العودة   ::: مـنتدى قبيلـة الـدواسـر الـرسمي ::: > :::. الأقســــام الـخــــاصـــــة.::: > :: قسم اللقــاءات والفعاليات والتغطيات الخاصة::

إضافة رد
انشر الموضوع
 
أدوات الموضوع انواع عرض الموضوع
قديم 21-05-2014, 11:46 PM   #1
 
إحصائية العضو







الإداره غير متصل

الإداره is on a distinguished road


:t-t-5-: التغطية المصوّرة للحفل التكريمي لقبيلة العمور برعاية الشيخ عماش والشيخ مصلح أبناء مبارك آل صغير العمور



الحمد لله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين

إخواننا أعضاء وزوّار ومرتادي الموقع الرسمي لقبيلة الدواسر



أعدّ التقرير

عضو مجلس إدارة الموقع الأستاذ فهد بن هادي الغريري




هي الأيام تجري وتمرّ كمر السحاب وتبقى الأفعال دائماً شاهدتاً على حقبة زمنيّة قد مضت فها نحن اليوم نتفاخر بما فعله الأباء والأجداء في الحقبة الزمنيّة التي مضت من أفعالٍ ترفع الرأس من كرمٍ وفراسةٍ وخلُقٍ وأمورٌ عديدة لو خضنا فيها فلن تكفيها هذه الصفحة لذكرها لأننا عندما نتكلم عن مأثر قبيلة الدواسر فنحن لا نتكلم عن أي شيء عادي بل نتكلم عن قبيلة عظمى جداً عجزت الكتب أن تحوي تلك التلكة العظيمة من التاريخ التي رسمته على وجهة شبة الجزيرة العربيّة




لابــتــي لاد الـعـمـيـري والاكــيـد=انــهــم ذخــــر لــلايـام الــشـداد
يـشـهـد الـتـاريخ بـالـمجد الـتـليد=يـوم كـون الـشعب يـقدح بالزناد
كــل شـغموم ٍ غـدى عـمره زهـيد=ســاق عـمـره دون تـمـرة والـبلاد
وانكسر جيش ٍ معه باس ٍ شديد=وان تــفـوق بـالـعـدد ولا الـعـتـاد
ضـربـة ٍ مـن هـولها لان الـحديد=مــن تــذوق مـرهـا مـا عـاد عـاد
ذا قـلـيل ٍ مــن كـثـير ٍ فـالرصيد=مــن مـفـاخرنا لـيـا عــد الـعـداد
وان تـعـزووا بـالـقريب وبـالـبعيد=فـالـدواسر عــزوة ٍ تـكسَب وكـاد


فإننا ليسرنا أن نطرح بين أيديكم إخواننا أعضاء وأبناء القبيلة وزوّار الموقع الرسمي القبيلة الدواســر تغطيةً مصورة لـ حفل قبيلةٍ عزيزة إشتهرت بفزعاتها الشهيرة ونخوتها الدوسرية .فهي قبيلة العمور ((لاد العميري)) وسجلهم حافل بالقصص والوقعات والشواهد على ذلك فهم أهل الشهامة والحميّة والفزعة ، وعرفوا بمحبتهم لقبيلتهم فنالوا محبة الجميع وإحترام جميع القبائل في الجزيرة .قبيلة أنجبت فرسان وأبطال وشيوخ وشعراء خلدوا أسماءهم وإسم (الدواسر) في صفحات المجد بأحرفٍ من نور ، سواء بالشجاعة أو بالكرم أو بالحميا والفزعة ، حيث اقام الحفل التكريمي لقبيلة العمور برعايه كريمة من قبل الشيخ عماش واخية الشيخ مصلح أبناء مبارك آل صغير العمور وذلك يوم الجمعة 1435/7/10هـ الموافق 2014/5/9م في قاعة (الجوسق ) البلاتينية بــ مدينة الدمام


الــــــحــــــفــــــــل






الشيخ عماش بن مبارك آل صغير العمور


الشيخ مصلح بن مبارك آل صغير العمور


من اليمين الشيخ محمد بن ردعان العمور وبجانبة الشيخ سعد بن مسفر آل طاقان العمور وبجانبه الشيخ محمد بن عبدالله الفرج وبجانبة الشيخ عماش بن مبارك آل صغير العمور وبجانبة رئيس مركز تمر الشيخ ظافر بن فالح بن فارس العمور


من اليمين الشيخ مسفر بن فالح آل شافي العمور وبجانبة الشيخ دايس بن محمد آل هجرس العمور ويليه الشيخ محمد بن سعد آل طاقان العمور


من اليمين الشيخ فالح بن مفلح آل شارع العمور وبجانبة الشيخ راجس بن نبجان الشرافا


من اليسار الشيخ عبدالله بن فالح ال فارس العمور وبجانبة الشيخ محمد بن فالح العمور








من اليمين الشيخ محمد بن ناصر بن دايل الودعاني وبجانبة الشيخ احمد بن مران بن قويد


من اليمين الشاعر ناشي بن خلف العمور وليه الشيخ بادي بن فهد آل شارع العمور ويليه الشيخ عبدالله بن مبارك بن نادر (( ابودوسر))




من اليمين الشيخ سالم بن مسفر بن طاقان وبجانبة الشيخ عبدالله بن موافق الحقباني ويليه الشيخ سعد بن ردعان آل ردعان العمور


من اليمين الشيخ فارس الحقباني وبجانبة العقيد طيار فالح بن قهيدان العمور


من اليمين العقيد خالد بن شبيب العمور وبجانبة عضو المجلس البلدي بالمنطقة الشرقية الاستاذ فالح بن راجس بن نبجان وبجانبة المنشد جريم المصارير وبجانبة الشاعر سعد آل بريك وبجانبة المنشد عبيد بن ذيب الرجباني ( شبل الدواسر)


من اليمين عضو مجلس ادارة موقع الدواسر الرسمي الاستاذ فهد بن هادي الغريري وبجانبة دغش بن حمد بن منصور الصخابرة وبجانبة منصور بن دغش الصخابرة


من اليسار الشاعر مانع بن شلحاط وبجانبة الشاعر علي بن الدعية


من اليسار الشاعر على بن حمري





من اليمين الشيخ ابراهيم الشيخ الودعاني وبجانبة الشيخ سعود بن مدعج الفصام


عميد طيار محمد بن دايس آل هجرس العمور


من اليمين المقدم عنتر بن علي ال فهد العمور وبجانبة الشيخ محمد بن علي ال فهد العمور


من اليمين الشيخ عبيد بن هادي ال تميم العمور ويليه الشيخ محمد بن عبدالله بن منير ال شارع العمور


من اليمين العقيد خالد بن شبيب العمور وبجانبة عضو المجلس البلدي السابق بــ الخفجي نشمي بن عماش العمور




من اليمين الشيخ مبارك بن سالم ال طاقان ويليه الشيخ حمد بن عبدالله بن شايع العمور




في المنتصف العشاي بن ابراهيم العمور وبجانبة الشاعر ظافر البجيري المصارير


من اليسار الشيخ عماش بن مبارك ال صغير والعقيد خالد بن شبيب العمور


من اليمين الشيخ سعود بن محمد ال جاسر العمور


من اليمين الشيخ محمد بن عبدالله ال مهدي العمور ويليه الشيخ ناصر بن فارس ال مهدي العمور ويليه الشيخ فارس بن شارع بن الشرع العمور


من اليمين الشيخ محمد بن مبارك ال مهدي العمور


من اليمين الشيخ مهدي بن عبدالهادي ال مهدي العمور ويليه الشيخ عبيد بن ابراهيم ال عجيم العمور


من اليمين الشيخ عبدالله بن مفلح ال فارس ويليه عبدالله بن خلف ال فارس العمور ويليه الشيخ خلف بن ناصر العمور ويليه الشيخ سعيد بن محمد بن ناشي العمور


من اليمين راشد بن حماد الغريري ويليه الشيخ سعيد بن شايع ال عيينه العمور


من اليسار العواد بن جربوع العمور ويليه محمد بن فالح العمور






صورة تجمع كلاً من الشيخ عماش بن مبارك ال صغير والشيخ مصلح بن مبارك ال صغير


فـقـرات الـحـفـل


الأستاذ راشد بن حماد الغريري


إنطلقت فعاليات الحفل المنبري عند وصول جميع الضيوف التي قدمها الأعلامي المتميز الأستاذ راشد بن حماد الغريري وقد بدأ الحفل بآي من الذكر الحكيم خلف بن فالح العمور



خلف بن فالح العمور



الشيخ عماش بن مبارك آل صغير العمور

وبعد ذلك كان للشيخ عماش بن مبارك آل صغير العمور كلمة ترحيبية بالضيوف الكرام



الدكتور فالح بن مفلح آل فارس العمور

وبعدها كلمة توعوية قدمهاالدكتور فالح بن مفلح آل فارس العمور



رئيس مركز تمرة الشيخ ظافر بن فالح آل فارس العمور

وبعد ذلك كان لــ رئيس مركز تمرة الشيخ ظافر بن فالح آل فارس العمور كلمة حول الحفل


لأن مثل هذه المناسبات لابد لـ الشعر أن يكون له حضوراً ، ولأن مثل هذه المواقف العظمى لابد أن تسجل وتدوّن بأبيات القصيدة . إستهل الشاعر مبارك بن مناحي العمور


