القصيده كامله. راشد الدباس و رد ولده دباس + القصه كامله - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم الـشعر العــام ::

إضافة رد
انشر الموضوع
 
أدوات الموضوع انواع عرض الموضوع
قديم 04-08-2010, 07:57 PM   #1
 
إحصائية العضو







أبو سعد الدوسري غير متصل

أبو سعد الدوسري is on a distinguished road


افتراضي القصيده كامله. راشد الدباس و رد ولده دباس + القصه كامله

السلام عليكم ورحمة الله وبركاته

بطل القصةهو راشد بن دباس الدباس من ال شماس من الوداعين من الدواسر
من أهل بلدة عودة سدير
الواقعة في شمال غرب الرياض عاصمة المملكة العربية السعودية بحوالي 100كم يعيش في مزرعتة ومتزوج وله أبنا وأسمه دباس وبنتان فشب دباس على أحترام الناس وحب الخير وكذلك الكرم والشجاعة وكان والده يكنى له الحب بسبب هذه الصفات التي يتحلا بها أبنه دباس وعندما شب دباس وبلغ العشرون من العمر سافر في طلب الرزق ويقال انه ذهب الى البصره وفي خلال مغيب دباس عن والده أشاع بعض الناس في ديارآ قريبه لهم أن دباس يشرب التنباك ويحضر مجالس الطرب والخمر وغيرها من الاشاعت ولم ينتهي الأمر الى ذلك بل قامو بأذية ومضايقت أبو دباس وقطع الماء عن مزرعتة حتى ماتت جميع الاشجار وضاق به الحال
مما أدت الى أن أبودباس يعيش في هم وغم من هذه المشاكل التي راجت وأنتشرت في البلدة
فكتب هذه القصيدة لأبنه دباس يشكي له ما حصل ليساعده في محنته .
ويعود تاريخ القصيدة الى اكثر من 200 سنه



يا ونةٍ ونيتهـا مـن خـوى الـراس=من لاهـبٍ بالكبـد مثـل السعيـره
ونين من رجله غـدت تقـل مقـواس=ويوّن تالـي الليـل يشكـي الجبيـره
ويا حمس قلبي حمس بـنٍ بمحمـاس=ويا هشـم حالـي هشمهـا بالنجيـره
ويا وجد حالي يا ملا وجـد غـرّاس=يوم اثمرت واشفا صفـى عنـه بيـره
من ثمر قلبـي سـرا هجعـة النـاس=متنحـرٍ دربٍ عسـى فيـه خـيـره
الله يفكـه مـن بـلا سـو الاتعـاس=ومن شـر عبثـات الليالـي يجيـره
فى ديـرةٍ تقطعـت عنـه الارمـاس=سبعيـن يـومٍ للركـايـب مسـيـره
لا والله إلاحـال مـن دونـه اليـاس=حـط البحـر والبـر دون الجزيـره
يالله ياللـي رد مـن عقـب ما يـاس=يوسف على يعقوب وابصـر نظيـره
ترد على دباس يامحصـي النـاس=يا عالـمٍ مـا بالخـفـا والسـريـره
يا دباس أنا بوصيك عن درب الادناس=ترى الـذي مثلـك يناظـر مسيـره
عليك بالتقوى تـرى العـز يا دبـاس=فى طاعة اللـي مـا ينجيـك غيـره
هاذي ثمان سنين من رحـت يا دبـاس=لا رسالـه جتنـي ولا مـن بريـره
يا دباس من عقبك ترى البال محتـاس=وعليك دمـع العيـن حـرّق نظيـره
وعليك كنى فى دجـا الليـل حـراس=أصبح على حيلـي وعينـي سهيـره
أصبح انا مابين طـاري وهوجـاس=وطـواري تطـري علينـا كثـيـره
مثل الوحش قلبي على كـف حبـاس=يكفخ كمـا طيـرٍ اسبوقـه قصيـره
متحيرٍ من عيلـه البيـت يـادبـاس=ارجى ثـواب الله وأخـشى المعيـره
أخاف من حكي العداء ثـم الانجـاس=أهـل الحكايـا الطايلـه والقصيـره
ويقال خلا عيلته عـنّـز الـراس=أقفـى وخـلى عيلـةٍ لـه صغـيـره
والا فأنا يا بـوك قطّـاع الارمـاس=مانيب مثبـورٍ أو رجلـي كسيـره
آصلك لو دونك نباحمـر الاطعـاس=الصلـب والصمـان دروب عسيـره
مهالـك مـدارك مـا بهـا أونـاس=ألا الثعـل والبـوم تسمـع صفيـره
لو كنت فى نزوى وديرة بنـي يـاس=أهـل المـوازى والوجيـه الغبيـره
عبّـادة الاصنـام شرّابـة الـكـاس=الخمـر والتنبـاك فيهـا وغـيـره
لركب على وجنا من الهجن عرماس=فجا النحـر يادبـاس حمـرا ظهيـره
متروسة الفخذيـن مزبـورة الـراس=كن الخلاص عيونهـا يـوم أديـره
أو شبـه ربـدا تخـفّـق للأونـاس=وان رفّعـت جنحانـهـا مستـذيـره
تنشر من العوده على نـور الانفـاس=عند الفجـر والليـل مقفـي مريـره
والعصر بالصمان تسمع لها اضراس=حبل الرسـن خطـرٍ تبتـر جريـره
نهـار ثالـث بيـن حمـا الاوراس=واره يمينـك جعلهـا لـك سفـيـره
ثـم أركـب ساجيـةتقلـب الـراس=تمشي بأهلها فـى البحـور الغزيـره
إلى مسقط الفيحاء بها الخير محتـاس=لولا الكفـر والشـرك واوي ديـره
عز الله انها ديرةٍ مالها أجناس=لولا بها يعبد معالله غيره
لولا بها يشرك علي وعباس=وأيضا بها الفاروق سبّه بريره
فيها الطبيخ وراهي الخبـز يادبـاس=يقعد خـوى الـراس خنـة خميـره
هى ديرة اللي باغـيٍ كيفـة الـراس=ولا له أحد همه مـن النـاس غيـره
هيسٍ ولد هيسٍ للمواعين لحّـاس=يفـرح إلـى نيـدي لذبـح النحيـره
وماقفك ذا يا دباس مـا فيـه نومـاس=يصلـح لقيـنٍ مهنتـه طـق زيـره
ترى الفداوي دون وانشد الناس=راعيـه مـا يذكـر بمدحٍ وغيـره
ماله سوى طق الحنك منـه واليـاس=وليا انقطع خرجه فـلا لـه ذخيـره
طلب المعيشه ب الحراثـه والاجنـاس=المشترى والبيـع يوصـف وغيـره
قم انهض العيرات مـع كـل فـرّاس=يـا دبـاس دوّر خـيّـر تستشـيـره
جدك وعمانـك هـلا لعـز والبـاس=أهـل اللـوازم مكمليـن القصيـره
يا دباس ما يصبر على البق والحـاس=ألا الـذي مالـه بنـجـدٍ عشـيـره
واليوم يا مـروي شبـا كـل عبـاس=أنـت الرجا يـاكعام وجه المغـيـره
عشرين عامٍ كلها أرجيك يـا دبـاس=مثـل الغريـر اللـي تولـع بطيـره
عد المناكـب هيلـعٍ فـرخ قرنـاس=يمناه فـى لطـم الحبـاري شطيـره
عانق خلوجٍ روّحت عقـب مـرواس=عنـد العصيـر لبيضهـا مستذيـره
والليل جاها وحال مندونهـا اليـاس=روحها علـى فرقـاه فـرت فريـره
يا دباس أنـا يابـوك مانيـب بـلاس=ميـر ان عيـلات الرفاقـه كثـيـره
جنبت وسط السوق وامشي مع الساس=وأخذ شوي الحـق واتـرك كثيـره
يا دباس لو جبت من دحب الاكياس=مختلفـةٍ مــا بـيـن رزٍ ونـيـره
مالـي بهـا ياجعلـها بألـف قبـاس=أو جعلهـاتذهـب ولـو هـي كثيـره
يا دباس قلبي كل مـا هـب نسنـاس=شرقيـةٍ هبـت بقلـبـي سعـيـره
والحال يا فرز الوغى مسّهـا البـاس=عليـك يـا ناطح وجيـه (ن) كثيره
وغصون قلبي يا فتى الجـود يبّـاس=غادٍ أنـا يابـوك كنـي هشيـره
مـن شافنـي يقـول ذا فيـه لسّـاس=واللـي بـرى حالـي إلهـي خبيـره
لا وعلا من قبـل غـوّال الانفـاس=ومفـارق الدنيـا يجينـا بشـيـره
عسى يطق دباس البـاب والنـاس غطـاس=يا والـي القـدرة عليـك اتعبـيـره
وصلاة ربـي عـد ماهـب نسنـاس=على النبـي عـدة حقـوق المطيـره



وبعد تسلم دباس ألابن رسالت ولدة راشد الدباس
بعث الابن دباس اليه قصيدة بأنه لا يسمع الى تلك الشائعات
وبأنه على المرجلة التي عوده عليه والدة وكذلك يبشره بانه قادم لمساعدته في محنته


