قصيدة للشاعر مبارك بن حمير آل بريك

**معلومات** **العضو** · 21-11-2010, 01:15 AM

مـــن اول والـذيـب لـيـلـــه مشاوير = يمـشي ورى الـشوان رزقــه نـهابــه

واليــوم هـــون يطلب العلم ويشير = من ابى الحصين اللي خـذا سـم نابـه

مـــن فـكــر بـدنـيـاه شـاف التفاكير = آخـر زمــن جـات الـحـصانـي ذيــابـــه

الــبـارحـــه كـنـي على واهج الكير = شـفت المـشاكل جـات بيـن النسابـه

انــشـهــد انــهـا مـن كـبار المـقادير = لامــن غـدا بـيــن الـقـرابـه حــرابـــه

الـبــل تــراهـا عــزكــم يامــنـاعـيـر = عـز لـهـلـهـا من عصـور الصـحـابــــه

عــــز لـهـلـهــا نـازلــيــن الـعثـامـير = فـي خايـع يبعد عمـس من مشابــه

لازاف زمــلــوقـــه وجــالـه نـواويــر = وســطه هجال مثل هجلة سـرابــه

ترعــاه ســرفات البــكـار المعاشير = فــي مـوقــع راع الـغـنـم مـارعابــه

حمــيــــر هــو شوق البني الغنادير = حـلحـيـل ماينـحــال مــايـنـهـقـابـــــه

شــوق الــبـني مرقمشات الاضافير = ضـد الحـريب الـى الــتوابه طـلابـــه

يركــب فــريــح ولايــطيـــع الاشاوير = نســل الاصـيــل معربـين ركـــابـــه

في شف رمحه في حلول المخاضير = كن حسها صوت الرعد في عقابـــه

لاطـاح رجــع مــن ورا ديــرة مـطـيـر = قــرب لـهـا جــمس وكــثـر زهـابــه

خــلـه لشـــف مـصــونات المواخيــر = صــهب الفـطـير اللي عليها ضـبـابـه

البــل تــراه العـــز بوصيــك ياحميــر = تـبعد مــن اللـي دايـم والـبـلا بــــه

دوبـــه يحسب فــي ردود وفــواتـيـر = وان جـا نـهار الـسـبـت جــدد ثيابـه

وســط الـدوايــر مايـهيــب الـجهاميـر = وان قـابـلـك لاهـو يخــوف شـهابـه

انــصحك من رفقة قريــب المحاضيـر = لاجـــاك لاتـفـرح وقــل لاهــلابــــه

عــسر مـحلـه مايــجــونــه مسايـيـر = له مـنزل في اعلا طـويل الشعابـه

ينـح بضــريه مــن ورا الخــدر والـعيـر = وان شـاف زول مــن بعيـد عـدابــه

الـنـاس فــي خـيــر وهــو مالـقـا خير = علــى الشجر ياحمير صارو عصابـه

[/color]

**معلومات** **العضو** · 21-11-2010, 03:49 AM

صح الله لسان الوالد يا ابو مبارك والله يمده بالصحه والعافيه .

ويعطيك العافيه يا طويل العمر على نقل القصيده .

وأتمنى تزودنا بباقي قصايد الوالد الله يحفظه .

أخوك/عبدالرحمن بن فلاح .

**معلومات** **العضو** · 21-11-2010, 09:49 AM

يعطيك العافيه يا طويل العمر ولاهنت وبيض الله وجهك

محمد الودعاني

**معلومات** **العضو** · 21-11-2010, 12:27 PM

شكراً على المرور وانشاء الله احاول اشارك بأكثر قصايد ممكنة من قصايد الوالد

**معلومات** **العضو** · 21-11-2010, 03:02 PM

الرجاء من المشرف تعديل كلمه ( صف الى صهب ) في البيت الخامس عشر

ولكم جزيل الشكر

**معلومات** **العضو** · 21-11-2010, 11:09 PM

بيض الله وجهك يافهد على النقل وصح لسان الوالد الله يطول بعمره
وتم التعديل على حسب ما طلبت

**معلومات** **العضو** · 21-11-2010, 11:16 PM

مشكور ياشافي وبيض الله وجهك

**معلومات** **العضو** · 28-11-2010, 11:10 PM

طلب تعديل من المشرف مشكورا

البيت التاسع ( تراعاه ـــــ ترعاه)
البت العاشر (حليل ــــــ حلحيل)
البيت الثاني عشر ( الركابه ـــــ ركابه)

وآآآآآآسف على ازعاجكم

اخوك
فهد آل بريك

**معلومات** **العضو** · 29-11-2010, 04:23 PM

اررررررررحب يابومبارك . . .

صح لسان الوالد والله يحفظه لكم , , ماتنمل قصايده عساه يبطي حي . . .

وبيض الله وجهك ولاهنت على نقل القصيده . . .

(( تم تعديل الطلب يابومبارك )) . . .

**معلومات** **العضو** · 29-11-2010, 04:33 PM

البـل تراهـا عزكـم يامناعيـرعز لهلها من عصـور الصحابـه

صح اللسانه
ابيات جزله
لاهنت على النقل

**معلومات** **العضو** · 29-11-2010, 09:41 PM

اشكركم على المرور الراااقي

تسسسسسسسسسسلم يابو هذال وصح بدنك

وصح بدنك ياراشد الله لايهينك

كلكم ذوووق

لاخلا ولاعدم

**معلومات** **العضو** · 29-11-2010, 10:43 PM

صح لسانه على القصيدة الجزله

تسلم يمينك يا استاذ فهد على النقل

**معلومات** **العضو** · 30-11-2010, 10:38 PM

الف شكر ياناصر على المرور

وصح بدنك

**معلومات** **العضو** · 12-12-2010, 08:02 PM

لاهنت يابو مبارك على النقل الجزل

واللهم ياكريم في هذا الشهر الفضيل ان الله يقعد مطاح الشايب

والله اني اطرب لقصيد ابو ناصر الله يشفيه

ولاتبخل علينا بالقصايد القديمه

**معلومات** **العضو** · 12-12-2010, 09:23 PM

السلام عليكم ورحمة الله وبركاته

تسلم أخوي فهد آل بريك
وصح لسان الوالد والله يحفظه من كل شر
والقصيدة وافية وحكيمة
.
.

البارحه كني علـى واهـج الكيـر
شفت المشاكل جات بين النسابـه

انشهد انها مـن كبـار المقاديـر
لامن غدا بيـن القرابـه حرابـه
.
.

صدق والله انها ماتوجع إلا لامن جت من قريب

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية