8 في 1 ... ( الجزء الثالث) - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم إبداعات شعراء المنتدى ومساجلاتهم ::

إضافة رد
انشر الموضوع
 
أدوات الموضوع انواع عرض الموضوع
قديم 02-11-2009, 05:07 AM   #1
 
إحصائية العضو







فراج بن فهد آل تركي غير متصل

وسام شاعر التميّز .: وسام يقدم لمن يستحق أن يطلق عليه
: 1

فراج بن فهد آل تركي is on a distinguished road


افتراضي 8 في 1 ... ( الجزء الثالث)


السلام عليكم ورحمة الله وبركاته :

الإخوة الكرام داخل المنتدى وخارجه :
يسعدني تجديد التواصل معكم بمجموعة من القصائد المتواضعة ,
وهي استكمالاً لأجزاء سبقتها , راجياً من الله أن تحوز على بعض
استحسانكم , والمعذرة مسبقاً على قصورها وعلى قصور تواصلي معكم .
قد يظهر تباين أو شبه تناقض بين بعض القصائد وماذاك إلا لتباعد الفترات
الزمنية بين تلك القصائد .

......................

هذه أبيات لها تقريباً 3 أسابيع , استخدمت فيها وصف ( سلق البيض)
رغم عدم محبتي لهذا التعبير ولكنه الأقرب لحال أكثر قصائد هذه الأيام :


يامودّعٍ ساحة الشعر ومرابعها=عدّاك يامسندي لوم المطاليقي
قصايد الوقت هذا أزريت أتابعها=كثْرت ودبرت بعد جاها المطافيقي
قصايد النسخ واللصق وتوابعها=واللتّ والعجن في محق الطواريقي
قصايدٍ سامجه ضاقت مطابعها=متشابهاتٍ كما أشكال البطاريقي
أشعار ناسٍ ضعيفاتٍ روابعها=سلاّقة البيض لعيون الغرانيقي
لو إنها تجتهد تجمع طوابعها=أخير من دبلة كْبود المخاليقي

..................................................

قصيدة تعود إلى شهر رجب 1430 هجرية :

سجّة الرجال والذود قدّامه=في خلاً علّه حقوق المخاييلي
خير من قصرٍ تلامع به ارخامه=وخير من مجلس هل القال والقيلي
ولّ ياوقتٍ رماني بدوامة=لين نزّحني من أرض المشاكيلي
واللْه إنْها ماتفيد التندّامة=مير ياوجد الحشا لاضوى ليلي
وجد من ذاق العزاير من أعمامه=عقب طاح أبوه مع عجّة الخيلي
وآه ياقلبٍ خطيرٍ تصرّامه=لاذكرت اللي مضى فأوّل الجيلي
قبل يخدعنا الزمان بتبسّامه=مادرينا أنّه يعقد المحابيلي
وقبل نسعى والعمر تذهب أعوامه=في مناكب الأرض والعالم النيلي
قبل أوادع ديرة العز ووسامه=دار حدّ السيف ومفطّح الحيلي
ديرةٍ بين الدير كنها شامة=فوق خدّ الجادل أم التعازيلي
خارج الديرة هوا البرّ وأنسامه=وداخل الديرة بساتين ونخيلي
دار ربعٍ للمعادين لطّامة=راكدين وفالملاقا مهابيلي
ماخذوا ( فيحان) مشراً على السامه*=مالكينه بالسيوف المصاقيلي
ونحمد اللي عزّنا اليوم بإسلامه=مانبي في شرع الإسلام تبديلي
فيالله المطلوب يافارض أحكامه=ياكريمٍ ماعلى بابه ابخيلي
جعل نوًّ في السما يسبح اركامه=جنح ليلٍ بارقه بدّد الليلي
لاتمثنى ( كرز ) يبدا تهشّامه=صبّ شلّالٍ قراح الشهاليلي
ماطرٍ عمّ الشعابين رشّامه=من المعيذر للضمان لوراء الغيلي*
كلّ شعبٍ في ( الحمر) تضرب اعجامه=لين زلّ الشهر ماوقّف السيلي
وكلّ شبرٍ في الجزيرة خذا زامه=يركب النوّ وتفيض المساييلي
ملزم الماء يصطفق لو مضى عامه=والبطاحي غادياتٍ مغاييلي
وترجع القلبان قامة ورا قامة=والغروس بحلوة أثمارها اتميلي
وزاف عشب القاع والزاهر اخزامه=يكسي الريضان مثل الأكاليلي
كلّ ذودٍ يشبع وتارد احيامه=يتنقّون أهلها في المنازيلي
يسلمون مْن النخال وتسمّامه=والشعير يشاف رخص المناديلي
والشكر لله على فايض أنعامه=لوشكرنا الله تزول الغرابيلي
ولايشيب القاف لوّ أعلن اختامه=مير ماودّي بكثر التفاصيلي