الشاعر مبارك بن مناحي العمور


الحمد لله وابتدي فالقصيده=ابدا بذكره والقوافي جديده
طوعتها بسم الجماعه وجتني=مثل الذلول اللي تدرب بسيده
شاعر ولي فالشعر منهج ومبدا=اقطف ثمر غاليه وترك زهيده
وجنب اللي مايشرف .مقاامي=وختار من شعري بيوتن فريده
احب ربعي .. وافتخر وتنومس=وبسم العمور يزين نظم القصيده
وبسم ال صغير مرحبا بالنيابه=وخص عماش" ومصلح عضيده
ويمرحبا .. بسم القبيله وربعي=يامرحبا .. باهل الوجيه الحميده
اللي حضر واللي ..تعذر حضوره=يامرحبا" باهل النفوس الرشيده
شوف الجماعه في محل الجماعه=غاية هوى قلبي وطبه وعيده
اهدي تحياتي .. وقدم سﻻمي=على الحضور .. وغطرفي يانشيده
اليوم هاذا ... يستحق الكرامه=وشعر" في غير اليوم ينحر وريده
حنا الدواسر .. بين تغلب وزايد=القلب واحد .. والعزايم شديده
حنا الدواسر لعتزينا وقمنا= ماننثني لو المنايا ... وكيده
اوجيهنا .. فالطيب للطيب ترقا=ونفوسنا وقت المعاند عنيده
وسم العصا يبقى لنا يادواسر=سلمن ﻻهلنا من سنين" عديده
صغيرنا .. يعرف دروب الشكاله=وكبيرنا خلد فعول" مجيده
نبني بيوت العز في كل ديره=وحنا رصيد اللي تعثر رصيده
ﻻد العميري .. عزوتي وتفاخر=ورفع اعقالي ونشري ياجريده
ان العمور اللي حمو شعب تمره=حطو على كبد المعادي حديده
تاريخهم يبقى .. وتبقى علومه=الحق واضح .. والوثايق وكيده
بسم الوفا قام الجعيري وجهز=جيش" على الافﻻج وعلن شديده
يقوده اللي ماتهزه .. اعظامه=ولجل الخييلي قال ماترك شريده
يبشر بنا اللي طاح وقفى خويه=ناقف معه وقفت عضيد لعضيده
وترى الرفيق اللي يقجر رفيقه=نقصه يضره .. والزياده تزيده
وياجعل نفس" ماتحب الجماعه=يموت راعيها وهي ماتفيده
ماكل تاجر يستحق ... التجاره =الا مثل عماش يسوى بديده
عينه مع ربعه وعينه عليهم=ويشهد على ماضي فعوله جديده
جمع الجماعه كل عام" نبيها=بسم التواصل والتواصل نريده
يبقا لنا مادامت الرووح حيه=والله يجمعنا سنين " عديده
يسرا" بلا يمنى تراها ضعيفه=ورجل" بلا ربعن حياته وحيده
وكل القبايل حقهم مانسيته=كل" على فعله .. وطيبه. وجيده
والختم صلوا عد ماهل ومطر =على الرسول اللي هدا للعقيده




الشاعر فهد بن ضيف آل مجري العمور


ومن ثم ألقى الشاعر فهد بن ضيف آل مجري العمور قصيدةً بهذا الحفل:
، حيث يقول في قصيدته :


يــــا الله إنــــي طــالـبـك وأنـــت الـمـعـين=جـعـل تـرفـع رايـة الـدين وتـقوي عـصاه
ديـــرة ٍ فـيـهـا الــحـرم قـبـلة ٍ لـلـمسلمين=جـعل ربـي يـنصر الـدين والـي لـه حماه
رايـــة الإســـلام لـمـلـوكنا دنــيـا ً وديــن=حـاكـمـين ٍ بـالـشريعة ولا نـبـغي ســواه
ومـرحـبـا ً مـلـيـون بــالـي لـفـونـا زايـريـن=عـد مـا هـل الـمطر وعـد نـجم ٍ فـي سماه
وحـالف إني ما أمدح إلا الرجال الطيبين=والــــردي خــلــه يــولـي ولا نـمـشـي وراه
يا أبو مبارك راية العز في بيتك تبين=يـوم ولـد الـلاش وجـهه يـعود فـي قـفاه
وأنـت يـا عماش مدحك علينا صار دين=واجــب ٍ مـدحك عـلينا ولا نـبغي جـزاه
تـذبح القعدان والضان والكبش السمين=حــي مــن هــذي عـلـومه ومـن هـذا نـباه
وال صـغـير فـعلهم يـوم عـجفات الـسنين=فـعـلهم فـعـل ٍ يـشـرف ويـفـرح مـن نـصاه
وفـعـلـهم فـعـل ٍ قـديـم ٍ وحـنـا شـاهـدين=يـشـهـد الـتـاريخ وإنــا بـعـد نـشـهد مـعـاه
وحـن بني تغلب الا جاء الملاقا حاضرين=من عمور ٍ تكرم الضيف وتغيض العداه
ولا اجتمع تغلب وزايد على طول السنين=يكرمون الضيف والجار توسم له عصاه
والـقـبـايل كـلـهـم فـالـمواجب حـاضـرين=كــل مـنـهم يـفـعل الـطيب ويـعدي وراه
وخـتـمها مـني صـلاة ٍ عـلى الـنبي الأمـين=عــد مـنـهو حــج لـلـبيت وكـبر لـلصلاه




الشاعر محمد بن مبارك الشرع العمور

ثم ألقى الشاعر محمد بن مبارك الشرع العمور قصيدتان بهذا الحفل
، حيث يقول في قصيدته :


الهاجس الي يطرب الجمهور ويجيب السطر=أقبل يسوق المزنة الي وافي ٍ ودانها
وانهل فالوادي وفاض السيل به بطن وظهر =وجاتك بيوت ٍتصطفق من خاطري عنوانها
يا مرحبا يا مرحبا ما لاح من نجم وقمر =وإعداد من زار الحرم واعتاذ من شيطانها
يا مرحبا ً بضيوفنا من كل حر ٍ لا شهر =يكفخ بعالي جوها يشرف على ميدانها
حي القبايل كلها من شرفوا قدم النظر =ترحيبة يرجح بوافي طيبها ميزانها
يا مرحبا ً يا صلب جدي يا مقابيس الخطر =دواسر ٍ ترسي على العليا ويرسي شانها
حنا كما الموت الحمر لا والله الموت الحمر =قدام منهو يعتدي يلقى دوى عدوانها
حنا كما محزم ظفر لاوالله صروح الظفر= للي يبي فزعة رفيق ٍ ما يهاب حصانها
حنا كما وبل المطر لا والله ودان المطر = مجالس ٍ يا اهل الكرم قدم المسير عانها
الماء قراح نقدمه ولا نبيعه لو ندر =سلم لنا وسلومنا نتبع فعل شيبانها
مزارع ٍ نكسب بها طيب ٍ ولا نخشا الضرر =مفتوحة ٍ ما قفلت لضيوفنا بيبانها
حنا لنا وسم العصا خص ٍ لنا دون البشر=جيراننا في سلمنا ما تشتكي عدوانها
يشهد بهاجمع الشريف الي لفا يبغا القشر=والي زبنا شاهدت عينه سعد حجانها
حنا هل البل دونها بالسيف حسكات الوبر =ترعى ويطلق قيدها ونسوقها فاوطانها
حنا هل الغرس الظليل الي جمع حلو الثمر = مداين ٍ ننزل بها حنا ذرا حدانها
تغلب وزايد عزوة ٍ يفخر بطاريها الفخر=في وقتنا الحالي سنام ومن قديم ازمانها
يوم الجهل يوم القساء يوم المعارك والقهر =نكسر جموع ٍ ما انكسر من قبلنا فرسانها
تاريخ ٍ ابلج ناصع ٍ يطرب ولا حوله كدر =حنا كتبنا صفحته حتى امتلت جيلانها
يا والله الي صابني ذالليل يا ربعي سطر =يوم اجتمعتوا قدم عيني وامتلت باركانها
جمعة مناعير العميري تجعل أبياتي بحر=يا هاجسي روح علي الجزل من قيفانها
حنا العمور الي لنا مجد ٍ على طول الدهر =وأفعالنا لأقوالنا وأبياتنا برهانها
حنا حمينا شعبنا يوم القرايا والمدر =أسوارها تذرى لها تمرة ورى شبانها
حنا وقفنا وقفة ٍ تجلا عن البال الكدر =يوم الجيوش تحوش للموت الحمر نيرانها
فالشعب كون ٍ يذكره من شافه وكل ذكر=فعل ٍ لنا خلا العدا تقفي بوسط أكفانها
الأفلاج تشهد وقعة ٍ لجعيري الي ما ذخر = لاجل ابن عمه فزعته قاد الجيوش وزانها
وان عودت عد وعدد لجدود والكل افتخر=نركز بيارق عزنا لا عددوا شيبانها
في تغلب الغلبا لنا عزوة وغى عزوة جهر=وحنا لها ركن ٍ حصين ٍ لا اشتبك دخانها
قلته وجمعا عزوتي ربعي مخابيط الكفر =يجلا عن الصدر الهموم مصافحي لايمانها
والي جمعهم وافي ٍ طيبه على القمة ظهر =عماش ٍ بن صغير ٍ صيته رقى ضلعانها
ومصلح يمينه لا بغى يضرب بقلب ٍ من حجر=يطيب من طيبه وطيب القوم من جدانها
فعل لهم في شعب تمرة بين ٍ قدم البصر =مدة كرام ٍ طبعهم يسعون صوب سمانها
بيت المعزة شامخ ٍ والله يسلم من عمر =الي بنوا بفعولهم صيت ٍ قدم عربانها
وختامها صلوا على هادي الورا خير البشر =اعداد من زار الحرم واعتاذ من شيطانها




