ياااااابــــــــــحـــــــــــــــــر

**معلومات** **العضو** · 07-05-2010, 10:35 PM

يابحر انا جيتك من اقصاي برضاي=حيثك تقدر ظرف من جاك عانـي
جيتك افضفض واشتكي جور دنياي=وارمي على جالك جروح الزمانـي
جرح(ن)تمكن ساكن(ن)في حناياي=وضاقت على شيل الجروح المحانـي
ارتاح في قربك ولو مابـك دواي=وآجـدد ظنـون الامـل والامانـي
جالس وخلق الله ذا رايح وذا وجاي=كل(ن)مع خله وانـا فـي مكانـي
الحزن كلـه مرتسـم فـي محيـاي=من شاف وجهـي بالملامـح قرانـي
اضحك واجامل للعرب واجحد بكاي=وآصد لاشفـت الدمـوع اتحدانـي
لين انتبه لحكاي من يسمع حكـاي=تخنقنـي العبـره ويثقـل لسـانـي
من شاف حالي قال لي ويش دعواي=عزاه مايـدري وش اللـي وطانـي
حدتني ظروفي على غيـر مشهـاي=مدري علام الوقـت قـام يحدانـي
اقفلا بخل(ن)بالغـلا يسكـن حشـاي=من اول(ن)عندي واشوفه وزانـي
واليوم انادي له ولا جاوب دعـاي=هـذي مراسيلـه عليهـا البيانـي
ادوج لكـن مانفعـنـي تمـشـاي=لعلي انسـى الهـم ويعـود ثانـي
يابحر شفني جيت كلي من اقصـاي=حيثك تقدر ظرف من جاك عانـي
ارتاح في قربك ولو مابـك ادواي=لانك الوحيد اللـي مجيـه يهنانـي