بندر بن سرور

[معلومات العضو ولد زعب]

إحدى قصائد بندر بن سرور الجميلة والتي تدل على شاعريته:

الله من عين طرقها صواديف 0000 عميت ويبسن العروق الصخافي

شفت الوزابالعين من عرض ماشيف0000 شفته وغيري من فطن له وشافي

وقت تغير فيه حتى العواصيف 0000 جافي عواصيف الرياح اختلافي

شره قناطير وخيره مقاطيف 0000 يفطن له اللي يرضع الديدغافي

كم واحد جاله زمانه على الكيف 0000 واغترته نفسه يبا الجود وافي

يطلع مطاليع العيا بالسواليف0000 بين العذارا عد روحه اسنافي

يفرح بهرج بالقفا ويكره الضيف 0000 قتات والقتات بالنار هافي

يعلق قصيره علقة النار بالليف0000 عي ولد عي زنوده اضعافي

ان رخصت الحذوه توقي عن الحيف 000 وان غليت الحذوه مشى اللاش حافي

يرقد ويلحق والدينه تخاليف 0000 دايم ومرقد ميت النار دافي

هومادرى ان الجود يبغى تكاليف000 سهر الليالي مقبلات مقافي

يبغى ايدين للعطايا مغاريف 0000 ويبغى ارجول ماتمل الوقافي

والصبر بنحور السنين الشواحيف000 اللي قساهن مثل حد الرهافي

مايقدرون الجود سود الاطاريف0000 امشاركة بيض النساء باللحافي

يقدر عليها اللي حكم نجد بالسيف 000 واودع قبايل والقبايل اولافي

عبدالعزيز اللي يبث المصاريف0000 يجدع قناطير الذهب بالفيافي

يمشي على دربه جموع مزاريف 0000 نوٍ تنثر ماه والجو صافي

تشدي لواقيط الزبيدي بعدريف 0000 مما كسا البيدا تفيد الضعافي

 

 

 

 

[معلومات العضو السيف دايـم]

الله يرحم بندر بن سرور لاهنت يالغالي على النقل

 

 

 

 

[معلومات العضو ولد زعب]

الاخ السيف دايم:

شكرا لمرورك الذي اسعدني وبيض الله وجهك دنيه واخره.