|
|||||||
20-10-2007, 09:09 PM
|
#1 | ||||
|
قصيدة ناصر السعيد الحباشين المسعري في الدواسر (الزايدية)
هذه قصيدة الشاعر ناصر بن عبد الله بن إبراهيم بن عثمان السعيد الحباشين المسعري الدوسري
بدينا بسم رب الأكرمينا = وهو خير البداية لا بدينا كريم يغفر الزلات عنا = إله الكون رب العالمينا إلاهي خالق كل البرية = جميع الخلق مخلوق بطينا ولا نفخر على غير المفاخر = وهو عيب على اللي فاهمينا ولكن الله اللي عز خلقه = إلى صار الفعل يوضي الجبينا كفا فخر العرب دعوة محمد = وهو خاتم جميع المرسلينا أشوف إن العرب عزي وتاجي = قبايلهم على ساس متينا واخص اللابة اللي بالمعالي = يرومون المراجل صاملينا اخص أولاد زايد عزوة لي = كرام من كرام طيبينا أسود للعدى يوم الملاقى = والى جا الضيف حنا مرحبينا وأنا قد هاضني ما قال مطلق = إلى منه نخانا وانتخينا ينادي وين شعار الدواسر = وهو يامر وحنا جاهزينا يبي يلقا من الشجعان ربع = يهدون الجبال خطل اليدينا ألا يا اولاد زايد يافخرنا = هزابير إلى منا اعتزينا ألا يا اللابة اللي من نصاهم = يفكونه من اللي غادرينا ألا يا الغزوة اللي لا تعزوت = تهز اللي سكن في طور سينا ألا ياعزوتي يا أولاد عمي = مقاديح على اللي قادحينا ألا يا العزوة اللي من غضبها = ترج القاع لين انه يلينا ألا يا العزوة اللي من سمعها = يعرف أنا عليها مقدمينا إلى منا ضربنا بالهنادي = نبيع أرواحنا لا ما شرينا نقود الخيل في وسط المغازي = ونرسي مثل ما ترسي السفينا خلقنا الله ستر للعذارى = نرد الحق بالسيف السنينا على ظهر اشهب الذيل المسلسل = مرابطنا لها حنا جنينا نقود عنانها يم الصعايب = ولا يوم عن الفزعة ثنينا يروم المرجله ليث غضنفر = ولا رام المراجل نايمينا بنينا المجد من عهد قديم = ملوك لليمن جد لابينا ملكنا باليمن ملك الجبابر = تربعنا على عرش مكينا كريمين مثل ماء السماء = شبع من جودنا اللي ممحلينا تعودنا على طبع المكارم = إلى جا الضيف نذبح له سمينا لو انك في ظلام الليل ساري = يدلك صوت نجر له رنينا تدلك ريحة البن اليماني = إلى صبت على فنجال صينا نقوم بواجب اللي قد نصونا = وهذا سلمنا وفرض علينا وحنا بالمراجل قد مشينا = على سلم الأوائل مقتدينا وأنا يوم إني امدح بالدواسر = منيب انقص حقوق الآخرينا ولكن افتخر بفعول ربعي = يشد القلب لربوعي حنينا مثل بلٍ تحانت بالمفالي = غروب الشمس في روض حسينا مجاهيم من اذواد الدواسر = عليها وسوم قوم واصلينا أنا من لابة كعم المعادي = يردون العدا بسيف شطينا مفاخرنا مثل سيل عرمرم = يشق القاع له حفر ودفينا مفاخرنا كما خيل أصيلة = إلى فكت ضعون قاطيننا مفاخرنا مثل ضلع تعلا = على الضلعان فوقه شارفينا مفاخرنا مثل روس الحيايا = تزج السم للي معتدينا مفاخرنا تعرف الناس مده = تبين فعولنا لامن غزينا مفاخرنا مثل شمس تشعشع = تبج النور للي مظلمينا مفاخرنا مثل نهر تدفق = مشا دب الدهر وسط البطينا مفاخرنا