التغطية المصورة لحفل زواج الشاعرمشيع الغييثات والاخ فهد الغييثات - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـخــــاصـــــة.::: > :: قسم اللقــاءات والفعاليات والتغطيات الخاصة::

إضافة رد
انشر الموضوع
 
أدوات الموضوع انواع عرض الموضوع
قديم 01-10-2010, 11:35 PM   #1
 
إحصائية العضو







الإداره غير متصل

الإداره is on a distinguished road


:e-e-4-:. التغطية المصورة لحفل زواج الشاعرمشيع الغييثات والاخ فهد الغييثات




الحمد لله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين

إخواننا أعضاء وزوّار ومرتادي الموقع الرسمي لقبيلة الدواسر



أعدّ التقرير وشارك به وألتقط الصور الفوتوغرافية:

عضو مجلس إدارة الموقع الأستاذ فهد بن هادي الغريري،وعضو مجلس إدارة الموقع الاستاذ خميس الغييثي. ومشرف الموقع الأستاذ أبوفهد الرجباني ،





على ضفاف ((الدهنا)) وبين روابها كانت هناك ليله تجميع الاحباب بفرح وسرور في إحتفليه لقبيلة الغييثات بزفاف إبنيها الشاعر مشيع بن فهيد الغييثات وابن عمه فهد ين دهيم الغييثات. حيث أقيم الإحتفال ضواحي هجرة (الدهو) او الخليفيه كما يحلوا لبعض اهلها بتسميتها وذلك يوم الخميس الموافق 14-1-2010 ميلادي وسط حضور أبناء القبيلة وجمعٌ من شعراء واعين قبيلة الدواسر






العريس/ الشاعر مشيع بن فهيد الغييثات

العريس/فهد ين دهيم الغييثات







_________________________________

وقد إحتوى الحفل على عدد من الفعاليات كالقصائد المنبريّة والأمسية الشعرية. حيث إنطلق الحفل بكلماتٍ ترحيبيّة مقدمة من قبل القائمين على الحفل ألقاه بالنيابة عنهم الأستاذ سالم بن فهيد الغييثات مرحباً بهم جميعا .


الأستاذ سالم بن فهيد الغييثات


وبعدهاالقاء الشاعر مشيع بن فهيد الغييثات قصيدةً ترحيبيّة بالحضور القاها نيابتاً عنه فهد بن تميم بهذه المناسبة .

يــا مــرحبــا مليـــون وأزيــد وأعيــد = بالزايرين أجنـــاب ولا جمــاعــة
أقولهــــــا وأردد الصــــوت ترديــــــد = أي والله أن شوف النشاما طماعة
والعـيد يــا أهـل العيد في سابع العيـــد = في محفل مثل الكواكـب شعاعـــه
وأخـــذ مـــع الترحيب علمـــاً وتوكيد = مـــا يفصل الشَبّـاب في كل ساعــة
خلــوه يقــــدح يـــا العيـــال الأواليـــد =حتــى يضيــق به الفضاء بالتساعه
هـــذا هـــو استقبــالنـــا للصنـــاديــــد = على تقاليــد الكــرم والشجــاعـــة
وأنتــو هل العـــادات وأهــل التقاليـــد = وحبل المواصل غير حبل القطاعة
بحضوركـــم الأفـــراح تشـــد وتزيــد = في محفلٍ للغانميــــن اجتمـــاعـــه
حياكـــم الله في مجـــالس الأجـــاويـد = ترحيبـــة تزرع غــلاهــا زراعــه
على الشحـــم والفــيد وأنتم هل الفيــد = وداعـــة منـــي وأرد الــــوداعــــة
تسلمــوهـــا يــاهل الجـــود والجيـــد = علــى بسـاط المعرفـــة والوقــاعـة
من باب صنعاء إلين حزم الجلاميد = تبثها الشاشـــة وتنشــــر الإذاعـــة
ترحبيبتن مـــاهي نفــــاق ولا كيــد = أزفهـــا واقــف وقـــوف البـراعــة
نفرش لكم ورد البختري على البيد = تقـــديـــر وتقــديـــر بــرفع رفاعـه
تشـريفكــم غــأيــة بليـــا مقــاصيـــد = هـرج صحيـح ما صنعتـه صناعـه
الله يحيكـــم وتشــــريفكــــم عيـــــد = يـا صحابنـا الغاليــن قــوم وجماعـة



الشاعر مشعل بن سعد الشرافي يلقي قصيدته المشارك بها بالإحتفاليّة .


