قصيده في الدواسر - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم إبداعات شعراء المنتدى ومساجلاتهم ::

إضافة رد
انشر الموضوع
 
أدوات الموضوع انواع عرض الموضوع
قديم 24-01-2009, 07:16 PM   #1
 
إحصائية العضو







تركي هذال بن نيف غير متصل

وسام صدى نبض القصيد: صاحب المركز الأول للمجارةفي صدى نبض القصيد - السبب: صاحب المركز الأول للمجارة الأولى في صدى نبض القصيد
: 1

تركي هذال بن نيف is on a distinguished road


:t-t-5-: قصيده في الدواسر

هذه القصيده كم تمنيت ان القيها في ملتقى القبيله الرسمي الرابع الذي أقيم بمحافظة الخرج ولكن( تجري الرياح بمالا تشتهي السفن ) واحببت ان اضعها امام الجميع في هذا المنتدى المبارك ارجو ان تنال اعجابكم وارجو العذر اذا كان هناك قصور علمآ انه سبق ان طرحنا جزءآ منها سابقآ 0 وهي 0

يالله يالمطلوب ياغفار = انت الآله الواحد القهار
يارافع سبع وباسط مثلها = يامولج الليل بالنهار
انت الذي تجري الهبايب بامرك= ومن السحاب اتنزل الأمطار
اطلب رظاك وطاعتك والجنه= وانا دخيلك من عذاب النار
ومن بعدذكره زان لي مطلوبي= ونهجت نهج الشعر والشعار
سلام مني من ضمير صافي= للحفل واهل الحفل والحضار
وترحيبة نقولها لظيوفنا = اللي عنوا لبلادنا زوار
ويسوقها ريح الخزامى والنفل = والذ واحلى من حليب ابكار
والبن الأشقر والشحم يقفاها = حق علينا نكرم الخطار
قلته وهذى من فعايل ربعي= اهل الشجاعه والكرم والكار
دواسر خطلان الأيدي حنا= لازودو اهل القرى الأسعار
رجالنا لو رأس ماله قوته= كفه لظيفه بالكرم مدرار
دواسر نرسي بضرب ارماحنا= على الرمك وملاعبتة لكوار
دواسر زايد وتغلب جمعنا = احرار نحيا او نموت احرار
دواسر مثل الجبال الشامخه= نرسي كما يرسي جبل سنجار
دواسر وسط الجزيره نعرف = مثل العلم لاصار فوقه نار
دواسر نعرف ويدرى معلنا = اكبار قدر والفعول اكبار
دواسر نزمي ويزمي جمعنا = لارد من صوب الحفيف اخبار
دواسر فوق الثريا مجدنا = مجد تليد واضح الفنار
دواسر يسمو البلد باسمانا= وادي الدواسر درة المحار
دواسر والغرس حنا سوره= بالسيف سوره ماعليه اسوار
دواسر نقعد صغى من جانا= يبغى الطمع في حالية لثمار
دواسر ياويل من بنحورنا= لامن لحقنا فوق قب امهار
تعاطفت جل العشاير وارزمت= لحوارها والي بدون احوار
حنا هل البل من قديم وحاضر= سند الغوارب هزع الفقار
سود مثل وصف الجريد ارقابها = سود بها راع النظر يحتار
سود يزين الوصف في وصافها = ارقاق زين والعمار اكبار
نرعابها لازاف عشب الوسمي = ونسج نجد واسع الفقار
ومصيافها في الصيف ربع خالي= مع المها في نايف الزبار
وياما نحانا دونها من سربه= وياما عليها نرخص العمار
وياما نزلنا في الخطر نرعاها= ومايا عليها نيتم القصار
بين القبايل نفتخر بسلومنا= عند الجلاوي والخوي والجار
قصيرنا ناسم عصاه ونهمله= ويصبح غريب الدار راعي دار
حاله وماله فيه يمسي وامن= لاخايف حنشل ولاسبار
ويرعابها من حدها لحدها = حتى يعود لديرته مختار
من الشمال اخريص لبرق شرقه= يم الجنوب احدودنا قرار
ويحدنا من شرق ربع خالي= فيه الوضيحي كان له تذكار
وحدودنا من غرب حد المستجد = ذي دارنا ياحي ذيك الدار
ولامن زبنا جالي ومجلى = ينسى ويسلم من عنا لخطار
ويشهد على ماقوله ابن مطرف= يوم الشريف وجيشه الجرار
جانا وحالو لابتي من دونه= وقوز الشريف اكبر دليل صار
ولاخان اخونا في خويه سيره= سقناه سوق الجلب للجزار
واليوم في السلام نحمد ربي= امن وامان وطاعة واستار
من فضل ربي ثم فضل معزي= عبدالعزيز الفارس المغوار
وحد شتات المملكه وارساها= حتى اصبحت مترامية الأقطار
وزال البدع والشرك منها وفيها= طبق شريعة سيد البرار
واليوم ننعم في عهد عبدالله= حر وساسه ماكر الحرار
قلته وانا من لابة معروفه = اللي لها بين الرجال اذكار
ودعاني كسب العلوم الغانمه= لجدودنا وانا على المسار
اهل الثمان اللي دليل اشهودها= ذبحت ولد ناصر رضآ للجار
وانا ودينا جارنا من جدارنا= منا كرم وإلا الغريم اجدار
سوالف ذكرت منها موجز= وهذى من الثمان باختصار
ولاقول في حق القبايل قاصر= كلآ على حقه وله وقار
كلآ يعدي من حياضه سيفه= ولولا الفخر مكان الأفتخار
تمت وصلى الله على هادينا= اعداد من فوق البسيطه سار

اخوكم/ تركي بن هذال بن نيف

 

 

 

 

    

رد مع اقتباس
قديم 24-01-2009, 07:24 PM   #2
 
إحصائية العضو







محمد الغريري غير متصل

محمد الغريري is on a distinguished road


افتراضي رد: قصيده في الدواسر




الشاعر الكبير

تركي بن هذال بن نيف


صح الله لسانك مدد ما تنحصي بالعدد على هذه القصيدة الجزلة

وليست بغريبة عليك الجزلة فأنت راعيها وكم كنت اتمنى سماعها منك في الحفل

لكن تأتي الرياح بما لا تشتهي السفن ومنك العذر والسموحة

واللي مثلك وشرواك يقبل العذر ..


والله يبيض وجهك ويا جعلك في الوجود ذخر للنشاما ..


تقبل خالص الود والتقدير ..


اخوك في الله

محمد الغريري

 

 

 

 

    

رد مع اقتباس
قديم 24-01-2009, 07:57 PM   #3
 
إحصائية العضو







المطنوخه غير متصل

المطنوخه is on a distinguished road


افتراضي رد: قصيده في الدواسر

صح لسااااانك واعتلى شانك قصيده رائعه من شاعرجزل.
ماقصرت ويستااااااهلون خطلاااان الايدي

 

 

 

 

    

رد مع اقتباس
قديم 24-01-2009, 08:21 PM   #4
 
إحصائية العضو








العماني غير متصل

العماني is on a distinguished road


افتراضي رد: قصيده في الدواسر

الشاعر القدير ابوهذال

بيض الله وجهك وصح الله لسانك على القصيدة الوافية والجزله ولاهوب غريب منك الجزاله يابوهذال فهي من صفاتك .

ومثل ما قال اخوي بوصهيب والقروم شرواك يعذرون ويقدرون وجعلك دائما ً في الوجود وجعلك ذخر يابوهذال .

تقبل تحياتي،،

 

 

 

 

    

رد مع اقتباس
قديم 24-01-2009, 08:43 PM   #5
 
إحصائية العضو








نايف الخييلي غير متصل

نايف الخييلي is on a distinguished road


افتراضي رد: قصيده في الدواسر

الشاعر القدير

تركي بن هذال ابن نيف
صح لسانك ..... صح لسانك

على هذي القصيده الجزله والشامخه والمليئه بالاعتزاز والفخر

ولاغرابه هذا الابداع بالقصيد من شاعر بمكانتك


تحياتي لك

 

 

 

 

    

رد مع اقتباس
قديم 24-01-2009, 11:04 PM   #7
 
إحصائية العضو







سالم بن صمهود غير متصل

سالم بن صمهود is on a distinguished road


افتراضي رد: قصيده في الدواسر

دواسر زايـد وتغلـب جمعنـا=احرار نحيا او نمـوت احـرار

دواسر مثل الجبـال الشامخـه=نرسي كما يرسي جبل سنجـار

دواسر وسط الجزيـره نعـرف=مثل العلم لاصـار فوقـه نـار

تركي بن نيف اقول انك من اللي نفوسهم نايفه ولايستغرب منك ياذيبان صح الله لسانك ملايييييييييييييين

 

 

 

 

 

 

التوقيع

    

رد مع اقتباس
قديم 24-01-2009, 11:37 PM   #8
 
إحصائية العضو







راشد المسعري غير متصل

راشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud of


افتراضي رد: قصيده في الدواسر

ودعاني كسب العلـوم الغانمـه
لجدودنا وانـا علـى المسـار

اهل الثمان اللي دليل اشهودهـا
ذبحت ولد ناصر رضـآ للجـار


كفو كفو بك يابن نيف وبلاد ودعان كافة وباقي بني عمنا .

صح لسانك يابو هذال وشهادتي فيك مجروحة لأنك خابر رأيي في قصائدك دائماً وانت ماشاء الله تغرف من بحر وأسلوبك ونهجك يميزك يالجزل وتشرفنا دائما في المحافل.

صح لسانك وتستاهل قبيلتنا العزيزة أن يقال فيها من المدح المستحق مايقال وليس لنا من في ذلك ، ويستاهلون أهل ثمان السوالف لاد ابو دعان مرخصة العمار وهم أهلا للمدح وكفو.

ومداخلة بسيطة لكي لا يتداخل مسمى (اهل الثمان) عند القراء الشباب :-

فاهل الثمان هم الغييثات : والمقصود بها أهل ثمان الركايب أثناء غزوهم على أحد القبائل حيث قال شاعر الغييثات بعد أن كسبو الغزو:

جعلك فدى للركايب يادعيكاني = بلا ثمان وداعٍ من صحايبنا

أما أهل (الثمان السوالف ) فهم صبيان الوداعين وهذه السوالف مذكورة في هذا المنتدى وذكرت في قصيدة الغوينمي ( المصلحة) .

آسف على الاطالة يابو هذال ولك وللجميع ودي وتقديري ،،،

 

 

 

 

    

رد مع اقتباس
قديم 24-01-2009, 11:46 PM   #9
 
إحصائية العضو







تركي هذال بن نيف غير متصل

وسام صدى نبض القصيد: صاحب المركز الأول للمجارةفي صدى نبض القصيد - السبب: صاحب المركز الأول للمجارة الأولى في صدى نبض القصيد
: 1

تركي هذال بن نيف is on a distinguished road


افتراضي رد: قصيده في الدواسر

اقتباس:
المشاركة الأصلية كتبت بواسطة محمد الغريري مشاهدة المشاركة



الشاعر الكبير

تركي بن هذال بن نيف


صح الله لسانك مدد ما تنحصي بالعدد على هذه القصيدة الجزلة

وليست بغريبة عليك الجزلة فأنت راعيها وكم كنت اتمنى سماعها منك في الحفل

لكن تأتي الرياح بما لا تشتهي السفن ومنك العذر والسموحة

واللي مثلك وشرواك يقبل العذر ..


والله يبيض وجهك ويا جعلك في الوجود ذخر للنشاما ..


تقبل خالص الود والتقدير ..


اخوك في الله

محمد الغريري

اخوي محمد الغريري

اسعد الله مساك
بيض الله وجهك على المرور الكريم والمشاعر الطيبه 0

( افتح جوالك)

تقبل ودي وتقديري

تركي بن هذال بن نيف

 

 

 

 

    

رد مع اقتباس
قديم 24-01-2009, 11:49 PM   #10
 
إحصائية العضو








فهد الغريري غير متصل

فهد الغريري is a jewel in the roughفهد الغريري is a jewel in the roughفهد الغريري is a jewel in the rough


افتراضي رد: قصيده في الدواسر

الشاعر العزيز الغالي : تركي بن نيف

ارررررحب ترحيبةٍ تردف مليااااااااااااااار ترحيبه يالمنعور

الحقيقه قصيده من الوزن والعيار الثقيل نفداك

وصح الله السانك وعتلا شانك وزادك الله من زوايد فضله

بحر من الشعر يحمل موج عارم ملحوظ فالقصيده

وأسأل الله ان يبارك فيك ويحفظك من كل شر

ارق التحايا في مقامك العالي يابوهذال

اخوك / فهد الغريري

 

 

 

 

    

رد مع اقتباس
قديم 24-01-2009, 11:57 PM   #11
 
إحصائية العضو








فيصل الشكري غير متصل

وسام التميز: وسام التميز - السبب: نظيرا ً لجهوده الكبيره في المنتدى
: 1

فيصل الشكري is on a distinguished road


افتراضي رد: قصيده في الدواسر

الشاعر القدير ابوهذال

بيض الله وجهك وصح الله لسانك على القصيدة الوافية والجزله ولاهوب غريب منك الجزاله يابوهذال فهي من صفاتك .

ومثل ما قال اخوي بوصهيب والقروم شرواك يعذرون ويقدرون وجعلك دائما ً في الوجود وجعلك ذخر يابوهذال .

تقبل تحياتي،،

 

 

 

 

    

رد مع اقتباس
قديم 24-01-2009, 11:57 PM   #12
 
إحصائية العضو







تركي هذال بن نيف غير متصل

وسام صدى نبض القصيد: صاحب المركز الأول للمجارةفي صدى نبض القصيد - السبب: صاحب المركز الأول للمجارة الأولى في صدى نبض القصيد
: 1

تركي هذال بن نيف is on a distinguished road


افتراضي رد: قصيده في الدواسر

اقتباس:
المشاركة الأصلية كتبت بواسطة محمد الغريري مشاهدة المشاركة



الشاعر الكبير

تركي بن هذال بن نيف


صح الله لسانك مدد ما تنحصي بالعدد على هذه القصيدة الجزلة

وليست بغريبة عليك الجزلة فأنت راعيها وكم كنت اتمنى سماعها منك في الحفل

لكن تأتي الرياح بما لا تشتهي السفن ومنك العذر والسموحة

واللي مثلك وشرواك يقبل العذر ..


والله يبيض وجهك ويا جعلك في الوجود ذخر للنشاما ..


تقبل خالص الود والتقدير ..


اخوك في الله

محمد الغريري
اخوي محمد الغريري

اسعد الله مساك

بيض الله وجهك على المرور الكريم والمشاعر الطيبه

( شغل جوالك )
تركي بن هذال بن نيف

 

 

 

 

    

رد مع اقتباس
قديم 24-01-2009, 11:59 PM   #13
 
إحصائية العضو







تركي هذال بن نيف غير متصل

وسام صدى نبض القصيد: صاحب المركز الأول للمجارةفي صدى نبض القصيد - السبب: صاحب المركز الأول للمجارة الأولى في صدى نبض القصيد
: 1

تركي هذال بن نيف is on a distinguished road


افتراضي رد: قصيده في الدواسر

اقتباس:
المشاركة الأصلية كتبت بواسطة المطنوخه مشاهدة المشاركة
صح لسااااانك واعتلى شانك قصيده رائعه من شاعرجزل.
ماقصرت ويستااااااهلون خطلاااان الايدي
اختي المطنوخه
اشكرك جزيل الشكر على المرور الكريم


تركي بن هذال بن نيف

 

 

 

 

    

رد مع اقتباس
قديم 25-01-2009, 12:02 AM   #14
 
إحصائية العضو







تركي هذال بن نيف غير متصل

وسام صدى نبض القصيد: صاحب المركز الأول للمجارةفي صدى نبض القصيد - السبب: صاحب المركز الأول للمجارة الأولى في صدى نبض القصيد
: 1

تركي هذال بن نيف is on a distinguished road


افتراضي رد: قصيده في الدواسر

اقتباس:
المشاركة الأصلية كتبت بواسطة هايف العماني مشاهدة المشاركة
الشاعر القدير ابوهذال

بيض الله وجهك وصح الله لسانك على القصيدة الوافية والجزله ولاهوب غريب منك الجزاله يابوهذال فهي من صفاتك .

ومثل ما قال اخوي بوصهيب والقروم شرواك يعذرون ويقدرون وجعلك دائما ً في الوجود وجعلك ذخر يابوهذال .

تقبل تحياتي،،
اخوي هايف العماني

اسعد الله مساك

بيض الله وجهك على المرور الكريم والمشاعر الطيبه

تركي بن هذال بن نيف

 

 

 

 

    

رد مع اقتباس
قديم 25-01-2009, 12:04 AM   #15
 
إحصائية العضو







تركي هذال بن نيف غير متصل

وسام صدى نبض القصيد: صاحب المركز الأول للمجارةفي صدى نبض القصيد - السبب: صاحب المركز الأول للمجارة الأولى في صدى نبض القصيد
: 1

تركي هذال بن نيف is on a distinguished road


افتراضي رد: قصيده في الدواسر

اقتباس:
المشاركة الأصلية كتبت بواسطة نايف الخييلي مشاهدة المشاركة
الشاعر القدير

تركي بن هذال ابن نيف
صح لسانك ..... صح لسانك

على هذي القصيده الجزله والشامخه والمليئه بالاعتزاز والفخر

ولاغرابه هذا الابداع بالقصيد من شاعر بمكانتك


تحياتي لك
اخوي نايف

مساك الله بالخير

بيض الله وجهك على المرور الكريم والمشاعر الطيبه

تركي بن هذال بن نيف

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 04:00 PM


Powered by vBulletin® Copyright ©2000 - 2024, Jelsoft Enterprises Ltd.
---