ثم اللقاء قصيده مناشده في اعتاق رقبة عبدالله بن محمد بن معتق الزمامي

يا أهل النعارة والحمية والأفعال=يا أهل الشكالة والعزوم القويه
يا ربعنا كل ابلج ٍ طيب الفال=يبين وجهه في لوازم خويه
باسم الزمامي بزهم زحول ورجال=في عتق من قدمه حبال المنيه
تكفون يالظفران مالجال للجال=لا تذخرون الفزعة الدوسريه
من كان جده ينطح قروم وابطال=اليوم راسه يطبّخ مالحميه
الحمل يبغى له من القوم شيال =وين الزحول الي تحل القضيه
ينصون منهو للثقيلات يحتال=ابو حسن راع الكفوف النديه
يا ابو حسن ضاقت بعبدالله الحال =اطلق حباله يا زبون الونيه
وأمه جداها الحزن والدمع همال =وحيدها تبكيه صبح وعشيه
والي جرى مكتوب في كل الاحوال =وانتوا هل الطالات زبن الونيه






الشاعر بتال بن مبارك بن شلوان العمور



ثم ألقى الشاعر بتال بن مبارك بن شلوان العمور قصيدةً بهذا الحفل
، حيث يقول في قصيدته :



هاجسي لامن حضر جاب المثايل=تعجب السامع وتعجب من قراها
ماذخرها في حفل وافي الخصايل=لاتهيض دون ربعه ماكناها
عد غصنٍ هبه النود وتمايل=مرحبا برجال لبت من دعاها
مرحبا وانتوا كسبتونا جمايل=دعوة الداعي حضرتوا من غلاها
باسم عماش دعى والراس طايل=ملتقى باسم الجماعة محتواها
اصغر افعاله ليا عد الفعايل=واكبر الافعال مايلحق مداها
ذخرنا لاهب لاهوب القوايل=كل عمري بسم عماش يتباها
علمة طيبة على دق وجلايل=شايب قبلة على العليا رقاها
شايب رباه في فعل الجزايل =بالوصل مع طاعة الله مانساها
جعل ربي يسكنة ضمن الاوايل=في جنان الخلد عالي مستواها
وفي القبيلة مدحنا ماهوب زايل=بين ربعي وقفتي يثمن جداها
لابتي سقم العدا لاعال عايل=في نهار الهوش لاغيم سماها
لابتي لفعولها وقع ودلايل=سجل التاريخ فعلٍ ماطواها
من عمور مروية حدب السلايل=ويشهد الي شعب تمره ماقواها
انكسر جمعه وزاد به القلايل=وعلته في الكبد ما عين دواها
وشاش ابن منديل من ضري الفتايل=من يماني لابتة بامر عقداها
والدواسر فعلها فعل الهوايل=فاتحين شبوكها للي بغاها
والعدود مسبلة ماها زلايل=كل ضامي يرتوي من شرب ماها
ومدية للجار من سور تهايل=ارتكوا للحمل ثم ساقوا قضاها
وسلمنا وسم العصى لاهل الرحايل=من تمثنا دارنا ناسم عصاها
ومن زبنا مارضى فينا البدايل=يكفي ابن مطرف يومه نصاها
والشريف ارسل مناديب الرسايل=معتمي والعين موذيها قذاها
والتقينا وجمعهم صاروا سحايل=وعلته فالعين سببنا عماها
وماذكرنا من الفعل كون القلايل=فعلنا ماكل من يذكر حصاها
ومانهفي حقوق وافين القبايل=فعلها مشهود ماحين غباها
عد ماهلت من القبلة مخايل=الصلاة اختام قولي منتهاها


______________________________


المنشد سعد اليامي

وكان لنا موعد مع الأوبريت الانشادي مع المبدع ( صوت العرب) سعد اليامي
الهب حماس الحضور بــ الشله الانشادية الجزله من كلمات
الشاعر محمد بن مبارك الشرع العمور.::::::.::::::





_________________________



الشاعر علي بن حمري


ثم ألقى الشاعر علي بن حمري قصيدةً بهذا الحفل




الشاعر علي بن الدعية


ثم ألقى الشاعر علي بن الدعية قصيدةً بهذا الحفل
، حيث يقول في بعض قصيدته :



سلام تسليما نسلم به على كل الحضور=تحية المسلم على المسلم هذا توقيتها
اعم فيه الي سمع صوت المشاعر والشعور=واخص من قدم لي الدعوة وانا لبيتها
الشيخ عماش ابن صغير والدواسر والعمور=والعزوة الي في صروح المجد شعشع صيتها
دواسرٍ تكبر مواقفهم اليا كبرت الامور=والنعم بالجيره وبالخوه اليا خاويتها
بعد الردى منهم مثل بعد الكمال من القصور=وقرب الوفا والطيب منهم شفتها واوحيتها






الشاعرنادرالناهشي الودعاني



ثم ألقى الشاعر نادرالناهشي الودعاني قصيدةً بهذا الحفل
، حيث يقول في قصيدته :


موقفي ذلليل ماهوب في مدح ومديح=مير بعض فعول ربعي تعودبي عليه
اتنامس وارفع الصوت واسوق المليح=في ابن عمي جاهز يوم يدعيني واجيه
وانت ياعماش لاجيت في القول الصحيح=فعلكم بين وعندي مواثيق عليه
كاسب الطيب ياذيب بالفعل الصريح=ماخذيته مكره مير نفسك تهتويه
راعي المدات ماهيب في كف ن شحيح=مثل نو ن في ضحي غب نو ن مقتفيه
حط لهل الخير في الشعب بنيان فسيح=والرجل يعرف بفعله وماتكسب يديه
تغلبي ن ثابت ماتهزه كل ريح=راسخ مثل الجبل والمعزه تكتسيه
من عمورن في اللقاء تودع الصايل طريح=تلطم العايل وسوق المنايا تشتريه
شعبهم يوم الجهل ماحد له يستبيح=يشهدالتاريخ قوم الحرايب تصتليه
الولدمنهم نهار اللقاء ماله نطيح=فعل ابوه وفعل جده علي الطيب يحديه
لابة يوم القبايل علي ذبح وذبيح=من سمع بأسم الدواسر يعود مايبيه
لابة حرابها لانشب مايستريح=تسهرعيونه وزاد العرب مايشتهييه
لابة عدوانها بين مكسور وجريح=والكرم مايختلف من كريم عن غنيه
لابة بين القبايل سهمها مايطيح=كل رجل شايخ قسمنا من الطيب فيه
والقبايل تجمع الطيب كمبودي وشيح=قسمها وافي وسيف المنايا تعتليه
صغت عقدالماس والطيب من فوقه يسيح=والمواقف ترفع الرجل ياتحسب عليه
ناهشي ن يسخرالقاف بلسان ن فصيح=من وداعين الفنا والقنا ماتتقيه



_____________________________


( وجه الوفاء) دغش بن حمد بن منصور الصخابرة

وكان لنا موعد مع الأوبريت الانشادي مع المبدع ( وجه الوفاء) دغش بن حمد بن منصور الصخابرة الهب حماس الحضور بــ الشله الانشادية الجزله من كلمات
الشاعرالكبير مانع بن شلحاط
.::::::.::::::








الشاعر مانع بن شلحاط


ثم ألقى الشاعر مانع بن شلحاط قصيدةً بهذا الحفل
، حيث يقول في قصيدته :