وشارك الشاعر مشعل بن سعد الشرافي بقصيدة بهذه المناسبة ، حيث يقول فيها :

بسم الله الرحمن من كل وسواس = وأعوذ به من كل نفس دنية
نعبد إله الناس ومكون الناس = ولا نشرك التوحيد بايات غية
سلاماً احلا من شذا عطرها انفاس = واحلا من المرجان في كل زية
سلام شايش يتبعة شايش الراس = منقول من دار الوفا والحمية
صلام يضويله على الدرب نبراس = وتفوح ريحة عطره النرجسية
سريت من داري على دار الاوباس = من شان ننقلك تهاني عذية
مبروك يابوفهيد يا عالي الساس = مبروك عرسك جعلها لك هنية
جينا نسوق اشواقنا وافر احساس = من شان حفلك شوقتنا الحمية
ياجعل يفرح في حياته مع الناس = وياجعل عينه ما تشوف المنية
راع العلوم الطيبة عذب الاجناس = يستاهل التوجيب في كل صية
قاس المراجل شاملة دون مقياس = ولا هو يدور من وراها عطية
فصل للامجاد الصعيبة لة الباس = وشد العزوم وارخاء مناكب خوية
يلوق فيك المدح يا عالي الساس = لانك فريد النوع والشاكلية
واحتامها صلو على سيد الناس = المصطفى صفوة خيار البرية



لشاعر شافي بن راشد النتيفات مشرف الأقسام الأدبيّة بالموقع يلقي قصيدته .

وشارك الشاعر شافي بن راشد النتيفات مشرف الأقسام الأدبيّة بالموقع بقصيدةٍ بهذه المناسبة ، حيث يقول فيها :

احدا يجوز العذر من دون ما اجيه = واحدا نضحي له بكل الظروفي
بعض العرب لا جا التليفون داعيه = احضر علشانه وابج الصفوفي
واحضر بشعر جزل يفخر براعيه = من هاجس لامن حضر دوم يوفي
يشوق راعي الطيب باجمل معانيه = ويهد من معناه مبدا الضعوفي
وان صار برجل كفو نحتسي فيه = اهل القنا والرمح واهل السيوفي
تضد منهو ضدهم لين تهفيه = يصفق من اللي صار بين الكفوفي
واحلى من الما للقرايب وتعطيه = باكبر عطا قدام يعطي الطروفي
غياثات لامن شان وقتك تسويه = اسم على مر العصور معروفي
كل يبين بفعله ا نجيت ناصيه = وبالحكمه يحط النقاط للحروفي
اهل الثمان وجدهم بان طاريه = عز الخوي والضيف للجار توفي
هذا وربعي لا عدا الخصم تعميه = نتيفات وقت الضيق ننسا النكوفي
وكل القبايل والنعم دون تنبيه = واعي بفكرن ما تهزه شفوفي



الشاعر والاعلامي المتميز : مفرج بن جنبان المخاريم يلقي قصيدته المشارك بها



وشارك الشاعروالاعلامي المتميز : مفرج بن جنبان المخاريم بقصيدة بهذه المناسبة ، حيث يقول فيها :

