الدواسر وأخذ ثأرهم مـن سـبـيـع - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـتـاريـخـيـــة .::: > :: قسم تاريـخ قــبـيـلة الــدواسـر ::

إضافة رد
انشر الموضوع
 
أدوات الموضوع انواع عرض الموضوع
قديم 27-05-2007, 03:51 AM   #1
 
إحصائية العضو







مصيول غير متصل

مصيول is on a distinguished road


:e-e-5-: الدواسر وأخذ ثأرهم مـن سـبـيـع

القصه هي ان الدواسر يطلبون سبيع عدد من رجال الدواسر في غزيه كانت بينهم في عهد

الشيخ عامر بن بدران امير الدواسر وقائدهم في عصره وهو من قام على تربية ايتام الدواسر

ممن ذبح ابائهم سبيع واصبح في مقام الوالد يعيلهم الى ان بلغو الرشد ومن استعد منهم شراله

زتتات الحرب من سلاح وخيل وفي ليله من الليالي جمعهم الشيخ عامر وقال لهم ان سبيع ذبحو

ابائكم ونبي ناخذ ثارنا وانا في مقام والدكم وكلاً منكم من قبيله من قبائل الدواسر فكلاً يبين

فعله وترانا بنغزي على سبيع في العيد الكبير حتى يكونو على جمعتهم اما لنا او علينا فطلب

المصارير وهم عشرة فرسان صغار في السن كبار عند اللقاء أن يكونو اول من يخوض المعركة

فوافق الشيخ ابن بدران واعطاهم طلبهم فسار الدواسر الى بلاد سبيع وعندما وصلو خط

الشيخ ابن بدران على الباقين وقال من يطلع من هذا الخط او يتعداه بدون امراًً مني فقد عصاني

فتقابل الطرفين وقام اهل العشر من المصارير يشقون صفوف سبيع ويذبحون فيهم ويرجعون

وثارالغبار والعج وسط المعركه فقال ناصر المبيعيج وهو من الفرسان الشجعان الذي كان له

موقف ذلك اليوم( والشيخ ابن بدران خاله ) ياخال اخوانا المصارير تغبو ما نشوفهم فقال ابن بدران

يجونك لاد الحبيبي وفعلاً رجع اهل العشر واعادو الكره على سبيع وحمى القتال بينهم فلم يصبر

ناصر المبيعيج الودعاني فبعج الخطه ولحق باهل العشر لمقاتلة سبيع فقال ابن بدران بعج الخطه

ناصر المبيعيج فلتقى الطرفين وكانت الغلبه للدواسر واخذو ثارهم من سبيع ومن ضمن قتلى

سبيع ابناء واخوان وسيم العامريه التي قالت في قصيدتها . ولها اكثر من روايه


قالت وسيم العامريـه واشرفـت = عند العشي والدمع منهـا بدايـد
والله لـولا ذلـة تشمـت العـدا = وتستـر بالفرقـا كبـود غدايـد
لاعوي عوا السرحان في جرهديه = واعوي عواه بنايفـات الفرايـد
على سبعة عيال مع تسعة اخـوة = في دقل سمحين الوجيه ال زايـد
بشر غدا عند المبيعيـج ناصـر = غدا بينهم يو اختـلاف الوعايـد
يا طول ما بيتي مربٍ اللهجمـه=واليوم تذريبه ذوار النفايد

 

 

 

 

    

رد مع اقتباس
قديم 27-05-2007, 06:54 AM   #2
 
إحصائية العضو








ابو زابن المسعري غير متصل

ابو زابن المسعري will become famous soon enoughابو زابن المسعري will become famous soon enough


افتراضي رد: الـمـصاريـر وأخذ ثأرهم مـن سـبـيـع

الاخ العزيز ابو سليط بيض الله وجهك على ذكر هذه الغزوة المشهوره

وكفو بالدواسر كلهم وكفو بلاد الحبيبي

واسمحلي ان اضيف هذه التكمله

لما سمع الدواسر بالقصيدة خيروها بين الابل التي اخذت منهم

او يعطونه نخل فختارت النخل

فأصبحت تدخل حماهم في كل سنة مره وتأخذ من كل راعي نخل نخله

وتبيع مايزيد على حاجتها وتأخذ الباقي

يقول الشاعر شلعان بن ضافر رحمه الله
ومـن سوالفنـا وسيـم العامريـه=يوم صاحت صيحةٍ يصـرخ نداهـا
هـزت الـوادي وهزتنـا الحمـيـه=عقب فجعتها عطيناها جزاها

 

 

 

 

 

 

التوقيع

لاصار حظك ردي والوقت ماياوي= مناطح الروس خيرا من مصافحها
وإن لم تكن ذيب في راس الجبل عاوي= اصبحت طمعة لعاويها ونابحها

    

رد مع اقتباس
قديم 27-05-2007, 01:51 PM   #4
 
إحصائية العضو







السفاح {المسعري} غير متصل

السفاح {المسعري} is on a distinguished road


افتراضي رد: الدواسر وأخذ ثأرهم مـن سـبـيـع

أرحب يا أبو سليط ......

