مـــن القـــــائــــل؟ - الصفحة 4 - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم الـشعر العــام ::

إضافة رد
انشر الموضوع
 
أدوات الموضوع انواع عرض الموضوع
قديم 16-06-2010, 01:06 PM   #46
 
إحصائية العضو








حمد الشامري غير متصل

حمد الشامري is on a distinguished road


افتراضي رد: مـــن القـــــائــــل؟

قالوا هبيل وجايز لي هبالي

هبال طيب ولا صحاوة رخامه

هذي الابيات للشاعر مسلط بن شعيفان السبيعي

وسامحووناا عالتأخير في الرد

 

 

 

 

 

 

من مواضيع: حمد الشامري

0 ضيف جديد عندكم يالدوااسر ..؟

التوقيع

اللــي غلاهــا هـنا بالصـــدر من جـــوه

أزعــل النــاس لجـل يزين خاطرها


أخوكــــم " حمـــد الشـــامــري "

للتواصـــل

q_8_6@hotmail.com

    

رد مع اقتباس
قديم 27-07-2010, 11:55 PM   #48
 
إحصائية العضو







ابومبخوت الدوسري غير متصل

وسام الدواسر الذهبي: للأعضاء المميزين والنشيطين - السبب: لنشاطه الكبير وجهوده الطيبه في خدمة الموقع
: 1

ابومبخوت الدوسري has a spectacular aura aboutابومبخوت الدوسري has a spectacular aura aboutابومبخوت الدوسري has a spectacular aura about


افتراضي رد: مـــن القـــــائــــل؟

من القائل !!!!!!!!



الفآ اولف من جوابآ نظيفي = ودموع عيني فوق خدي ذريفي
من لامني في حب خلي وليفي = دقاق رمش العين سيد الخوندات
خوندات ياللي مابعد عاشرنه = قله تراهن بالهوى يذبحنه
قلبي وقلبك يالمعنى خذنه = عزي لمن مثلي تعرض للافات
البا بليت بحب خلآ على ماش = ولاحصل لي منه مايبرد الجاش
غديت انا واياه طاسة ومنقاش = بالوصف كني يالمعزي سلامات
سلامات ياللي باللقا يذكرونه = نبي السلامه وجتنا بالمهونه
يقول طيب مير غارت عيونه = سبب ولدكم صايبه واحدآ مات
التا تبعت الزين والزين مقفي = امشي وحتفي شايله فوق كتفي
لاشفت مجدول وكتف وردفي = مااقوى التفت ولو صيحو لي بالاصوات
اصوات لوقالوا هبيل وسايح = طرد المقفي يالمشقى فضايح
قلت ايه مير علومكم والنصايح = مثل المطر فوق السحال المكفات
الثا ثمانه رمان طايف = او قحويان في رياض عطايف
متكملآ بالزين سيد العفايف = غندورة فيها من الحور شارات

 

 

 

 

    

رد مع اقتباس
قديم 28-07-2010, 03:34 AM   #49
 
إحصائية العضو








عبدالله الحافر الغييثي غير متصل

وسام الدواسر الذهبي: للأعضاء المميزين والنشيطين - السبب: لنشاطه الملحوظ ومشاركاته المميزه بالموقع
: 1

عبدالله الحافر الغييثي is on a distinguished road


افتراضي رد: مـــن القـــــائــــل؟

ابومبخوت الظاهر اني سمعت انها لمحيسن الهزاني وسبق وان سمعتها جره على الربابه

 

 

 

 

    

رد مع اقتباس
قديم 18-09-2010, 02:42 PM   #51
 
إحصائية العضو







سالم الخضراني غير متصل

سالم الخضراني is on a distinguished road


افتراضي رد: مـــن القـــــائــــل؟

شكرا للمبدعين الله يعطيكم العافيه ما قصرتوا ،،،،، تقبل تحياتي ،،،،،،،

 

 

 

 

    