1يالله ياعالم جميع الخفيات = ياللي خلقت الأرض تحت السموات
2 يا خالق الكون في ستة أيام = ونجيت يونس من بحورٍ غزيرات
3نسألك تغفر ذنبنا وتهدانا = ونسألك تقبل صومنا والصلاوات
4 ويالله تغنينا بمدك وجودك = مدك ولا مد اليدين الشحيحات
5ومن رفقة الرديان يالله اتحمانا = ما من ورى رفقتهم إلا الخسارات
6من ذكره زان بدع القوافي = ابيوت شعر ما دخلها انتقادات
7 من الهجوس اللي تعشق الجزيلة = اليا بدأ الواجب تجي الجزيلات
8 ولا تجيب إلا الجزال النوادر = من القصيد ولا تجيب الهزيلات
9وانا ليا من قلت قلت الحقايق = وأقول قول له براهين وإثبات
10شاعر ومثل في المواقف قبيلة = قبيلةٍ ولها وسط نجد وقفات
11أفخر بهم والهضب يفخر ابربعي = لاد المنيعي كا الجبال المنيفات
12من سلمنا انرد الثنى والجميلة = وعلى الوفا والطيب نبني العلاقات
13وليا عزمنا طيبٍ له عنينا = ولا نسل المراجل والعلوم الجميلات
14 وجينا نهني شاعر له مكانه = في منزلٍ ينصونه أهل المروات
15 الو لا غلاه وقدركم ما عنينا = ولا لفينا من اديارٍ بعيدات
16 سابع ليال العيد جعله يعوده = على النشاما باللهنا والمسرات
17 اسلام ياهل المرجله والحمايا = سلام تسليمة وفا يالغياثات
18 يا ربعنا ياهل الوجيه الطليقه = واهل المكارم فالسنين العسيرات
19 رجالكم من رافقه ما يمله = وافي ابقواله والفعول الوفيات
20 حتى الذلول اللي قناها الغثييثي = من حبها له اخلجت عقب ما مات
21 وبسبابها احصيبان جار الشمالي = حس الهدية حده النظم الأبيات
22 انتو اغياثات الفخرة الشجاعه = افعالكم تعرف اقدام وجديدات
23 اهل الثمان اللي زهن الاشده = عنها عديتو العود وانتم اغزات
24 تفقين رفقين حميتو والركايب = ثمان لجل اعيون بيض عفيفات
25 وان ثارت الهيجاء وكل تعزوى = تردون حوض الموت فوق الاصيلات
26 لانطح خيل خيل والحرب دارت = من ضركم تشبع اسباع مجيعات
27 ونعم بكم يا مزبنين المجنا = منهو زبنكم عاش بامن وسلامات
28 افعالكم بانت مع الاد زايد = ضد الشريف اللي غزانا بقوات
29 جانا يقود اجموعه اللي جمعها = ومن ضر بنا جمعه عقب موته اشتات
30 والشاهد ابن مطرف اللي زبنا ببيوته = اللي سجلت فالسجلات
31 وانتم هل الوضح الخيار الشهيرة = اللي ملكتوها بحد الرهيفاف
32 في الخوف ترعى القفر من دون راعى = ابهيباتكم ترعى الديارالعذيات
33 وانتو حميتو الدار من كل طامع = فوق المهار وبالسيوف الصقيلات
34 فزعاتكم تشفي قلوب عليلة = ومداتكم تغني يدين فقيرات
35 ومنكم وقيان زعيم السرايا = حر وله في مبتداء العمر هدات
36 منها ضرب بالرمح شيخ مجرب = حتى سبح فالدم والخيل غارات
37 ويوم التقى الجمعان بانت افعوله = بالسيف فرق جمع الاعداء بضربات
38 ضربات سيف رووس الاعدا اغذ له = ذي عادته في عداه زبن الونيات
39 في يوم حرب شاهدته اسهليه = قصيرته تنخاه يوم الملاقات
40 تبيه ينقذ ورعها اللي احذفته = من هول يوم به للبصار زوغات
41 ثم قام اخو فرجه ابصوله وجوله = ونقذه قرم ما يهاب المنيات
42 (دنق وشله والهوايا تهلي) = ثم فرح ام تتبع الدمع ونات
43 افعالكم عجز القلم ما حصرها = هذا قليل من فعول كثيرات
44 وحنا الدواسر لا عتلينا السبايا = نادر احياض الموت ورد المحيمات
45 احدودنا حمينها بالسلايل = رووس العدا للحد رسم وعلامات
46 دواسرن نسبق ولاحدن سبقنا = ابفعل المراجل والسلوم العضيمات
47 ابفعل الكرم يشهد اجريس اليماني = جانا فقير يسهر الليل ما بات
48 بسبة اديونه والهموم الكثيرة = ولا عود الابالبكار الثمينات
49 وجانا الهلالي بالجموع الغفيرة = ثم ضافوا اللي ماحسب للخسارات
50 عامر ولد بدران مكرم اضيوفه = بالبل وزايدها ابحيل عديدات
51 ومانا ومزارعنا المن جاء سبيلي = عيب علينا بيعها بالريالات
52 ومن سلمنا عيب نبيع الحومى = شيمانا ترفض افعول ذميمات
53 وحنا ودينا جارنا من اجداره = ذي مكرمتنا من يدينا الكريمات
54 وناصر ذبح ورعه لجل ورع جاره = من خوفت يشمت بنا كل شمات
55 والله خلقنا ما نداني النخاوي = اليا نخينا اتطيع كل العصيات
56 الشمري يشهد نهار القتالي = بفعالنا الي دونتها الروايات
57 موتره خرب ابيوم حرب شنيعي = وحتار في الوسط الديار الخليات
58 واللي معه سبعه من الاد زايد = ربعن لهم في المجد رايات
59 ثم فككو موتره والحمل فوقه = وتوزعوه ابحملته فالونيتات
60 للمرجلة نتعب ونسعى وراها = لو انها ورى جميع المجرات
61 دواسر ذرعي بزينات الالوان = نتبع هواها من سنين قديمات
62 من غير قاصر في جميع القبايل = كل له افعول وعوايد وعادات
63 واليوم من فضل الولي بأمن وآمان = والجهل زال وزال عصر الخلافات
64 من بعد حكم اللي حكمها ابسيفه = الفيصلي راعي الفعول الجزيلات
65 عبد العزيز امطوع كل عايل = وسط الجزيرة له فعول وبطولات
66 وحد اشعوب المملكة بالشريعة = ايلين خلا الذيب يرعى معى الشات
67 وختامها صلو عدد بارق لاح = على النبي ازكى سلام وصلاوات