جعل يمينك تسلم على ايراد هذه القصة المشهورة ,,,,,,,,

وبيض الله وجهك على الموضوع الأكثر من رائع ,,,,,


ننتظر جديدك يالغالي ,,,,,

 

 

 

 

    

رد مع اقتباس
قديم 27-05-2007, 09:37 PM   #5
 
إحصائية العضو








ابو زيد الغييثي غير متصل

وسام التميز: وسام التميز - السبب: لمشاركاته المتميّزه وجهده الطيب في المنتدى
: 1

ابو زيد الغييثي is on a distinguished road


افتراضي رد: الدواسر وأخذ ثأرهم مـن سـبـيـع

هذي معركة وادي برك وهي اللي ظهر فيها شجاعة هل العشر المردف من المصارير


محبك ابو زيد الغييثي

 

 

 

 

    

رد مع اقتباس
قديم 28-05-2007, 12:55 AM   #6
 
إحصائية العضو







حمد522 غير متصل

حمد522 is on a distinguished road


افتراضي رد: الدواسر وأخذ ثأرهم مـن سـبـيـع

مشكور يأخوي وهذه اضافه بسيطه
قصيدة المبيعج ناصر عندما رفض خاله الامير عامر بن بدران ان يذهب معهم للغزو على سبيع ثم ارسل شخص يذهب يرى ماذا فعل ناصر وعندما جأه وجده ينشد هذالابيات

ياسدرة المغنى اللي على مشرع الصفا
فـي جـال مخضرجنـاب( قـرون)
بنشدك ماشفتي هل الجـود والصخـا
اللـي لهـم كـود الأمـور تـهـون
شدوا وخلونـي أجـاذب هضايمـي
تحملت مـن كثـر الغبـون أغبـون
ونيـت ونـات تحطـم لهـا الحشـا
وهلـت غزيـرات الدمـوع عيـون
أقفو وأنـا عينـي تخايـل أضعونهـم
ضعايـن قفّـت تـلاهـا أضـعـون
اقفوا هل الشيمـات يـادار وانتحـوا
الـى ويـن يـا وادي قـرون يبـون
اقفـو كمـا نـوٍ حقـوقٍ مخايـلـه
وبلـه وبـرقـه للـعـدات مـنـون
مـع البـيـدا تـبـارى اضعونـهـم
يقـودون طوعـات الرقـاب بهـون
لاكـن أرقـاب الزايديـات بالـحـن
رقـاب المهـا لولادهـن أصـفـون
يتلون نزال الخطـر مرهـب العـدى
عامـر لصعبـات الأمـور زبــون
خالـي ولا غيـره عزيـز رجيـتـه
أرجيـه رجـو الممحليـن قــرون
ان صـاح صيـاح نـذيـر لقيتـهـم
على سروج طوعات المهـار يجـون
ترعى بهم جـرد الرقـاب و تنثنـى
ولهـا صهيـل المرهفـات الـحـون
لاكن خرير الدم من ضـرب شلفهـم
كما ناضح المـا مـن عيـون شنـون
ياليتنـي معهـم علـى كـور وجنـا
ويبـرى لهـا وقـم الـربـاع ودون
مـن عقبهـم يـادار لا علـك الحيـا
ولا أخضرت بك بالسنيـن اغصـون



وبعدها لحقهم ناصر المبيعيج

 

 

 

 

 

 

التوقيع

أدخل و جرٍب و انشاء الله مارااح تندم
الرابط
http://www.shbab1.com/2minutes.htm

    

رد مع اقتباس
قديم 29-05-2007, 02:37 AM   #7
 
إحصائية العضو







مصيول غير متصل

مصيول is on a distinguished road


افتراضي رد: الدواسر وأخذ ثأرهم مـن سـبـيـع

أبو زابن ، أبو نواف ، السفاح ، ابو زيد ، حمد

لاهنتووووو على الردود وبيض الله وجيهكم

" وفعلنا يعجز التاريخ عن عده "

 

 

 

 

    

