التغطية المصورة لحفل الشيخ ماجد الغنام الهواشلة الدوسري بـ مناسبة مشاركته بـمزاين أم رقيبة لعام 1436هـ - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـخــــاصـــــة.::: > :: قسم اللقــاءات والفعاليات والتغطيات الخاصة::

إضافة رد
انشر الموضوع
 
أدوات الموضوع انواع عرض الموضوع
قديم 14-12-2014, 09:47 PM   #1
 
إحصائية العضو







الإداره غير متصل

الإداره is on a distinguished road


:e-e-5-: التغطية المصورة لحفل الشيخ ماجد الغنام الهواشلة الدوسري بـ مناسبة مشاركته بـمزاين أم رقيبة لعام 1436هـ




الحمد لله رب العالمين والصلاة والسلام على سيد الانبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته الى يوم الدين

إخواننا أعضاء وزوّار الموقع الرسمي لقبيلة الدواسر



أعدّ التقرير

عضو مجلس إدارة الموقع الأستاذ فهد بن هادي الغريري



التقاط الصور

الاستاذ: فيصل بن ضويحي الهواشلة



يفوز الدبش ولا أنت فوزك يبو غنام =بكسب المراجل يامثبت قواعدها
تنقيت وضحن للهوامير ماتنسام =غلاها طردك أسعارها ماتحددها





الشيخ ماجد الغنام الهواشلة


الشيخ غنام بن ماجد الغنام الهواشلة


الشيخ محمد بن ماجد الغنام الهواشلة

لطيب نبراس وللعلوم الطيبه اهلها من باب التنافس الشريف ،ومن باب الإخاء بين أبناء العمومه. وفي ليلة من ليال الفرح والاجتماع وليالي ام رقيبة الخالدة ،وفي جو أخوي زاد من جماله ذلك التجمع الرائع بين أبناء قبيلة الدواســـر والقبائل الاخرى

اقام الشيخ ماجد الغنام الهواشلة الدوسري حفلاً كبيراً بمناسبة مشاركته في مهرجان أم لمزاين الإبل لعام 1436هـ .وقد أقيم الحفل يوم (الاربعاء ) بـــ تاريخ 1436/2/11هـ الموافق 2014/12/3م وقد حظي هذا الحفل بعدد كبير من شيوخ وأعيان وملاك الإبل من قبيلة الدواسر وقد حضر موقع قبيلة الدواسر الرسمي إثر دعوة تلقاها من الشيخ ماجد الغنام الهواشلة وقام بإجابة الدعوة بالحضور....


لقطاتٍ مصوّرة لــ مسيرة منقية الشيخ ماجد الغنام الهواشلة الدوسري



الشيخ ماجد الغنام الهواشلة والشيخ غنام بن ماجد الغنام الهواشلة
في مقدمة المسيره
































الــــــحــــــفــــــــل






من اليمين الشيخ ناجي بن جفيران الحقباني وبجانبة الشيخ فيحان بن شجاع بن سويلة وبجانبة الشيخ سعود بن ناصر بن غصين


من اليمين الشيخ فهد بن فريج الشكرة وبجانبة الشيخ عبدالله بن حمد التميمي


من اليمين الشيخ فيحان بن شجاع بن سويلة وبجانبة الشيخ الصييفي بن حمد الهواشلة


من اليسار الشيخ متعب بن محماس بن دهيم الهواشلة


من اليسار الشيخ منيخر بن بتال الحمالين الهواشلة وبجانبة الشيخ/راشد بن فهد البحري النتيفات وبجانة الشاعر حمد بن بيرم اليامي


من اليمين الشيخ ناصر بن غصين


من اليمين منصور بن مبارك بن حبيان الصخابرة وبجانبة الشيخ حسن بن مبارك القريني المسعري


من اليمين الشيخ محمدبن ماجد الهواشلة وبجانبة الاعلامي تركي بن سيف الرجباني وبجانبة الشيخ غنام بن ماجد الهواشلة وبجانبة الاعلامي فهد بن هادي الغريري وبجانبة الشاعر معيوف بن مبارك المسعري


من اليسارالشيخ جمحان بن عرار بن صلال المسعري


من اليمين الاعلامي فهد بن هادي الغريري وبجانبة الدكتور حبشان آ ل حبشان


من اليمين الشيخ عبدالمجيد بن ناصر بن غصين


من اليمين الاعلامي مبارك بن سيف الرجباني بجانب الشيخ ماجد الغنام الهواشلة


في المنتصف الشيخ الصييفي القضيع الهواشلة


من اليمين المنشد بخيت بن ناصر الهواشلة وبليه فهد بن هادي الغريري ويليه الشاعر عبدالله بن مرضي الودعاني


من اليمين الشاعر جري بن شبيب ال بريك وبجانبة فهد بن حمد بن ضويحي










من اليمين المنشد عبيد بن ذيب ( شبل الدواسر) وبجانبة دغش بن حمد بن منصور الصخابرة

فـقـرات الحـفـل


الاعلامي تركي الدوسري

إنطلقت فعاليات الحفل المنبري عند وصول جميع الضيوف التي قدمها الأعلامي المتميز الأستاذ تركي الدوسري وقد بدأ الحفل بآي من الذكر الحكيم تلاها
فيصل بن ضويحي الهواشلة



فيصل بن ضويحي الهواشلة


الشيخ غنام بن ماجد الغنام الهواشلة

وبعد ذلك كان للشيخ غنام بن ماجد الغنام الهواشلة كلمة ترحيبية بالضيوف الكرام وكلمة حول المهرجان مهرجان جائزة الملك عبدالعزيز لمزاين الإبل في أم رقيبة والهجمة من بعض الصحف على ملاك الأبل: مماقال:

تجاهلون مميزاتها ولا تقع أعينهم على السلبيات ولا يحاولون علاجها لكن يحاولون إلغاء ذلك المهرجان نهائيا
يتجاهلون مكانة الإبل العظيمه المذكوره في كتاب الله ومحافظة أبناء الباديه عليها
ويتجاهلون تلاحم أبناء القبيله الواحده خلف ابنهم أو أخوهم المشارك
ويتجاهلون تلاحم وتعارف أبناء القبائل المختلفه
ويتجاهلون فوائد الكثير من أبناء الباديه من هذه المهرجان
ويشجعون التعصب الكروي ساد في مجتمعنا وولد قطيعت الارحام

ولكن

أقول الحمد لله أن المهرجان برعاية صاحب السمو الملكي الأمير مشعل بن عبدالعزيز وإلا ستنقلب أغلب المنابر الإعلاميه لتنديد بذلك وكأنها جريمه بحق الإنسانيه .