رد مع اقتباس
قديم 13-11-2010, 07:01 PM   #52
 
إحصائية العضو







راشد المسعري غير متصل

راشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud of


افتراضي رد: مـــن القـــــائــــل؟

من القائل يا اخوان للضرورة


كل ما دقيت لي فارض وتد
من رداة الحظ وافاني حصاة


او ( يظهر ) لي حصاه


واتمنى التأكد ، لأني كنت اتوقع انها للأمير خالد الفيصل

واحدهم يقول انها لمحمد بن لعبون

اتمنى الاجابة الشافيه وذكر المصدر إن حصل او تكملة البيت

وللجميع ودي وتقديري ،،،،

 

 

 

 

    

رد مع اقتباس
قديم 10-12-2010, 03:56 PM   #53
 
إحصائية العضو







محمد مطلق آل بريك غير متصل

محمد مطلق آل بريك is on a distinguished road


افتراضي رد: مـــن القـــــائــــل؟

لمن البيت يالربع واتمنى اللي يحفظ باقي القصيده يكملعا



أنا أظمى على الاخبار من صوبهم واجوع ** وعلم يجي منهم عن الزاد يكفيني


تخياتي للجميع ~~

 

 

 

 

 

 

التوقيع

ياهرجاً هرج القفا لاتهرجه=مأنته على بعض الكلام مغصوبي
لسانك حصانك وكلمتك سرجه=أهم حاجه لاتسمى كذوبي
أما نطق بالصدق فالصمت درجه=أقفل عليه الدرج حتى يتوبي
وهرج النميمه لايجي فيك برجه=يرسل ويستقبل حصاده ذنوبي
راقب ولي الكون مولاك وأرجه=وأن كان شايف عيب كلك عيوبي

    

رد مع اقتباس
قديم 19-01-2011, 12:36 AM   #55
 
إحصائية العضو







بخيت الغييثي غير متصل

بخيت الغييثي will become famous soon enough


افتراضي رد: مـــن القـــــائــــل؟

سلمت يابو مطر وسلم أبو سالم على هذه الفكره وبيض الله وجيهكم وشاكرين لكم جهودكم الجباره في خدمة منتدى القبيله منتدى الدواسر الرسمي فشكرآ أدارتنا الكريمه

 

 

 

 

 

 

التوقيع

من يعشق المطلاع ماوالف القاع ... نفس النداوي تستشف الطليعه
وأنـا لـيـا سـنـدت عـديت مطــلاع ... وعيني على القمه لو أنها رفيعه

    

رد مع اقتباس
قديم 08-02-2011, 05:13 PM   #56
 
إحصائية العضو








عبدالله الحافر الغييثي غير متصل

وسام الدواسر الذهبي: للأعضاء المميزين والنشيطين - السبب: لنشاطه الملحوظ ومشاركاته المميزه بالموقع
: 1

عبدالله الحافر الغييثي is on a distinguished road


افتراضي رد: مـــن القـــــائــــل؟

من بغى ركب الغمارة ماحصله=صارت المركب لمنسوع الجدايل
لمن يعرف تكمله هذه الابيات لمن؟

 

 

 

 

    

رد مع اقتباس
قديم 01-05-2011, 12:12 PM   #57
 
إحصائية العضو







ابو حسين الدوسري غير متصل

وسام الدواسر الفضي: للأعضاء المميزين والنشيطين - السبب: النشاط والتميز
: 1

ابو حسين الدوسري is on a distinguished road


افتراضي رد: مـــن القـــــائــــل؟

اقتباس:
المشاركة الأصلية كتبت بواسطة ابومبخوت الشكره مشاهدة المشاركة
من القائل !!!!!!!!