* فيحان : الإسم السابق لمدينة ( الأحمر-الحمر) في الأفلاج .
** كرز , المعيذر , الضمان : أودية وشعاب في الأحمر
*** الغيل : بلدة في الأفلاج شمال الأحمر .
*** السامه : السومة من سام يسوم فهو شريطي


.................................................. ...........

قصيدة من عام 1426 أو 27 لاأذكر متى بالضبط :



أنا لو همومي حوّلت فوق ضلع طويق=فلانيب مستبعد تفجّر براكينه
لكن شالها متني ولاقلتنا ماأطيق=عسى الله يزيّن حالٍ أزريت تزيينه
تتالى عراقيل الزمن وأرفض التعليق=ولوشفت منه الشين ماقلت ياشينه
فوش يفرق المسلم من الملحد الزنديق=إذا ماخضع لأمر الإله وقوانينه
ولو دنقوا بعض العرب ماأقبل التدنيق=لو أنّ الجمل قامت تكاثر سكاكينه
ألا ياعيوني لايطوّل بك التحديق=في ركب الزمان المرتحل عن عناوينه
خذينا من الماضي تجاريبٍ وتوثيق=وباقي غثاه أرجوك ياعين تنسينه

......................................

هذه من قديمي ( تقريباً عام 1420 هجرية) وكان لها مناسبة وموقف :

ياهيه ياللي في الطويله تغنّي=صكات بقعا فيك مثّر عملها
خلّ الغنا مادمت مسلم وسني=بعض الطروق تهشّم صدور أهلها
اشك الجروح اللي سببها تونّي=لربٍ كريمٍ علتك ماجهلها
ثم ازبن اكعام الشقا والتمنّي=وقد قيل ما للحمله ألا جملها
دواسرٍ ماأ خذوا كرمهم تبنّي=وراثةٍ فأشبالها من كهلها
إن كان في بعض العرب فرخ جني=فإنا قبايل جنّ تمسح جبلها
بإرادة الله خاطرك يرجهني=وعن ضيقة الأيام تدله وتلها
حنّا لها كان الظروف اسمحنيّ=وإن ما اسمحن جبنا ظروفٍ بدلها


................................

أبيات من عام 1425 هجرية :


الشدايد محكّ لصاحب الشدّه=الرخا ياكثر ربعي وصدقاني
فرق (مكة) عن الأوضاع في (جدّة)=مثل بعد (الحسا) عن باب (نجراني)
الوفا صاحبه نغليه ونودّه=لوبغا أعمارنا نعطيه مجّاني
والردي ودّنا لو يلحق بجدّه=مانداني وجوده وسط الأوطاني
( يارفيقٍ تسلّ السيف وتحدّه)=يوم غاب الرفيق وصرت وحداني
قمة طويقنا ماهيب منهدّه= لو تهبّ العواصف طول الأزماني
ورزقنا في السما والخالق يْمدّه=مارجينا عطايا فلان وفلاني
راعي الطيب لوّ إنْ داره امصدّه=والله إنّا نعدّه جيز الإخواني
وراعي الذلّ ياقف من ورا حدّه=لين ربّي يدلّه درب الإحساني
ومن تجمّل مع الأنذال بالمدّه=مالقا ألا الجحود وزود نكراني
ذا كلامي عليه الختم والمدّه=عادةٍ لي وهي عادات جداني


على متن خطوط الإتحاد الإماراتية وبصحبة اثنين
من الزملاء : حمود ناصر الهاجري وفيصل فالح العتيبي , حدث موقف
عفوي وطريف فكانت هذه الأبيات شبه الإرتجالية , وهي تتضمن نصيحة
مغلفة بأسلوب يبدو أنه غير محكم .. ( 30 شعبان 1430)


ياحمود الهاجري عطنا أسلحتنا=العتيبي صوّبوه أهل الإماره
المضيفه ليتها ما مالحتنا=تخدم الركاب من باب الإثاره
كان تبغون السلامة لنطحتنا=عاينوا في السقف وألوان الستاره
إن عصيتوا يارفاقه توصيتنا=مابقا منكم شريده في الغماره
طالت الرحلة على متن أجنحتنا=والشفق الأحمر سمحنا من حماره
والمزون الغرّ تطفح من تحتنا=كنها رغوة حليبٍ في غضاره
يالله المطلوب تحفظ طايرتنا=دامها في الجو لفّه واستداره
مير لاجينا المطار وحوّلتنا=جعلها برجٍ مثل برج التجاره

...................................

أبيات بتاريخ 10/10/1430 :

ياأبوعبدالله الأمور معقداتي=والبلا ياعزوتي منّا وفينا
صحّ واجهنا الظروف الكايداتي=واحتسينا من مرارتها وروينا
لكن اللي يا الشلي نغّص حياتي=الذنوب اللي تراكم مادرينا
غرّنا إنّا مافعلنا الموبقاتي=والصغاير تبني جْبالٍ علينا
وأفضل علاجً لكُبرى المعضلاتي =سجدةٍ لله في الليل الحزينا
لاحزبنا أمرٍ فزعنا للصلاتي=وانطرحنا بين أياديه وشكينا
فإن فرجها الواحد اللي مايباتي=فإنه الرحمن وأكرم الأكرمينا
وإن غمر موج الحزن قارب نجاتي=فالسبب لاشكّ : ما اقترفت يدينا
.................................


من آخر ماقلت وهي من أقرب القصائد إلى نفسي :

لا والله إني يافهد ماتغيّرت=ولا أتراجع يوم غيري تراجع
لاعاد تنشد ليه ماعاد سيّرت=ماودّي بتقليب ذكرى الفواجع
راحوا رفاقة الأمس وأنا تحيّرت=أحدن قُتِل وأحدن أسير المهاجع
وأنا لو إنّي في المصاير تخيّرت=ماشفتني في الغرب أكنّ المواجع
غفيت في حضن المهالك وطيّرت...=نوم الرقيب اللي مع الورْق ساجع
وإن قيل : ياذيب الغداري تذيّرت=قل للنعاج : الذيب رايح وراجع
لازال يحدوني الأمل ماتطيّرت=رغم الهموم اللي تقضّ المضاجع


هذا وتقبلوا فائق الإحترام والتقدير .

........................

هنا الجزء الأول من ( 8 في 1) :
http://www.alduwasser.com/vb/showthread.php?t=11368

وهنا الجزء الثاني
http://www.alduwasser.com/vb/showthread.php?t=18456

.
.
.

 

 

 

 

 

 

التوقيع

يقول ابن القيم رحمه الله
وقد أجمع عقلاء كل أمة.. على أن النعيم لا يدرك بالنعيم ..
وأن من آثر الراحة.. فاتته الراحة ..
وأن بحسب ركوب الأهوال.. واحتمال المشاق.. تكون الفرحة واللذة ..
فلا فرحة لمن لاهم له ..ولا لذة لمن لا صبر له .. ولا نعيم لمن لا شقاء له.. ولا راحة لمن لا تعب له ..
بل إذا تعب العبد قليلا.. استراح طويلا ..إنما تخلق اللذة والراحة والنعيم.. في دار
السلام ..وأما في هذه الدار فكلا
آخر تعديل فراج بن فهد آل تركي يوم 02-11-2009 في 05:21 AM.