الدكتور حبشان آل حبشان

وبعد ذلك كان لــ الدكتور حبشان آل حبشان كلمة توعوية

لأن مثل هذه المناسبات لابد لـ الشعر أن يكون له حضوراً ، ولأن مثل هذه المواقف العظمى لابد أن تسجل وتدوّن بأبيات القصيدة . إستهل الشاعر معيوف بن مبارك المسعري


الشاعر معيوف بن مبارك المسعري


يا غنام يا شواش يالصامل المقدام=تعال استمع مني قصيده وحللها
قصبده في مدح ابوك ماجد ولد غنام=تجمله قيفان معيوف ويجملها
وانا الشاعر الي ماتذرا ورت الاعلام=قصيدي طحاطيح النشاما تناقلها
ليا من حضرت تشوش واشوش الحكام=وروس الرجال الي تنومس فعايلها
ماني شاعر عادي لا يا جا الزوم الهام=بلش في القصيده مايقول انه يكملها
هلا مرحباً ع الشحم والعلوم جسام=تراحيب أبوغنام قد قالي قلها
وانا آمون لا من جئت لي في محل كرام=اثني تراحيب القبائل وأدبلها
يا ماجد علا مديحك الشاردات حيام=سرت لك علا وضحا النقا من معاقلها
مديحك علا صدر القصيده فخر ووسام=تهوم المراجل بالعزوم وتطاولها
هاذا الشايب الي راْسه يثور فيه ألغام=حماياه تقدح والدويله يمثلها
هاذا الشايب الي لا حضر موقف لزام=تجمل ومثل له قبيله عن أكملها
وهاذا الشايب الي قولت ارحب معاه شمام=تباشر به الضيفان لمنه قابلها
وهاذا الشايب الي وضحه تحطم الارقام=وبه ناس تفرحها وبه ناس تزعلها
ليا جر صوته للمغاتير جاه شهام=علا صوته اخرها يعود علا اولها
تقدمت عن خطلان الايدي وراسك زام=قبيله لنا في المجد قمه وندهلها
دواسر لنا التاريخ يكتب بدون اقلام=وساع الطعون وكل ميله نعدلها
دواسر علا صوت الفشق نسكر استشمام=ليا قنبعت روس الشنابات نفتلها
دواسر وجارالدوسري والله ماينضام=مادام الدواسر في الجزيره منازلها
دواسر مزبنة الدخيل وعما الاخصام=تواريخ ماهي بالسوالف نهولها
دواسر مزارعنا ماتعرض علا السوام=نفك الشبوك ومن يجينا يحصلها
دواسر مابعنا الماء لو ان السنين هيام=هاذا سلمنا وسلومنا مانبدلها
دراسر خوال للملوك وسند وحزام=ولدنا مايردا والتواريخ تنقلها
دواسر لنا في نجد هيبه ودار حشام=ماجتتا بتقدير الوجيه ومجاملها
لا والله جتنا من سيوف تقص عضام=ليا صاحت المتربيه في حمايلها
خوي الدواسر له معزه وله مقام=ليا عاش معنا حشمته ما نقللها
هاذا موجز النشر وباقي بعد غنام=حميد النبا روحه على الطيب كافلها
يا كيف اجهلك يالطيب الصامل الصمصام=ياراع اليمين الي تجمل قبايلها
علي الطلاق انك سنافي ولا تنلام=تهوم المراجل لين تسطي على اجزلها
مديح يا ابوماجد ومتعنصر وجزام=صديقي وانا قد الصداقه واجملها
وابو ماجد محمد على المرجله عزام=ابشبه في بيت والفكر سجلها
عديم الوصايف حراً اشقر ليا من حام=لو المرجله بين الحاليح حولها
هاذا واجبي والحمد لله على لسلام=تحت رايت ال سعود والشرع فيصلها
وجميع القبايل وافيه والسلام ختام=قبايل مايجهلها الفخر كيف انا اجهلها


الشاعر حمد بن بيرم اليامي


ثم ألقى الشاعر حمد بن بيرم اليامي قصيدةً بهذا الحفل حيث يقول في قصيدته :

بسم الله وفي ظل عبدالله بعد ظل الغفور=وقفت والنسمات كاديها يعانق فلها

بمجالس من طيب اهلها مثل شامخة القصور=فالديره اللي جعل هميل السحاب يعلها

ديرة هل العوجا عما العايل مجهزة القبور=لاعدا البلاد اللي تحل نفوسها وتملها

والله يديم الامن والنعمه على العبد الشكور=ويزيلها ممن كفرها لين يشكي قلها

ماهيب نقضة عذر خمس ابيات في عشرة سطور=ان كان ماهي تضرب التاريخ ليش اهلها

ولاهو بمن باب الكبر ولابمن باب الغرور=ربع الفتى لامن تقدم يلزمه حق لها

واكيد كلا في بني عمه يفاخر ومعذور=وان ارتفع صوت العزاوي فالحناجر واللها

ربعي قبايل يام بن يصبا وانا فيهم فخور=تنزل على الحد المخيف ولاتبور بخلها

والشعر هيض وفيض واستعراض واحساس وشعور=واحلى القصايد ماتساق الا على منصى لها

ماهيب نقضة عذر خمس ابيات في عشرة سطور=ان كانها ماتضرب التاريخ ليش اهلها

واللي جبرني لين جيت من المسافه للحظور=ماعد حسبتالمسافه كثرها من قلها

ماهوب حب فالقصايد والمنابر والظهور=لاوالله الا للدواسر حشمة واجلها

سلام ياسعد الخوي والجار من ماض العصور=يامزبن الخايف ليا ساق الركاب وتلها

يهل الكرم يوم ان راع الطيب فالوقت مخبور=واهل القصور الشامخات اللي يظلل ظلها

واهل الظفر واهل البنادق والمحاجي والسبور=واهل المتون اللي تزيح الكايده وتشلها

واهل المقام الذرب واهل البل واهل شرح الصدور=واهل الوفا واهل الفخر واهل المراجل كلها

وان شبت الهيجا وجا فيها دبل وثري وفور=ابطالكم تاطا على روس العدا وتذلها

وباقي القبايل قسمها وافي ولافيها قصور=بامجادها واعظم مفاخرها يشع سجلها

واللي كفاكم بالنيابه يا طويلين الشبور=متمكن وراهي ووقفات الفخر كفولها

ابيه واجداده هل الوقفات والبندق تثور=روس الهواشل والجمايل والوفا طبع لها

ال الدويله دولة لاقربها الحايف يذور=مادام ماجد من تقدم قال عنك وخلها

وحنا نعرفه زين ابو غنام وافي مايبور=صميدع حتى عروش المستحيل احتلها

شيخ مواقيفه تجمل لابته في كل دور=للكايده ياقف لياقالو بعد يامن لها

ياقف لها المطنوخ ثم يغرق بحور في بحور=والكايده لوهي على سطح القمر ياصل لها

من طيب ساسه باني قصر على العز معمور=يستقبل الضيفان والفعل الجميل يدلها

وان جاوه الضيفان يستقبلهم بوجه السرور=وبمشاهد الضيفان يفرح والحجاج يفلها

وان ودعو ليكنهم الحجاج في وقت النفور=عد توارده الحيام الظاميه ويعلها

وخلف حرار ياصلون الصعب بالصوت الجهور=غنام واخوانه هل العليا وهم قد لها

وشارك طويل الباع بالندر ثقيلات المهور=اللي تعوج له الرقاب الجرد لاهوبل لها

واهل الوضح معهم من الغنام قطاع الظهور=تهابه الملاك حتى لو تعزز بلها

عزل الفقار وسند الغرب وسيعات النحور=هدل السبال اخشومها مثل السيوف تسلها

اقبل بوضح للمنصه جات في طيش وغرور=مع طيب مافيها كبود الحاسدين تسلها

يبرا لها اللي فالجزيره ماخذ كرت العبور=نوب تزله في مسيرتها ونوب يزلها

ان قلت ذالدولي فنا صادق وايضاح العلم نور=وان قلت مالكها فهاذي كلمة في حلها

وجه الشبه بين الثنين العزم والقلب الجسور=وشيل الحمول اللي على الامتان صعب شلها

واستاذنك ياشيخ ماجد باقي معنى يدور=في فكرتي تسمح لي اجيبه يمينك سلها

انت انت دوله مستقله كل منتجها صقور=الا سيوف في نحور القوم تبرد غلها

وابوك وامك طالبين لك مع وقت السحور=وعطاك ربي نايب لاجا الصعايب حلها

الشيخ غنام ابن ماجد لرجح الشهم الغيور=اللي لو ان المرجله موت حمر ماملها

ولو ان روحه في يمينه قال مانيب معذور=من طيبته من جاه يطلبها يقول اشتلها

واخوانه الباقين قدوة عز في كل الامور=نوادر من طيب ابوها ماتغير دلها

في حفلكم هاذي قصيدة يام فاحت بالعطور=تخص ابو غنام وتعم الدواسر كلها

والختم صلى الله على شفيعنا يوم النشور=صفوة عباد الله وخاتم الانبياء واجلها




الشاعر تركي بن نيف الودعاني

ثم ألقى الشاعر تركي بن نيف الودعاني قصيدةً بهذا الحفل حيث يقول في قصيدته :

سلام ياماجد الغنام=يالي لك البيض مبنيه
يطرخ علمها على الاعلام=فوق الديار السعوديه
عند الوعد والجموع ازحام=كلا يمثل عزاويه
انشهدانك حميت الزام =وقفت وقفه بطوليه
وقفت وقفت بطل مقدام =كنك على باب ماليه
بنيت بيت الشعر واخيام =كنها منى باول اضحيه
ونوارها يجلي الظلام=والنار مشعومتن حيه
مضوف والضايفين احشام=جمهور وهل كل منقيه
ومن قبل مايثني السلام =يندار عودٍ وبريه
وحيلٍ شحمها عليهااكوام=غطاء على كل صينيه
كريم سبلا وساس اكرام =والطيب ماجاك عاريه
ورفع عقالي لبن غنام =الي له البيض مثنيه



المنشد عبيد بن ذيب الرجباني ( شبل الدواسر)


وكان لنا موعد مع الأوبريت الانشادي مع المبدع عبيد بن ذيب الرجباني ( شبل الدواسر)
الهب حماس الحضور بــ الشله الانشادية الجزله من كلمات
الشاعرمحمد بن باني المخاريم
.::::::.::::::






الشاعر ظافر بن الحمري اليامي

ثم ألقى الشاعر ظافر بن الحمري اليامي قصيدةً بهذا الحفل حيث يقول في قصيدته :






الشاعر محمد بن عبدالله الشرمان ( شنار يام)

ثم ألقى الشاعر محمد بن عبدالله الشرمان ( شنار يام)قصيدةً بهذا الحفل حيث يقول في قصيدته :