الفآ اولف من جوابآ نظيفي = ودموع عيني فوق خدي ذريفي
من لامني في حب خلي وليفي = دقاق رمش العين سيد الخوندات
خوندات ياللي مابعد عاشرنه = قله تراهن بالهوى يذبحنه
قلبي وقلبك يالمعنى خذنه = عزي لمن مثلي تعرض للافات
البا بليت بحب خلآ على ماش = ولاحصل لي منه مايبرد الجاش
غديت انا واياه طاسة ومنقاش = بالوصف كني يالمعزي سلامات
سلامات ياللي باللقا يذكرونه = نبي السلامه وجتنا بالمهونه
يقول طيب مير غارت عيونه = سبب ولدكم صايبه واحدآ مات
التا تبعت الزين والزين مقفي = امشي وحتفي شايله فوق كتفي
لاشفت مجدول وكتف وردفي = مااقوى التفت ولو صيحو لي بالاصوات
اصوات لوقالوا هبيل وسايح = طرد المقفي يالمشقى فضايح
قلت ايه مير علومكم والنصايح = مثل المطر فوق السحال المكفات
الثا ثمانه رمان طايف = او قحويان في رياض عطايف
متكملآ بالزين سيد العفايف = غندورة فيها من الحور شارات
ارحب يبو مبخوت هذي القصيده قالها
الشاعر يرحمه الله/ محمد بن عمار ـــ قالها عام 1340هـ وغناها سالم بن حويل