الشاعر سعد المصارير يلقي قصيدته المشارك بها بالإحتفاليّة .


وشارك الشاعر سعد المصارير بقصيدة بهذه المناسبة ، حيث يقول فيها :

ياطير يلي لجزل الصيد صياد=يلي طلع فعلك فريدن محايد
طلعك بعيد وجسر وعيونك أحداد=وفيك الوصوف الحاتميه عدايد
وتقدم على الشارد ولا فيك معواد=وتروض الصعب العنيد المعايد
ومن قو فعلك كل مادنيت نياد =سموك أبا الفزعات وقت الشدايد
عندي لك أسمن كفو،، له عدت أبعاد =أسمن يشرف كل راعي حمايد
دوسر ،،ولامنه غلب حجمك وزاد؟=فعذرك معك،، دوسر على الناس كايد
أسمن حشا ماتجمع أبعاده أعداد=لانه جمع مابين تغلب وزايد
تغلب تغلب أمدبر الحرب لنقاد=وزايد طغا فعله على كل زايد
قومن يعطر ذكرها سيرت أمجاد=ومجدن بدتبه قوم بين اللحايد
ساسه قديم وعسر وثيابه أجداد=لكن مع لجيال ضمن الجدايد
واليوم ورث أجداد لوجيه الاحفاد =وألاحفاد تفخربه سنين مدايد
نورن يبث الود فوجيه ألجواد=طورن يجث الضد وقت الضدايد
ربعي شنار الحرب صبحن ومهجاد =صغيرهم في دومت الحرب قايد
لاصدرو من عقب طرقه وميراد=راحت عداهم عن نحاهم بدايد
ولامن دعا للموت داعي ونشاد=ماعاد خلو من عداهم شرايد
ولاحال واحدهم عن امحايله ذاد=وأن ضكته بقعا وسيع البنايد
وأن كان كسب الطيب لطيب أعياد=كسب النفايل عند ربعي عوايد
وأنقلتلي وش عاد باقول وش عاد=دوسر على الاسما بلفعال سايد



الشاعر صالح الصليبي الحقباني اعضو الموقع الرسمي لقبيلة الدواسر العريقة يلقي قصيدته المشارك بها .


وشارك الشاعر صالح الصليبي الحقباني عضو الموقع الرسمي لقبيلة الدواسر العريقة بقصيدةٍ ، حيث يقول فيها :


يامشيع لاناديت جيناك شفقين=ومثلك على جيه نسوق البشاير
طيب ولد طيب ومن روس غالين=ومن ربعنا اللي يحتمون العشاير
لاد الغييثي فالمواجيب وافين=ولطامتن للشره مع كل باير
من فعلهم ترتاع روس الشياطين=وكم فارس قد وسدوه الزباير
ولاهمهم جمع الدول والسلاطين=كم حاكم راحت عليه الكساير
ولاخير في قول بليا براهين=جيش الشريف اللي من الغيض غاير
حامت عليه الحايمه في الميادين=من فعلهم دارت عليه الدواير
ذبح الشريف أمحمد" احمر العين=وابوه راح لدار الأشراف ذاير
قلته وانا من لابة توفي الدين=عدوهم تكثر عليه الخساير
لاد العياضي مقحمين المعادين=وأهل الوفا والجود وقت العساير
وصلاة ربي عد ماترمش العين=على النبي وأعداد ماطار طاير



الشاعر محمد بن طفلان المخاريم يلقي قصيدته المشارك بها بالإحتفاليّة .

