طلق الحجاجين بن حفيظ ..للشاعر/شايع بن مسلم الخضران

**معلومات** **العضو** · 06-12-2009, 10:29 PM

بسم الله الرحمن الرحيم

(طلق الحجاجين)

قصيدة رائعة ألقاها الشاعر شايع الدوسري في حفل الشكرة الذي أقامه الشيخ حفيظ بن عجب آل حفيظ الدوسري 1429ه ومدحه و أثنى عليه وكان الحضور يتجاوز الخمسة آلاف

يـا الله يـا عـدال ميـل الموازيـن
سبحان من بامـره تهـب الهبوبـي
يا من بعثت آدم من الارض والطيـن
كنـا عـدم واليـوم حنـا شعوبـي
تجعل تجمعنـا علـى نصـرة الديـن
وتغفـر خطايانـا وتمحـى الذنوبـي
اعـداد مـن حجـو لبيتـه ملبـيـن
غرب وشمال وشرق وايضا الجنوبـي
يا مرحبـا ترحيـب كثـر الملاييـن
قالـه حفيـظ وقمتنـا عنـه انوبـي
حياكـم الله عـد وبــل الـوداديـن
لا اصتك جل المزن من كـل صوبـي
اليوم عيد وشوفكـم صـار عيديـن
وثاني عياد الفطر صـار امحسوبـي
اسس لنا ابن حفيظ طلق الحجاجيـن
حفـل(ن) عـن جمـيـع العيـوبـي
أما على ظهـور الركايـب مغيريـن
بظهورهن ما احد(ن) يمـل الركوبـي
والا نحفـظ اكـتـاب رب الثقلـيـن
واسجـد لخـلاق البرايـا واتـوبـي
سلام يا منصـى الزحـول المياميـن
وضد الخصوم اللـي اتيـه الدروبـي
ولد عجب لا صـارت العشـر ثنتيـن
يشرب فناجيـل الشجاعـة شروبـي
شيخ(ن) ولد شيخ(ن) ومقدم سلاطين
وله موقف(ن) عند الرجال امحسوبي
يعطي ويعطـى مـن عطيـاه وافيـن
يعطي بنات القـود هـن والجيوبـي
قول(ن) صحيح(ن) ما يبي له باهيـن
ماهيـب هرجـة خبـل والا كذوبـي
له منهج(ن) يصعب على بارد العيـن
عبـادة الدنيـا كـبـار الجنـوبـي
ناس(ن) ورى الدنيا والايـام لاهيـن
وكل(ن) غبوقه فـي انـاه امحلوبـي
لاهمهم زيـن(ن) ولا همهـم شيـن
والله عجايـب يـا زمـان العجوبـي
اخوانهـم يـم العـراق وفلسطـيـن
عليهـم اتشـب الحرايـب شبوبـي
افطن وفكـر وانتبـه يـا مسيكيـن
واخبر ترى الدنيا نصوب(ن) لعوبـي
وين الزعيم اللي حكم شـط نهريـن
قبلك يقول أطلق شنـب مـا هقوبـي
دارت به الايام مـن حيـن لا حيـن
وعليـه طـرن العـذارى الجيوبـي
يـا مستمـع خلـك امـام المصليـن
وان جاء الجهاد اربط مع الوسط ثوبي
ذروة سنام المجـد ويـن الفطينيـن
كرام السبـال اللـي تـدل الدروبـي
اللي على قطـع المسافـات ضاريـن
اهـل العقيـدة ثابتـيـن القلـوبـي
ما يرتكـي للحمـل كـون البعاريـن
والا ضعيف الـراي يرغـي طنوبـي
وحنـا بعـون الله وحيـاه قويـيـن
لو كـان فالدنيـا نجـاح و رسوبـي
ولا هنت يابن حفيظ طلق الحجاجيـن
حفلك نزيه(ن) عن جميـع العيوبـي

شعر شايع بن مسلم الخضران

**معلومات** **العضو** · 06-12-2009, 10:34 PM

صح لسان الشاعر ابو مسلم ويستاهل الممدوح كل علماً وتسلم يالقرم على النقل الرائع

**معلومات** **العضو** · 06-12-2009, 10:37 PM

اقتباس:

المشاركة الأصلية كتبت بواسطة عبدالله بن فهد

صح لسان الشاعر ابو مسلم ويستاهل الممدوح كل علماً وتسلم يالقرم على النقل الرائع

ومن قال سالم ولاهنت يابو فهد على المرور

**معلومات** **العضو** · 07-12-2009, 08:17 AM

صح لسان الشاعر ابو مسلم ويستاهل الممدوح كل علماً وتسلم يالقرم على النقل الرائع

**معلومات** **العضو** · 07-12-2009, 10:16 AM

صح لسان الشاعر ابو مسلم ويستاهل الممدوح
وتسلم يالقرم على النقل الرائع,,,

**معلومات** **العضو** · 07-12-2009, 10:46 PM

صح لسان الشاعر ابو مسلم ويستاهل الممدوح

وتسلم يالقرم على النقل الرائع,,,

تقبل تحياتي,,

**معلومات** **العضو** · 07-12-2009, 10:53 PM

اقتباس:

المشاركة الأصلية كتبت بواسطة متعب الشكري

صح لسان الشاعر ابو مسلم ويستاهل الممدوح كل علماً وتسلم يالقرم على النقل الرائع

ومن قال سالم ولاهنت يابو حمد على المرور

**معلومات** **العضو** · 07-12-2009, 10:55 PM

اقتباس:

المشاركة الأصلية كتبت بواسطة أبومبخوت الشكرة

صح لسان الشاعر ابو مسلم ويستاهل الممدوح
وتسلم يالقرم على النقل الرائع,,,

ومن قال سالم ولاهنت يابو مبخوت على المرور

**معلومات** **العضو** · 07-12-2009, 10:56 PM

اقتباس:

المشاركة الأصلية كتبت بواسطة فيصل الشكري

صح لسان الشاعر ابو مسلم ويستاهل الممدوح

وتسلم يالقرم على النقل الرائع,,,

تقبل تحياتي,,

ومن قال سالم ولاهنت يابو عبد الهادي على المرور

**معلومات** **العضو** · 12-12-2009, 05:06 PM

صح لسان الشاعر ابو مسلم ويستاهل الممدوح

وتسلم يالقرم على النقل الرائع,,,

تقبل تحياتي,,

**معلومات** **العضو** · 22-02-2010, 10:09 AM

شكرا لك يا ابو حمد على النقل الرائع صح لسان الشاعر والشيخ حفيظ بن عجب الدوسري يستحق كل تقدير جمع بين العلم والعمل لله دره ليت الموقع يثبت لنا سيرته وبعض قصائده ليستفيد منها الجميع فهو شاعر الفصحى والعامية وخطيب لا يشق له غبار وعالم من عاماء الامة

أسس لنا ابن حفيظ طلق الحجاجين
حفل(ن) نزيه(ن) عن جميع العيوبي

**معلومات** **العضو** · 22-02-2010, 04:58 PM

صح لسان الشاعر ابو مسلم ويستاهل الممدوح

وتسلم يالقرم على النقل الرائع,,,

تقبل تحياتي,,

**معلومات** **العضو** · 14-03-2010, 11:57 AM

بيض الله وجهك يا ابو حمد وصح الله لسان الشاعر
وجعل عمر الامير حفيظ يطول والله يخليه لدواسر

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية