العودة   ::: مـنتدى قبيلـة الـدواسـر الـرسمي ::: > :::. الأقســــام الـتـاريـخـيـــة .::: > :: قسم أمـراء وفـرسان وأعـلام الـدواسـر::

إضافة رد
انشر الموضوع
 
أدوات الموضوع انواع عرض الموضوع
قديم 22-04-2005, 02:39 AM   #1
 
إحصائية العضو








العماني غير متصل

العماني is on a distinguished road


افتراضي هذال بن وقيان الشكره ((كريم سبلا))



هو الشيخ هذال بن وقيان البرده الشكري الدوسري ، امير الحمر من قرى الافلاج



شهادة الملك عبدالعزيز بأنه اكرم منه وتسميته كريم سبلا


كان الملك عبدالعزيز رحمه الله مجتمع مع أمير القبايل جميعهم في حي السقاف في مكة المكرمه وكان من ضمن الحضور هذال أبن وقيان

فقال الملك طيب الله ثراه

(من هو أكرم مني يالربع)

فكان ردهم بأن ليس أكرم منك أحد يابن سعود


فقال الملك عبدالعزيز : بلى
هذال ابن وقيان هو اللي أكرم مني هو كريم سبلا

فاصبح لقبه كريم سبلا



ويقال انه لمدة أربعين سنه لم تطفئ ضوه (ناره) لحظةٍ واحده من كثرة الضيفان عليه ولله الحمد لازالو مارثته على نهجه


من قصصه

عندما أخذت أبل المساعره من قبيلة آل مره وكان عقيدهم أبو ليلى وكان فرسان المساعرع غايبين عنها حيث كانوا في غزوا.

وعندما قربو ا آل مره من (برك) علم هذال بن وقيان بأن أبو ليلى أخذ ابل المساعره وهو يعلم بأن ليس معها أحد من المساعره.


فاجهز العدةلملاقاته في (برك) ولما تواجهوا الجمعين أطلق كلمته المشهوره هذال ابن وقيان

( خلـــــــــــــــو درب للذليــــــــــــــل)؟


وأستطاع أن يرد ابل المساعره



ومن قصصه ايضا :



أن كان فيه شخص يدعى بجاد كريم من قبيلة عتيبه
وكان يطلق عليه بحاتم نسبةٍ لكرم حاتم الطائي من شدة كرمه
فلما أستضافه جماعه من قبيلته في محله قام بواجبهم على أكمل وجهوقالوا يابجاد انت كريم وسمعتك معروفه لكن فيه من هو أكرم منك فقال من يدعى هذا
قالو: راعي ال حمر
فقال ليس اكرم مني الا حاتم ولو ظهرت في وقته لن يصبح أشهر مني.
وسار الحديث بينهم فشتاق بجاد لي يرى كرم هذال فسار هو وجماعته على مية ركبي ولما وصلوا ال حمر واجهوا الترحيب والواجب وبعد ثلاثة أيام من الضيافه لدى هذال وجماعته اهل ال حمر ( الشكره) وضع التمر والخيرات على مطايا ( عتيبه) تقديرٍ لهم لكي يذهبون بها وهو لايعلم عن ماجرى بينهم وبعدها ارسل بجاد العتيبي (حاتم) قصيده يمدح هذال ابن وقيان فيها ويعترف بأنه أكرم منه وأنها كانت مجرد معرفة مدى كرمه.


ولكن للأسف لم أجد القصيده


وهذه سالفة من الأخ الحر


((واذكر سالفتين لابن وقيان (كلها سامعها من شيباني)


السالفه الاوله ان ابن وقيان وربعه من الشكره وخلطهم من باقي الدواسر غازين وكان جد ابوي مسافر ومر على ديرتهم ولايدري انهم غازين

جدي مسعري وقال بيسلم على بني عمه ويبيت عندهم ويسرح اليوم الثاني ويوم جا قلطوه العرب وعلموه بان ابن وقيان غازي وبيعود قريب

وجلس يتقهوى وماخذا الا يوم صاح الصياح البل غارو عليها حنشل (والله اني ناسي من اي قبيله)

وماكان في الديره الا القليل لان اكثرهم مع الغزو

بنت ابن وقيان او اخته راحت مع الابل واذا قالو لها اللي خذو البل ارجعي يامره قالت البل لها اهل بيردونها وتعيي ترجع (وكان عيب عند العرب انهم يذبحون او يتعرضون النسوان)

جدي بلحاله مامعه احد لا من جماعته المساعره ولا من غيرهم

قفا جدي الحنشل حتى اظلم الليل والبنت مع ابل اهلها وتقول لها من يردها

ويوم اظلم الليل نطحهم جدي مع مضيق وقام يرمي ويتعزوى(خيال صخاف الشول انا ابن مسعر) وهذي عزوة المساعره