    

رد مع اقتباس
قديم 02-11-2009, 05:58 AM   #2
 
إحصائية العضو








بدر بن صقر العجالين غير متصل

بدر بن صقر العجالين is on a distinguished road


افتراضي رد: 8 في 1 ... ( الجزء الثالث)

لبا قلبك وقصيدك يا أبوفهد

يسعدني أن أكون أول من يصافح هذه النوادر..

صح الله لسانك إلين ترضى طال عمرك وبصراحه غصنا معك في بحر الشعر الجزل واستمتعت أنا شخصيا وبدون مجامله في قراءة هذه القصائد..

أدامك الله يا بوفهد ولا تبطي علينا يالذيب..

تقبل تحياتي،،

 

 

 

 

    

رد مع اقتباس
قديم 02-11-2009, 06:07 AM   #3
 
إحصائية العضو








نايف الخييلي غير متصل

نايف الخييلي is on a distinguished road


افتراضي رد: 8 في 1 ... ( الجزء الثالث)


الله الله عليك يابو فهد

والله ان كل قصيده تستحق ان توضع بموضوع خاص مهوب تظلمها بجمعها
كلها تحت موضوع واحد , صراحة عجزت انتقي عبارات الاعجاب التي تصف استمتاعي
بقرأة هذه الدرر الشعريه , دمت جزلً تُمثل الشعر الحقيقي الذي يُطرب السامع ويسحر الالباب ببلاغته وجماله.
الله يزيد من زوايد فضله ويردك لاهلك وديرتك سالماً غانماً

 

 

 

 

    

رد مع اقتباس
قديم 02-11-2009, 08:45 AM   #4
 
إحصائية العضو








شيهانه بكف صقار غير متصل

شيهانه بكف صقار is on a distinguished road


افتراضي رد: 8 في 1 ... ( الجزء الثالث)

لافض فوك

ابياااات طيبة وجزلة
وماشاء الله القصايد كلها استمتعت وانا اقراها
ربي يزيدك من فضله

اعذب التحايا

اختك/شيهانه

 

 

 

 

 

 

التوقيع

    

رد مع اقتباس
قديم 02-11-2009, 01:17 PM   #5
 
إحصائية العضو







محمد بن سالم الخضراني غير متصل

وسام الدواسر الذهبي: للأعضاء المميزين والنشيطين - السبب: لنشاطه الملحوظ ومشاركاته المميزه بالموقعوسام شاعر التميّز .: وسام يقدم لمن يستحق أن يطلق عليه
: 2

محمد بن سالم الخضراني is on a distinguished road


افتراضي رد: 8 في 1 ... ( الجزء الثالث)

ماشاء الله عليك يابوفهد

صح لسانك ملايييييييييييييييين

ولاهنت والقصائد كلها وافيه

وانت شاعر جزل

تقديري ,,,

 

 

 

 

    

رد مع اقتباس
قديم 02-11-2009, 04:39 PM   #6
 
إحصائية العضو








فارس الدبالين غير متصل

فارس الدبالين is on a distinguished road


:r-r-5: رد: 8 في 1 ... ( الجزء الثالث)

ابوفهد صح السانك يالجزل قصايد وابيات غنيه بالفكر والمعرفه

بصراحه يعجز اللسان ان يوصفك ويوصف جزالتك

فانا اقول ماتجي القصايد الوافيه والجزله الا من شاعر له تجارب ويعدّ من اهل المراجل

تحياتي واحترامي لك يالقرم ....