اشتعل برق المدايح وجا للشعر باب=والملاحم والمفاخر لها شيخانها

تلتعج عوص الشوارد كما عوص الركاب=ندُر يعرف نباها قبل محيانها

طفح هجوس الفرايد مناطحة الضباب=تصتفق مثل المحيطات في جيلانها

حضّرت قُدمي على الوعد وافية النصاب=مزنتن يتلا رعدها خبط ودانها

والقوافي ماتبا الا مروية. الحداب=عقب اللي كلمته ماعرف ميزانها

من مدح هزل الفعايل. غدى مدحه سراب = ومن مدح خطلان الايدي كسب شجعانها

والدواسر فخر الامداح مطعمة الحراب =الزحول اللي تدوس الخطر فرسانها

الدواسر سقم كبد الضديد اليا استناب=تصفق بشلف تقص العظام اسنانها

وقعهم يشبع به الذيب الاسحم والعقاب=تسهج العدوان لاكشرت نيبانها


مفخرة الارض الدواسر مطوعة الصعاب=نيف جبال تذرا العرب ب اركانها

قدموا لمداحم. القوم. راس مايهاب=ساطي شلفاه تلطم شبا عدوانها

من هواشلة المواقف لما اشتد الخطاب=ب الدوليه سميّت من عصر جدانها

ماجد الغنام فرز الوغا سمح الجناب=شيخ عز كلمته ماالتوت ب ارسانها

داجر الجمهاه لااصتك ناب فوق ناب=يرتكي للمعضله واشهد انه حصانها

محتزم باام الواليب صافية الخشاب =اصوك جل المراجل بيدها اعنانها


اقبل. بوضح تهيزع كما غر السحاب =تلتعج كن مقبس النار في زيرانها

ضافية الاسبال فيها من الزين العجاب=والفقاره قوس من خلف عرض امتانها

والنحور الفج من فوقها علط الرقاب=قلعه الحاكم ليا فتحت بيبانها

كّن خبط اخفافها من على سمر التراب=طايرات الميق لاثورت نيرانها

قُدمها الدولي يشادي لناطحة الضباب=يرهج الميدان ويزووم في جيلانها

جابه اللي للمخاسير ماحسب حساب=ساق فيه. من الملايين غال اثمانها

من طحاطيح الدواسر هل الراي المجاب=يعجز التاريخ يحصى عظيم اكوانها

صدرت بيض الحقايق عقب تم الجواب=والمعاني وردت في نحى شيخانها





المنشد جريم المصارير



وكان لنا موعد مع الأوبريت الانشادي مع المبدع جريم المصارير
الهب حماس الحضور بــ الشله الانشادية الجزله من كلمات
الشاعرفهـد بن نفل الهواشلة ::::::.::::::






الشاعر جري بن شبيب آل بريك

ثم ألقى الشاعر جري بن شبيب آل بريك قصيدةً بهذا الحفل حيث يقول في قصيدته :

ﻻ دعا الداعي حضرنا حضور الصاملين =فأول صفوف النشامى وﻻ نرجع ورى
ذي عوايدنا وهي من عصور اﻷولين =يشهد التاريخ بأفعالنا تو البرى
مجدنا تاريخ ماهوب مجد ملفقين =يدري القاري وعلمبه اللي ما قرى
إن مجد الدوسري مفخره للطيبين =وللعدو غيض وضجر ﻻ وموتن أحمرى
والفضل لله وله خاضعين وساجدين =وﻻ ذكرنا قول زورن وهرجن مفترى
نذكر الواقع وكل الدواسر زايدين =بالمراجل والشجاعة ووسمن يذكرى
دون قاصر ف القبايل وذربين اليمين =الشيوخ اللي حكموها ب سيفن أسمرى
وأنت ي ماجد دعيت وحضرنا ملبيين =دعوتك ي محزم الضيق وأفعل ما ترى
جوك خطﻻن اليماني من يسار ويمين =فزعتن من جات يمه يشووش ويفخرى
مرحبا بقبالهم أرحبوا يحاضرين =عد من زار المدينه وزار أم القرى
بالنيابة عن هل الحفل واللي منظمين =مرحبا ترحيبتن ليلها ليلن سرى
تدهر بالعود اﻷزرق وعطر الياسمين =والبختري والنفل والخزامى وزهرى
كلها قدرن لكم ي النشامى الغانمين =في محل الشيخ ماجد وأنا منهم ترى
أعتبر هذا محلي وأرحب وأستعين =بالله وبمدح كريمن بفعله يذكرى
فالمراجل والمواقف ومد المعسرين =والشجاعة والحميه وخلقن ينشرى
صامل الوقفات راع العلوم اللي تبين= فزعة المضيوم ﻻ حده الوقت وزرى
ماذكر غير الله وقفتك في كل حين =ﻻ طراله من طواري زمانه ما طرى
قال ي الغنام يا محزم الجنب المتين =أنت عون اللي جفاه الزمان وغبرى
وأنت منصا للنشامى فدوك الخايبين =فاتحن بيتك وفيه المراجل تثعرى
نارك الحيه سناها يجيب الهاشلين =وصيتك الطيب جذب كل قرمن حضرى
مثل ذالليله حضورن يسر الناضرين =من مقاماتن كبيره شيوخن وأمورى
وصفوة رجالن على مدخلك مستقبلين =بالمداخن والتراحيب فوق وتشهرى
والدﻻل تصب وفهودها اللي مشمرين =ما توانو بالمهمة وطيبك يشكرى
ف الشحم ماتنحر إﻻ من الحشو السمين =مالها أعداد فوق الصياني تزبرى
مع م يلحقها من الحيل حيل المصلحين =وكل صنف من الموائد تحتها يبهرى
وافي ن يالهويشلي ونعم يذرب اليمين =ونعم بربوعك عسى موتكم مايحضرى
ترفعون الروس بأفعالكم ي النادرين =وايتشجع منكم الدوسري فيما يرى
وأنت راع الوضح وإنا معاك مشجعين =كلنا جمهور وضحك ودندن وأفخرى
أحتزم بالدوسري فالشدايد لك عوين =ﻻدعا الداعي يجونك مواكبهم سرى
قد لوضحك توهم والنشامى جاهزين =وأنتم وحنا لها ف اللقاء حجاب وذرى
وأنت يا غنام ي القرم ي الدرع الحصين =وأنت ي محمد يعوق الخصيم ليا زمرى
أندهوا لدولي الغالي الفحل الثمين =تو دولياته اللي تعب من شرى
وضحكم تستاهل المدح والشعر الرزين =كم مدح فيها وأهلها من الناس شعرى
الرقاب طوال والروس مركا الحاكمين =والخشوم الرثم قوس الربابة لحدرى
والسبال طوال والعرض عرض الخدتين =والنحور وساع مدخل ملك وﻻ وزرى
والغوارب سند والني فوق الحجبتين =باني ن وتقول مسحوبن شوي ن ورى
والعضام جﻻل من صنع رب العالمين =وطولها ما غط من رفعها فوق الثرى
ﻻ مشت تختال في مشيها للعارضين =كن مابه وضح في جنبها واتبخترى
شايشه ومطوشة روس سقم المعتدين =الدواسر عزوتي يدري اللي مادرى
صاملين الهوش ﻻ بان جمع العايلين =ولعت نار المعارك وقامت تسعرى
كسبنا روس اعقداء القوم واللي مسلطين =يشهد التاريخ بالفعل فيما قد جرى
والختام أقول صلوا على النبي اﻷمين =محمد اللي حطه الله شفيعن للبرى



