هميجان المسعري و مبارك بن محيا - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم إبداعات شعراء المنتدى ومساجلاتهم ::

إضافة رد
انشر الموضوع
 
أدوات الموضوع انواع عرض الموضوع
قديم 18-07-2014, 11:38 PM   #1
 
إحصائية العضو







مبارك بن محيا الدوسري غير متصل

مبارك بن محيا الدوسري is on a distinguished road


افتراضي هميجان المسعري و مبارك بن محيا

أسند الشاعر هميجان بن محمد المسعري هذه القصيدة لابن عمي مسلم بن فيصل الخرفاني

يقول هميجان



قال منهو ما قصد يرجي بدايل=ولا استغل الشعر يرجي له هديّة
إن مدح يمدح كريمين الفعايل=الرجال أهل الوفا و المقدريّة
ما مدحناهم ندوّر للحصايل = ضمن ناسٍ مدحها ترجي عطيّة
عايشين بعزّةٍ والراس طايل= من على وقت العصور الأوليّة
عندنا عزّة و للعليا نخايل = ولا رجينا غير خلاق البرية
مير لا جا المدح فأهل الطيب قايل=وأفتخر في مدحهم صبح و عشيّة
بيض الله وجه كسّاب الجمايل=من وفاه لولد عمّه و لخويّه
دونهم ما حط عذر ولا شغايل=بالوجه و المال مزبان الونيّة
موتره شغّال في صبح و قوايل=طيّبٍ راسه ومن ربعٍ وفيّه
مسلّم المنعور حمّال الثقايل=ابو فيصل راعي الكف النديّة
قلت باسمّيه وأسمي الفعايل=راعي الفزعات لقيته سميّه
مارثة شيخٍ له فعولٍ جزايل=هو عقيد القوم لامن جات هيّه
ذاك ابن شافان لاطم كل عايل=من حرار في الملاقا صيرميّة
من بني عمّار مروية السّلايل=لاد ابن عمّار لا جات الحميّة
لا تعزوو من على قب الأصايل=يخلفون اللي نواهم من نويّه
محتمين السّيح من كل القبايل=والنخيل الخضر في وسطه دجيّة
من مهابتهم غدا ضله ضلايل=ما بنوا دونه جدارٍ فوق طيّه
سوره الشجعان بسيوفٍ صقايل=كم عقيدٍ زارهم ذاق المنيّة
والحيا لا طاح من صدق المخايل=بشروه بمجهمٍ ترعا جريّه
من شروره لا شمال حدود حايل=وين ما طاح الحيا ساقوا الرعيّة
وهم جنبها دونها من كل عايل=بالمشوّك و السيوف و بندقيّه
يلبسون الجوخ وافين الخصايل=وكم عقيدٍ عندها فارق ذويّه
قلتها و أنا حفيد أهل الصمايل=لاد مسعر عز من عينه شقيّه
والسلام ختام ياذرب الفعايل=يا خويٍ ما تعذّر عن خويّه

فردينا عليه بهذه القصيدة



قال منهو لا نوى بدع المثايل=يرد غبّه خابر حباله رهيّه
و يتخيّر من خزايزها جلايل=باغيٍ عشرين وآودّه لميّه
هاضنا هميجان في شهر الفضايل=باج بابٍ ذالشّهر ما لي بجيّه
وانفتح لمداقش الجزلات فايل=ذايراتٍ والمشاريب محميّه
يوم جتنا من ولد مسعر دلايل=شاش راسه فعل شبلٍ مع خويّه
ضاريٍ لا مد ما مد الهزايل=يرتكي للجزل و عزومه قويّه
عادته لا قام ما يرضى الفشايل=يبرد كبودٍ ترقّب في مجيّه
لا ورد ماهو يجي يابس بلايل=لو يجي فالشمس فربوعه بفيّه
وإن لفيته فابشر من الكوم حايل=عند ربعٍ دوم قومتهم صخيّه
من زحازيحٍ يسوون الهوايل=يشهد الوادي بالأفعال الطّريّه
واديٍ دونه دما العدوان سايل=من توهّق صوبهم يبكيه حيّه
وإن دعا الداعي و قلّدت الشلايل=لاد مسعر ضوّهم فالحرب حيّه
وإن بغينا ناخذ علوم الأوايل=ريشة الشعلان ماهيب الخفيّه
جابها ابن قويد من حرب القبايل=زين قولٍ له ثبوتٍ مرجعيّه
العبي يا بنت و أومي بالجدايل=وافخري ولك الفخر يا المسعريّة
في ذرى كل أبلجٍ شكله قلايل=ستر عذرا تعتصب بالزّايديّة
واقهريناسٍ يحطّون الحبايل=و الضعيّف دوم ما له مقدريّه
لا بغى شل الحمل ماهوب شايل=والهلامه دايم عزومه رديّه
احتزم يا المسعري و الشّك زايل=من ذخر ما ينفعك ما به حميّه
و القصيد الجزل تلقا به ذبايل=و الشّويّة في يدي ماهيب نيّه

 

 

 

 

 

 

التوقيع

[poem font="Simplified Arabic,6,white,normal,normal" bkcolor="transparent" bkimage="backgrounds/21.gif" border="groove,6,skyblue" type=1 line=0 align=center use=ex num="0,black"]
يا غرس لا منّه بدا لك لازمٍ مـا نغيـب
واللي يغيب إلا بـدا لـك لازمٍ لا سـلام
ربعي شبوب الحرب لا جر العوا كلّ ذيب
إيلا اعتذر بالبعد مع الأجناب رخو الحزام
يا حيسفا يا نقله الميري عساهـا تعيـب
يبغي يماري بالفشق قدّام زيـن الوشـام [/poem]

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
التغطية المصوّرة للحفل التكريمي لقبيلة العمور برعاية الشيخ عماش والشيخ مصلح أبناء مبارك آل صغير العمور الإداره :: قسم اللقــاءات والفعاليات والتغطيات الخاصة:: 8 03-06-2014 03:18 PM
التغطية المصورة لحفل الشيخ حسن بن مبارك القريني المسعري بمناسبة زواجه الإداره :: قسم اللقــاءات والفعاليات والتغطيات الخاصة:: 5 31-03-2014 11:36 AM
التغطية المصوّرة لحفل إفتتاح مبرة قبيلة الدواسر الخيريّة بدولة الكويت. الإداره :: قسم اللقــاءات والفعاليات والتغطيات الخاصة:: 16 22-11-2010 09:44 AM
بعد إنتهاء قضية الشاب مبارك ، الوكيل لشرعي للشاب مبارك بن فيصل العمور الأستاذ خلف بن مبارك العمور والأمير محمد بن ردعان آل ردعان العمور يصرحون للموقع الرسمي لقبيلة الدواسر العريقة الإداره :: قسم اللقــاءات والفعاليات والتغطيات الخاصة:: 13 24-10-2009 11:49 PM
بعد إنتهاء قضية الشاب سيف ، والد الشاب سيف المسعري الأستاذ عرار بن عاطف النوامين المسعري وبعض ذويّة يتحدثون للموقع الرسمي لقبيلة الدواسر العريقة الإداره :: قسم اللقــاءات والفعاليات والتغطيات الخاصة:: 12 27-02-2009 02:03 PM

 


الساعة الآن 07:00 PM


Powered by vBulletin® Copyright ©2000 - 2024, Jelsoft Enterprises Ltd.
---