صــوت وصــدى في فقيد الجميع (محمد بن فهد الرجباني )رحمه الله .

[معلومات العضو عبدالرحمن بن فلاح آل بريك]

بسم الله الرحمن الرحيم

صوت وصدى بين الشاعر :مبارك بن فلاح آل بريك ومشرف الموقع :عقاب بن هذال آل بريك في فقيد الموقع والجميع محمد بن فهد الرجباني (رحمه الله )

يقول مبارك بن فلاح آل بريك:

ترى البريكي يوم غنى ما يغني من طرب=غنى وهو دمعة عيونه في المحاجر حايره
يا عقاب يا راع الوفا يا ولد فكاك النشب =فقيدنا ما ينتعوض والليالي جايره

رد عقاب بن هذال آل بريك

يا أبو فلاح القرم لا لا(لا) تزود في الحطب =ترا المحاني قد لها فتره وهي متثايره
والدمع لا حاولت أكفه يرجع وينزل غصب=وانا أردف الونه ورى الأخرى وهي متغايره
والحال من بعده ترى ياخوك صايبه العطب=محدن درا عنه من اللي معه واللي زايره
على الخوي اللي ترا خوته خوه من ذهب=اللي على الناموس رجله بالمعزه سايره
مرحوم يا عز الخوي مرحوم يا عز النسب =ياللي ترا الخوه مع غيره تراها بايره
لاكن بقعا ما تجي دايم على عز الطلب=يا كم غالي روحت به في رحاها دايره
واختامها يالله تغفر له بلا ذنب وتعب=وتجعل الجنه عوضه من الحياة الجايره

 

 

 

 

[معلومات العضو مبارك بن شافي النتيفات]

لاكــن بقـعـا مــا تـجـي دايــم عـلـى عــز الـطـلـب
يـــا كـــم غـالــي روحــــت بــــه فــــي رحــاهــا دايــــره

واخـتـامـهــا يالله تـغــفــر لـــــه بــــــلا ذنــــــب وتـــعـــب
وتـجـعـل الـجـنـه عـوضــه مــــن الـحـيــاة الـجـايــره

اللهم امين الله يغفر واموات المسلمين

صح لسان ابوفلاح وصح الله لسان ابوهذال

وسلمت يمينك يابوفلاح على النقل

تحياتي ووافر احترامي

 

 

 

 

[معلومات العضو شافي بن راشد النتيفات]

هاضت شجوني يوم شفت ابيات ربعك ياشنب = واقول صح لسان من غنى وصاد الذايرة
مرحوم ياللي ماسعى بين القرايب بالشغب = اللي بحسن الخلق كل ياولد متنايرة
عساه في الجنة ويسقى سلسبيل ويستتب = اقفا بما حصل وحنا في حياة حايرة

 

 

 

 

[معلومات العضو نآصر البدراني]

الله يغفر لبو فهد ويرحمه ويسكنه الفردوس الأعلى من الجنه


اللهم آميين



الله الله يا ابو فلاح وابو هذال


صحت ألسنتكم والله يرحم ابو فهد فقيد الجميع ..



صح لسانك يا ابو شالح ولاهنت على المشاركة



الله لا يهينك يا ابو فلاح ..

 

 

 

 

[معلومات العضو ابن زايد15]

صفقت بالكفين يامبارك على عز العرب=وحنت ضلوعي يالخوي حنت سيور الطايره
والوافي الي غيبت شمسه وذكره ماغرب=يالله عساه بجنة الفردوس روحه طايره
وترا العجب يبطل يابو هذال لاعرف السبب=دنيا يابوهذال لو زانت تجيك مغايره
كم غالين ياعقاب من كاس المنايا قد شرب=لكن لاتحزن تراها في الأوادم سايره

 

 

 

 

[معلومات العضو بنت الذيب]

صحت السنتهم وبارك الله فيهم

والله يرحم اخونا بوفهد ويغفر له

ويعطيك العافيه يااخوي عبدالرحمن

 

 

 

 

[معلومات العضو برق الدواسر]

صحت السنتهم وبارك الله فيهم

والله يرحم اخونا بوفهد ويغفر له

 

 

 

 

[معلومات العضو ابو زياد البريكي]

الله يرحم اخونا ابوفهد ويغفر له

ويعطيك العافيه يااخوي عبدالرحمن

 

 

 

 

[معلومات العضو شوق خالد]

صحت السنتهم وبارك الله فيهم ولاهانو جميع

والله يرحم اخونا بوفهد ويغفر له ويتجاوز عنه ويوسع مدخله وامواتنا واموات المسلمين جميعآ

ويعطيك العافيه وجزاك الله خير
يااخوي عبدالرحمن

 

 

 

 

[معلومات العضو عبدالرحمن بن فلاح آل بريك]

شكراً لكل من مر هنا . وشارك بدعوه صادقه أو أبيات معبره . رحم الله أبو فهد وأسكنه الفردوس الأعلى .

 

 

 

 

[معلومات العضو محمد مطلق آل بريك]

اللهم أغفر لمحمد بن فهد الرجباني وأجعل قبره روضة من ريااض الجنه

صح لسان ابوفلاح وصح الله لسان ابوهذال

ولاهنت يابو فلاااح على النقل

تحياتي وتقديري

 

 

 

 

[معلومات العضو سالم صمهود]

الله يرحم الميت وصح الله اللسنت الشعار المبدعين

 

 

 

 

[معلومات العضو محمد بن حمد الشكرة]

الله الله يا ابو فلاح وابو هذال صحت ألسنتكم والله يرحم ابو فهد فقيد الجميع .. صح لسانك يا ابو شالح ولاهنت على المشاركة الله لا يهينك يا ابو فلاح ..