الشاعر سلطان بن محسن المسعري

ثم ألقى الشاعر سلطان بن محسن المسعري قصيدةً بهذا الحفل حيث يقول في قصيدته :


شوارد بنات الفكر وسط الضمير حيام =وقدني على مدح النشاما معودها
وجتني على طاريك ياماجد الغنام =غفالن على مدحك وسمنا شواردها
لجل راعي اهل الطيب ماتنثني لقدام = احث الركايب لين تارد مواردها
عليكم سلام ورحمة الله سلام إسلام =على صاحب الحفله ومن جاه قاصدها
عنينا لحفلت طيب الذكر والمقام = أشارك وابارك والتهاني برددها
عسى الفوز والناموس لمحطمت لرقام =مغاتير شيخن للنواميس وردها
يفوز الدبش ولا أنت فوزك يبو غنام =بكسب المراجل يامثبت قواعدها
تنقيت وضحن للهوامير ماتنسام =غلاها طردك أسعارها ماتحددها
اتلادن على الدولي تحط الجموع أقسام= نهار المزاين شوقت من يشاهدها
تنومس صديق وفي وعدها تغيض اخصام = وعلى شفها جينا العوايد نجددها
معى كل وضحن تقرن المشي بالدرهام =شناحن قصيرت عيز هزعن تساندها
معا الغارب المنقاد شقه وطول عظام =ودق رقبة ربي فصلها مزودها
وتقويس خشمن خلقته تتعب الرسام= طويلت لحي والأذن خرعن تباردها
مغاتير شيخن ساقها بالوعد قدام =عن شفوقها ماجد حلف مايرددها
معا عرضها لاشوش الكفو ماينلام =خطيرن شعور معرب الساس يفقدها
هذي وضح منهو للنواميس لبس اوسام =إجمال المراجل بالفعايل مقيدها
ترا ماجد الغنام مدحه فخر لأقلام =اصعاب المواقف ماعسف كون كايدها
كريمن عياله طيب نهجه خدوة شمام = حرارن مخالبها تجرح صوايدها
مثل طيب الوقفات طير السعد غنام =أي والله ومجد أهل الفعايل يخلدها
علوم الحياء والطيب من ماضيت لأيام =تفاخر بها لجواد محدن بجاحدها
وغنام طيبه رفرفت به خضر لعلام = وعانق جزيلات الفعول وتسيدها
يقود المراجل قودت المرسنه بخطام =مايضر حساب المال نقصه وزايدها
طويل الذراع الهيلع الصاطي المقدام =يمينه صخاها بالعطايا معودها
حليف الظفر من عزوتن مجدها شعام =هواشلتن اتضد العداء اللي تعاندها
هواشلتن يحرم على خصمها المنام= كعام الحريب وعز منهو يساندها
زحولن لهم في معجزات الفعول أقسام = مطنخ رجالن كل مجدن يراودها
هذولا الدويله سميوا به قبل لسلام =دويله حرايب عزها من مناجدها
هذولا مطانيخ الفعايل وعزن دام = أهل وقفتن ماتنثني عن مقاصدها
بني عمنا وانا لهم مسندن وحزام = دواسرن نعشق الطايله ونتعمدها
دواسر دواسر يوم نجدن بلا حكام = يوم أن الرجال فعولها اللي توردها
حمات الدخيل ونهمل الجار ماينظام = فخرنا سلوم أجدادنا اللي نمجدها



الشاعر بدر بن غازي الشاطري

ثم ألقى الشاعر بدر بن غازي الشاطري قصيدةً بهذا الحفل حيث يقول في قصيدته :

