الشاعر الفحل مبارك بن شيبان(الهذيه) - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـتـاريـخـيـــة .::: > :: قسم أمـراء وفـرسان وأعـلام الـدواسـر::

إضافة رد
انشر الموضوع
 
أدوات الموضوع انواع عرض الموضوع
قديم 23-05-2005, 12:29 AM   #1
 
إحصائية العضو







تركي ال فنيس غير متصل

تركي ال فنيس is on a distinguished road


افتراضي الشاعر الفحل مبارك بن شيبان(الهذيه)

هو الشاعر الفحل مبارك بن شيبان آل ضويان الوداعين الدوسري المشهور بلقب الهذيه ، من أهل السليل .. كفّ في آخر عمره .. وأكثر شعره قاله في وقت عماه ،المتوفي عام 1170هـ .
الشاعر مبارك ين شيبان ( الهذيه ) تغمده الله بواسع رحمته
نصائح وحكم

يالله يا بــاني سبـع السمـا بأمــــــــــره =ومــنين مـــا قــال يــانون كــن كـــاني
طــالبك ياملتـــهم ياخير مـن نزهـــــــم =يــاكــاشف الضــر يـــاعـــلام ياحيلاني
اجعل حيــــاتي على الدنيــا علـى رخى =واجعــل ممــاتي على عفو ورضــواني
مـن أول دالـــه من الهم مـا درى بـــه =والــهم مــاهــو فـي بــالـي ولا جــــاني
أشـــوف دنيـــا علـى الله يا مزينــــــها =تــأخذ على النــاس غارات بلا رسـاني
راحـت بنــــاس تشــوقـني عجايبـــــهم =امــن أول كـــــان لــي ربـع وخــــلاني
راحــو رجـال علـى الدنيــــا وحل بــها =نــــاس يـعـيشــون فـي كـذب وبهتـاني
فأول ما أوصيك به رفقــة أهل الطاعة =مــن غــر مـنها فهو نـدمـــان خسـراني
ثــاني مــا أوصيــك عن رفقة الخــايب =لــو هـــو غـني تــرى مــا فيه ميــداني
واحــذّرك تجــلــس مجلس تـاجر فـاجر=يـقلــّطك لأجــل شـهــادات وديـــــــــاني
ولا تضـــم أحمـــق تــرجي منــافــيعــه =الأحمق يغرّك وإذا جاء الصدق ما باني
الأحمق سوى أو برّث الحيض فتركهم =مـثــل الـربـــا يـمــحق لـو كــــان براني
ســاس الــردى لا يـغرك منـه نفشـــته =لا حـتجـت نـفـعــة تـبين عـلمه الثـــــاني
النــاس مثــل الشــجر ســـاتره ورقــه =ولاحــتّ واهجر غدا شوك وعــــوداني
والحــظ يكــسي رجــال لا ثيـــاب لـهم =لــو يـسـلـب الـحظ مـايسـوون ديــواني
لا تــحسـب الــدار زينتــها مبــانيــــها =تــرى أصــــلـهــا يافتى طين وجـدراني
الــدار مـــا تستقيم إلا بــــاهـالـيـــــها =لا لـــــهـــا زيــنــة إلا بــسـكـــــــــانــي
أمــا ســخي بــمـالــه واقــف فيـــــهـا =ينفق على الناس ويــدري كل شي فاني
وإلا مـطـيــع لـربــه راهــب فيــــــــها=يـتلى علــى النــاس حـديث وقــــــرآني
وإلا أوســــود مـعــفيــن جــوانـبـــــها =بســيوف هنـــد تــوطى كــل شـــيطــاني
مـــا ودك أن عــقبــهم الا رحــائلـــهـا =والاّ فــتالي الــــعرب جـــول وخرفـــاني
أشـــوف ذا الــجيل مــا تبطي محبتهـم =رفـــقة سبــوع وعــقب الــولـف شتاني
يــاوين بــلقى صــديق لـــي يشاكيـنـي =ويـــبعد الــــهم عنـي كــــل مـــا جــانــي
يضــحك حـجـاجــه بين لــك سهالــتـه =مــــاهو مسلّجم وكـنه مـــنك زعـــــلاني
شـــفي رفـــيق إذا رافـقــته أيرافقــلي =وإن جيت أنا فز في المجلــس علاشاني
يــاليت قصره احذى قصري يشاكـيني =لا ضــاق شـاكــيته ولا ضقـت شــاكــــاني
كــم مــرة جيت ابيه وعدت من دونـه=مــن ذلـــتي مــن مشـاذيب تقـفـــــــــــاني
طاري يقول رحله وطاري يقول ارجع =مــذاهـب النـــاس شــانت يــابن شيبــاني
ترى في العرب ثعلب ماينعرف وجهه =هــمّاز لـــمّاز فـــيه أنـــواع شيــطــــــاني
يــــاخالي الـمــعرفة بـالــك تعـاتبــــني =يــا نــاقص الـعقل مــا شـانك لـي بشـاني
اشتف انجوم السما ما أكثر تلامعــها =أي نــفعهـــا كـــلهــا والــجدي لا بــــــاني
أيه اســيـوف الهنــادي حين صقّــلها =أيــها وعــــباس كــــله صـــدا قـــــــــاني
وأي الطـيــور الــذي ترجي منـافــعه =أيــها وبيضا الــجنـــاحين أم عـثمـــــاني
يــا عــلّه طــاولـتني مـن قـريـب لــي =أوحــي وحــــمّها على الانجـاف يصـلاني
لا جـيت بـكنّــها اكــلتني مــلايـلـــــها =وأن جــيت ابفــضي فـمـــا عـرّاه عــــــرّاني
أحــد تــجي زرقــته ورا بـني عــــمّه =واحـــد تــجي زرقـــته للجــار والـــــداني
واحــد يعرّض بـني عـمه انبوب خطا =واحــــد يـــعرّض بـني عـمه شحم ضـاني
تـــظهر اقــرود لا تدري عواقــــبها =وتــبرز أســود تـخـيط الــفتق لا بـــــاني
تلـقى اســود مبــطّحة مــــــذارعها =تــذخر ظــفرهــا اليـــوم فـيه عنـكـــــاني
وتـلقى قـــرود منفشـة مـنــــاخرها =تــذخر ظــفرهــا علـى الجيران والـداني
أحــد إلــى مــات مــا ينــفقد مــوته =يــدفن ويـمســـون ربعه نــومهم هـــاني
واحــد إذا مــات يــا وســع فرجـته=تســهر عيــون وهـي مـن فـقده أحـزاني
مـن ودّه أن الـثعل والـهر ربـع لّـه =ثـالــثهن الــنيص والـــرابع ضـرمبــــاني
ومن ودّه إن الأسد والنمر ربع لّـه =وثـالــثهن الــذيب نـعم الـذيب ســرحـــاني
خـاتم جوابي بالصلاة علــى الـنبي =الـهاشــمي الـــقـرشي آل عـــدنــــــــــاني
قال الشاعر هذه القصيدة بمناسبة انتصار الوداعين في المعركه مع ال مره
يوم ان ابن شيبـان يديـر التفاكيـر=وده يـروح لـه ركايـب وركـاب
شدوا علـى ستيـن وجنـا مواقيـر=مقفـلات كنهـن عقـب مـطـلاب
موسـم ماهـوب وسـم المناصيـر=الا مبيعيج علـى عطـف الأرقـاب
يازينهـا صـف بلـيـا مدافـيـر=ومن الظفر ماجنبـت كـل مرقـاب
واهل الأشدة كـل ابوهـم مشاهيـر=وعلى عيوز اكوارها كـل معطـاب
تنصى لنا الجريان هم والمصاريـر=اهل الظفر لاجات صولات الأجناب
لحقوا علـى قـب سـواة النواعيـر=الأصايل اللي عربوهـا بالانسـاب
واهل التوالـي علقوهـا الشوابيـر=تكثح على اللي قاعد الخـد بتـراب
قولوا غزانا جـردة مـن الجوافيـر=قوم وقايدهـم علينـا ابـن جـلاّب
ساروا ولا لقيوا على القـاع تأثيـر=لين اشرف البادي على راس مرقاب
قال ابشروا بالبـل كبـار الجنافيـر=ابشر وسرح الحضر ماهوب ينهاب
يوم اقبلت كنهـا ركـوز النواعيـر=ترثع وحذفـوا العـوادي بالاسـلاب
راحت على الغفران واقفوا مدابيـر=يوم الهدايا بيننـا صـب الاصـلاب
المري اللـي كـان مافيـه تنكيـر=لو كان ياتينا مـن العبـر ماهـاب
اليـوم بـار وبـوره نيّـة الخيـر=واصبح لنا ابن بقيع اليـوم حـراب
ياطول ماله وسط الأطـوا دواويـر=مصداره القانس ويشرب على اشراب
ذولا على مـدي وذولا علـى بيـر=وذولاك في القطعة يطقون الاطنـاب
وان صاح صياح ورا المال تذويـر=لووا على روس الغتـر بالتعصـاب
ابن جلاب : من ال مره
الجوافير: مرتع اللابل شرق يبرين في ديار ال مره
الغفران: من ال شبيب من ال مره
ابن بقيع : من ال مره

قال الشاعر هذه القصيدة في وقعة مع أهل الجنوب وانتصار الدواسر
[/align]
انا هاضني من يمة الشرق جردة= ثمان اميه لاكثر الله حسابها
غاروا على ترثة صهيب بن زايـــــد = حسنية وافعالها يندري بها
يفدونهم فد الفهد شرد المها = يقولون خلفات الغضا اش نبابها
خسايرنا منهم ثلاثين حافر = وخسايرهم الشيخان نهفي رقابها
كله لعينا ترفة غضة الصبا = يبون اليمن مراعها من اثيابها
خذا قضاها عويض(1) وجعمل(2) = خيالة الحرشا نهار العزابها
خذوا لابتي منهم ثمانين نضوه = عليها الاشده زاهيات زهابها
مع الفرنجيات من كل مايق = ضواق المجاري ضببت في رقابها
ون بانلك في يمة الخيل فرجة =تبغى الرديني(3) والرديني حجابها
حنا حمى الوادي بسيفٍ وبندق =فرنجيةٍ ماعاد يبرى صوابها
لي لابةٍ زبن المجنا الى وزى =هل كرمةٍ كم من جويعٍ هقابها
عيدٍ الـ هشال الخلا لالفولهم =لاجات من الغربة حفاياً ركابها
قصيرهم يهمل بليا نقيلة =من الخرج لاخرباً رعى في جنابها
نواسة الحربي(4) على كل ضامر =لاقامة العبلة يتلاعج سرابها
ياراكب وجنا مني السير والسري= وقم الرباع وما بعد شق نابها
تلفي لنا في عثعث الدحي لابة = هل عزوة من جا حماها دري بها
تنحر لنا سلطان زيزوم سربة(5) = حامي العشاير لين كل يهابها
قال الشاعر هذه القصيدة في وقعتين بين يام والدواسر في سنة واحدة ، إحداهما مع المساعرة وأخراها مع المخاريم وانتصار الدواسر
يالله يــارب السـمـوات الـعـلا=ياعالـمٍ نفسـي وغيـب أسرارهـا
اني جويـرك مـن عـذاب جهنـم=واسألـك جنـاتٍ تبـارى انهارهـا
قـم يانديبـي وارتحـل عملـيـة=نقـش العقيلـي ينبهـه فقارهـا
تلفي لنا ريـف الهشالـى متـرك=ميرنـا اللـي عـارف وقـارهـا
شيخ على شيـخ مـورث شيخـة=ماهو من اللي شيختـه يعتارهـا
حييـت يامـن سفرتـه مركـيـة=لا علقت بعـض السفـر بغبارهـا
اجمع عصي وافتكر فـي كسرهـا=وفرق عصي من منـى كسارهـا
يازينكـم يمشـي سلفكـم واحـد=حتى العدو منكم يجيـه ذعارهـا
لا صاح في عال الجذيبـة صايـح=لازم تجيـه عيادهـا ومهـارهـا
ياهيتيـن فـي زمــان واحــد=كـل درا بعلومـهـا واخبـارهـا
يذكرني الغـوي عزافـي جـدوده=خمسميـة يقولـهـا حـزارهـا
يام هـل الجـرات مـن جدانهـم=نعم الرجال اللي تشيـع اذكارهـا
يام مداجـرات الملـوك بروسهـم=لاجات ضو الحرب تشعق نارهـا
ياقـوم مانبـا بـكـم بمشـبـب=والله انكم امحق من تعلوى اكوارها
ياقوم طحتوا فـي مـورث سالـم=لاد المنيعي مرخصيـن اعمارهـا
بلا اربعيـن مـا سواهـم واحـد=والضو شبـت بينهـم بقطارهـا
ياذيـب لاتاكـل لحـوم بصيـص=عيـد الركـاب مكـرم خطارهـا
خله وخل السليماني اهل الصخـى=وباقي اللحـوم التاليـه ودارهـا
زلت علوم اهل الجنـوب وزلفـت=وجاتك علوم اهل الشمال اخبارهـا
جانا سلامه مـن جنـوب صايـل=يبغي صخاف الشول في مصدارها
يبغـي مقاضـاة ذيـك بمثلـهـا=هيـت تكـور ذاك مـن عورهـا
لقو هل البـل حاضريـن عندهـا=قاموا بحـق زيـارة مـن زارهـا
ياما رعى في سدهـا مـن فاطـر=يعجبك غب الكون صك صرارهـا
يكون خـوف مـن سيـوف درب=وموصـلات مـن منـى دفارهـا
ياما ومن في سدها مـن خايـف=جر المويلي يـوم شـاف آثارهـا
ماخليـت شيـب المناكـب عفـة=في القفر ترعى دقهـا وعشارهـا
خمسةوسبعين غـدوا فـي شقـه=ما عـاد يحـرز دفنهـا قبارهـا
ليت ((العتيبي)) حاضر يشوفهـا=حتى يشوف الخد كيـف حمارهـا
وان كان به خيـال فهـو ثوينـي=مع ابن دغمان فقـد فـي غارهـا
دربـاه زبـن الجاثيـات ثوينـي=كم سايقا بالسيـف جـذ فقارهـا
بصيص :من شيوخ يام وهو فاارس لا يشق له غبار
السليماني: من فرسان العجمان

http://www.aldawasser.com/vb/showthread.php?t=38
http://www.aldawasser.com/vb/showthread.php?t=465
http://www.aldawasser.com/vb/showthread.php?t=578

 

 

 

 

    

رد مع اقتباس
قديم 23-05-2005, 01:11 AM   #2
 
إحصائية العضو







بن مشخص المسعري غير متصل

بن مشخص المسعري is on a distinguished road


افتراضي

لاهنت ياتركي وبيض الله وجهك على القصايد الطيبه والشاعر الهذيه شاعرن كبير غني عن التعريف
تقبل تحياتي
ابن مشخص

 

 

 

 

    

رد مع اقتباس
قديم 23-05-2005, 03:40 AM   #3
 
إحصائية العضو







محمد ال بو زمام غير متصل

محمد ال بو زمام is on a distinguished road


افتراضي

السلام عليكم ورحمة الله وبركاته

الله يرحمه ويسكنه الجنه . الله يعطيك العافيه اخوي ( تركي الودعاني ) على هذا السيرة الطيبه .

 

 

 

 

 

 

التوقيع

ســبــحانك اللهم بحمدك لااله الا انت اني كنت من الظالمين .

    

رد مع اقتباس
قديم 23-05-2005, 11:26 PM   #4
 
إحصائية العضو







محمد الغريري غير متصل

محمد الغريري is on a distinguished road


افتراضي

رحم الله شاعرنا الفحل مبارك بن شيبان


ويعطيك العافيه يا تركي على النبذة والقصائده والموضوع الرائع


اخوك في الله

محمد الغريري

 

 

 

 

    

رد مع اقتباس
قديم 24-05-2005, 06:45 PM   #6
 
إحصائية العضو








العماني غير متصل

العماني is on a distinguished road


افتراضي

الله يرحم شاعر قبيلة الدواسر الشهير الهذية ويسكنه فسيح جناته ويبارك في ذريته

لاهنت اخي تركي على ذكر هذه السيرة العطره ودمت متألقاً بمواضيعك المميزة.

وياليت من الأخوان اللي عنده اضافة على الموضوع يتفضل بها.

تقبلوا تحياتي،،

 

 

 

 

    

رد مع اقتباس
قديم 31-03-2006, 11:11 AM   #10
 
إحصائية العضو








ابن شيبان الودعاني غير متصل

ابن شيبان الودعاني is on a distinguished road


افتراضي

بيض الله وجهك أخي تركي الودعاني

على النقل الطيب لهذه الدره

لشاعر القبيلة الفحل ابن شيبان

رحمه الله وأسكنه فسيح جناته

 

 

 

 

    

رد مع اقتباس
قديم 05-04-2006, 09:59 AM   #11
 
إحصائية العضو







ابوعبدالرحمن الودعاني غير متصل

ابوعبدالرحمن الودعاني is on a distinguished road


افتراضي رد: الشاعر الفحل مبارك بن شيبان(الهذيه)



أخي وإبن عمي الحبيب الغالي

صح لسانك ورحم الله الشاعر الفذ

تاهذيه وأدخله الله الجنه وقصايد جزله وطيبه

وأنت ما يجي منك إلا الطيب والزين

جعلنا ما نخلا منك


 

 

 

 

    

رد مع اقتباس
قديم 05-04-2006, 10:32 AM   #12
 
إحصائية العضو








ابن وتيد السباعي غير متصل

ابن وتيد السباعي is on a distinguished road


افتراضي رد: الشاعر الفحل مبارك بن شيبان(الهذيه)

بيض الله وجهك أخي تركي الودعاني

على النقل الطيب لهذه الدره

لشاعر القبيلة الفحل ابن شيبان

رحمه الله وأسكنه فسيح جناته

 

 

 

 

    

رد مع اقتباس
قديم 26-10-2006, 08:22 PM   #13
 
إحصائية العضو








عبدالله بن عريمة غير متصل

عبدالله بن عريمة is on a distinguished road


افتراضي رد: الشاعر الفحل مبارك بن شيبان(الهذيه)

جعلة في الجنه الشيخ والشاعر الفحل بن شيبان ) الهذية ) طالما نافح عن قبيلته الدواسر في كل حدث وفي كل معركة وهذا من حميته وطيب راسه وهو يعتبر في عصرة شاعر الدواسر الاول

الله لايهينك اخوي تركي ال فنيس

تحياتي

 

 

 

 

    

رد مع اقتباس
قديم 06-02-2007, 12:58 AM   #14
 
إحصائية العضو








ابو زابن المسعري غير متصل

ابو زابن المسعري will become famous soon enoughابو زابن المسعري will become famous soon enough


افتراضي رد: الشاعر الفحل مبارك بن شيبان(الهذيه)

لاهنت ياتركي وبيض الله وجهك على القصايد الطيبه

والشاعر الهذيه شاعرن كبير غني عن التعريف


تقبل تحياتي

 

 

 

 

 

 

التوقيع

لاصار حظك ردي والوقت ماياوي= مناطح الروس خيرا من مصافحها
وإن لم تكن ذيب في راس الجبل عاوي= اصبحت طمعة لعاويها ونابحها

    

رد مع اقتباس
قديم 07-02-2007, 04:08 AM   #15
 
إحصائية العضو








نايف الخييلي غير متصل

نايف الخييلي is on a distinguished road


افتراضي رد: الشاعر الفحل مبارك بن شيبان(الهذيه)

الغالي \ تـــركي ال فنيــس

بيـــض الله وجـــهك يالقــرم على إيــرادك نبـــذه من سيـــره الشاعـــر الكبيـــر

مبارك ابن شيـــبان وبـــصراحه انك أتحفتنــا بقصــايده الجــزله والرائعه


وتقبل تحيـــاتي الخاصــه لك

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 4 ( الأعضاء 0 والزوار 4)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
التغطية المصوّرة لحفل (ترقية الشيخ محمد بن مرّان بن قويد)وحصوله على درجة الماجستير برعاية الشيخ مرّان بن متعب بن قويد (حفظه الله تعالى) الإداره :: قسم اللقــاءات والفعاليات والتغطيات الخاصة:: 51 09-10-2011 10:09 PM
التغطية المصورة لحفل المسابقة الشعرية الأولى لموقع قبيلة الدواسر الرسمي الإداره :: قسم المسابقة الشعرية السنوية للموقع الرسمي لقبيلة الدواسر :: 17 11-12-2010 11:09 PM
الدراسة التفصيلية الكاملة لشعر المحاورة عقاب بن هذال ال بريك :: قسم المــحــاورة والألــغـاز:: 8 09-10-2010 08:54 PM
التغطية الـمصّورة للحـفل الثـاني لموقع الدواسر الرسمي برعاية الغرره الإداره :: قسم اللقــاءات والفعاليات والتغطيات الخاصة:: 29 18-08-2007 06:40 PM

 


الساعة الآن 02:48 PM


Powered by vBulletin® Copyright ©2000 - 2024, Jelsoft Enterprises Ltd.
---