كما برق تلالا = يحط الليل نور مستبينا مفاخرنا كما ضرب الصواعق = تهز القاع واللي ساكنينا تربعنا على عرش المفاخر = كما عرش الملوك الحاكمينا خذينا المجد بافعال كثيرة = ولا تخفى على اللي فاهمينا خذينا المجد من عهد الأوائل = ولازلنا على السيرة بقينا تفرعنا من الازد ومشينا = على روس المعالي قد سمينا نصرنا دعوة محمد نبيه = وهو خير البرايا المصطفينا لنا في مأرب مجد وحضارة = جميع الناس فيها عارفينا أنا دوسر سليل المجد جدي = وهو جد الدواسر أجمعينا تسلسلنا من جدود عريبه = مثل وضح النقا للي فطينا أصول واضحة مثل الثريا = ولا تحتاج نشدة باخصينا أصول تتفق فيها البرية = ولا عنت جميع الناسبينا ولا يوم تخالفنا عليها = جميع الناس فيها شاهدينا تجلت بالتواريخ القديمة = نعرف سنودها وموثقينا ولا يثبت كلام ما يوثق = يصير الهرج في رحنا وجينا والى منك رجعتا للمصادر = يبن الحق عند الباحثينا يقوله واحد يقرا ويكتب = وأبو جده من اللي دارسينا ترى زايد له ابناءٌ كرام = صهيب وسالم اللي معتلينا وسالم له من الأبناء أربع = بنو مجدٍ على مجدٍ رزينا وهم بدران كساب الجميلة = هل الطولات والفعل المبينا بعد بدران ودعان المفاخر = تبين فعولهم لامن نخينا بعد ودعان رجبان الشجاعة = هل الفزعات لامنا نوينا ورابعهم منيع لا اعتزينا = مخاريم كعام المعتدينا بعدها صهيب من أولاد زايد = شجاع من مقام الأشجعينا لهو من جملة الأبناء خمسة = حرارٍ بالملاقا عازمينا وهو جري السعادة والمعالي = لهو ابنين أسدٌ واثبينا مساعرة الوفا والطيب شاره = يردون الغزاة المعتلينا وأنا منهم كريمين السجايا = ولا نرضى المذلة والغبينا بعده بريك رمزٍ للمكارم = حلاحيل سندنا لارمينا جري بعده يجي حسن المزايا = حسن درع النشاما الغالبينا هم الفرجان وشكرة المفاخر = مع العمار جمعٍ رادعينا بعده أولاد عيسى يا شرفنا = شرافا للنوايب محتمينا بعده أولاد موسى من صهيبٍ = حراجين الشجاعة قايدينا بعدهم غيث غيث العز كله = غيثات المكارم سابقينا يجي للقوم مقدار وهيبة = إلى صاروا قرومٍ ماضيينا وأنا ربعي لهم قدر ومكانة = على فيض المكارم شارعينا رقينا فوق هامات المعالي = وصرنا في رباها نازلينا خذينا بالمغازي كل طوله = مع ابن قويد حنا الغانمينا نقود المجد بحبال الشجاعة = نرد الصاع للي طامعينا جزاك الله يا خيل الدواسر = وشبان عليها عاسفينا جزاك الله يا خيل أصيلة = على كثر المغازي تصبيرنا صبرتي والصبر مرٍ مذاقه = على نار الملاقى تصطلينا يقودونك رجال ما تهابي = على حوض المنايا واردينا مثل ما تارد اذواد الدواسر = على أبو جفان في قيض صخينا عسى الله يحفظ رجال الكرامة = صناديد لنا درع حصينا ترى فعل الدواسر ما تغبا = يعرفونه جميع المنصفينا إلى جتنا جموع مستبدة = تصير جموعهم مثل الطحينا إلى منا نخينا أولاد زايد = تبين فعولهم والله تبينا مثل مزن نخاه البرق لحظة = وجاوبه الرعد قدح وطنينا وهم فرز الوغى