وقت التحدي حان وقت الطلب حان=وكلٍ معه حبله وقدامه البير

و اللي ورد يروى بعد كان عطشان=والناس هذي بين ورد ومصادير

ماهيب لحية قول ( صح الله لسان )=وحنا هل المسك إخصما نافخ الكير

ياماجد الدعوه تقدّر بالأثمان=على سلوم الطيب مافيه تغيير

وللشعر في محيا المطاليق عنوان=في سد وجهي ما يجي فيه تقصير

انقّد ابيوت القصيدة على شان=افخر بها قدم الرجال المناعير

واليا نقلوا قافي بعد عدة ازمان=والله ماينقد وانا شاعر مطير

افخر ويفخر بيت شعري والاوزان=في مدحة اهل الطيب واللي بهم خير

ربعٍ اليا طالت طويلات الايمان=تطول ايداهم شي ماطاله الغير

وقت القسى درع وذرى وامن وامان=الاد زايد يوم سل البواتير

الاد زايد لاغشى الجو دخان=هوماتهم يشبع بها الذيب والطير

الاد زايد كان وقت اللقاء حان=فالصف الاول كلهم دون تاخير

ان عودة بندق ورمية ونيشان=دواسرٍ تلقى على الشر والخير

يوم اشهب البارود في كاينٍ كان=يردون حوض الموت دون المغاتير

اعيال زايد يوم روغات الاذهان=دقلاتهم من دون شعف الاوابير

اشاوسٍ تقدح سطر كل الاحيان=فعلٍ مسطر فالتواريخ تسطير

اليا اعتزى رجالهم اخو فلان=والله لياصل لو يصير اللي يصير

دواسرٍ لنكان وجه الزمن شان=قدام مايقفون فالصف الاخير

القاف غنى في معانيه طربان=في عيال زايد ماتفيد المعاذير

واليوم ابن غنام وقف كحيلان=عنهم اليا صكت حشود الجماهير

ماجد تحدى بعد ماشاف الاعلان=قال ازهلوها وجو جماعته توقير

ركن الدواسر والقبايل لها اركان=فالموقف اللي ياقفون المشاهير

حوّل بوضحٍ كلها نقو وزيان=مال الشريطي في طرفها مداوير

برصٍ نهار العرض كسّابت رهان=واللي وينافسها جداه المخاسير

ان جات دوليات في كل ميدان=أتروّح الاذواد عنها شعاثير

جرد الرقاب انحورها تقل بيبان=قصر الامير اللي مقلط له امير

طفح اللواحي ظافية خرع الاذان=قوس رثمتها مثل قوس المباهير

اليا اعرضت تشبه مزابير الامزان=هزعٍ سناد وللتفهق معايير

لاسمعة صياح الموده بها جنان=على اللبيد تشوش فيها صعاطير

في ظل ابن غنام زينات الالوان=طابت وطاب الحظ باغلى المساعير

لاهنت يالمحفل وراعيك لاهان=ذخر الرجال اللي تشق الطوابير

حضرت للدعوه معزه وعرفان=لعيونكم والله لو اعكس السير

انا أجنبي وشهادة الحق برهان=شهادتي مقبوله بدون تبرير

ربعي عمى عين العدو يوم الاكوان=يشوش راسي كل ماصحت يامطير

وأرجع لموضوعي والاحسان بإحسان=سقت البيوت الشرد سوق المضاهير

قدر وغلا واللي على العهد ماخان=ولا في كلام الحق هزبه وتزوير

ياعيال زايد ياطليقين الايمان=على المواقف مثل أبانات والنير

اللي عرفكم يالمطانبخ كسبان=لاكلّبت قدم الرجال المقادير

على العدا أحرار إبمخالب وجنحان=والله ماضاع إلكم كبر حبة شعير

يوم اعتلاج الخيل خيّال وعنان=في ساعةٍ فيها تضيع التدابير

لاقيل وين فلان وفلان وفلان =الدوسري واحد .. يشق الطوابير

واليوم ابو غنام وقّف كحيلان=عنكم ليا إصطكت حشود الجماهير

مرهي على الاول لو الجو مليان=موقف وذا وقته زبون المخاسير

ماجد تحدى بعد ماشاف الاعلان=قال ازهلوها اليوم والصاير يصير



وبعدها قام الشيخ غنام بن ماجد الهواشلة باهداء سيارة للشاعربدر بن غازي الشاطري بعد قصيدته الجزل في قبيلة الدواسر وذالك بسم الشيخ ماجد الغنام الهواشلة




وكان لنا موعد مع الأوبريت الانشادي مع المبدعين

المنشد مبارك بن سعدي الودعاني

والمنشد عبيد بن ذيب الرجباني

الهبو حماس الحضور بــ الشله الانشادية الجزله من كلمات
الشاعر:هادي بن زابن الودعاني






الشاعر محمد بن قحيفان الخضراني

ثم ألقى الشاعر محمد بن قحيفان الخضراني قصيدةً بهذا الحفل :



الشاعر فراج بن محمد بن صغير الهواشله

ثم ألقى الشاعر راج بن محمد بن صغير الهواشله قصيدةً بهذا الحفل حيث يقول في قصيدته :



يالله يامنزل تبارك وياسين =ياخالقن آدم بامرك من الطين
تعصم لساني من كلام النفاقي =واحمه عن الزله ودله على الزين
ومن عقبها في حفل ربعي هل الجود =ربعي بني هشال سقم المعادين
ربعي لهم بالطيب صوله وجوله=أهل الوفا ومرجحين الموازين
بأسم الدويله سمي واضفروبه =اسمن ينومسهم على العسر واللين
سماهم اللي بالرفاعه يوصف=اووصفه مخلد من قديمن وهلحين
السبعه اللي ميلو بالخصومي =تاريخهم ثابت ولا فيه تخمين
من بينهم يذكر لناالقرم سلوم=كدرصفا الماءوالمعادين مضمين
في موقفن كل القبايل شهوده=قولن صحيح وثابتن بالبراهين
بامدحربوعي وافتخرواتباها=ربعي بني هشال ربعن وفيين
تاريخهم بالطيب يزخر ويزداد =وافعالهم تكتب بكل العناوين
ولاانسا بني عمي هل الكيف والكار =دواسرن فيهم قروم وسلاطين
أهل السلوم الطيبه والضيفه =دواسرن بين القبايل عزيزين
وسم العصابين القبايل كسبناه=سلمن لنا معروف عندالفهيمين
ودخيلنالا من زينا من الخوف =في ضفنا يحماولا يلحقه شين
وقصيرنا محشوم محدن يحسه =ندراه ونعزه مع الجانب الزين
ولامن لفانا الضيف نكرم جنابه =نسرع قراه ونوفي الصاع صاعين
وخوينا لاجمعتنا الاخوه=من حشمته كنه من الربع الادنين
والنعم والله في جميع القبايل= كلن على حده على الحق راسين
وحكامناال سعودفينا ومنا=الله يديم بحكمهم قولو آمين
الله يبيض وجه منهو جمعنا =عسا تجمعناعلى الذكر والدين
ماجدولدغنام رجل المواقف =ذكره وفعله بالوفا يعجب العين
على فعول الطيب يرخص حلاله=وفي درب كسب الطيب يدفع ملايين
وعياله اللي بالمراجل تربو =على المراجل كلبوهم مربين
بطلب من الحضار طلبه بسيطه =قومولبن غنام ردوله الدين
شارك بوضحن تعجب اللي نضرها=وضحن طوال رقاب فنس العرانين
جردالرقاب ومارقات النسانيس =سند الغوارب كلبوهن مزايين
وارجو السموحه كان بالقول نقصان=ترى الغلط مرجوع عند الحليمين
والختم صلو عد رمل الذوادي =على نبين بين الحق تبيين



الشاعر علي اﻻشول الدهمي

ثم ألقى الشاعر علي اﻻشول الدهمي قصيدةً بهذا الحفل حيث يقول في قصيدته :