:فقال دباس هذه القصيده ردا على قصيدة والده





حي الجواب اللي لفانـا مـن الـراس=جابـه غـلامٍ مـا توانـى مسيـره
اهـلا هلا عد مـا حبـ قرطـاس=أومـا كتـب فوقـه بيـوتٍ شطيـره
جواب منهو لي مـودٍ مـن النـاس=ابوى مـا يوصـف حلـيٍ لغيـره
فرز الوغى كنه على الوكر قرنـاس=قـروم ربعـه كلهـا تستشـيـره
دليل عيـراتٍ ليا هـب نسنـاس=ثـم ادلهـم الجـو ومابـه ذخـيـره
مهفي الغنم لاهل الركايـب والأفـراس=لا روحوا له فلا عليهـم قصيـره
راعي معاميلٍ بهـا العبـد جـلاس=للبن يشـري بالسنيـن العسيـره
هاذي بمركاها وهاذي بمحمـاس=وهاذي يصبـه للوجيـه السفيـره
وخلاف ذا يا راكـبٍ فـوق عرمـاس=مامونةٍ من نقـوة الهجـن عيـره
حمرا وهي فى سنها وقـم الاسـداس=متوسط لا فاطر ولا هـى صغيـره
ماهي لحوحٍ راكبه بالعصـا قـاس=حرّم عليهـا غيـرشيـل النقيـره
والخرج هو وبيـوت قيـلٍ بقرطـاس=مـع مذهـب الأيـام ما هـي كثيـره
وفوقه غلامٍ منـوته قطـع الارمـاس=لـو هـو بليـلٍ ما تغيـر نظيـره
وليا لفيت الدار فاجهر بالاحسـاس=وبلغ سلامـي كـل ذيـك العشيـره
وختص ابوي اللي نفل جملة النـاس=وخصّه بعلمٍ وقـل ترانـي بشيـره
لا يا نقى العـرض يا بـوي لابـاس=ان كان تشكـي الضيـم فأنـا اسيـره
وان سايلك عنـي ترانـي بنومـاس=وأنا أحمد اللي مـا توسلـت غيـره
المدح لو يشـرى شرينـاه بأكيـاس=بأموالنـا نرخـص نـدوّر الستيـره
مطرق فنرجـيٍ مضاريبـه الـراس=ومصلبـخٍ جبتـه عسانـى ذخيـره
من صنع نصرانيٍ مشـروبه الكـاس=يذكر ورى جـاوه بعيـدٍ مسيـره
أبغيـه للـي حادينـك علـى السـاس=اهـل النمايـم والحكايـا الكثـيـره
ربعٍ نـووا فيـك الـردى والتخسـاس=مهبول يالليقـال غايـبٍ عشيـره
علي ديـنٍ لأودع الجمـع ينحـاس=لين العشيـر يقـوم يلعـن عشيـره
يا بوي انا ما رحت لكيفت الراس=مع ذا ولانـي فـى سفـاهٍ أوغيـره
أما سكنا الدار مـن غيـر هوجـاس=وألا نعـاف الـدار وندوّر غـيـره
كلـه لعينـا كلمـةٍ قلـت يا دبـاس=تشكي وأنادونـي بحـورٍ غريـزه
خذ لك يمين الشرع قطـاّع الأنفـاس=انه فـلا جتنـي علـومٍ بصيـره
لانيب جانـي ولاحبـرٍ بقرطـاس=ايضـا ولا جتنـي علـومٍ سفيـره
ان كان تشكي الضيق يا بوي لاباس=جاك الفرج يا بـوي هـو والبريـره
ولا فأنا يـا بـوي قطـاع الأرمـاس=اصبر على الشدة ولو هـي عسيـره
يا مسندي يا بوي شف اوكد النـاس=ثم أنشده قل ويـش هو في مسيـره
إن كان ما يفرح صديقـك بنومـاس=تحــرم علينا اللي نهـوده صغيـرة
مدلول مجهـول زها زين الألبـاس=بنت الذي يثني ليا جـت كسيرة
طارٍ يقول اظهـر وطـار بجـلاس=قمت أشرب التنبـاك وأثـره نكيره
أبغـى عسى الله يبرد القلب يا نـاس=من لاهـبٍ شبـت بقلبـي سعيـرة
من كان له غايب فلا يقطع اليـاس=إن قدّر الله جـاب علمـه بشيـره
في ساعتن قلت والناس غطاس =يا والي الدنياء عليك تعبيره
وجدي عليكم يابوي وجد من الذا قاس=خلي طريح بين وجه المغيره
او وجد من شوة ببلده ولا باس =بتيلهم بان الخلل في مسيره
ارخص بذب المال لو هو بالكياس =ليصــيح لربـان مــامن جزيــره
وفي احد الأيام خرجت أبنة راشد الدباس ( أبو دباس ) الى ساقي لتجلب الماء الى البيت فشاهدة الماء يجري ولونه أحمر وفي روايه وجد فيه بعض الرئوس مقطعه فذهبت الى والدها فأخبرته بما شاهدت فقال ان هذا أبني دباس قد عاد و هذا الاحمرار هو دم من قاموا باهانتي وفرح الأب بعودة ابنه دباس وأصبح يمشي في البلده مرفوع الراس والكل يقدر شجاعة أبنه دباس وهذه من القصص التي تناقلتها الرواه في جزيرة العرب