يوم سمعوه القوم قالو لبعضهم سلمنا من ابن وقيان وطحنا في المساعره

يظنون ان اللي نطحهم كلبو المساعره لكثرة الرمي والعزاوي وكان جدي الله يرحمه

متقي ويشوفهم وكل شوي يذبح واحد منهم من جهه ويروح للجهه الثانيه ويذبح غيره

وانحاشو القوم ويوم رد البل وينطحونه الناس وكلن يقول انا اللي رديتها لانهم في ليل

جا ابن وقيان وكلن يقول انا اللي رديت البل قال ابن وقيان ذا الحين بندري من اللي ردها

صب الفنجال ياصبي وتعالي يا فلانه ميد بنته او اخته من نسوق الفنجال له قالت سقه للمسعري

ولا لجدي فضل ولامن.. الشكره بني عمه

السالفه الثانيه

يقولون فيه شيخ من شيوخ شمر كريم واسمه هذال قال تعرفون احد اكرم مني قالو لا

قال واحد منهم انا اعرف اكرم منك قال منهو قال سميك هذال ابن وقيان الدوسري

قال الشيخ الشمري انا بسير على سميي الدوسري واعرف من اكرم انا ولا هو

يوم جاه الشمري واخوياه فرق الدوسري على الشمري بشي واحد انه قدم التمر لخيول الشمامره

يوم عشاهم قال الشمري هذي السالفه وانت طلعت اكرم مني لانك سبقتني باكرام الخيل وهذي فاتتني

وسلامتكم

وسامحوني على الاطاله

.....الحـــــر..))



وسوف أوافيكم بالجديد أنشاءالله

وهذه قصيدة عبدالله بن بلال القحطاني يمدح الشيخ هذال بن وقيان الشكري
راعي الحمر قد جاوره فشكر جواره.

وقال عبدالله:
كريم يابرق حـدر يمـة الشـرق=اخايله ليـن اول الصبـح بانـي
يادار(( هذال ))لهـا لايـح البـرق=عساه يسقيها حقـوق الغشانـي
عطيته لامن عطي يعطي الفـرق=ماهوب من يرتـد فيهـا مثانـي
حر علي حر ومجناه مـن غـرق=ماهو من اللي ماكـره مشبهانـي
ياباني بيته علي مفـرق الطـرق=وياما خذن ضيف الحمر بالضماني

شكر وتقدير للأخ منذر ابن رشود الشكره وتركي الودعاني والحر على المعلومات

واللي عنده اضافات في الموضوع او تصحيح فليتفضل

 

 

 

 

    

رد مع اقتباس
قديم 22-04-2005, 03:36 AM   #3
 
إحصائية العضو








حمد الودعاني غير متصل

حمد الودعاني is on a distinguished road


افتراضي

بيض الله وجهك يالعماني

والله يعطيك العافية والله لايحرمنا منك

مواضيعك فى قمة الروعة ولاهنت يالغالي.

 

 

 

 

 

 

التوقيع

[poem font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=1 line=0 align=center use=ex num="0,black"]
لابتـي زايـد الملطـوم منشاهـا=
ممنـة جارهامـن كـل عدوانـي
ترتفع روسنـا لامـن ذكرناهـا=
ذا كلامي ونا مـن لاد ودعانـي
لاد ودعان راس الرجـم مرقاهـا=
كاسبين المراجل سـر وعلانـي [/poem]

    

رد مع اقتباس
قديم 22-04-2005, 10:13 AM   #4
 
إحصائية العضو







عبدالله الشكري غير متصل

عبدالله الشكري is on a distinguished road


افتراضي

لاهنت يالعماني على الموضوع
وهذال بن وقيان الشكري((راعي ال حمر)) غني عن التعريف
وكان مشهورا بكرامته وشجاعته


وبيض الله وجهك يالعماني


اخوك
عبدالله الشكري

 

 

 

 

    

رد مع اقتباس
قديم 22-04-2005, 05:04 PM   #6
 
إحصائية العضو







الـخـيـيـلـي غير متصل

الـخـيـيـلـي is on a distinguished road


افتراضي

لا هنت يالعماني على الموضوع

وهذال بن وقيان كريم .. والله اكرم منه ويكفي انه لقبه ابن سعود بـ (( كريم سبلا ))

وياليت تحصلون لنا ابيات حاتم عتيبه في كريم سبلا بن وقيان

تحياتي

 

 

 

 

 

 

التوقيع

[poem font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
حنا تغالبه نسقي الضد من كـاس=كاس الندم والخوف كاس الغشيلـه

