|
|||||||
23-12-2006, 08:31 PM
|
#1 | ||||
|
سهيل طلع ياللي ترقب طلوع سهيل
اخواني اعظاء منتدانا الكرام اهديكم هذه القصيده عسى ان تنال اعجابكم وهي في الحقيقه من اقل ماقدم لكم محبة وتقدير
سهيلٍ طلع ياللي ترقب طلـوع سهيـل=ترى القيظ حرَه راح وأقفـت لواهيبـه
راع البـر يالله يكملـه فالبلـد تكميـل=لاطرَِي له المظهار قربـت محاضيبـه راع البر يلقـى ونسـةٍ جنسهـا قليـل=إليا من ظرب له فنتـقٍ عـاويٍ ذيبـه بقفرٍ خـلا ماينظـر الـزول بالدربيـل=تخاتيـخ دوٍ روس الأمثـال تزميـبـه يبوجه سواة الذيب لاأظلم عليـه الليـل=وفرخ العقاب يخاشـره فـي مراقيبـه على شف قلبه ينزل وينـوي الرحيـل=وإليا من قزى من الخد ماعاد يمسيبـه أنا أشوف قلبي دايـمٍ ينتحـي ويميـل=يحب البداوة ميـر صعبـت مطاليبـه أحب البراري لاأبرد الجو حب الويـل=وجو البلد لـو مسكنـي فيـه ماليبـه إليا أنشت مزون الوسم وأقبل لها مخيل=مـزونٍ هواهـا ساكـنـاتٍ دواليـبـه عساها تنثـر لاأرتـدم نوَهـا وتسيـل=تفيَـض وتمـلا كـل وادي وتنحيـبـه علـى ديـرةٍ لامرَهـا عابـر السبيـل=لقالـه إرجـالٍ فـي إحماهـا تهليبـه ديـار آل زايـد لابـةٍ فعلهـم جزيـل=أهل موقفٍ ينشـاف وسلـومٍ صعيبـه رجالٍ تعـز الجـار وتزبَـن الدخيـل=وللضيـف حـقٍ دايـم الـدوم توفيبـه إليا من غلت الأسعار ماتذبح إلأ الحيـل=تسوق الثمين وغالي المـال تصخيبـه هل إبلٍ وأهل هجنٍ منعَت وأصايل خيل=وأهل سمعةٍ بين القبايـل وأهـل هيبـه وأهل شيمةٍ تعرف ومجدٍ لهـم سليـل=توارث إسلومه يـوم شـدَوْ مقاظيبـه وأهل رايةٍ عليا وأهل مدن وأهل نخيـل=نخيلٍ ثمرها مـن لفـا الـدار يجنيبـه غروسٍ تهـزَع بالثمـر ظلهـا ظليـل=يقيَـظ بـه اللـي خاليـاتٍ مزاهيبـه وأهل منسفٍ ينسف وسيفٍ معه صقيـل=وأهل مرتعٍ في ديرة الخـوف تنويبـه تسجَه بذيـدانٍ عليهـا الشحـم حويـل=من أول نبات الوسم ترعـى وتبطيبـه وأهل نطحةٍ تعرف بهـا ذلـة الذليـل=لاطري بها الصاحب تبرى من صحيبه وأهل عيلةٍ تكسر شبا من نـواه يعيـل=يعـوَد بغبنـه كسبـه الـذل والخيبـه وأهل نخوةٍ منها كثيـر الهمـوم تزيـل=تورَد هليـكٍ ماصفـت لـه مشاريبـه على ماردٍ في ظفهم مثـل نهـر النيـل=لاعاد الشحـاح تبيـع ماهـا وتشريبـه يامال المعزَه كـل ماكـان فيهـم قيـل=مايلحق فعايلهم وأنا ماأقـدر أحصيبـه ترى أكبر دليلٍ يوم جلَـوْ بنـي عقيـل=من واد العقيق ونزَحـوْ منـه أجانيبـه وربعي لهم مع كاسبين الفخـر تنفيـل=يسمون بإسـم مجمـل النـاس تدريبـه عصاة تضـد الشـره لاظيَـع الدليـل=إليا شب نار الحـرب زادوْ مشاهيبـه وأهل فزعةٍ لاجاء لهم مومـي الشليـل=إليا جات به صلفـات الأيـام توميبـه يشيلون من ظيمه ومـن حملـه الثقيـل=وينسى العنى ماعـاد يـدرى عواقيبـه أعد الصحيـح بـدون زورٍ ولاتظليـل=وترى الناس كلٍ دون حقَه ظهر طيبـه تروم الوفاء الأجـواد وتفظلـه تفظيـل=الأجواد تكسب كـل طيـبٍ وتحريبـه أقوله وأنا للبدو طـول الدهـر عميـل=شفـوقٍ وقلبـي رغبـة الـود تدويبـه على ديرةٍ ممشـاً بهـا يشفـي العليـل=هواهـا بريـح إفياظهـا فايـحٍ طيبـه أنا عندي إنها ألذ من مسكنٍ في وتيـل=من أوتيل خمس نجوم مابغيه واللي بـه فجوج الخلا لو خيروني هـي البديـل=تسلَيك عـن روتيـن وقتـك وترتيبـه بعيدٍ عن إزعاج المخاليق