 

 

 

 

    

رد مع اقتباس
قديم 04-11-2009, 12:48 AM   #8
 
إحصائية العضو








ابو زيد الغييثي غير متصل

وسام التميز: وسام التميز - السبب: لمشاركاته المتميّزه وجهده الطيب في المنتدى
: 1

ابو زيد الغييثي is on a distinguished road


افتراضي رد: 8 في 1 ... ( الجزء الثالث)




وإن قيل : ياذيب الغداري تذيّـرت * * * قل للنعاج : الذيب رايـح وراجـع


اررررررررررررررررررررررررررررحب

مليون × مليون

حــي الرجال وحي ما جــاب

ابـو فهـــد

أخاف موضوعك يتشوه من

ردي الذي اخاف ان يطيل

خصوصا ً ان بعد طول غيابك عن المنتدى

نسيت قاموسي في الوصف ولكن

منذ لحظات كنت استمع الى نونية القحطاني

واختم ردي لك ما قلته له في نهاية ابياته كطلبه

" رحم الاله صداك يا قحطاني "

أخوك / ابو زيــد


 

 

 

 

    

رد مع اقتباس
قديم 05-11-2009, 03:46 PM   #10
 
إحصائية العضو








محمد بن حمد الشكرة غير متصل

وسام الدواسر الذهبي: للأعضاء المميزين والنشيطين - السبب: شكر وتقدير
: 1

محمد بن حمد الشكرة is on a distinguished road


افتراضي رد: 8 في 1 ... ( الجزء الثالث)

ماشاء الله عليك يابوفهد

صح لسانك ملايييييييييييييييين

ولاهنت والقصائد كلها وافيه

وانت شاعر جزل

تقديري ,,,

 

 

 

 

 

 

من مواضيع: محمد بن حمد الشكرة

0 دعوة عامة من الشيخ / محمد بن زيد بن جريس الخييلات لحضور ملتقى قبيلة الخييلات
0 ياهـل الموقـع إلــي عنـدنـا غـالـي
0 مرشحي قبيلة الدواسر لإنتخابات نادي السالمية بالكويت-قائمة أبناء النادي
0 وزير التجارة يعين المهندس شويمي الكتاب المصارير عضوا بمجلس إدارة الغرفة التجارية بالخرج
0 سوف بعرض مساء اليوم الجمعة 19/11/1433هـ حفل تكريم الشاعر / نايف بن مسرع الدوسري بمناسبة مشاركته المشرفة في برنامج شاعر المليون للموسم الخامس على شاشة قناة الدانة

التوقيع




الى جنات الخلد يا بو فهد
أسأل الله ان يرحمه رحمةٍ تطمئن بها نفسه وتقر بها عينه
أسأل الله العظيم رب العرش الكريم أن يغفر له ويرحمه ويسكنه فسيح جناته


m.h.s502@vip.cn






    

رد مع اقتباس
قديم 05-11-2009, 10:53 PM   #11
 
إحصائية العضو







فراج بن فهد آل تركي غير متصل

وسام شاعر التميّز .: وسام يقدم لمن يستحق أن يطلق عليه
: 1

فراج بن فهد آل تركي is on a distinguished road


افتراضي رد: 8 في 1 ... ( الجزء الثالث)

اقتباس:
المشاركة الأصلية كتبت بواسطة بدر بن صقر العجالين مشاهدة المشاركة
لبا قلبك وقصيدك يا أبوفهد

يسعدني أن أكون أول من يصافح هذه النوادر..

صح الله لسانك إلين ترضى طال عمرك وبصراحه غصنا معك في بحر الشعر الجزل واستمتعت أنا شخصيا وبدون مجامله في قراءة هذه القصائد..

أدامك الله يا بوفهد ولا تبطي علينا يالذيب..

تقبل تحياتي،،
صح بدنك أخوي بدر

وجود اسمك في مقدمة الردود فأل خير لأخيك .

تقبل مني وافر الشكر وأصدقه .