وشارك الشاعر محمد بن طفلان المخاريم بقصيدة بهذه المناسبة ، حيث يقول فيها :

اسلام ورحمت الله مبتدانا =يشمل اهل الحفل والي حاضرينه
وبعدها مافيه شين بيخفانا=ياهل اللفض الجزيل وسامعينه
الشعر والنقد ماهب ايتدانا=واجب انا كل منها نستعيه
الشعر درب عسير ن ماغبانا=والنقد لامن حظرنا سد عينه
الشعر ورث ن لنا من روس ابانا =وارثينه بالجزاله مسسينه
وهبتن من ربنا الي مانسانا =واحدن كل الخلايق في يدينه
واحدن بالستر والعزه كسانا=من قذن عبده على ظهر السفينه
وياغيثات الفخر حنا شعانا =حفل في وسط الدهو متعالمينه
وصوت درع الجنب لا منه دعانا =غصب عن كل الضروف ملبيينه
من غلاه انا حضرنا ومن غلانا=قدرنا مبديه من خافي كنينه
شاعرن مثل النجم شع بسمانا=مظهر ومخبر وحنا خابرينه
جامع الثنتين لا ان الاوانا=ول مردوف الفعل يامدورينه
لاطرق طرقن دخل صم الاذانا=يدهش النقاد ببيوت ن سمينه
البيوت الي لها ثقل ومكانا= فعل يمنا امشيع تسلم له يمينه
ويم داره سقنا ركب ن ماتوان=وبالوسوم الخذعتين اموسمينه
حملته جزل التحايا لقربانا =لابتي لاد المنيعي مرسلينه
مرسلينه قوم في العليا نبانا=كل ذروت مجد حنا مالكينه
لاتقدمنا حمينا ما ورانا =وروسنا عليا ولاهيب الطمينه
ويمكم نبدي غلاكم مع ولا نا =لابدا علم ن يضيق باغيينه
وانتو المحزم ليا شان الزمانا=ياهل الامجاد في عصورن دفين
حدنا سقتوه لين العلم بانا=موقع ن كل الخلايق هايبينه
بالسيو الحدب وابنت الحصانا= ضرب حفراها يروع ذاعنينه
من وقف في دقلها ذاق الهوانا=لو جنود الترك دونه محتمينه
الشجيع ايعيش ويموت الجبانا=ومن بغا العليا عسا ربي يعينه
جدنا زايد على الكايد ربانا=ودربه الي قد مشابه ماشيينه
من خلقنا شبحنا يكر ه وطانا =شبحنا فوق الجبال المستبينه
للتحم صف نوا شر وغزانا =بالصمايل والفعايل قاسمينه
للتحمنا مايوقف في نحانا =كود من حاز الغضب من والدينه
اننا قوم ن اذا دارت رحانا=يذهل السادات فعل ن فاعلينه
يوم وقت الشر لسيف احدانا=كم ذيب مننا جنوبه سمينه
لو وهب الله لسان ن ماجفانا=قال جعل الدوسري تبطي سنينه
كم يوم ن منه حصلنا عشانا=كرمته من روس قومن ذابحينه
وفي مجال الطيب مايلحق مدانا=يشهد التاريخ والي مدونينه
الضعيف اليا تذرا في ذرانا=يدله امن الوقت والي ظاهدينه
ومن عوايدنا نوقف لدخلانا=من قبايل نجد ولا حاكمينه
والسلام ورحمت الله منتهانا=يشمل اهل الحفل والي حاضرينه



________________________________________

وبعدها أحيا الأمسية الشعريّة نخبة من الشعراء ، وهم : الشاعر وصاحب الشيلات العذبه جابر ال جوزاء المري والشاعر منذر بن حمد بن رشود الشكره و الشاعر محمد بن سالم الخضراني و الشاعر شافي بن راشد النتيفات و الشاعر جهز بن شجاع المسعري والشاعر/محمدالفارسي العمري ، وقد أدار الأمسية إدري موقع الدواسر الرسمي المميز خميس بن مطر الغييثي .










الشاعر جابر الجوزاء المري يلقي قصيدته المشارك بها بالإحتفاليّة .


وقد القاء الشاعر والمنشد العذب قصيده بهذي المناسبه بصوته الندي يقول فيها:

يـاســلامــي عـلـيـكــم ســــــلام=عـــد مـاهــل هــمــال الـمـطــر
يـارجــال لــكــم زود احــتــرام=يـاهـل المعـرفـه وهــل الـفـخـر
الغييـثـات فـــي الـشــده حـــزام=مــن زبنـهـم جــلاوي مـاسـهـر
هــل بـيـوت تبـنـا قــي الـعــدام=مـايــشــدون لاجــاهـــم نــــــذر
مــن وزا بـالـدواسـر مـايـضـام=عقب وسمـت عصاتـه ينتصـر
محتـمـيـن ابـلـهـم قـبــل الـكـمـام=دون ذرو ابلـهـم مــوت حـمــر
والـقـبـايـل مايـلـحـقـهـم كـــــلام=من وقف دون عرضه ماقصر


_________________________________________-

هذا وقد تمّ تكريم الشعراء المشاركين بجميع فعاليات الحفل ، حيث قدم مبارك بن فهيد الغييثات دروعاً تذكاريّة شكراً لهم على ما قدموا خلال الحفل من إبداعاتٍ متواصلة ومتميزه .


