مساجلات باللغاز - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم إبداعات شعراء المنتدى ومساجلاتهم ::

إضافة رد
انشر الموضوع
 
أدوات الموضوع انواع عرض الموضوع
قديم 09-05-2013, 08:00 PM   #1
 
إحصائية العضو







ا بو خالد غير متصل

ا بو خالد will become famous soon enough


Neew مساجلات باللغاز

هاذي المساجله الشعريه بين كل من

انا الشاعر / عبدالله مبارك الدوسري ( ا بو خالد )



ياخو نوره تولم واحتمل لو طول المشوار = بننزل لنتخاب وكل رجلن ياخذ حسابه
بعد معك استقاد السلم وانقادت لنا الأخبار = يقود القوم الابلج والكلام يقوده اسبابه
أنا بنشدك عن رجل مع العالم وله مقدار = وقبل ماتستشيره ماتشوفه وانته أدرابه
تشوف البيت والرجال داخل والعلوم اسرار = ولمنك بغيته تنحره واتجيه مع بابه
وبيته ماله إلا باب والمدخل هو المظهار = اعجمن مايتكلم وصقه مايسمع الجابه
يراجع له فتات ورجل ياخذ منهم الاشوار = ويلامنه جزم ينصف ويعطي الحق طلابه
وصاحب له فتات من بني صخر رفيع الكار = أخذ عشرين يوم والثلاثه وفت حسابه
عجايب كيف يابداح وقته داربه واندار = مع زرقاء اليمامه عقب ماهو يفتل اشنابه


رد الشاعر / بداح سعود الدوسري


ابن شهبان اشوفه قام يمشي سكة الأخطار = اضنه مادرا إن الضلع فيه افهود وذيابه
علي شن الهجوم إبغفلة وسط النهار جهار = وانا مخطي و يلا شفت الخطاء ما والله ارضابه
ترى ماهوب حق انك تولع نار ابن عمار = او ترى من شب نار القوم يمكن تحرق ثيابه
مادام انك على ماقلت شاعر داهم الشعار = ونشوف إمتيح دوار الطلايب ويش يسوابه
عسى ضلعك حديد صلب ولسانك كما الميشار = ويلا منك بغيت الرجم وقت الضيق ترقابه
او ترى ماكل من قال القوافي شاعر بيطار = او ترى ماكل من رز الهدف في بندقه صابه
او ترى ماكل من غاص البحور ايجيبله محار = ايجوز انه يجيه الحوت جايع ويتعشابه
ادروب الغانمين ايمين عود لاتروح ايسار = ترى من جنب الدرب السليم انقطع اعصابه
عقدت اللغز بالعقده وحليته ولاشن صار = تعسر منهجك لاشك انا والله ماهابه
صحيح اللي يقول الاسم واحد والعقول اطوار = اوصحيح السيف ابو حدين الاصفر داخل جرابه
لكن انا بنشدك عن رجل يحير طيب الافكار = لاهوب انسي ولاجني كفا الله شر مشهابه
مشى بين السماء والخد من ديره يزور ديار = ويلا منه تعلا المدن له من طق ملسابه
وله معروف مايجحد ولاكن خاينن بوار = عدو الجاهل إمن الناس والعارف من اصحابه



ردي انا الشاعر / عبدالله مبارك الدوسري ( ا بو خالد )


مشيت او بمشي ولانيب يالصاحب لها معتار = مع خط قديم مرمس مقدر تجنابه
وحشر الذيب وحشر الفهد وصلاه جوف الغار = ايلين ايعض الابهم ويتغفر يطلب التابه
مدام انك تسويها وتاخذ دايرة الانكار = اندينك بالأدله مايفيدك من تتقابه
اتحوش لك اعلوم مالها داعي يابو بشار = وهي عندك قريبة ويش مقصودك من الجابه
تقول اني عليك اهجم وانا مالي واركم ثار = ولالي من وراك حقوق ولالي عندك طلابه
فنا دوبي عرفت انك تغبشها مع الاسحار = عرفنا ساكن السدر وعرفنا صحيب العابه
لكن بعطيك حل اللغز وطوال العلوم اقصار = يكفي عن وجيه القوم وجه يقضي النابه
ترى حله هو الكهرب لاوصلك ولع الانوار = عليك الدور والتمديد وصلك وحسب احسابه




* ملحوظه الالغاز المذكوره في القصايد سبق طرحها في قسم الالغاز فالمنتدى وتقبلو تحياتي وتقديري

 

 

 

 

    

رد مع اقتباس
قديم 09-05-2013, 08:34 PM   #3
 
إحصائية العضو







ا بو خالد غير متصل

ا بو خالد will become famous soon enough


افتراضي رد: مساجلات باللغاز

اقتباس:
المشاركة الأصلية كتبت بواسطة بدو
صار حله الكهرب
وانا كنت باقول الفاكس
زين انك قصرت المسافة علينا
صح السنتكم ملايين




صح بدنك ولاهنت على المرور

 

 

 

 

    

رد مع اقتباس
قديم 10-05-2013, 09:50 PM   #5
 
إحصائية العضو







ا بو خالد غير متصل

ا بو خالد will become famous soon enough


افتراضي رد: مساجلات باللغاز

اقتباس:
المشاركة الأصلية كتبت بواسطة ابومبخوت الدوسري
صح السانك يابوخالد وصح السان الشاعر / بداح سعود الدوسري


تقبل مروري وتحياتي ,,,




صح بدنك ولاهنت على المرور

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 07:22 PM


Powered by vBulletin® Copyright ©2000 - 2024, Jelsoft Enterprises Ltd.
---