رد مع اقتباس
قديم 30-05-2007, 01:36 AM   #8
 
إحصائية العضو







الخبير غير متصل

الخبير is on a distinguished road


افتراضي رد: الدواسر وأخذ ثأرهم مـن سـبـيـع

واضيف اضافة بسيطه ومهمه لأنها اصبحة مثلا الى يومنا هذا وهي قول الأمير ابن بدران عندما قطعو منطقة برك وكان الأمير ابن بدران يتصبب منه العرق وهم في عز الشتاء وذلك لشدة لهفته على اخذ الثار من اسبيع وضاقت عليه برك وقال ( توسع يابرك )وهذه الكلمة التي اصبحت متداولة عندنا ابناء القبيلة 0

وتقبلو مني فائق التحية والأحترام

 

 

 

 

    

رد مع اقتباس
قديم 01-06-2007, 12:01 AM   #9
 
إحصائية العضو







مصيول غير متصل

مصيول is on a distinguished road


افتراضي رد: الدواسر وأخذ ثأرهم مـن سـبـيـع

الخبير لاهنت على الإضافه وبيض الله وجهك

 

 

 

 

    

رد مع اقتباس
قديم 01-06-2007, 02:53 AM   #10
 
إحصائية العضو







* بدران * غير متصل

* بدران * is on a distinguished road


افتراضي رد: الدواسر وأخذ ثأرهم مـن سـبـيـع

السلام عليكم


كفو يا جدنا يا جد البدراين ...

الله يرحمه و يغفر له..

تحياتي لك اخووي..

 

 

 

 

    

رد مع اقتباس
قديم 06-06-2007, 01:59 PM   #11
 
إحصائية العضو







ولد ودعان غير متصل

ولد ودعان is on a distinguished road


افتراضي رد: الدواسر وأخذ ثأرهم مـن سـبـيـع

لاهنت طال عمرك على هالقصه المشهووووره

والله يرحم جدني بن مبيعيج واجداد الدواسر كلهم

ولاهنت على الموضوع

اخوك ولد ودعان

 

 

 

 

    

رد مع اقتباس
قديم 07-06-2007, 03:05 AM   #12
 
إحصائية العضو







سعـد بن الأشيب غير متصل

سعـد بن الأشيب is on a distinguished road


افتراضي رد: الدواسر وأخذ ثأرهم مـن سـبـيـع

الاخ العزيز ابو سليط بيض الله وجهك على ذكر هذه الغزوة المشهوره


وتقـــبل ودي احــــترامي ::::

 

 

 

 

    

رد مع اقتباس
قديم 15-03-2008, 06:56 PM   #13
 
إحصائية العضو







طايع ربه غير متصل

طايع ربه is on a distinguished road


افتراضي رد: الدواسر وأخذ ثأرهم مـن سـبـيـع

لا هنت يا مصيول على النقل المميز

لكن ممكن سؤال : الأبل التي اخذوها سبيع لمن ؟

اللي يعرف لا يخلينا

وشكرا

 

 

 

 

    

رد مع اقتباس
قديم 16-03-2008, 02:21 PM   #15
 
إحصائية العضو







غازي المسعري غير متصل

غازي المسعري is on a distinguished road


افتراضي رد: الدواسر وأخذ ثأرهم مـن سـبـيـع

الاخ العزيز ابو سليط بيض الله وجهك على ذكر هذه الغزوة المشهوره

وكفو بالدواسر كلهم وكفو بلاد الحبيبي

تقبل تحيتي

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 21 ( الأعضاء 0 والزوار 21)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مشائخ وأعيان وأدباء وشعراء قبيلة الدواسر وبعض ضيوف القبيلة (يثنون ويشكرون) على المسابقة الشعريّة الأولى للموقع الرسمي لقبيلة الدواسر الإداره :: قسم المسابقة الشعرية السنوية للموقع الرسمي لقبيلة الدواسر :: 9 12-02-2011 10:11 PM
التغطية المصورة لحفل المسابقة الشعرية الأولى لموقع قبيلة الدواسر الرسمي الإداره :: قسم المسابقة الشعرية السنوية للموقع الرسمي لقبيلة الدواسر :: 17 11-12-2010 11:09 PM
التغطية المصوّرة لحفل إفتتاح مبرة قبيلة الدواسر الخيريّة بدولة الكويت. الإداره :: قسم اللقــاءات والفعاليات والتغطيات الخاصة:: 16 22-11-2010 09:44 AM

 


الساعة الآن 05:58 PM


Powered by vBulletin® Copyright ©2000 - 2024, Jelsoft Enterprises Ltd.
---