اقتباس:
المشاركة الأصلية كتبت بواسطة نايف الخييلي مشاهدة المشاركة

الله الله عليك يابو فهد

والله ان كل قصيده تستحق ان توضع بموضوع خاص مهوب تظلمها بجمعها
كلها تحت موضوع واحد , صراحة عجزت انتقي عبارات الاعجاب التي تصف استمتاعي
بقرأة هذه الدرر الشعريه , دمت جزلً تُمثل الشعر الحقيقي الذي يُطرب السامع ويسحر الالباب ببلاغته وجماله.
الله يزيد من زوايد فضله ويردك لاهلك وديرتك سالماً غانماً

أخي العزيز نايف :

تأكد أنك من النخبة الذي أحرص على سماع آرائهم وأفرح بتواجدهم .

وكل كلمة قلتها هي من طيب ذاتك وكرم أخلاقك لاعدمت حضورك .

اقتباس:
المشاركة الأصلية كتبت بواسطة محمد بن سالم الخضران مشاهدة المشاركة
ماشاء الله عليك يابوفهد

صح لسانك ملايييييييييييييييين

ولاهنت والقصائد كلها وافيه

وانت شاعر جزل

تقديري ,,,
صح بدنك أخوي الشاعر أبوسالم , ولاعليك زود .

شكراً لحضورك .

اقتباس:
المشاركة الأصلية كتبت بواسطة فارس الدبالين مشاهدة المشاركة
ابوفهد صح السانك يالجزل قصايد وابيات غنيه بالفكر والمعرفه

بصراحه يعجز اللسان ان يوصفك ويوصف جزالتك

فانا اقول ماتجي القصايد الوافيه والجزله الا من شاعر له تجارب ويعدّ من اهل المراجل

تحياتي واحترامي لك يالقرم ....

الأخ الشاعر فارس الدبالين :

تأكد أن كل كلمة في ردك هي وسام فخر واعتزاز لأخيك لأنها صادرة

من شاعر مبدع , فكل الشكر لطيب مرورك , ولاعليك زود في كل ماذكرت .

اقتباس:
المشاركة الأصلية كتبت بواسطة متعب الشكري مشاهدة المشاركة
ماشاء الله عليك يابوفهد

صح لسانك ملايييييييييييييييين

ولاهنت والقصائد كلها وافيه

وانت شاعر جزل

تقديري ,,,

شكراً لك أخي متعب على نسخ رد أبوسالم , تقبل التحية .


اقتباس:
المشاركة الأصلية كتبت بواسطة ابو زيد الغييثي مشاهدة المشاركة



وإن قيل : ياذيب الغداري تذيّـرت * * * قل للنعاج : الذيب رايـح وراجـع


اررررررررررررررررررررررررررررحب

مليون × مليون

حــي الرجال وحي ما جــاب

ابـو فهـــد

أخاف موضوعك يتشوه من

ردي الذي اخاف ان يطيل

خصوصا ً ان بعد طول غيابك عن المنتدى

نسيت قاموسي في الوصف ولكن

منذ لحظات كنت استمع الى نونية القحطاني

واختم ردي لك ما قلته له في نهاية ابياته كطلبه

" رحم الاله صداك يا قحطاني "

أخوك / ابو زيــد


البقا ياأبوزيد ,,

وتأكد أن موضوعي يتشوه فقط إذا خلا من وجود اسمك اللامع فيه .

تعرف معزتك لدي فلن أطيل في الكلام ,, فقط أشكرك على طيب المرور .

اقتباس:
المشاركة الأصلية كتبت بواسطة الشـيخه مشاهدة المشاركة
نصوص جزله رائعه ووافيه استمتعت بقرائتها

لله درك يالشاعر ودمت رائعا معطا
شكر الله لكم طيب مروركم

اقتباس:
المشاركة الأصلية كتبت بواسطة محمد بن حمد الشكرة مشاهدة المشاركة
ماشاء الله عليك يابوفهد

صح لسانك ملايييييييييييييييين

ولاهنت والقصائد كلها وافيه

وانت شاعر جزل

تقديري ,,,

شكراً لك أخي محمد على نسخ رد أبوسالم , تقبل التحية .
.
.
.