سلامي وتقديري حروفه غلاء و اجلال=يصل للسعودية تحيات مهديها

لخطلان اﻻيدي عد ما بارقه شعال=تحيات مقرونة تعبر بما فيها

من الحب و التقدير في صادق اﻻقوال=لقومٍ لهم في القلب قيمه ومغليها

تفوق الكلام اللي في الوصف و اﻻمثال=وتعجز حروف الشعر بالوصف تحويها

عسى الله يجملني مع طيبين الفال=وكمٍ كريم اللي يمينه مضريها

على العز و الناموس في الحل والترحال=هل الطيب والفزعه رجالٍ مباديها

على خدمة المحتاج والضيف والنزال=عيال الدواسر بالكرم من يجاريها

يحيطون من جاهم حفاوة مع استقبال=وحسن الضيافه من لفاهم يلاقيها

لقى الطيب والترحيب في طيّب المنزال=بشاشة وجيه الله بالنور مضويها

مع العود الازرق يسبق مبهرات دﻻل=وحيل السّمان اللي شحمها مغطيها

ومن بنّْ صنعاء أشقرٍ فأبيض الفنجال=يقنّد عماس الرأس والعين يجليها

تلاقيه عند اللي يلبوا النداء في الحال=رجاجيل فزعه من نصاها وعانيها

بهم بعد رب العرش تحقق اﻻمال=وﻻ خيّب الله في المكارم مساعيها

أيا سائلي عنهم جوابي لك استرسال=عن أهل المكارم والقبائل باساميها

لتغلب و زايد جاك ردي مع اﻻرسال=حقيقه صريحه ما التواريخ تخفيها

براهين تشهد للدواسر بدون جدال=شهادة لكم يا أبناء الدواسر وبأدليها

وﻻني مجامل في الحقيقة وانا رجال=صريح الشهادة دامني اليوم راعيها

ولا هو قصورٍ في جميع القبل الأبطال=لهم حقهم في الطّيب ماني بناسيها

لكل القبائل قسمها ذكرها عالبال=وذكرى القبائل بالوفاء حيّ طاريها

ولكن هنا مدح الدواسر بدون اهمال=لحق القبائل ونعم لين يرضيها

وكل القبائل مجدها بالكرم ﻻزال=مشيد على الناموس والطيب يكفيها

وبااخص ابو صالح عريب النسب والخال=جمايله فيني يعجز الشعر يوفيها

صديقي صليب الصوت ﻻالمعضﻻت ثقال=يشل الثقيلة ما يفكر بتاليها

ابو صالح النشمي سنافـي وذرب افعال=وهو فزعة المحتاج حاجته يقضيها

وﻻ همه المغرم وﻻ هم بذل المال=كذا اﻻجودي للناس يأخذ ويعطيها

وانا لو مدحته في قصيدي ومدحي طال=مقصر ونفسي ترتجي عفو باريها

عسى الله يجعل دنيته دوم عال العال=ودنيا السعادة تنفتح له ذراعيها

وﻻبناء الدواسر في ثرى المكرمه تمثال=وتاريخ يشهد للدواسر وماضيها

ورايات بيضاء في سماء المرجله تختال=ترفرف لكم اﻻمجاد بأعلى مبانيها

ورثتوا كنوز الطيب يا صفوة اﻻجيال=عن اجدادكم وانتوا كفؤ في توليها

يطيب القصيد بمدحكم والبيوت جزال=و بحر المعاني جاد باعذب قوافيها

بلحظة عجل نظمت اﻻبيات في الجوال=مع الشكر والتقدير من قلب مهديها

وفي مسكها صليت ماوابله همال=بلا عد يحصى في الختم يوم اصليها

على المصطفى المختار والصحب بعد الآل=صلاتي عليهم تشفع لنفس قاريها




الشاعر عبدالله بن مرضي الودعاني

ثم ألقى الشاعر عبدالله بن مرضي الودعاني قصيدةً بهذا الحفل حيث يقول في قصيدته :


ليل ياليل الفخر والمسرة والسعود=ليلٍ لخطلان الايدي مثل ليل العياد
محفل داعيه له قادني من البعد قود=وجيت له عاني من اللي يكن له الفواد
واجبي والرجل ماله عّن الواجب صدود=وابن عمي لاهقابي تعايبت الرقاد
حفل بن غنام حفلي وجعله في الوجود=نشمي في الطيب شبره على الأشبار زاد
من بني هشال ربعي عريبين الجدود=هيلع في الجود مأهوب صبي الاقتصاد
دوسري هقوته من صعود في صعود=ومايثير عناده الا التحدي والعناد
مايذاد ايلا مشى معه من دوسر احشود=وطبع وضحه لا ندبها بصوته ما تذاد
ومثل بن غنام لاساق ذوده ما يعود=كون قد نومس ربوعه وجمل واستفاد
وتحري أيمينه برفع العلم فوق العمود=ولاتقدم بأسم دوسر تقدم في سداد
والله ورغم ان ماني على الحلف امحدود=من ضمن عشرين ماجد ما يهزمه اتحاد
وكل زرع للفلاليح تاليه امحصود=وحان ليمين تغرس الثنا يوم الحصاد
وماجد من ضمن زراعه الطيب امعدود=وحقه من الشعر جزله وقيفان اجداد
وله قطفت اسما القوافي مثل قطف الورود=من خيال صيده الجزل في يوم الهداد
نحت شعر مثل نحت الاوايل في الحيود=من يدور لانتقاده وقع في الانتقاد
وينصرف لعيون ماجد مثل صرف النقود=وكل منعور ما يجهل بقصدي والمراد
لابن عمي ما يخشر النوايا البيض سود=وافتخر بأسمي وبجدودي اشيوخ الشداد
ولي نصيفة فوز ماجد ولمن زاد ازود=وافهق الغتره واناحر برأسي للبراد
وتكحل عيون تعاديه وعيون الحسود=وكحلها الله يكرم السامعين من الرماد
ودم ابن ودعان ضد التخثر والبرود=ويغلي وقت الحميه مثل غلي القناد
من بني دوسر ولا لي على الاخوان زود=وكل منهم في الفخر قد خذا حقه وزاد
سادة الامجاد واساتذة ضرب الركود=ضربهم في النمر منه الأسد لزم الحياد
تغلب وزايد هل المجد والعالم اشهود=وافتخر مادام عندي لما اقول استناد
دون هضم للمطاليق وافين الوعود=وللمدايح وادي من تقنص فيه صاد
وانكس القيفان وارجع على المحفل واعود=وما بتنكيس القوافي على مثلي اعياد
وعرض دوليات ماجد يبشرنا بفود=وكفو يرشح للأول ويعلن للوكاد
كل وضحاً نيها المنفهق كبر الرجود =مّرق الغرّب طويلات الارقاب السناد
خرع اذان زاهي وجهها عرض الخدود=وطول مشربها ماجا من فحول اسلام اباد
من الخشوم النايفه كنها ترقا سنود =او تقول انها بعرض السما تسبر جراد
وفوق خمس أشبار لو قيس مابين العضود=وكتفها من وركها فوق عشر أشبار زاد
من حسين طبوعها تنضبط ضبط الجنود=كنها تدرى عتب ماجد والانتقاد
وجمع ندر الوضح كله اتلاد امر يكود=واجمعتها هدرة الدولي ونعم التلاد
ذود صبيان الدويله ماهيب آيات ذود=ماركتها الكاز والرقمتين الاعتماد
وسم قوم يوم خلق الله هاجد و امهجود=مابعد قفي بها في صباح ولا هجاد
خيلهم لمن لحق شرب عود وكسر عود=والسلامة مكسب لا اعتلوا سرج الجواد
لقبوهم بالدويلة قبل حكم السعود=لأنهم ماينهزم من ضمنهم له سناد
والختام اقدم العذر عن نقص وزود=وارفع عقالي وقار للتصفيق الاياد
سقتنا الماجود من شان في الاجواد اجود=والملام يجنب الرجل عقب الاجتهاد
ما قنصت الهزل ولا رميت الا العنود=والتوافيق امرها عند خلاق العباد