منقووووووووول...

 

 

 

 

    

رد مع اقتباس
قديم 04-08-2010, 08:35 PM   #2
 
إحصائية العضو







محمد بن فهد الرجباني غير متصل

وسام الخيمة الرمضانية 1430هـ البرونزي لصاحب المركز: الوسام البرونزي لصاحب المركز الثالث بالأفضلية بالخيمة الرمضانية 1430هـ طيلة شهر رمضان المبارك - السبب: وسام الدواسر الفضي: للأعضاء المميزين والنشيطين - السبب: النشاط والتميز
: 2

محمد بن فهد الرجباني is on a distinguished road


افتراضي رد: القصيده كامله. راشد الدباس و رد ولده دباس + القصه كامله

يعطيك العافية على تذكيرنا بالقصة والابيات الجميلة

تحياتي

 

 

 

 

 

 

التوقيع

تستاهل مراقب وتستاهل الطيب=ياللي على خدمة بني عمك حضاب
ياذيب ياللي جيت فوق المراقيب=وياحر ياللي ماكرك عالي هضاب
يابوفهد عداك لوم وعذاريب=في طلتك مثل الجدي مابعد غاب
من لابة هداتكم تشبع الذيب=تقدم نهار الهوش وتقيد ركاب
ماهيب ترسل للمعادي مناديب= تقدم لامن ولد الردي وقف وهاب

الشاعر/شافي النتيفات


    

رد مع اقتباس
قديم 04-08-2010, 08:56 PM   #3
 
إحصائية العضو








عبدالله الحافر الغييثي غير متصل

وسام الدواسر الذهبي: للأعضاء المميزين والنشيطين - السبب: لنشاطه الملحوظ ومشاركاته المميزه بالموقع
: 1

عبدالله الحافر الغييثي is on a distinguished road


افتراضي رد: القصيده كامله. راشد الدباس و رد ولده دباس + القصه كامله

لاهنت يابوسعد على ايراد القصه والقصائد
وتم التنسيق

 

 

 

 

    

رد مع اقتباس
قديم 30-08-2010, 11:21 PM   #7
 
إحصائية العضو








ناصر بن فهد غير متصل

وسام الخيمة الرمضانية 1430هـ الفضي لصاحب المركز: الوسام الفضي لصاحب المركز الثاني بالأفضلية - السبب: وسام الدواسر الفضي: للأعضاء المميزين والنشيطين - السبب: النشاط والتميز
: 2

ناصر بن فهد is on a distinguished road


افتراضي رد: القصيده كامله. راشد الدباس و رد ولده دباس + القصه كامله

لآهنت والله يعطيك العافيه

 

 

 

 

    

رد مع اقتباس
قديم 02-09-2010, 01:49 AM   #9
 
إحصائية العضو








محمد بن عريمه غير متصل

محمد بن عريمه is on a distinguished road


افتراضي رد: القصيده كامله. راشد الدباس و رد ولده دباس + القصه كامله

لاهنت على نقل القصيده

والله يرحم الشاعر ابودباس والله يسكنه جنة الفردوس واموات المسلمين

 

 

 

 

    

رد مع اقتباس
قديم 05-09-2010, 12:35 AM   #10
 
إحصائية العضو







أبو سعد الدوسري غير متصل

أبو سعد الدوسري is on a distinguished road


افتراضي رد: القصيده كامله. راشد الدباس و رد ولده دباس + القصه كامله

اللهم امين وللمسلمين اجمعين
ولا انت طال عمرك يا هلا

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 2 ( الأعضاء 0 والزوار 2)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 11:23 AM


Powered by vBulletin® Copyright ©2000 - 2024, Jelsoft Enterprises Ltd.
---