وختاماً : كل الشكر والتقدير لمنّ من هنا واقتطع جزءاً من وقته لقراءة

قصائد أخيه المتواضعة , وفق الله الجميع لكل خير .

أخوكم : فراج بن فهد .

 

 

 

 

 

 

التوقيع

يقول ابن القيم رحمه الله
وقد أجمع عقلاء كل أمة.. على أن النعيم لا يدرك بالنعيم ..
وأن من آثر الراحة.. فاتته الراحة ..
وأن بحسب ركوب الأهوال.. واحتمال المشاق.. تكون الفرحة واللذة ..
فلا فرحة لمن لاهم له ..ولا لذة لمن لا صبر له .. ولا نعيم لمن لا شقاء له.. ولا راحة لمن لا تعب له ..
بل إذا تعب العبد قليلا.. استراح طويلا ..إنما تخلق اللذة والراحة والنعيم.. في دار
السلام ..وأما في هذه الدار فكلا

    

رد مع اقتباس
قديم 07-11-2009, 04:27 PM   #13
 
إحصائية العضو








فهد الغريري غير متصل

فهد الغريري is a jewel in the roughفهد الغريري is a jewel in the roughفهد الغريري is a jewel in the rough


افتراضي رد: 8 في 1 ... ( الجزء الثالث)

الشاعر الكبير صاحب القوافي القويه

ابـــــــــــــــوفـــــــــــــــهــــــــــــــد


الله الله على هذي القصائد التي تغمر الفوأد وتشرح الخاطر


والله يابوفهد مهما قلنا في مقامك العالي جعلك المعزه منوفيك حقك

انت من الشعراء المميزين الذين نكن لهم كل محبة وتقدير

تواجدهم ضروري وغيابهم مؤثر

الابداع والجزاله معتاده في شعرك



وننتظر جديدك المميز جعل من ارثك في الجنه


وتقبل تقديري واحترامي واعتزازي في شخصك الكريم


اخوك / فــهــد الــغــريــري


 

 

 

 

 

 

التوقيع

    

رد مع اقتباس
قديم 13-11-2009, 04:00 AM   #15
 
إحصائية العضو







فراج بن فهد آل تركي غير متصل

وسام شاعر التميّز .: وسام يقدم لمن يستحق أن يطلق عليه
: 1

فراج بن فهد آل تركي is on a distinguished road


افتراضي رد: 8 في 1 ... ( الجزء الثالث)

اقتباس:
المشاركة الأصلية كتبت بواسطة ماجد بن رويه مشاهدة المشاركة
مفخرة الشعر

ابوفهد


صح السانك

الابداع والجزاله ---هما وانت فرسي رهان




تحايا

صح بدنك أخوي العزيز والشاعر المبدع ماجد بن رويه ,
شهادتك لاغنى لي عنها بأي حال من الأحوال ,
ولاعليك زود في كل ماذكرت .
تقبل وافر التحايا .

 

 

 

 

 

 

التوقيع

يقول ابن القيم رحمه الله
وقد أجمع عقلاء كل أمة.. على أن النعيم لا يدرك بالنعيم ..
وأن من آثر الراحة.. فاتته الراحة ..
وأن بحسب ركوب الأهوال.. واحتمال المشاق.. تكون الفرحة واللذة ..
فلا فرحة لمن لاهم له ..ولا لذة لمن لا صبر له .. ولا نعيم لمن لا شقاء له.. ولا راحة لمن لا تعب له ..
بل إذا تعب العبد قليلا.. استراح طويلا ..إنما تخلق اللذة والراحة والنعيم.. في دار
السلام ..وأما في هذه الدار فكلا

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 12:38 AM


Powered by vBulletin® Copyright ©2000 - 2024, Jelsoft Enterprises Ltd.
---