1_يا بني زايد و تغلب تركة ن منصوفه = يا بقايا دوسر الضرغام مجد و هامه
2_ يا بني زايد و تغلب يا إمتداد إصفوفه = يا سنا صيته ورثتو هيبته و إقدامه
3_ يا بني زايد و تغلب يا مراد أشفوفه = يا فخر ذكره و رنة هيلمان أيامه
4_ يا بني زايد و تغلب يا أعلو النوفه = يا مواريث الفحل دوسر و حد إحسامه
5_ من شفاء ضلع الجنوب إلى حرض و إجروفه = معلن ن ربع الجزيره خوف بإستسلامه
6_ يا ملاذ اللي سلاطين الحجاز أتحوفه= و القبايل عددته من سطوته و إجرامه
7_ لين جاكم و أعتزيتو له و كممل خوفه =ثم ومن في ظلكم و البيه حل إعدامه
8_ و الصفات اللي لكم عند العرب معروفه = مالكم فيها شريك و ما لها سووامه
9_ سووقكم للجار يوم أقفت عليه الطوفه = يا إمدلهة الغريب و فزعته و إحزامه
10_و غيرها وسم العصا اللي لو نقلها شوفه =خوفت من يدري انكم يا الزحول أخصامه
11_و عقبها سلام مني للحفل و أضيوفه =و مرحبا عماش راعيها و أنا خدامه
12_ أبن أصغير يا دواسر طالني معروفه =و ما أيغط الفضل و المعروف كود إفدامه
15_قلت كفو(ن) بك و نعم إبمحزمك و أوصوفه =في مواقفكم لأهل تمره و كل و زامه
16_العمور أهل الوفاء بالمرجله مكلوفه =مارثة كل أبلج ن صلف الدهر ما ضامه
17_مشرف الأفلاج داسو بالنعال أكتوفه= و من دعس في شعب تمره قصرو فأخطامه
18_و في مضوف أبناء مبارك ليلة ن غطروفه=شوفة جموع الدواسر لم خير أختامه

_____________________________



الشيخ مصلح بن مبارك آل صغير العمور

وكان هناك تكريم خاص للشاعر مانع بن شلحاط من قبل الشيخ عماش والشيخ مصلح |أبناء مبارك آل صغير العمور للقصيده التي انشدها ( وجه الوفاء) دغش بن حمد بن منصور الصخابره والتي حازت على استحسان الجميع وسارت بها الركبان ..

والهدية عبارة عن جيب لاندكروزر 2014



الشيخ مصلح بن مبارك آل صغير العمور يسلم الهدية للشاعر مانع بن شلحاط



الشيخ مصلح بن مبارك ال صغير العمور والشاعر مانع بن شلحاط ومحمد بن مبارك ال صغير لحظة تفاعل الجمهور مع الهدية المقدمة لأبن شلحاط






الشاعر مانع بن شلحاط اثناء سلامة على الشيخ عماش بن مبارك ال صغير بعد تسليمة للهدية المقدمه له لقصيدته في الدواسر

_______________________________


الشيخ سعد بن مسفر بن طاقان

ثم اللقاء الشيخ سعد بن مسفر بن طاقان حول الملتقى الثاني للعمور الذي سوف يقام بمحافظة الاحساء السنه القادمة.



_________________________________


الشاعر عبدالله بن صالح الصليبي الحقباني

ثم ألقى الشاعر عبدالله بن صالح الصليبي الحقباني قصيدةً بهذا الحفل
، حيث يقول في قصيدته :


هاجسي بين الدّرر طب و تخيّر=عادةٍ لك ما تجيب إلا الثمينه
(قاعة الجوسق) لها حقٍّ تغيّر=تكتسي بالنور في فرحه و زينه
حفلها ذا الليل لربوعي مجيّر=يا عسى من قام به تبطي سنينه
يا سلام الله على ترثة (صغيّر)=الكفو (عمّاش) ذباح السّمينه
صيرميٍّ لا لمحْه الصّيد ذيّر=حاز عسرات المراجل في يمينه
مطلَقٍ في شفّ ربعه ما تحيّر=منفقٍ للطيب ما حاشت ايدينه
ينهض حجاجه إلا شاف المسيّر=و ان نصاه المبتلى تسترّ عينه
يمسح دموع اليتيمه و الفقيّر=و ذاخرٍ له في بيوت الله خزينه
من سلايل لابةٍ سقم المطيّر=في نهار الهوش للكايد مهينه
(العميري) للخوي دَرٍّ مشيّر=و ان نخيته جاك بدروعٍ متينه
من ( بني تغلب ) لنا السؤدد محيّر=شيخةٍ ما جات بختومٍ و دينه
و (آل زايد) عزّ و ان طال القصيّر=سِعْد منهم ساعة الفزعه عوينه
(الدواسر) طيبهم مع كل خيّر=من قديمٍ كل مجدٍ كاسبينه
موديين الجار من سبّة جديّر=و العصا لا من وسمناها ضمينه
و القبايل كلٍّ و فاله مسيّر=في بحور المجد كلٍّ له سفينه
و الوطن لا حِسّ ما فيها تِخِيّر=خايبٍ من مسّْ مكّه و المدينه
و ( ابو متعب ) في قلوب الشعب صيّر=منزلٍ للودّ تغشاه السكينه
حاكمٍ بالشرع حكمٍ ما يغيّر=دولةٍ محروسةٍ بأيدى امينه
من يحاول بالقشر راسه يطيّر=و الحدود سدود بأمر الله حصينه
و من يدوّر للفتن مدهون صيّر=يلتعن مع زمرة ابليس اللّعينه
قاله اللي من ربوعه ما تذيّر=عسرة القيفان ترضخ له رهينه
ربعي الحقبان لا الدّخان ثيّر=ينطحون الضد بسيوفٍ سنينه
و السلام ختامها و الفكر نيّر=الحظيظ اللي اشترى بدنياه دينه


قصيده ثانية في الشيخ مصلح بن مبارك آل صغير العمور


هاجسي و القاف في صدري يبوخ=جدّد الابداع فيني كلّما
لا تظنّه شاقني توتٍ و خوخ=او ضناني شوق عذبات اللما
لي جناحٍ مبطيٍ ينوي الكفوخ=و لبني عمّي صدى حرفي هما
يا سلام لكبتنٍ كله شموخ=داج فوق الارض و عنان السماء
العميري مصلحٍ نسل الشيوخ=جعل عينٍ ما تودّه للعمى
وافي بالمرجله راسه طنوخ=و عادةٍ له في الكرم نثر الدماء
تغلبيٍّ ما عرفت نفسه رضوخ=و الدواسر ما يداس لْهم حما
من يماريهم على العليا يدوخ= و للعلوم الغانمه فيهم ظما
من قديم و رفقته زادت رسوخ=جعل يفداه الرفيق اللي زما


______________________________


المنشد عبيد بن ذيب بن مدباج الرجباني ( شبل الدواسر)

وكان لنا موعد مع الأوبريت الانشادي مع المبدع ( شبل الدواسر) المنشد عبيد بن ذيب بن مدباج الرجباني الهب حماس الحضور بــ الشله الانشادية الجزله من كلمات الشاعرمبارك بن مناحي العمور
.::::::.::::::





الشاعر مسفر بن منيف المصارير

ثم ألقى الشاعر مسفر بن منيف المصارير قصيدةً بهذا الحفل
، حيث يقول في قصيدته :



عـلـيك الـفـرج يــا الله يــا عـالم ٍ بـالحال=ولا غــيـرك احـــدٍ يـعـلم الـعـبد وبـحـاله
كـريـم الـعـطا سـبـحانك الـواحد الـمتعال=لـك الـعبد يـلجا كـل مـا ضـاقت أحـواله
بــعـد ذكــر مـحـي الـمـيت ومـنـزل الانـفـال=بــدا يـعـبّر ابــن مـنـيف شــي ٍ مــن أمـثـاله
مـثـايـل نــقـا تـمـشـي عــلـى مـنـهج الـعـقال=تــنـصـا شــيــوخ الـطـيـب وأهــلـه وعـقـالـه
سلامي عليكم يا النشاما سلام اجلال=عدد ما ارعد الرعاد وانهلت اخياله
تعنيت من الهدار لمشاركة الابطال =بني عمي اللي فعلهم ما احدن طاله
بني عمي وتاريخهم بالفخر يختال=وفعل الوفاء يرث به الجيل لجياله
بني تغلب وزايد بهم تفخر الامثال=اقوله وقبلي من سبقني به وقاله
بني تغلب وزايد يا لطامة العيال=نروم العلا والمجد والعز حناله
ترانا الدواسر والدواسر كرام اسبال=حزام الظفر عوق المعادي وسلاله
وحن ممنين الجار والضيف والنزال=ودرب المراجل يفتخر فيه من ناله
لـيـا كـبـرت الـقـاله وجــا لـلـفعول رجــال=رجــال الـوفـا وقــت الـطـلب تـنـطح الـقـاله
وأنــا يــوم جـتـني وافـيـات الـحـروف جـزال=مـدحـت الـعـميري كـاسـب الـنعم والـطاله
يــسـد الـنـوايب نــادر الـجـنس والاشـكـال=حـمـيد الـسـجايا كـثـر الله مـن امثاله
حــــزام ٍ لــمـن مــيـل عـلـيـه الــزمـان ومـــال=وريـــث الـمـكارم مـزبـن لـكـل مــن جـالـه
ابــو مـبـارك الـمنعور و مـجـمل الافـعـال=شــجــاع ٍ طــويـل ذراع مـــا تـجـهـل أفـعـالـه
عــريـب ٍ لـيـا مـن قال قد المقال وطال=فــعـولـه فــعــول الــعـز مـــا هـــي بـبـطـاله
يــا عـمـاش مــا نـستغربك مـوقفك فـعال=وهــذي عـادتـك تـاقـف ووقـفـتك فـعاله
بـشـوش المحيا فالمواقف كـريم اخـصال=راعـــي فـزعـة ٍ تعرف ولا تقصر احباله
ومصلح عضيدك طير شلوى وسيع البال=يــزكــيــه فــعــلــه ويــتــزاهــا بــمـنـزالـه
ولــو انــي أزيــد الـعد واكـثر مـن الاقـوال=واقـــول الـعـميري ذي وهــذي مــن اعـمـاله
ابـتـعـب وانـــا اعـــدد ولا حـصـيتنا مـثـقال=مـن أفـعال ابـو مـبارك ولا اوفيت مكياله
من اهل الكرم والطيب من ماضي الأجيال=بـنـي عـمـنا اصــل الـعز من جاله لجاله
عــمــور ٍ تــسـد الـنـايـبه والـفـعـول جـــزال=هــل الـطيب واهل الـطيب مــا تـرضـي بـداله
يــــا لاد الـعـمـيري طـيـبـين الـنـبـأ والــفـال=يـــا لاد الـعـمـيري يـــا ذرا الـمـجـد وجـبـاله
لـيا جا مجال الطـيب تـضرب بـكم الأمثال=لــيــا جــاكــم الـمـضـيوم مـلـفـاه وظــلالـه
لكم يشهد الافلاج لو السنين اطوال=بوقفة جعيري والمعادي لقى فاله
اهل فزعه ونخوه واهل وقفه ومعدال=على سكة الامجاد رجلي وخياله
وكون الشعب جمع المعادين رد ومال=وذا حال من حاله لك الله يرثاله
أقــولـه وانـــا مـــن لابــتـن تـعـجـز الــعـذال=هــــل الـعـشـر والــعـذال مــشـروب فـنـجـاله
مصارير والنا هيبه وكلمه ومنزال=هل العز والناموس والمجد والطاله
وفــي خـتـمها واعــداد مــا هــل وبــل وسـال=صــلاتــي وتـسـلـيـمي عــلــى مـحـمـد وآلـــه