عطب النواظر = ليوث للشدايد مرتكينا مثل ما يرتكي ضلع صميد = على جور الهبايب والسحينا ترانا من ليوث مستعدة = على درب الشدايد قد ضرينا لو إن الخيل تنطق والهنادي = تقول إن الدواسر طايلينا لو إن جبال نجد والجزيرة = تحرك كان تبصم ما حكينا لنا كون إلى من ثار عجه = يطيح اللي لجا بامة جنينا حمينا ديارنا من كل طامع = وردينا جميع الطامعينا غرسنا في بساتين جميلة = وحنا من قديم غارسينا غرسنا الوادي اللي تعرفونه = وغيره من ديار كالعرينا نحب ديارنا حب مبجل = لأنا في مفاليها نشينا يقوله واحد منهم وفيهم = كلامه كنه الدر الثمينا ولا يتعب على نظم القوافي = شربنا من بحرها وارتوينا ألا يا مسندي ود الرسالة = إلى ربع كرام ماجدينا تخير بالمواتر ما تريده = جديد بستمه مثل المكينا جديدة تقطع الفرجة بساعة = وكالتها عليها ضامنينا إلى منك مشيتا من جلاجل = جنوب يمتك والله يعينا على وادي الدواسر عند ربعك = بني عم لهم حنا انتمينا ألا يا مسندي بلغ سلامي = عدد ما يفطرون الصايمينا عليكم عد ما ذعذع هواها = سلام للربوع الخيرينا عليكم يا بني عمي سلامي = تحية من ليوث ضاريينا من ديار الشعيب وما اشملت به = إلى ديار القصيم الاجودينا واعم سدير والمحمل وأهلها = على الزلفي إلى الغاط احتوينا سلام وافي ضافي منقا = مثل نقد الذهب للي فطينا ترانا في مقام الجود نرسي = كما ترسي السفينة وسط مينا نهلنا من ينابيع الكرامة = مثل شرب الهيام العاطشينا جموع تعتزي بالزايدية = إلى منه دعا عضو دعينا لهم في صفحة التاريخ ما قف = عنة فعول النشاما كاتبينا لهم فعلٍ ينومس من زبنهم = ومنهم في حماهم ساكنينا يردون المشوك بالمشوك = ولا يخشون كيد الكايدينا ولا ننسى الحلوف اللي قديمة = ولا زلنا عليها ثابتينا مثل ما تثبت جموع الجزيرة = على التوحيد والعلم اليقينا مثل ما تثبت جبال رواسي = وهي مدهال قوم زابناينا وأنا قد هاضني ما هاض غيري = من الشعار وعلوم تجينا والى جاك السهم من فزعة لك = يصير الجرح بالخافق دفينا لنا ربع عزيزين علينا = لهم قدر ومقام ما بقينا لنا ربع لهم بالقلب مسكن = بنو تغلب ربوع أكرمينا مقام الجود يا عز الرفاقة = على درب الشجاعة كاسرينا لهم في قمة الأمجاد هامه = رقو في معتلاها صاعدينا إلى نالو ننال الطيب معهم = جميع المفخرة فيهم وفينا والى نلنا ينالون المفاخر = ولا تقصر يميناً عن يمينا تعاونا على كسب الجمايل = نقود خطامها رحنا أو غدينا ولو لا فعولكم يا أهل الشهامة = ومجدٍ من عصور الاولينا ولو لا الطيب والفعل المعنعن = على درب المعالي ما التقينا ولو لا طيبنا والمجد فينا = وأنا للشجاعة محتسينا وأنا بالملاقا ما نهابي = نرد الكيد للي كايدينا لما صارت يديكم في يدينا = على درب الوفا متعاهدينا جمعنا المفخرة من كل يمة = وصرنا في بحرها سابحينا واختم القاف في تالي مقالي = صلاة الله على السيد الامينا نبي دعوته يوضي قمرها = تدل الناس في دنيا ودينا عليها تجتمع كل البرية = على نهج الهدى متراحمينا القصيدة بالصوت mp3 http://www.filefactory.com/file/8bbb4b/ *** http://www.uploadhut.com/id60655/ناص...