ولا كبرت القاله وضاقن الانفـاس=عيال زايد لنا ضلع بعيـد ٍ مسيلـه

وإنا وهم في الدوسريه لنا سـاس=دواسـر يـا نـاس نعـم القبيلـه

دواسر في الضيم وقت التعومـاس=وقت الحروب الطاحنات الطويلـه [/poem]

    

رد مع اقتباس
قديم 22-04-2005, 06:30 PM   #7
 
إحصائية العضو







ناجي الشكري غير متصل

ناجي الشكري is on a distinguished road


افتراضي

السلام عليكم ورحمة الله وبركات

بيض الله وجهك وعساك على القوه وانت الجندي المجهول في الموقع والباقين

مافيهم قصور



والله يوفقك ويحفظك في رحلتك

 

 

 

 

    

رد مع اقتباس
قديم 28-04-2005, 11:28 AM   #8
 
إحصائية العضو








العماني غير متصل

العماني is on a distinguished road


افتراضي

حياكم الله جميع ولاهنتوا على الردود الطيبه

تقبلوا تحياتي،،

 

 

 

 

    

رد مع اقتباس
قديم 28-04-2005, 01:02 PM   #9
 
إحصائية العضو







بن فرجان الدوسري غير متصل

بن فرجان الدوسري is on a distinguished road


افتراضي

لاهنت يا ابومبارك على هذا الموضوع

وأقول لك كما قال الشاعر

أنا اخبرك رجل موقف ........ وانتا قدها وقدود

.:أخوك:.
بن فرجان

 

 

 

 

    

رد مع اقتباس
قديم 28-04-2005, 09:01 PM   #10
 
إحصائية العضو







الشكري غير متصل

الشكري is on a distinguished road


افتراضي

اقتباس:
المشاركة الأصلية كتبت بواسطة بن فرجان الدوسري
لاهنت يا ابومبارك على هذا الموضوع

وأقول لك كما قال الشاعر

أنا اخبرك رجل موقف ........ وانتا قدها وقدود

.:أخوك:.
بن فرجان


بيض الله وجيهكم يا الربع

وعساكم على القوه

 

 

 

 

 

 

التوقيع


آلاد شكر هم اكعام المعاديني= صوارم في اللقا تروي شلافيها
ذباحة الحيل يوم الزمن شيني= مهوب يوم العرب فاضت مخابيها
يفرح بهم هاشل ذاق الامريني = والجار يامن بقصرتهم ويغليها
الشاعر الكبير برق الجنوب

    

رد مع اقتباس
قديم 29-04-2005, 02:07 AM   #11
 
إحصائية العضو







محمد ال بو زمام غير متصل

محمد ال بو زمام is on a distinguished road


افتراضي

السلام عليكم ورحمة الله وبركاته

ونعم والله بالشيخ هذال بن وقيان الشكره .

بيض الله وجهك اخوي ( العماني ) على هذه العلوم الطيبه .

 

 

 

 

 

 

التوقيع

ســبــحانك اللهم بحمدك لااله الا انت اني كنت من الظالمين .

    

رد مع اقتباس
إضافة رد


الذين يشاهدون محتوى الموضوع الآن : 2 ( الأعضاء 0 والزوار 2)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ديوان الشاعر دخيل الله ابن محمد ابن دخيل الله الشكره رحمه الله سلطان بن دخيل الله :: قسم قصايد مدح وفخـر في الــدواسـر :: 59 27-05-2016 10:34 AM
اللقاء التاريخي مع الأمير علي بن محمد بن وقيّان أمير قبيلة الغياثات الإداره :: قسم اللقــاءات والفعاليات والتغطيات الخاصة:: 57 17-04-2013 11:52 PM
التغطية المصوّرة لـ حفل الشيخ فهد بن فريج الشكره بمناسبة حصوله على سيف الشرف للرجل المثالي مقدما من صاحب السمو الملكي الامير مشعل بن عبد العزيز رئيس هيئة البيعة رئيس اللجنة العليا لجائزة الملك عبد العزيز طيب الله لمزاين أم رقيبة الإداره :: قسم اللقــاءات والفعاليات والتغطيات الخاصة:: 24 10-02-2011 05:10 PM
قصّة وفاء شامخه/محمد بن هذال بن موذي الشكره الدوسري كاش :: قسم قصايد مدح وفخـر في الــدواسـر :: 18 08-02-2011 09:12 PM
التغطية (المصورة) لمراسم إجراء الصلح بين قبيلة الشكرة الدواسر و أهالي الحريق الإداره :: قسم اللقــاءات والفعاليات والتغطيات الخاصة:: 17 07-11-2010 01:42 AM

 


الساعة الآن 08:09 AM


Powered by vBulletin® Copyright ©2000 - 2020, Jelsoft Enterprises Ltd.
---