الشاعر عبدالله بن فارس الشرع العمور


ثم ألقى الشاعر عبدالله بن فارس الشرع العمور قصيده بهذا الحفل
، حيث يقول في قصيدته :




بسم الله ابدا لادعيتوني واقوم=اختار من وافي قصيدي واقصده
البي الواجب واجمل فاللزوم=والي جمع ربعي عساني مافقده
لاهنت ياعماش تفداك الرخوم=يافزعة الي يشتكي قل اجهده
يالله عسى قسمك من كبار القسوم=ياحي من طيب السلايل جوده
يالله عسى جمعة بني عمي تدوم=جمعن يشوق كل عين ترصده
سلام ياربعي مداغيش القروم=لاد العميري فعلنا من يجحده
الضيف لاجانا معزز وامحشوم=في ضفنا يامن ويبشر بسعده
والضد في حد الدواسر مايحوم=والله مايامن ولو في مرقده
دواسرن وسلومنا عز السلوم=دواسرن عد الجزايل نارده
تغالبن نغلب عنيدين الخصوم=تغالبن والي حربنا نلهده
جمع التغالب من يعاديه امهزوم=تغالبن كل الفعول موكده
حنا بني تغلب لنا في كل يوم=تاريخ عزن بالفعول نجدده
جمع العميري يامجلين الهموم=عن صدر من ضره زمانه واجهده
لاعودت فالضيق وكبار العلوم=جات العزاوي والعلوم معقده
ياسعد من ضاقت به وساع الهدوم=قام يتعزوى جاه عزه واسنده
نظراتكم عليا كما ذيك النجوم =ماهيب في بعض الظروف مقيده
كم قد ذبحنا ياعرب من شيخ قوم=له هقوتن ياصل ولا طالت يده
منهو يحاربنا من العيش امحروم=تبكي عليه امه ويبكيه اولده
عليا نخت شيخن به الذل امعدوم=قامت عزاوي لاد عمرن تيده
ثم احتمى جمع الدواسر للهجوم=يقوده جعيري وليلى مقصده
الاد عمرن ياقويين العزوم=كم جيش قومن مانفع كثر اعدده
وسم العميري لاعرض بين الوسوم=عدونا يبطي ويرديه احسده
يقولها شاعر وللعليا يشوم=من نسل شيخن للمراجل عوده
لو كان يلحقني من العذال لوم=حب التغالب خاب منهو ينقده



عبدالهادي بن محمد بن ردعان العمور


ثم ألقى عبدالهادي بن محمد بن ردعان العمور قصيدةً والده الشيخ محمد بن ردعان بهذا الحفل ، حيث يقول في قصيدته :


يوم جانا العلم قلنا مرحبابه=جعل يسلم من جمع شمل الجماعه
هاض هاجوس الحشا باللي طرابه=واعتزاء عماش بعلوم الشجاعه
كاسب الطالات والمليون جابه=وقال حاضر في طلبكم كل ساعه
وجعله هالله فداه من رزقه هبابه=يطرد الدنيا ودرب العز باعه
فعل عماش وكادن لاغرابه=عادت الشيبان بيام المجاعه
جعل يرحم شايبه واللي نضابه=ماخذن أفعال جدانه وداعه
لاوقف عماش جمل من بدابه=مثل حرن ذب في راس الرفاعه
قالها اللي لابغى الأمثال جابه=حاضرينن للقبيله والجماعه
والقبايل كلهم عز ومهابه=وكل منهم ماخذن سلمه وباعه
بطلب الغفران من ربي ثوابه=عبدك اللي يطلبك جزل الشفاعه


________________________________________



وكان لنا موعد مع الأوبريت الانشادي مع المبدع ( صوت الدواسر) المنشد جريم المصارير الهب حماس الحضور بــ الشله الانشادية الجزله من كلمات
الشاعر حمد بن معجب ال عمار .::::::.::::::



____________________


تفاعل الحضور مع الشلات الثلاث





































______________________________


الشاعر ظافر البجيري المصارير


ثم ألقى الشاعر ظافر البجيري المصارير قصيدةً بهذا الحفل
، حيث يقول في قصيدته :



أخذ مع الهاجوس مسرى ومغباش =نوبن يجي يمي ونوبن أجيله
ولانيب في مسراي لشعر قشاش =أنقاء جزيل الشعر وأترك هزيله
بأسماء بني عمي وفي حفل عماش =يامرحباً بإسمي وبإسم القبيله
اعداد مايمطر من الديم برشاش =واعداد مالاحت بروق المخيله
في حفلة اللي للنواميس شواش =عماش شيال الحمول الثقيله
اللي جمع ربعه من الطاش للطاش =الواجب إنا لا دعانا نجيله
قدرٍ لمنهو بالوفاء للوفاء حاش =عماش مسرج للنواميس خيله
تنشره له البيضاء من طريف لخباش=حرٍ شهر طلعه يصيد الجزيله
خذها بفعل الطيب ماجات ببلاش =الساس طيب والمواقف نبيله
من لابةٍ يثنون لاجنّح اللاش =عمور لاناش الزناد الفتيله
إن جيت أعد فعولهم فكري إنداش =قوم تروم من العلا المستحيله
هم درعنا لامن حصل خاش خرباش =وإنا لهم مثل الجبال الضليله
نارد على حوض الوغا مارد عطاش =في موقفٍ بار العميل بعميله
أقطع من الفولاذ وأسطى من كلاش =الجد واحد والفصيله فصيله
أفعال ربعي في القسى تبرد الجاش =تغلب وزايد السيوف الصقيله
قصيرناً عينً له ألحاف وفراش =دواسرٍ تعرف نهار الوهيله
في ضفنا لامن زبن خايفً عاش=خصيلةٍ واطيبها من خصيله
ناسم عصاه إلى زبن وسم الأدباش =يمشي حدود ديارنا من يسيله
وانا بذلت الجهد من شان عماش =بقصيدً بأسمي وأسم القبيله
لو ساحت الشعار ما عاد تناش =فيها التنافس بالكديش والأصيله




الشاعر سعيد بن محمد بن ناشي العمور


ثم ألقى الشاعر سعيد بن محمد بن ناشي العمور قصيدتان بهذا الحفل
، حيث يقول في قصيدته :


القرم مايحتاج منا شهادة=والحر مايحتاج منهو يزكيه
والذيب لابد يحقق مراده=واهل الغنم تقتص حتى مثاريه
والشهم مايرتاح جنب الوساده=والسيف في جرابه ينومس لراعيه
ويوم (ن) ولد اللاش كثر رقاده=رقاد ساعات الضحى كيف ترجيه
والمرجله ماهيب لعيال غاده=وسمير صبري ماعرفنا وش ابيه
حمر البقر ماشددوها شداده=والسرج مايزهاه ياكود زاهيه
ولاانت ياعماش فيك الرياده=حر(ن) ولد حر(ن) حرار(ن) تباريه
صقر تهده في نهار الهداده=تدمي مخاليبه على الخرب تدميه
عماش بالعليا رقا كل جاده=اثرى مثاري تعجز الي يماريه
الجود من جودك خداله إشاده=والطيب من طيبك تعدى موازيه
ان قلت ولا قلت هذي افاده=ترى الموصى يذهل الي يوصيه
يابنت يالي تلبسين القلاده=شومي لمن هو يعتزي به مخاويه
شومي لبو مبارك صبي الجلاده=جبل(ن) يذري ويتذرى مذريه
من لابة سادت على كل ساده=وصلت سنام المجد وتربعت فيه
وختامها عماش قايد قياده=ويستاهل البيضا عسى الرب يجزيه




