[لاصار مجموعة ولا بامركم شور]للشاعر شافي بن ناصر بن محيل ال بريك الدوسري

[معلومات العضو عاشق الربوا]

لاصار مجموعة ولا بمركم شور
.......ولاتملك السلطة لفرض الوقائع
وكل مشى في دربه ويضرب الزور
.......ويقول انا المغوار زين الصنايع
فلا ضنك بعض المخاليق مجبور
.......لاصار لايسمع ولاهو بطايع
جنب طريق الماشي وقول مشكور
.......انت الصحيح وتايه الدرب ضايع
يقبل ويقفي ويعدي دمه يفور
.......حتى يلوعه من عنى الوقت لايع
وتشتت دروب غادى بينها يخور
.......ويقول مالي من وراها طمايع
يلدلك لاشك لاتبدي الشور
.......لاجاك من عقب المنازى مرايع
خله يدور بموقف صار ويحور
.......لأن الشقى عقبه تزين الطبايع
ومن لايجرب باول الوقت ويزور
.......الاسواق مايعرف كثير البضايع
ينغش في سلعته ويصير مقهور
.......ويقول ضعنى بين شاري وبايع

 

 

 

 

[معلومات العضو راشد المسعري]

صح لسانك ياعاشق الربوا ولسان شافي بن محيل آل بريك

قصيدة وافية وجزلة

تقبل ودي وتقديري ،،،،

 

 

 

 

[معلومات العضو عاشق الربوا]

صح بدنك ‏​‏​​‏​​​/‏ويعطيك العافية

 

 

 

 

[معلومات العضو شافي بن راشد النتيفات]

تسلم يمينك على الطرح
تحياتي لك

 

 

 

 

[معلومات العضو ابونورين الودعاني]

صح لسانك اخوي عاااشق لاهنت