(( الطيب ينسب له وهو ينتمي له )) اهداء لـ محمد بن مطحس المسعري الدوسري

[معلومات العضو رشيد الكسر]

السلام عليكم ورحمة الله وبركاته

اسعد الله جميع اوقافتكم بكل خير ومسره ، اتشرف بتسجيلي في هذا المنتدى الشامخ

وهذه المتواضعه اهداء للنقيب / محمد بن مطحس المسعري الدوسري

انـداش بالـي للمثايـل وغنيـت =وآخذ جزيل القاف واتـرك هزيلـه
الشعر في مدح الرجـال النعاتيـت =ينساق قافـه مايبـي لـه وسيلـه
وابو فهد من روس قومٍ لهم صـيت =الطيب ينسب له وهو ينتمـي لـه
دواسرٍ يوم اشهب الـلال يابخيـت =يروون سلات السيـوف الصقيلـه
بيومٍ مثـل يـوم الدفينـه وحليـت =كـم راس شيـخٍ نزلـوه بشليلـه
وسم العصا ينبيك عنهم ليا اخطيت =دخيلهـم محـدٍ يفـكـر يجيـلـه
واهل الشحم والعود الازرق ليا جيت =اهل الصفـات النـادرات الجميلـه
حييـت ياقـرم الرياجيـل حييـت =تستاهل اللي فـوق متنـك تشيلـه
تمت وصلـوا عـد ماولّـع الليـت =واعـداد ماغنـى الحمـام بهديلـه
على شفيع الخلق صفوة هل البيـت =نبينـا الهـادي لنشـر الفضيـلـه

وسلامتكم

رشيد بن شعيفان الكسر العتيبي

 

 

 

 

[معلومات العضو شافي بن راشد النتيفات]

صح لسانك يالعتيبي ويستاهل الممدوح ولاعليكم زود يالهيلا ذباحة الحايل لطامة العايل من غير قصور في القبايل واقول الله يحييك والمحل محلك

 

 

 

 

[معلومات العضو رشيد الكسر]

المشاركة الأصلية كتبت بواسطة شافي بن راشد النتيفات

شافي النتيفات

الله يبقيك طال عمرك واقل مانقول فيكم ياخطلان الايدي .

صح بدنك ولاهنت على مرورك المشرف

جل تقديري واحترامي