حنا تغالب دربنا كله اخطار=درب مشينا به على العز طايل
يوم الحكم رمح غدا السيف بتار=سيف تشيله غلمة عيال وايل
غلمان في يوم اللقى فعلهم سار=سارت به الركبان مهراً اصايل
من ديرتي تمره علون لنا اذكار=ذكر الوفا والطيب فيهم خصايل
ناس بنوا بتلمجد فعل لهم صار=فعل يمارا به علي كل عايل
يشهد لنا الي يكرم الضيف والجار=وتشهد جيوش(ن) بالوغا والدبايل
وتشهد لهم كل القرايا والاقطار=وايضالهم تشهد جميع القبايل
ماينكر التاريخ ياكود هذار=وما يِنّكر حاتم ورا جبال حايل
هل الدلة لمن لفى الضيف خطار=تقفي بعدها دبح جزلا وحايل
يازين شوفتهم مع شبت النار=وعود السمر فيهاغدى له فلايل
امّانة الخايف طويلين الاشبار=الي تذوق حرها بالقوايل
حر تعلى يكفه الطير لاطار=صيدة ضماد(ن) كل ابوها دلايل
يقدح زناده يقبس النار بالنار=ضرب الفشق يدوي عواد الفتايل
يوم الردي من فعلته طاح ثم خار=بانت افعال عمور من نسل وايل
هذا اسير وذاك من الجرح مندار=والاخر طعونه غدت به فعايل
هل سريةٍ تضرب على الضرب بالنار=وتظفى على المضيوم برد وظلايل
بالعز والتمجيد ياقلبي اختار=ربعي هل العليا كرام السلايل
لاد العميري لاضوا الجو بغبار=ميزان عدل لاغدى العدل مايل
يالله عسى مزن تخالف علي الدار=ينوض برقه نوض وسط المخايل
ينهل هتان تقفاه الامطار=وتفيض الفياض ويلحق السيل سايل
وينبت علينا العشب في كل الاقفار=ونرعى مجاهيم صخاف الشوايل
واشوف انا البل فيه تقطف بالازهار=متخالفات الروس وسط المسايل
و وسومها تطرق رديين الانظار=مع رقمة الخده تسوي الهوايل
ابهل عليها يافتى واحلب الدار=وسمح وجيه اهل الوفا والصمايل
وختامها صلوا على السيد البار=محمد الهادي لزين المثايل



صالح بن ناشي بن خلف العمور

ثم ألقى صالح بن ناشي بن خلف العمور قصيدةً والدهالشاعر ناشي بن خلف العمور بهذا الحفل ، حيث يقول في قصيدته :



انا بطلب الله وارتجي الواحد المعبود=حليم رحوم يغفر الذنب والسيئه
رفع فوقنا سبع سمكها بلا عامود= وسبع بسطها للمخاليق ماطيه
عسى الله يجنبنا طريق به المنقود=على العز والناموس تسوي لنا النيه
عسى شعب تمره من المخايل وبل رعود= وياطاه مزن من المخايل وسميه
تملى فياضه لين يخضر فيه العود= ويرعاه لي ربعن قروم شقرديه
فلاد العميري عزوتي فزعت المظهود= ويسعد منهم فزعته في ضحى الهيه
فترى كسبهم الأفلاج عندي عليه شهود= فضوا مشرف اللي عاليات مبانيه
وترى جعيري اللي قادها والعباد رقود=على رأس ابن مثعب حمى الجيش في الهيه
فياليت عين من قضيب تشوف العود =اخذنا قضى عليا وشاها الخيليه وتمره
وقفنا دونها نشعل البارود= وقفنا بسبرات النظر والقديميه
يشهد لنا تاريخنا يوم جاء ابن سعود= ابو تركي اللي لم شمل السعوديه
حكمها بشرع الله مع السيف والعبرود= وعلى راية الاسلام ماهي شيوعيه
ومن كان في تغلب الى كنتب البارود= ربعن قروم كل ابوهم زناتيه
وتغلب وزايد لمهم دوسر العود=قرومن تكاتف بالرخى والمعسريه
همم درعنا الظافي وهم عدنا المورود= لنا نخوه لا جاء ليالي المعسريه
وجميع القبايل وافيه ما عليها زود=وكلن يورد حربته في ضحى الهيه
فأنا لا مدحت بلابتي ما علي منقود= أفعال تسجل في التواريخ مقريه
تعقب صبي قال هرجن بغير شهود= كثير الحكايا ضايعات مراويه
أقوله وانا من لابه تشعل البارود= عمور لها التاريخ يشهد بماضيه
وصلاة ربي عد ما هب ذاري النود= على النبي محمد صافب النيه



نعمين يا عماش فعلك وطاريك =حر شهر في المجد في راس قمه
فعلن على البرهان مافيه تشكيك = ومدح بلا فعل تراه مذمه
يا مخبل اللي بالمراجل يماريك = اهديت مليون لأفراح تمره
ما مدته يمناك من الشر ينجيك = ينجيك من نار ويدخلك جنه
كل الخصال الطيبه وافيه فيك = وعد رسيل ما يكمل مجمه

___________________________________



وبعدها قدمت هدايا تذكرية لراعي الحفل الشيخ عماش والشيخ مصلح أبناء مبارك آل صغير العمور




هدية من الشيخ محمد بن ردعان ال ردعان العمور


هدية من الشيخ سعد بن مسفر ال طاقان العمور


هدية من الشيخ علي بن فهد بن فراس ال مجري العمور


هدية من الشيخ عبدالله بن فالح العمور


هدية من الدكتور فالح بن مفلح العمور


هدية من الشيخ محمد بن عبدالله ال شارع العمور



هدية من الشيخ فهيد بن مبارك ال سعيد العمور


هدية من الشيخ مشعان بن برجس العمور


هدية من للجنة التنمية الاجتماعية بــ تمرة ويسلمها فالح بن سالم العمور

من ثم جاء تكريم الاعلامين و الشعراء المشاركين بـــ الحفل


تكريم دغش بن حمد بن منصور الصخابره


تكريم الشاعر ناشي بن خلف العمور


تكريم موقع قبيلة الدواسر الرسمي ممثله بـ عضو مجلس الادارة الاستاذ فهد بن هادي الغريري


تكريم وسام بن جلوي العمور


تكريم الشاعر فهد بن ضيف آل مجري العمور


تكريم الشاعر نادر الناهشي


تكريم الشاعر عبدالله بن صالح الصليبي الحقباني


تكريم الشاعر ظافر البجيري المصارير


تكريم الشاعر مسفر بن منيف المصارير


تكريم شبل الدواسر المنشد عبيد بن ذيب الرجباني


تكريم المنشد جريم المصارير


تكريم مقدم الحفل الاعلامي راشد بن حماد الغريري


تكريم فالح بن سالم العمور


تكريم الشاعر محمد بن مبارك الشرع العمور


تكريم احد المشاركين في الحفل


تكريم الشاعر مبارك بن مناحي العمور


تكريم المنشد جابر بن جعده الشكرة


تكريم الشيخ محمد ردعان العمور ويستلمه عنه ابنه عبدالهادي


تكريم الشاعر بتال بن مبارك بن شلوان العمور


تكريم الشاعر عبدالله بن فارس الشرع العمور




صــور عــــامــه من الحفل



في المنتصف الشيخ عماش بن مبارك ال صغير وعلي يمينه دغش بن حمد الصخابر و منصور بن دغش الصخابره ومن اليمين فالح بن سالم العمور والشيخ علي بن فهد ال مجري العمور




من اليمين الشيخ قهيدان بن مسفر العمور ويليه الشيخ دبيان بن مبارك العمور ويليه الشيخ عبيدبن العشاي العمور ويليه الشيخ شايع بن سعيد العمور









من اليمين سعيد بن محمد بن ناشي العمور ويليه سعد بن علي بن فهد العمور ويليه العميد القطيني بن علي العمور






من اليسار الشيخ عبدالعزيز بن شبيب العمور ويليه خالد بن محمد ال طاقان العمور ويليه سيف بن فارس ال مهدي العمور



من اليسار هجرس بن صالح ال شارع العمور ويليه مبارك بن محمد بن ردعان العمور ويليه فالح بن دايس ال هجرس العمور



من اليسار ردعان بن مبارك ال ردعان العمور ويليه الدكتور فالح بن مفلح ال فارس العمور ويليه الشيخ زامل بن سعيد ال زامل العمور






من اليسار مبارك بن فرحان ال وقيان العمور ويليه المقدم سعد بن عبدالله ال شارع العمور ويليه عبدالله بن سعيد بن مصلح العمور



