آل مانع رجال وأفعال - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم قصايد مدح وفخـر في الــدواسـر ::

إضافة رد
انشر الموضوع
 
أدوات الموضوع انواع عرض الموضوع
قديم 31-12-2016, 09:23 PM   #1
 
إحصائية العضو







ابن مدعث متصل الآن

ابن مدعث is on a distinguished road


Poet2 آل مانع رجال وأفعال

🔥آل مانع🔥


انا احب بدع القاف لازان لي معناه
اعشقه اعشاقه والفكر له توقادي

وانا احب ذكر الطيب والطيبين اهواه
وذكر الفعول الماضيه فعل الاجدادي

فعول عليها ثبوت ماهيب سرد رواه
ولا نيب انا لفعول ربعي بجحادي

يا باغي التاريخ تاريخنا نحماه
وبعطيك نبذه عنه من غير زوادي

رجال آل مانع كلبوهم رقوا بعلاه
خذينا سنام المجد والطيب وشدادي

انا جدي اللي ساق روحه على وجناه
نهار على المعياز للموت ورادي

مع ربوعه اللي كل طيب ومن مجناه
مقابيس حرب في الوغا تلطم العادي


ومنا سعيد حاضر يوم وردو ماه
على الموعد اللي عنده اعوار وعنادي

وشينان والشثري ومسفر فلا ننساه
حرار صواريم يفكون الاذوادي

ومعهم حرار تعتزي يوم وردو ماه
بخيالة الجدعا عما عين الاضدادي

ومنا ابن وسيم يبطش الجمع لامن جاه
عقيد يقود الجمع ماهوب ينقادي

ومنا كبير الخف سمي على ماطاه
يعرفونه القيمان في بر وبلادي

ومنا الذي باب القصر في الوغا فضاه
وسمي مفضي عقبها قدم الاشهادي

ومنا العقيد ابن جعفر غانم وضناه
محمد عقيد ذوق اعداه الانكادي

ومنا الشجاع ابن شبيب ولا نخفاه
يهابونه الفريس لاحان ميعادي

ومنا آل وتيد سعد من ضامته دنياه
وقفاتهم مشهودة لوهم بعادي

ومنا رجال قالوا السيح حن نفداه
ذا وطبان وابن منيش خطلان الايادي

ومحمد بن ناصر صويب من اللي جاه
ولاسره الدكتور والجبر مافادي

ومنا الشجاع الصيرمي ويل من يالاه
ذا ملفي وملفي ينعرف يوم الاشهادي

ومنا عجب منصا الركايب وهن ملفاه
مناخ الركايب عند ماقلت شهادي

ومنا طبابخة هل الطيب واهل الجاه
وتشهد لهم الافعال في غزو وطرادي

اليا سمعوا الصايح تصاغر بهم بلواه
يجونك على صوت الزهم شيب واولادي

ومنا راع القاره ركاب النضا تنصاه
على منهجه يمشون الاباء والاحفادي

ومنا شجاع يرهب الخصم لا لا قاه
نهار الوغا لامن تعزوى ببن هادي

من آلاد عمار هل الغرس وانا حماه
ياكم طامع سقناه من دونها عادي

لنا محزم يثنون لا فترت الرحاه
وحنا لهم لامن زما الشره متحادي

وولا زمان الخوف والذيب جنب الشاه
عسى الله يدوم الأمن في ديار الامجادي

ومنهو يريد الطيب والعز له والجاه
يقدم مع الترحيب والبن ما جادي

ختام الكلام وزبدة الهرج في معناه
ياحي الصبي اللي عن الطيب ماحادي

الشاعر/ناصر بن ناجي بن مدعث

 

 

 

 

    

رد مع اقتباس
قديم 07-01-2017, 04:20 PM   #2
 
إحصائية العضو








ساقان الدواسر غير متصل

ساقان الدواسر is on a distinguished road


افتراضي رد: آل مانع رجال وأفعال

اخي الفاضل : ابن مدعث يحفظه الله
السلام عليكم ورحمه الله وبركاته
بيض الله وجهكم وانعم بالدواسر كافه فعولهم دايم على الطيب والنعم بأهلي وتيجان رؤوسنا (آل مانع) وقول بهذى المناسبه :
يا آل مانع يا عزوتي يا منبع الطيب
ساسا قوي عالي علو الجبالي
لكم في جوف قلبي قدر وتراحيب
عودا تناثر ريحتة في كل المكاني
شوفكم عندي عيد وطيب من الطيب
وافرح لشوفتكم واعتزي يا سنادي
من ساس جدانكم انتم هلا الطيب
والكرم عنوانكم ساطع يا غلاتي
والدواسر كلهم فخر وتيجان راس
وكرر الشكر والتقدير لكم يا ابن مدعث ورحم لله شيبانكم

 

 

 

 

 

 

التوقيع

ناصر بن عبدالرحمن آل ساقان بن خلف آل مانع آل عمارالدوسري

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
°l||l° تــقـديــم '' كـلاسـيـكـو الأرض '' l||l° Real Madrid CF X FC Barcelona° عبدالله بن علي الدوسري :: القسم الرياضي :: 5 25-10-2014 04:22 PM
تعاون الدولتين العثمانية والصفوية ضد مملكة المنتفق وحكامها أسرة السعدون الأشراف عام 1698م عبدالله السعدون :: القسم الـتاريخــي الــعام :: 5 28-04-2013 09:34 AM
آل سعدون الأشراف وأول إعلان تاريخي ومحاولة لإستقلال العراق بأكمله عام 1787م. عبدالله السعدون :: القسم الـتاريخــي الــعام :: 7 27-06-2012 04:56 AM
التغطية المصوّرة للحفل المقام بالبديع دعماً لقضية سعود بن عبدالله بن سعود بن شويرب الصخابرة . الإداره :: قسم اللقــاءات والفعاليات والتغطيات الخاصة:: 22 27-10-2010 10:30 AM
نداء إلى قبيلة الدواسر حول إعتاق رقبة مهدي بن سيف آل بريك الإداره :: قسم اللقــاءات والفعاليات والتغطيات الخاصة:: 37 19-10-2008 08:13 PM

 


الساعة الآن 08:16 PM


Powered by vBulletin® Copyright ©2000 - 2024, Jelsoft Enterprises Ltd.
---