الشاعر /جابر المري


الشاعر/شافي بن راشد النتيفات



الشاعر/سعد المصارير


الشاعر/محمد بن طفلان المخاريم



الشاعر/صالح الصليبي


الشاعر/جهز بن شجاع


الشاعر/مفرج بن ناصر المخاريم


الشاعر/محمد الفارسي العمري


الشاعر/منذر بن حمد الشكرة


الشاعر/محمد بن سالم الخضراني


الشاعر/مشعل بن سعد الشرافي


كما كرم موقع الدواسر الرسمي لرعايته هذه الامسيه استلمها مشرف الاقسام العامه/محمد بن فهد الرجباني


عريف الامسيه الشعريه/ادري الموقع /خميس الغييثي

ــــــــــــــــــــــ
صور من الحفل

اداري الموقع/خميس الغييثي مع محمد بن فيصل بن خليفه


لقطه جماعيه


جانب من الحضور












الشاعر/مشعل الشرافي ومحمد بن حمد بن عيران


الاستاذ/مثعي بن محمد بن عجيب وبجانبه احد الحضور


الشيخ/زعال الغييثات ويليه الاستاذ/فهد الغريري ويليه الشاعر/منذرالشكره



الشاعر/محمد بن سالم الخضراني والشاعر/جابر الجوزاء المري




والد العريس والشاعر/مشيع بن فهيد ال زريجين الغييثات






جانب من الحضور






وفي الختام ، فإننه ليسر الموقع الرسمي لقبيلة الدواسر " ممثلاً بادارته وكافة أعضاءه يتقدمون بأجمل التهاني إلى العريسين الشاعر/مشيع بن فهيد الغييثات والاخ فهد ين دهيم الغييثات وتتمنى لهم حياة ملؤها السعادة والهناء والتوفيق وأن يرزقهم اللَّه بالذرية الصالحة إن شاء اللَّه


منتدى قبيلة الدواسر الرسمي
www.alduwasser.org/vb

 

 

 

 

    

رد مع اقتباس
قديم 01-10-2010, 11:50 PM   #2
 
إحصائية العضو








محمد بن حمد الشكرة غير متصل

وسام الدواسر الذهبي: للأعضاء المميزين والنشيطين - السبب: شكر وتقدير
: 1

محمد بن حمد الشكرة is on a distinguished road


افتراضي رد: لتغطية المصوره لحفل زواج الشاعرمشيع الغييثات والاخ فهد الغييثات

ألف ألف مبروووووووووووك للمعاريس/مشيع وفهد والله يوفقنا وياهم ويرزقهم الذرية الصالحة

والله يعطيكم العافية ياادارتنا العزيزة على التغطية الطيبة

 

 

 

 

 

 

من مواضيع: محمد بن حمد الشكرة

0 دعوة عامة من الشيخ / محمد بن زيد بن جريس الخييلات لحضور ملتقى قبيلة الخييلات
0 ياهـل الموقـع إلــي عنـدنـا غـالـي
0 مرشحي قبيلة الدواسر لإنتخابات نادي السالمية بالكويت-قائمة أبناء النادي
0 وزير التجارة يعين المهندس شويمي الكتاب المصارير عضوا بمجلس إدارة الغرفة التجارية بالخرج
0 سوف بعرض مساء اليوم الجمعة 19/11/1433هـ حفل تكريم الشاعر / نايف بن مسرع الدوسري بمناسبة مشاركته المشرفة في برنامج شاعر المليون للموسم الخامس على شاشة قناة الدانة

التوقيع




الى جنات الخلد يا بو فهد
أسأل الله ان يرحمه رحمةٍ تطمئن بها نفسه وتقر بها عينه
أسأل الله العظيم رب العرش الكريم أن يغفر له ويرحمه ويسكنه فسيح جناته


m.h.s502@vip.cn






    