وهذي تكملة القصيده



شارات فيها من ظبي الحمادي = هي لـذة الدنيـا وغاية مـــــرادي
من يوم قفا صاحبي من بلادي= عليه جاوبت الحمامة بالاصـوات
الجيم جاني من عشيري كلامي = ولا لـفـيـنـا من يرد الــســـلام ِ
عليه زرع القلب هايف وظامـي = مالي جدا كود البكاء والتنهات
أنهت على ما فاتني في زمانـي = يـوم الحـبـيّـب زارني فـي مكاني
وراي ماخذت القضاء يوم جاني = توي دريت البيض فيهن غـرّات
الحاء حليّه في الوطن ما لقيتـه = عذلت قلبي عنه ولا قويته
وهولو يذكـر يم *مسكه نصيتـه = أنصاه لو دونه بحـورومسافات
مسافات لوهي في بحورالظلامي = أووسط بتـّيل ٍ* حداه الولامي
وإذاحصل شف وبلوغ المــرامي = صبرت لو طبيت بحر الظلامات
الخاء خليلي صار عندي قـــريبي = جعلي نصيب ٍله وهو من نصيبي
ودي نواجه نور عيني حبيبــــــي = مار الوحيد لهيد ما فيه نوهــات
نوهات نوهات ٍغـدت من غثا البال = طول النهارمسِيم عمّال بطـّال
وأنا أترجى كل حول ٍ إلى حــال = دنياك هذي ياريش العين نشبات
الدال دامي ما مسكت الذوايــب = لـوقيـل طيب قـلت ما نيب طايب
دنـّوا أستاد القبرأدنوا النصايب = ودنـّو دواة الحبر نكتب سجـلات
سجلات أريد أكتب بها لي وصيّه = عمري قضى يا وجد أهيّـلي عليّه
قولو لصافي اللون ياقف عليـــّه = أغـديه يرجع وايتحّسف بما فـات
الذال ذا لي عـنه مـدة ليــــالي = لوقـيل طـيب قـلت أنا أبخص بحالي
والله مايطري علي شف بالـي = إلا أنت يا راعي الثمان الرهيفـات
رهيفات فـيها للمشقى طرابـه = مجمول مدلول ٍ ولا به طنابــــه
هنـــي من يـدخــل في ثيابــه = وأسـّج أنا ويـّاه في العمر سجـّـات
الراء ردوف صويحبي ثقـّـلـنـه = ونهود للثوب الحمر شلـّعـنه
ومثومن ٍ ماأحلى بياضه ودنـّه = من فوق جسم ٍ فيه من عرق الأرطات
أرطات غرمول ٍ ذرته الـذواري = والله لولا ني على الـترف أداري
لأضوي عليها مثل ذيب الغـداري = جايع وفي ا لـغـابه عياله مجيعات
الزاء زماني شفت منه الهوايـل = لاعاد حظي فـي الغنادير مـايل
الزين لـــو نترك قصير ٍ وطايل = لاشك وين العقل هيهات هيهات
هيهات لوفي العـقـل يا ديـب لبّه = ما كان يتبع واحد ما يحبـه
ليصار قـولي لــه خـريـطٍ بدبـّـه = وش لك بشوفه يالعيون المشقـات
السين سـقـنـامن الدراهم وعـيّـا = واللي نبي من صاحبي مـا تهيّا
يـقـول والله لـو تـحـب الثريــّــا = خذني على السنة تشوف الطرابات
طرابات ينسنك جميع الــدروبي = غـد يك في باقي حياتك تتــوبي
وأودع مقرك بين جلدي وثوبي = وتشوف فرق البيض فيهن لـذات
الشين شاب الرأس ياعذب الأ نياب = واللي بطاري توبة ٍكان قدتاب
لي حاجةٍ يا زين بـس إفـتـح الباب = يرحمني اللي عالـم ٍ بالخـفـيّات
يرحمني إني فيك يازين مفتـون = من حبك أسهر والخلايق ينامــون
الهيتني عن مذهـب اللي يصلون = ما عاد أميّـز لو قـرآن التحيات
الصاد صيدي يوم ألاوي غريمي = شفق ٍعلي الحبّه ولمس البريمي
مهوب صيدي قلةٍ في الحريــمي = لا شك كل ٍله مع الناس مشهــات
مشهاتي أنته ياظبيّ الفريــدي = حب العرب ينقص وحبك يزيـــدي
لا شفت زولك ذاك هو يوم عيدي = تصبح بساتين الضماير مريفـات
الضاد ضد ٍ حال بيني وبينـه = يـقـول هـذا واحـد ٍلا تـبـيـنــه
جعل الوجع يشقيه في صبيّ عينه = يسهرولا يمرح من الليل ساعات
ساعات جعله ما يشوف الجــدارا = ولايعرف الليل هو والنهــــــــارا
وعساه يوم البعث يحشر حمــارا = ويحمّـلونه حمل الأسراف سيئــات
الطاء طويت الياس والسد باحـي = وما عاد لي شفٍ بظبّي الضواحي
ياعـلـها هـفـّت خفـوق الجناحي = اللي سبوقه فوق رجله مطــوّات
مطوّات وطار في يوم هـبــــّــه = راعيه لو رز اللواء ما ينبـــّــــــــه
طيرٍ قضيب أو الحباري غدت بـه = يبي العشاء من بين فخـذٍ وثنـّدات
الظاء ظمانه لا تعـاشرلك إثنيـن = لازم تخلىّ عشرتـك يامسيكيـن
ما خبر يجمع في المرابط حصانين = يجي لها هز ٍودز ٍوصقـلات
صقلات يصقلها إلى أ دنوا طعامـه = يجي لها مع المعيشه بحامه
إسمع كلا مي يالهـبـيـل الـفـدامــه = إلى جمعت الحصن فالحصن خطـرات