د_الزايدية.mp3 *** http://www.kazaupload.com/09ZCHNN5MC...د_الزايدية.mp3 *** http://www.myup4world.com/download6....dCB2QM5PQWhn2W *** http://up.salowkah.com/download.php?...78371d20e6.mp3 *** http://www.l5s.net/download-d269500dbe.mp3.html *** وسلامتكم
|
||||
|
|
|
|
20-10-2007, 11:16 PM
|
#2 | ||||
|
رد: قصيدة ناصر السعيد الحباشين المسعري في الدواسر (الزايدية)
ناصر الغباشين
|
||||
|
|
|
|
22-10-2007, 01:03 AM
|
#3 | ||||||
|
رد: قصيدة ناصر السعيد الحباشين المسعري في الدواسر (الزايدية)
الاخ العزيز ناصر الغباشين
|
||||||
|
|
|
|
24-10-2007, 09:36 PM
|
#4 | |||||
|
رد: قصيدة ناصر السعيد الحباشين المسعري في الدواسر (الزايدية)
اقتباس:
صح اللسانك يا ناصر يا بو فهاد مناسبتها هو بعد ان قال نابت الحقباني قصيدة المشؤمه جائت عليه الردو ومن بينها قصيد لمطلق الحصان العمار ينخى بها شعار ال زايد واستجاب له عده شعار كثر منهم ناصر المسعري ومحمد الغييثي "
|
|||||
|
|
|
|
27-10-2007, 09:51 AM
|
#5 | ||||
|
رد: قصيدة ناصر السعيد الحباشين المسعري في الدواسر (الزايدية)
لاهنت يابو زيد
وأنا قد هاضني ما هاض غيري= مـن الشعـار وعلـوم تجيـنـا
والى جاك السهم من فزعة لـك =يصير الجـرح بالخافـق دفينـا
|
||||
|
|
|
|
27-10-2007, 11:15 PM
|
#6 | ||||
|
رد: قصيدة ناصر السعيد الحباشين المسعري في الدواسر (الزايدية)
صح لسان الشاعر
|
||||
|
|
|
|
28-10-2007, 12:01 AM
|
#7 | ||||||
|
رد: قصيدة ناصر السعيد الحباشين المسعري في الدواسر (الزايدية)
الاخ ناصر الغباشين صح الله السانك واعتلا شانك
|
||||||
|
|
|
|
28-10-2007, 12:02 AM
|
#8 | ||||||
|
رد: قصيدة ناصر السعيد الحباشين المسعري في الدواسر (الزايدية)
الاخ ناصر الغباشين صح الله السانك واعتلا شانك
|
||||||
|
|
|
|
28-10-2007, 12:54 AM
|
#9 | ||||
|
رد: قصيدة ناصر السعيد الحباشين المسعري في الدواسر (الزايدية)
الأخ نايف الخييلي
|
||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| التغطية المصورة لحفل المسابقة الشعرية الأولى لموقع قبيلة الدواسر الرسمي | الإداره | :: قسم المسابقة الشعرية السنوية للموقع الرسمي لقبيلة الدواسر :: | 17 | 11-12-2010 11:09 PM |
| التغطية المصوّرة لحفل إفتتاح مبرة قبيلة الدواسر الخيريّة بدولة الكويت. | الإداره | :: قسم اللقــاءات والفعاليات والتغطيات الخاصة:: | 16 | 22-11-2010 09:44 AM |
| التغطية الـمصّورة للحـفل الثـاني لموقع الدواسر الرسمي برعاية الغرره | الإداره | :: قسم اللقــاءات والفعاليات والتغطيات الخاصة:: | 29 | 18-08-2007 06:40 PM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 07:28 PM