رد مع اقتباس
قديم 02-10-2010, 03:10 AM   #3
 
إحصائية العضو







دـأيـم إهـذريبــگ غير متصل

دـأيـم إهـذريبــگ is on a distinguished road


افتراضي رد: لتغطية المصوره لحفل زواج الشاعرمشيع الغييثات والاخ فهد الغييثات

الف الف الف الف مبروووووووووووووووووووك

لشـآعرنـآ مشيع بن فهيـد والاخ فهد الغييثات

والله يوفقهم يارب

ونشكر الاداره على التغطيـه وموفقيـن يـآرب

تحيـآتــي

 

 

 

 

 

 

التوقيع



rooo7.fa@hotmail.com

    

رد مع اقتباس
قديم 02-10-2010, 05:38 AM   #4
 
إحصائية العضو







دغش بن حمد بن منصور غير متصل

دغش بن حمد بن منصور is on a distinguished road


افتراضي رد: لتغطية المصوره لحفل زواج الشاعرمشيع الغييثات والاخ فهد الغييثات

الله يوفقهم ومشكورين على التغطيه الطيبه

 

 

 

 

    

رد مع اقتباس
قديم 02-10-2010, 05:42 AM   #5
 
إحصائية العضو








ناصر بن فهد غير متصل

وسام الخيمة الرمضانية 1430هـ الفضي لصاحب المركز: الوسام الفضي لصاحب المركز الثاني بالأفضلية - السبب: وسام الدواسر الفضي: للأعضاء المميزين والنشيطين - السبب: النشاط والتميز
: 2

ناصر بن فهد is on a distinguished road


افتراضي رد: لتغطية المصوره لحفل زواج الشاعرمشيع الغييثات والاخ فهد الغييثات

الف الف الف مبروكُ للعريسين/ مشيع الغييثات و فهد االغيثثات

والله يوفقهم و يسر امورهمً . .
وأشكر الاداره على التغطيه الطيبه وبيض الله وجهيم

 

 

 

 

    

رد مع اقتباس
قديم 02-10-2010, 08:46 AM   #6
 
إحصائية العضو








عبدالله الحافر الغييثي غير متصل

وسام الدواسر الذهبي: للأعضاء المميزين والنشيطين - السبب: لنشاطه الملحوظ ومشاركاته المميزه بالموقع
: 1

عبدالله الحافر الغييثي is on a distinguished road


افتراضي رد: لتغطية المصوره لحفل زواج الشاعرمشيع الغييثات والاخ فهد الغييثات

بارك الله لهما وبارك الله عليهما وجمع بينهم في خير
الف مبروووووك زواجي اخوي مشيع وفهد والله يرزقهم الذريه الصالحه ويسعدهما في حياتهم الزوجيه وبالرفاء والبنين ان شاء الله

 

 

 

 

    

رد مع اقتباس
قديم 02-10-2010, 09:56 AM   #7
 
إحصائية العضو







مبارك بن شافي النتيفات غير متصل

وسام الدواسر الذهبي: للأعضاء المميزين والنشيطين - السبب: شكر وتقدير
: 1

مبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to behold


افتراضي رد: لتغطية المصوره لحفل زواج الشاعرمشيع الغييثات والاخ فهد الغييثات

الف الف الف مبروك للمعاريس

الله يوفقهم ويرزقهم الذريه الصالحه

والشكر كذلك موصول للاداره على هذه التغطيه المميزه
بيض الله وجيهكم

 

 

 

 

    

رد مع اقتباس
قديم 02-10-2010, 11:51 AM   #8
 
إحصائية العضو







حنيان الدوسري غير متصل

حنيان الدوسري is on a distinguished road


افتراضي رد: التغطية المصورة لحفل زواج الشاعرمشيع الغييثات والاخ فهد الغييثات

ماشاء الله تبارك الله

الف مبروكـ للعريسين وعقبال الذرية الصالحة

والشكر كل الشكر لموقع القبيلة الرسمي الذي

جعلنا في قلب الحدث كما عهدناهم

دمتم والتميز حليفكم

 

 

 

 

 

 

التوقيع



Abu.Mubark


نشيط الوادي

    

رد مع اقتباس
قديم 02-10-2010, 12:09 PM   #9
 
إحصائية العضو







خالد المشاويه غير متصل

خالد المشاويه is on a distinguished road


افتراضي رد: التغطية المصورة لحفل زواج الشاعرمشيع الغييثات والاخ فهد الغييثات

الف مبروووك

والله يوفقهم ويرزقهم الذرية الصالحه

والله لايهينكم على التغطيه

 

 

 

 

 

 