من اليسار الشيخ شارع بن ابراهيم ال عجيم العمور ويليه الشيخ مبارك بن حمد ال عجيم العمور ويليه الشيخ فهد بن ضيف ال مجري



من اليسار الشيخ فارس بن صالح ال مترك العمور ويليه الشيخ سالم بن علي ال مجري العمور












من اليسار الشيخ غالب بن محمد العمور ويليه الشيخ فراج بن مشعان العمور ويليه الشيخ ابراهيم بن هادي العمور














من اليمين مبارك بن مشلح العمور ويليه ناصر بن محمد ال عيينه ويليه مبارك بن سعد ال عيينه العمور



الثاني من اليمين الشيخ فالح بن داهم الخييلات





















من اليسار الشيخ محمد بن حسين العمار الشيخ حمود بن ضاوي المسعري ويليه الشيخ محمد بن عبدالله ال عمار



من اليسار محمد بن مبارك ال صغير العمور






من اليمين الشيخ علي بن قهيدان ال شافي العمور












من اليسار الشيخ مصلح بن مبارك ال صغير العمور ومن اليمين الشيخ عبيد بن هادي العمور






من اليمين الشيخ سعد بن فالح ال شافي العمور ويليه الشيخ ابراهيم بن مبخوت الشرافي ويليه الشيخ عبداللطيف بن محمد ال فرج الدوسري






من اليسار الشيخ مصلح بن مبارك ال صغير العمور ويليه المنشد شبل الدواسر ويليه الشيخ سعد بن ادريس العمور









من اليمين الشيخ سعد بن دايس ال هجرس العمور ويليه الشيخ عماش بن مبارك ال صغير ويليه محمد بن دايس ال هجرس العمور







الشيخ فالح بن عماش ال صغير العمور






الشيخ مصلح بن مبارك بن مبارك ال صغير العمور اثناء استقباله لشيخ محمد بن هادي والشيخ ابراهيم بن هادي والشيخ عبيد بن هادي والشيخ شانان بن هادي والشيخ العشاي بن عبيد زالشيخ العشاي بن ابرهيم والشيخ فهد بن محمد



من اليمين الشيخ راشد بن العشاي العمور وبجانبة الشيخ مصلح بن مبارك ال صغير العمور



الشيخ فالح بن قهيدان العمور



من اليمين الشيخ صالح بن مفلح ال شارع العمور ويليه العميد القطيني بن علي ال فهد العمور



من اليسار محمد بن ناجي بن حمد العمور




من اليمين خلف بن فالح ال فارس العمور ويليه سالم بن ناصر ال فارس العمور



من اليمين الشيخ فهيد بن فالح العمور ويليه الشيخ سعد بن ردعان ال ردعان العمور







الشيخ عماش بن مبارك ال صغير العمور والشيخ مصلح بن مبارك ال صغير لدى استقبال الشيخ فالح بن قهيدان العمور والشيخ مبارك بن سالم العمور والشيخ مشعان بن محمد العمور



الشيخ عماش بن مبارك ال صغير والشيخ مصلح بن مبارك ال صغير عند استقبال الشيخ سعد بن مهدي ال صغير و مصلح بن صغير ال صغير و محمد بن صغير ال صغير وفي الصورة عبدالله بن عماش ال صغير



من اليمين الشيخ عبدالله بن شينان العمور ويليه الشيخ هادي بن محمد العمور



من اليسار الشيخ مصلح بن مبارك ال صغير ويليه العقيد خالد بن شبيب العمور ويليه محمد بن مبارك ال صغير



الشيخ مصلح بن مبارك ال صغير ومحمد بن شايع ال صغير لحظة استقبالهم شيوخ واعيان ال جاسر العمور في مقدمتهم الشيخ يحيى بن جاسر ال جاسر العمور



الشيخ ادريس بن محمد ال هجرس العمور والعميد طيار محمد بن ادريس ال هجرس العمور والشيخ سعد بن محمد ال هجرس العمور عند وصولهم للحفل وفي يمين الصورة عبدالله بن عماش ال صغير




من اليمين سعود بن محمد الجاسر العمور و سعود بن راشد الجاسر العمور
و محمد بن عبدالله عبد العزيز الراشد العمور ( عمدة الخبر وتوابعها )
والشيخ عماش بن مبارك العمور و مبارك بن عبدالله الجاسر العمور ويحيي بن جاسر الجاسر العمور و محمد بن جاسر الجاسر العمور و عبدالله بن راشد الجاسر العمور وزكري بن يحيي الجاسر العمور و سعد بن سعود الجاسر العمور و محمد بن سعود الجاسر العمور وعبدالله بن راشد الجاسر العمور
والعقيد خالد بن شبيب ال شبيب العمور وعبدالله بن جاسر الجاسر العمور
و راشد بن سعود الجاسر العمور



من اليمين الشيخ دبيان بن مبارك ال فواز العمور ويليه الشيخ عبيد بن العشاي العمور ويليه الشيخ فهيد بن مبارك ال فواز العمور












من اليمين الشيخ مصلح بن مهدي العمور



من اليمين الشيخ شايع بن عبدالله العمور ويسار مبارك بن عبدالله العمور



من اليسار عبدالله بن مهدي العمور ويليه الشيخ حمدان بن راشد العمور



من اليسار سعيد بن بطاح العمور ويليه الطميش بن علي العمور ويليه ابراهيم بن الطميش العمور






من اليمين الشيخ مفلح بن شايع ال مفلح العمور ويليه الشيخ شايع بن سعيدالعمور ويليه الشيخ عبدالله بن قهيدان العمور



من اليمين الشيخ مسفر بن حسين الحراجين ويليه الشيخ مبارك بن عماش ال صغير العمور ويليه الشيخ محمد بن هادي المسعري ويليه الشيخ مطلق بن جفنان الحراجين









من اليسار العواد بن فالح العمور ويليه سعود بن العشاي العمور ويليه فالح بن جربوع العمور



من اليسار سعيد بن عبدالله العمور ويليه محمد بن صغير العمور ويليه ناصر بن عبدالله العمور






















الشيخ عماش بن مبارك ال صغير العمور والشيخ مصلح بن مبارك ال صغير العمور و محمد بن مبارك ال صغير في صورة تذكاريه مع اللجنة المنظمه


الشيخ عماش بن مبارك ال صغير العمور والشيخ مصلح بن مباوك ال صغير العمور عند استقبالهم الشيخ مطلق بن حفنان الحراجين والشيخ مسفر بن حسين الحراجين والشيخ مسلم بن محمد الحراجين والشيخ محمد بن هادي المساعره والشيخ ثلاب بن هادي المساعره والشيخ هادي بن مطلق الحراجين



























الشرع بن مبارك العمور







من اليمين الشيخ عبدالله بن طليفيح الخييلات



























من اليمين صالح بن سعيد ال زامل العمور ويليه عبدالله بن شايع ال زامل العمور










من اليمين فيحان بن عبدالله الخييلات


















من اليمين الدكتور فيصل بن ناصر ال طايع العمور ويليه الدكتور عبدالله بن منير ال شارع العمور



























من اليمين الشيخ مرزوق بن فالح ال هجرس العمور ويليه مسند بن مبارك ال ردعان العمور



من اليمين مبارك بن ابرهيم ال عجيم العمور ويليه مشعان بن مبارك ال شارع العمور
ويليه معيوف بن ناصر ال شارع العمور



من اليمين سعيد بن محمد بن بطاح العمور ويليه فهد بن محمد بن بطاح العمور ويليه مفلح بن فالح ال شارع العمور ويليه فالح بن صالح ال شارع العمور






من اليمين الشيخ علي بن مهدي ال هجرس العمور ويليه الشيخ سعد بن فالح ال هجرس العمور






من اليمين علي بن شايع ال مفلح العمور ويليه مسفر بن سالم الودعاني






من اليمين الشيخ فارس بن صالح ال مفلح العمور ويليه الشيخ فارس بن شايع ال مفلح العمور



من اليسار الشيخ سالم بن سعد العمور يليه الشيخ بتال بن فهيد العمور





































وختاماً، تتقدم إدارة الموقع الرسمي لقبيلة الدواسرتتقدم بخالص الشكر والعرفان لشيخ عماش والشيخ مصلح أبناء مبارك آل صغير العمور على الإحتفاليّة المتميزه وإن هذا ليس بمستغرب عليهم أبداً والشكر على حسن التنظيم والترتيب المسبق المعدّ لهذه الإحتفاليّة المتميزه



(صوت قبيلة الدواسر)
موقع قبيلة الدواسر الرسمي
www.alduwaser.org/vb

 

 

 

 

 

 

التوقيع


حسابنا في تويتر

@alduwaser1

    

رد مع اقتباس
قديم 21-05-2014, 11:50 PM   #2
 
إحصائية العضو








فهد الغريري متصل الآن

فهد الغريري is a jewel in the roughفهد الغريري is a jewel in the roughفهد الغريري is a jewel in the rough


افتراضي رد: التغطية المصوّرة للحفل التكريمي لقبيلة العمور برعاية الشيخ عماش بن مبارك آل صغير العمور

بالبداية فإنني أقدم شكري وتقديري لــــ الشيخ عماش بن مبارك آل صغير العمور وأخوانه

علي هذا الاحتفال المبارك


وشكر خاص للاستاذ فالح بن مبارك آل صغير العمور لتزويدنا بالصور والقصائد للاحتفال




وأحب أن انوه الجميع على أن من يعرف اسماء بعض الأشخاص بالصور العلويّة، فعليه مراسلة من خلال البريد الإلكتروني الخاص بي، وهو :

barq003@hotmail.com




نسأل الله العليّ القدير التوفيق والسداد ونحمد الله العليّ القدير على أن منّ علينا بالأفراح المستمرة للقبيلة من خلال إقامة الملتقيات النيره.

