بمناسبة الانتخابات البلديه وترشح مرشح آل عمار

[معلومات العضو ابن مدعث]

هذه القصيدة بمناسبة الانتخابات البلدية
وترشح مرشح آل عمار ....ناهض بن محمد بن بادي آل عمار

باسم ربي جل شانه نبتدي به
ذكر ربي نبتدي به في المعاني
ياهجوسي هات شردك العجيبه
هات لي من الدر جزلات(ن)سماني
يابن بادي الأوله ماهي صعيبه
دام ربعك تعشق سهيل اليماني
ربعك آل عمار جمعاهم مهيبه
لاتعزوو صاب عاقلهم جناني
عودنا يارد مواريد الشبيبه
دون حلوات الثمر بالجبخاني
لا تعلوى الرجل من فوق النجيبه
يارد الموت الحمر ورد الضماني
الحمايا عندنا ماهي غريبه
من على الجدان في ماضي الزماني
من عوايدنا مانرضى بالغليبه
علموا العربان من قاصي وداني
رقم واحد بإذن ربي حن نجيبه
وغير واحد مانبي لو رقم ثاني
يالمرشح قدمك أمور(ن)عصيبه
الأوله ماهيب لك في ذا الزماني
الأوله من حظنا مافيه ريبه
كان تبغي العلم في كشف البياني
والختم صلوا على اللي وسط طيبه
عد من زار الحرم شهر رمضاني

الشاعر/ناصر بن مدعث آل عمار