التوقيع

ماني من اللي زلة الصاحب لاجاته تفرحه = بعض البشر ماميّزت باصحابها وخصومها
وان جا يحرّث جمر صحبة عمر بالطيب اطرحه = لي عادةٍ يوم العرب بطبوعها وسلومها
يوم الجدي ماغاب نجم سهيل بالعام المحه = مراجلٍ تحضر مع الموسم تغيب نجومها
والقرم فعل الغانمة عند اللوازم مشلحه = والا الضعوف ضعوف لو تكشخ بكل هدومها

    

رد مع اقتباس
قديم 02-10-2010, 02:42 PM   #10
 
إحصائية العضو







رآعي الأوله غير متصل

رآعي الأوله is on a distinguished road


افتراضي رد: التغطية المصورة لحفل زواج الشاعرمشيع الغييثات والاخ فهد الغييثات


آلآف التبريكات لآخواني مشيع و فهد ::: الله يوفقكم و يرزقكم الذرية الصالحة

/

و ربي يعطيكم العافية ادارتنا على هالتغطية

 

 

 

 

    

رد مع اقتباس
قديم 02-10-2010, 02:54 PM   #11
 
إحصائية العضو







دغش محمد الصخابرة غير متصل

وسام الدواسر الذهبي: للأعضاء المميزين والنشيطين - السبب: لنشاطه الكبير وجهوده الطيبه في خدمة الموقع
: 1

دغش محمد الصخابرة is on a distinguished road


افتراضي رد: التغطية المصورة لحفل زواج الشاعرمشيع الغييثات والاخ فهد الغييثات

الف مبروكُ للعريسين/ مشيع الغييثات و فهد االغيثثات

وأشكر الاداره على التغطيه الطيبه وبيض الله وجهيم

 

 

 

 

    

رد مع اقتباس
قديم 02-10-2010, 05:57 PM   #12
 
إحصائية العضو








فارس الدبالين غير متصل

فارس الدبالين is on a distinguished road


افتراضي رد: التغطية المصورة لحفل زواج الشاعرمشيع الغييثات والاخ فهد الغييثات

نبارك للعريسين
الشاعر/مشيع بن فهيد الغييثات
والاخ الكريم/فهد بن دهيم الغييثات

والله يوفقهم ويرزقهم الذريه الصالحه

ونشكر الاداره الكريمه على جهودهم الطيبه

ونشكر جميع الشعراء وصح الله السنتهم

وتحياتي للجميع ..

 

 

 

 

 

 

التوقيع

ياللي تقول انك سلايل هل الطيب=تمدح وتفخر في فعايل جدودك
حقك ..ولكن في فعول المواجيب=خلك على الهقوات واثبت وجودك


Twitter@ALGZL

اتشرف بمتابعتكم

    

رد مع اقتباس
قديم 02-10-2010, 11:10 PM   #14
 
إحصائية العضو







سهل الدوسري غير متصل

سهل الدوسري is on a distinguished road


افتراضي رد: التغطية المصورة لحفل زواج الشاعرمشيع الغييثات والاخ فهد الغييثات

ألف ألف مبروووووووووووك للمعاريس/مشيع وفهد والله يوفقنا وياهم ويرزقهم الذرية الصالحة

والله يعطيكم العافية ياادارتنا العزيزة على التغطية الطيبة

 

 

 

 

 

 

التوقيع

    

رد مع اقتباس
قديم 02-10-2010, 11:39 PM   #15
 
إحصائية العضو







شافي بن راشد النتيفات غير متصل

وسام الدواسر الذهبي: للأعضاء المميزين والنشيطين - السبب: شكر وتقدير.. ونعتذر علي سقوط اسموسام شاعر التميّز .: وسام يقدم لمن يستحق أن يطلق عليه
: 2

شافي بن راشد النتيفات has a spectacular aura aboutشافي بن راشد النتيفات has a spectacular aura about


افتراضي رد: التغطية المصورة لحفل زواج الشاعرمشيع الغييثات والاخ فهد الغييثات

نبارك للعريسين
الشاعر/مشيع بن فهيد الغييثات
والاخ الكريم/فهد بن دهيم الغييثات

والله يوفقهم ويرزقهم الذريه الصالحه

ونشكر الاداره الكريمه على جهودهم الطيبه

 

 

 

 

 

 

التوقيع




لمتابعتي بتويتر

Shafi-1978

    

رد مع اقتباس
إضافة رد


الذين يشاهدون محتوى الموضوع الآن : 4 ( الأعضاء 0 والزوار 4)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 01:35 AM


Powered by vBulletin® Copyright ©2000 - 2024, Jelsoft Enterprises Ltd.
---