ودامت ديار قبيلة الدواسـر عامرةً بالأفراح والمسرات

 

 

 

 

 

 

التوقيع

    

رد مع اقتباس
قديم 22-05-2014, 06:09 AM   #3
 
إحصائية العضو







دغش بن حمد بن منصور متصل الآن

دغش بن حمد بن منصور is on a distinguished road


افتراضي رد: التغطية المصوّرة للحفل التكريمي لقبيلة العمور برعاية الشيخ عماش بن مبارك آل صغير العمور

بيض الله وجيه العمور كافه على هذا الحفل المشرف والاستقبال الطيب وبيض الله وجه من قام على هذا الحفل الشيخ عماش واخوانه وربعه ال صغير ... جمعوا ربعهم واحتفلوا وتنومسوا وجملوا الجميع ولاهيب غريبه على بني عمنا ...


واشكر موقعنا ومن قام على هذه التغطيه والمجهود الجبار الاخ الغالي . فهد بن هادي الغريري الله يرفع قدرك ويرحم والديك والله لايضيع لك تعب مجهودات واضحه للعيان جعل ربي يبطي بحياتك

تحياتي ...

 

 

 

 

    

رد مع اقتباس
قديم 22-05-2014, 08:07 AM   #4
 
إحصائية العضو







فلاح بن عايد غير متصل

فلاح بن عايد is on a distinguished road


افتراضي رد: التغطية المصوّرة للحفل التكريمي لقبيلة العمور برعاية الشيخ عماش بن مبارك آل صغير العمور

بيّض الله وجيه العمورعلى هذا الاجتماع الطيب والله يجمعهم على العز والطاعة

وشكر خاص للقائم على الحفل الشيخ عماش بن مبارك آل صغير العمور

على ماقام به من جمع لأبناء العمومة وهذا يدل على اهتمامه وحرصه على تكاتف الجميع وحضورهم

والشكر موصول لكم يا إدارة على هذه التغطية..

واخص ابوهادي على جهوده

 

 

 

 

    

رد مع اقتباس
قديم 22-05-2014, 09:47 AM   #5
 
إحصائية العضو







نآصر البدراني متصل الآن

نآصر البدراني is on a distinguished road


افتراضي رد: التغطية المصوّرة للحفل التكريمي لقبيلة العمور برعاية الشيخ عماش بن مبارك آل صغير العمور



كُفو بربعنا لاد العميري عامه والله يجمعهم على المعزه والمحبه


وبيض الله وجه راعي الحفل الشيخ عماش آل صغير وأخوانه ,



في ذمتي أول حفل تمنييت أني متواجد شوشوني وأطربوني ,



حفل رآآئع بمعازيبه وحضوره ومقدمه وفقراته وبالمشاركين والشعراء


أصحاب الكلمه الجزله والمنشديين أصحاب الأصوات العـــذبه والجميله


بيض الله وجييهم جميــــــــــع ,


أبيض وجه يا ابو راشد جعل راسك يبطي حي والله يعافييك يا كحيــلان

 

 

 

 

 

 

التوقيع




استغفر الله لي ولوالدي وللمسلمين والمسلمات


المؤمنين والمؤمنات الأحياء منهم والأموات


    

رد مع اقتباس
قديم 22-05-2014, 12:05 PM   #6
 
إحصائية العضو







راشد المسعري غير متصل

راشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud of


افتراضي رد: التغطية المصوّرة للحفل التكريمي لقبيلة العمور برعاية الشيخ عماش بن مبارك آل صغير العمور

بيض الله وجه العمور على الحفل اللي يجمل وعلى هذه الجمعا الطيبه وعسى الله يجمعهم على العز والطاعة
والشكر موصول للقائمين على الحفل الشيخ عماش واخوانه
وشكر موصول للاخ فهد الغريري على جهوده المميزه في هذه التغطية ،،،

 

 

 

 

    

رد مع اقتباس
قديم 22-05-2014, 10:08 PM   #7
 
إحصائية العضو








حمد ابن فهد غير متصل

وسام الدواسر الذهبي: للأعضاء المميزين والنشيطين - السبب: شكر وتقدير
: 1

حمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond repute


افتراضي رد: التغطية المصوّرة للحفل التكريمي لقبيلة العمور برعاية الشيخ عماش والشيخ مصلح أبناء مبارك آل صغير العمور

ماشاء الله حفل رائع بيض الله وجه عماش واخوانه على حفلهم التكريمي لقبيلة عزيزة علينا جميع وهم اهل له

وبيض الله وجهك يابوراشد للتغطية المميزة لاهنت

 

 

 

 

 

 

التوقيع

    

رد مع اقتباس
قديم 25-05-2014, 02:15 AM   #8
 
إحصائية العضو







شافي بن راشد النتيفات غير متصل

وسام شاعر التميّز .: وسام يقدم لمن يستحق أن يطلق عليه وسام الدواسر الذهبي: للأعضاء المميزين والنشيطين - السبب: شكر وتقدير.. ونعتذر علي سقوط اسم
: 2

شافي بن راشد النتيفات has a spectacular aura aboutشافي بن راشد النتيفات has a spectacular aura about


افتراضي رد: التغطية المصوّرة للحفل التكريمي لقبيلة العمور برعاية الشيخ عماش والشيخ مصلح أبناء مبارك آل صغير العمور

الله يجمعهم ولا يفرقهم وبيض الله وجه الشيخ عماش ومن قام معه على هذا الكرنفال الرائع وبيض الله وجيهكم ادارتنا الموقرة على هذه التغطية والاخراج الاكثر من رائع

 

 

 

 

 

 

التوقيع




لمتابعتي بتويتر

Shafi-1978

    

رد مع اقتباس
قديم 03-06-2014, 03:18 PM   #9
 
إحصائية العضو







غازي المسعري غير متصل

غازي المسعري is on a distinguished road


افتراضي رد: التغطية المصوّرة للحفل التكريمي لقبيلة العمور برعاية الشيخ عماش والشيخ مصلح أبناء مبارك آل صغير العمور

بيّض الله وجيه العمورعلى هذا الاجتماع الطيب والله يجمعهم على العز والطاعة

وشكر خاص للقائم على الحفل الشيخ عماش بن مبارك آل صغير العمور

على ماقام به من جمع لأبناء العمومة وهذا يدل على اهتمامه وحرصه على تكاتف الجميع وحضورهم

والشكر موصول لـ إدارتنا الموقرة التي طالما عودتنا على الإبداع وجعلنا في قلب احتفالات قبيلة الدواسر في كل مكان

فشكراً لكم

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 6 ( الأعضاء 0 والزوار 6)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
التغطية المصوّرة للحفل السنوي السادس لقبيلة الدواسر بإستضافة ورعاية الشيخ ابراهيم بن عبدالله الشتوي البدارين حفظه الله . الإداره :: قسم اللقــاءات والفعاليات والتغطيات الخاصة:: 23 08-07-2012 07:22 PM
التغطية المصوّرة للحفل السنوي الخامس لقبيلة الدواسر بإستضافة ورعاية الشيخ فيحان بن شجاع بن محماس بن سويلمه آل بريك حفظه الله ورعاه. الإداره :: قسم اللقــاءات والفعاليات والتغطيات الخاصة:: 39 30-04-2011 02:03 PM
التغطية المصوّرة لــ حفل قبيلة العمور برعاية الشيخ سعد بن مسفر آل طاقان العمور على شرف الشيخ علي بن صالح أبوليله وجماعته الغفران آل مره الإداره :: قسم اللقــاءات والفعاليات والتغطيات الخاصة:: 22 28-03-2011 08:07 AM
التغطية المصوّرة لحفل إفتتاح مبرة قبيلة الدواسر الخيريّة بدولة الكويت. الإداره :: قسم اللقــاءات والفعاليات والتغطيات الخاصة:: 16 22-11-2010 08:44 AM
التغطية المصوّرة للحفل السنوي الرابع لموقع الرسمي لقبيلة الدواسر بإستضافة الأمير ضاري بن سعد الحطيم بمحافظة الخرج الإداره :: قسم اللقــاءات والفعاليات والتغطيات الخاصة:: 26 04-05-2010 01:12 PM

 


الساعة الآن 08:39 AM


Powered by vBulletin® Copyright ©2000 - 2019, Jelsoft Enterprises Ltd.
---