فقرت التكريم


تكريم الشيخ ماجد الغنام الهواشلة وذالك لدعمة المادي والمعنوي للموقع الرسمي لقبيلة الدواسر


تكريم الاستاذ مسلم بن بادي الهوامله لقاء ابداعة العلمي في مجال تخصصة في علم الرياضيات وتميزه وابداعه في الاعلام

تفاعل الحضور مع الشلات









لــــقــطــات عــــامـــــــه مـــــن الـحـفـل
























































































































































وختاماً، تتقدم إدارة الموقع الرسمي لقبيلة الدواسرتتقدم بخالص الشكر والعرفان لــ الشيخ ماجد الغنام الهواشلة على الإحتفاليّة وإن هذا ليس بمستغرب عليه أبداً والشكر على حسن التنظيم والترتيب المسبق المعدّ لهذه الإحتفاليّة المتميزه




(صوت قبيلة الدواسر)
موقع قبيلة الدواسر الرسمي
www.alduwaser.org/vb



 

 

 

 

 

 

التوقيع


حسابنا في تويتر

@alduwaser1

    

رد مع اقتباس
قديم 14-12-2014, 09:53 PM   #2
 
إحصائية العضو








فهد الغريري غير متصل

فهد الغريري is a jewel in the roughفهد الغريري is a jewel in the roughفهد الغريري is a jewel in the rough


افتراضي رد: التغطية المصورة لحفل الشيخ ماجد الغنام الهواشلة الدوسري بـ مناسبة مشاركته بـمزاين أم رقيبة لعام 1436هـ




بالبداية تتقدم بخالص الشكر والعرفان لشيخ ماجد الغنام الهواشلة الدوسري على الإحتفاليّة وإن هذا ليس بمستغرب عليه أبداً والشكر على حسن التنظيم والترتيب المسبق المعدّ لهذه الإحتفاليّة المتميزه


والشكر موصول لــــ للجنة المنظمة

علي هذا الاحتفال المبارك



وأحب أن انوه الجميع على أن من يعرف اسماء بعض الأشخاص بالصور العلويّة، فعليه مراسلة من خلال البريد الإلكتروني الخاص بنا، وهو :

barq003@hotmail.com


او عبر الواتساب

0534451258

 

 

 

 

 

 

التوقيع

    

رد مع اقتباس
قديم 22-12-2014, 10:08 AM   #3
 
إحصائية العضو







نآصر البدراني غير متصل

نآصر البدراني is on a distinguished road


افتراضي رد: التغطية المصورة لحفل الشيخ ماجد الغنام الهواشلة الدوسري بـ مناسبة مشاركته بـمزاين أم رقيبة لعام 1436هـ




بيض الله وجه الشيخ ماجد الغنام الهواشلة وابناءه غنام ومحمد

على الحفل المميز والمتميز ياجعل ربي يوفقهم وفالهم الناموس

وبيض الله وجيه ادارتنا على التغطيه والتقرير الوافي للحفل

وبيض الله وجه المصــوّر الاستاذ فيصل الهواشله ووجيه المشاركين والحاضرين

 

 

 

 

 

 

التوقيع




استغفر الله لي ولوالدي وللمسلمين والمسلمات


المؤمنين والمؤمنات الأحياء منهم والأموات


    

رد مع اقتباس
قديم 12-01-2015, 05:40 PM   #4
 
إحصائية العضو







سيف2013 متصل الآن

سيف2013 has much to be proud ofسيف2013 has much to be proud ofسيف2013 has much to be proud ofسيف2013 has much to be proud ofسيف2013 has much to be proud ofسيف2013 has much to be proud ofسيف2013 has much to be proud ofسيف2013 has much to be proud ofسيف2013 has much to be proud of


افتراضي رد: التغطية المصورة لحفل الشيخ ماجد الغنام الهواشلة الدوسري بـ مناسبة مشاركته بـمزاين أم رقيبة لعام 1436هـ

[size="6"]حفل رائع و مميز
مـــــبروك الفوز لبو غـــنام
[/size
]

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 6 ( الأعضاء 0 والزوار 6)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
التغطية المصوّرة للحفل التكريمي لقبيلة العمور برعاية الشيخ عماش والشيخ مصلح أبناء مبارك آل صغير العمور الإداره :: قسم اللقــاءات والفعاليات والتغطيات الخاصة:: 8 03-06-2014 03:18 PM
التغطية المصورة لحفل جائزة الشيخ مران بن متعب بن قويد للإبداع العلمي بــ دورتها الثالثه الإداره :: قسم اللقــاءات والفعاليات والتغطيات الخاصة:: 4 13-01-2014 01:39 PM
بلدية محافظة وادي الدواسر تدعوا 329 مواطن و مواطنه لمراجعتها لإستكمال إجراءات المنح غازي المسعري :: قسم السياســة والإقتصاد والأخبار :: 4 15-10-2011 01:07 AM
التغطية المصوّرة للحفل السنوي الخامس لقبيلة الدواسر بإستضافة ورعاية الشيخ فيحان بن شجاع بن محماس بن سويلمه آل بريك حفظه الله ورعاه. الإداره :: قسم اللقــاءات والفعاليات والتغطيات الخاصة:: 39 30-04-2011 02:03 PM
التغطية المصوّرة لحفل قبيلة الدواسر بدولة قطر بمناسبة اليوم الوطني للدولة. الإداره :: قسم اللقــاءات والفعاليات والتغطيات الخاصة:: 11 11-03-2011 05:45 AM

 


الساعة الآن 04:23 PM


Powered by vBulletin® Copyright ©2000 - 2024, Jelsoft Enterprises Ltd.
---