العين عـمـّن ينقـل الهـرج حذرا ك = تراك كـنـك ناقـل ٍداك بــرداك
وإلى سمع له هرجة ٍ مـن حكاياك = يحطها كبر القصـور المبنـّات
مبنـّاة مبنـّاة كبر خشم الغرابـــه = ويكدّر المشروب عقب الطرابـه
وهـو يشابه بومة ٍ في خرابــــه = لا ناقل الهرجـه ولا كفو هرجات
الغين غاب العـقـل بأول شبابـــي = وأدميت من تلعات الأرقاب نابي
واليوم شاب الرأس والكيف طابي = ماني على الفايت كثير الحسوفات
حسوفات لاتحزن على اللي مضى منك = أيضاً ولاتفرح على اللي يجي منك
ماأدراك وش موجب سبب صدته عن = ناهيك والي العرش رب السموات
الفاء فـؤاد ك لا تـولـيـّه حـسـّاد = وإحذر يجي لك مع هل الشر مقعـاد
إهرج وكنك عن جميع العـرب صادّ = ثم إعتبر بالذيب يضوي بغرات
يضوي بغـراتٍ وهم ما دروا بــه = واللي يوقف في المحاري هقوا به
كم واحدٍ وقـّف ولا قضي نوبــه = يهـوي إلى شاف اللحم كنه حــدات
القاف قل للي يريــــد النواميس = اللي يبي طرق الهوى يرخي الكيس
وإلا بذلت النفس والكيس وإبليس = يطيح ناس ٍيدّعـون الديانــات
طاحوا وصاروا للخلا يق علاجــه = يلقى بهم راعي الهوى قضي حاجـه
وإلا نثرت الحب جـتـك الدجاجــه = حاضت وباضت لو تبي عشر بيضات
الكاف كنّ السدّ في كل الأحـوال = وإحفظ لسانك لايقولون ذا قـال
حتى تجي عند العرب خوش رجـال = لا جيت مجلسهم نواظرك صقـرات
صقرات لا تجلس مـع اللي يشاكيك = هو داء دواك وتحسب إنـه يداويك
ياديب كان الله على الرشد هاديـك = إكتم كلامك بالضلوع المحنــّـات
اللام ليت العمر ينكس لحلـــّــه = قيمة ثلا ثين السنة هي محلـّـه
الرجل قبل الشيب يا حلو دلـــّـه = ولا لاح فيه الشيب ما فيـه لذات
مافـيـه لـذات ٍولا يرغـبـونـــه = لو حط له ردن ٍوكحل عيونــــــــــه
أهل الهوى عقب الغلا ينكرونــه = لوهو مصافيهم على فايتٍ فــات
الميم ما غـيري من الناس جـرّب = ولاهو بمثلي في حياته تطـرّب
لاويت صافي اللون فوق المضـرّب = كن العدو عني عيونه مداوات
مداوات جعله ما يجي لك عـبــاره = واللي بصد ٍعنك وش لك بكاره
الحذ رما يـاطـا بوسط ا لخبــاره = لازم يجي فيها عقارب وحيـــات
النون نام الحظ ولا فيه حيلـــه = عيا يباريني وأنا أزريت أشيلــــه
من يوم فارقني عريض الجديلـه = قام ايتكسر في حشا الصدرعبـرات
عبرات ضيـّقـن حـنـايا ضلوعـي = عليك يا خلي حسين الطبـــــوعِي
والـلـة ما جفت محاجر دموعــي = دايم عيوني في مهاواك سهـرات
الهاء هواي السابعة يالفطينــي = والثامنة ياللي تعرف الرطينـي
مخفية ما ودي لضدي يبينـــــي = والتاسعة تحصاه بأعداد الأميــات
أميات مات القلب من كثر همّـي = وأشكي عليك الحال يا ولد *عمي
أنته عضيدي وأنت لحمي ودمي = ترضاه يجفاني ولاني بمجفــات
الواو ويل أهل الهوى من هواهـم = كان الذي قد سم حالي وطاهـم
كم ليلة ٍيصبح غـبـيـبٍ عـشاهـم = إلا لقيمات ٍمع الحلق مـــــّرات
مّرات لين أقضي من الترف شفـي = وأوسده عضدي وزندي وكفي
وأكشف عن اللي بين ٍ وأمتخفـّي = ثم ٍيجي للزاد والشرب لــذات
لملف حبه صلف ومراقده كلـف = لو هو يتمم مطلبي كان أقول ألــف
حيثه صديق ٍمن قديم ٍعلى عـرف = وإلا فغيره لو يبي عشر بيـزات
بيزات ما أفـّـلها لغـيـره بلا شي = من جنس رأس الظبي ما أبي عراشي
إلا لمن ما يه عـلى ماه مــاشي = هذاك من يمه فـلوسي رخيـّـات

 

 

 

 

 

 

التوقيع

    

رد مع اقتباس
قديم 15-01-2012, 10:02 AM   #59
 
إحصائية العضو







برق الدواسر غير متصل

برق الدواسر will become famous soon enoughبرق الدواسر will become famous soon enough


افتراضي رد: مـــن القـــــائــــل؟

--------------------------------------------------------------------------------

يعطيك العااافيه وان شاء الله تلقى مين يقولك عن البيت ........

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 5 ( الأعضاء 0 والزوار 5)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 08:38 AM


Powered by vBulletin® Copyright ©2000 - 2024, Jelsoft Enterprises Ltd.
---