**معلومات** **العضو** · 29-06-2010, 05:03 PM


	ابو فهد .... اقف عند الابداع يوم تقول نامي جعل يومي قبل يومك ابيوم ونا بواصل لين اروح لدوامي تسعى لراحتها وتنسى راحت نفسك هذا هو الحب العميق النابع منك في هذه القصيده متحف يبو فهد ..... رائع لك كل الود وتقبل مروري