قـال وقيـل=وعن شوف ناسٍ مسلك الغش تسعيبـه ترى والله مايشفـي ولايبـرد الغليـل=يكود السعه لاشفت بالعين لـك ريبـه وترى فايدة سـج القـدم مالهـا مثيـل=يكفيـك فـي قـول السديـر تجاريبـه وأنا أقول غير الدين ماللبشـر حصيـل=ترى الوقت يخلف ظن من كان يرهيبـه ترى الوقت للي جاهلٍ دورتـه طويـل=تعرفَه مـن أيامـه ولاينعـرف غيبـه أبعطي خبر موجز وباأفصلـه تفصيـل=وأنا ماأدعي وأقول قلته وأنـا أمشيبـه كلامي لاجاء أهل العرف بتحلله تحليل=فلكـن شـيءٍ جايـزٍ لـي باأوصيبـه إليا الله عطا الأنسان لايذخـر الجميـل=ترى إحسان كل إنسان يستر على عيبه راع الطيب يبقى في عيون العرب جليل=وعند العـرب حتـى قريبـه يماريبـه إليا من بغيت الطيب سلمه يبـي قبيـل=إليـا طلـب شـيءٍ تاجـده لاتعييبـه تجمل ونفسك عندهـا لاتصيـر بخيـل=ومن له عليك حقـوق كمَـل مواجيبـه تمتع وعش وإكسب ولاتاخـذ الهزيـل=ورزق الحرام إترك إدروبه وأساليبـه مادامك قوي والله هو اللي قوي الحيـل=تغانم شباب العمر وأكسـب مكاسيبـه ترى كل وقتٍ بان دوره يجي له جيـل=وماجابتـه سـود الليـالـي بتقفيـبـه
|
||||
|
|
|
|
23-12-2006, 08:44 PM
|
#2 | |||||||||||||||
|
مشاركة: سهيل طلع ياللي ترقب طلوع سهيل
أحب البراري لاأبرد الجو حب الويـل=وجو البلد لـو مسكنـي فيـه ماليبـه إليا أنشت مزون الوسم وأقبل لها مخيل=مـزونٍ هواهـا ساكـنـاتٍ دواليـبـه عساها تنثـر لاأرتـدم نوَهـا وتسيـل=تفيَـض وتمـلا كـل وادي وتنحيـبـه علـى ديـرةٍ لامرَهـا عابـر السبيـل=لقالـه إرجـالٍ فـي إحماهـا تهليبـه ديـار آل زايـد لابـةٍ فعلهـم جزيـل=أهل موقفٍ ينشـاف وسلـومٍ صعيبـه
|
|||||||||||||||
|
|
|
|
25-12-2006, 10:45 PM
|
#3 | ||||
|
مشاركة: سهيل طلع ياللي ترقب طلوع سهيل
شاعرنا العملاق والكبير بومحسن
|
||||
|
|
|
|
26-12-2006, 08:30 AM
|
#4 | ||||
|
مشاركة: سهيل طلع ياللي ترقب طلوع سهيل
الشاعر الكبير / محمد بن محسن بن حشفل الخضراني
|
||||
|
|
|
|
05-01-2007, 11:03 AM
|
#5 | ||||
|
مشاركة: سهيل طلع ياللي ترقب طلوع سهيل
الاخ عبدالرحمن الشرافي اشكرك من قلبي على تعقيبك طالت حياتك ودمت سالما
|
||||
|
|
|
|
06-01-2007, 01:46 PM
|
#6 | ||||||||
|
مشاركة: سهيل طلع ياللي ترقب طلوع سهيل
شاعرنا العملاق والكبير بومحسن
|
||||||||
|
|
|
|
06-01-2007, 01:52 PM
|
#7 | ||||
|
مشاركة: سهيل طلع ياللي ترقب طلوع سهيل
الشاعر بومحسن
|
||||
|
|
|
|
17-01-2007, 09:46 PM
|
#8 | ||||
|
رد: سهيل طلع ياللي ترقب طلوع سهيل
اشكر جميع الاخوان الذين قاموا بالتعقيب على هذه القصيده عسى الله يبيض وجيهم وتقبلوا فائق التقدير مني
|
||||
|
|
|
|
21-01-2007, 10:46 AM
|
#9 | ||||
|
رد: سهيل طلع ياللي ترقب طلوع سهيل
الشاعر الكبير / محمد بن محسن بن حشفل الخضراني
|
||||
|
|
|
|
19-02-2007, 06:49 PM
|
#10 | ||||
|
رد: سهيل طلع ياللي ترقب طلوع سهيل
الشكر كل الشكر لجميع من عقبوا على هذه القصيده واقول بيض الله وجيهكم جميعا
|
||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| جاكم سهيل | راشد المسعري | :: قسم المـواضيع الـعامــة :: | 20 | 08-09-2010 08:45 AM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 08:18 AM
