العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم الـشعر العــام ::

إضافة رد
انشر الموضوع
 
أدوات الموضوع انواع عرض الموضوع
قديم 31-07-2009, 11:36 PM   #16
 
إحصائية العضو







سـ كون الليل غير متصل

سـ كون الليل is on a distinguished road


افتراضي رد: مـــن القـــــائــــل؟

اقتباس:
المشاركة الأصلية كتبت بواسطة راشد المسعري مشاهدة المشاركة
السلام عليكم ورحمة الله وبركاته:

الله يعطيك العافية يابو مطر وصراحة موضوع ممتاز ويستحق التثبيت .

وانا عندي ثلاثة ابيات اتمنى أن أعرف قائلها وتكملتها إن كان لها تكملة:


بعض المجالس دخوله مايشرفني = مجلس رخوم لجمع الهرج ملتمة
واللي بعدها يابو نايف محسفني = تلقا ولد عم يشذب في ولد عمه
يقطع حياة فابن عمي تعيفني = تردني عنه لامشي بالقدم يمه





وعليكم السلام ورحمة الله وبركاته


قصيدة الوشاية للشاعر سعد العتيبي


البارح الفكر والتفكير مصلفني
والنوم يخطيه موق العين ويخمه

انا معرب كل الناس تعرفني
مانيب خبل حياته عند صحن امه

اعسف ظروف الدهر قدام تعسفني
وابني بيوت الشعر وابدي بها القمه

مادور الشعر عند احد يسلفني
ارد بحوره علن واشرب من الجمه

واشوف في المجتمع حاجات تؤسفني
منها الظليمه ومنها الكذب والنمه

بعض المجالس دخوله مايشرفني
مجلس رخوم لجمع الحكي ملتمه

اهل الهروج الدقاقه ماتكيفني
ياليت رجالهم يخجل على دمه

واللي بعدها يابونايف محسفني
تلقى ولد عم يشذب في ولد عمه

تلعن حياة في ابن عمي تعيفني
وتردني عنه لاامشي بالقدم يمه




ودٌّ بـــلا حدْ

 

 

 

 

    

رد مع اقتباس
قديم 03-08-2009, 11:52 PM   #17
 
إحصائية العضو







راشد المسعري غير متصل

راشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud of


افتراضي رد: مـــن القـــــائــــل؟

اقتباس:
المشاركة الأصلية كتبت بواسطة سـ كون الليل مشاهدة المشاركة
وعليكم السلام ورحمة الله وبركاته


قصيدة الوشاية للشاعر سعد العتيبي


البارح الفكر والتفكير مصلفني
والنوم يخطيه موق العين ويخمه

انا معرب كل الناس تعرفني
مانيب خبل حياته عند صحن امه

اعسف ظروف الدهر قدام تعسفني
وابني بيوت الشعر وابدي بها القمه

مادور الشعر عند احد يسلفني
ارد بحوره علن واشرب من الجمه

واشوف في المجتمع حاجات تؤسفني
منها الظليمه ومنها الكذب والنمه

بعض المجالس دخوله مايشرفني
مجلس رخوم لجمع الحكي ملتمه

اهل الهروج الدقاقه ماتكيفني
ياليت رجالهم يخجل على دمه

واللي بعدها يابونايف محسفني
تلقى ولد عم يشذب في ولد عمه

تلعن حياة في ابن عمي تعيفني
وتردني عنه لاامشي بالقدم يمه




ودٌّ بـــلا حدْ


ماشاء الله ، الله يعطيك العافية ياسكون الليل والله لي مدة ادور راعي هالقصيدة وتكملتها وبحثت عنها في قوقل بس ماصار لي حظ
لاهنتي ،،،،

 

 

 

 

    

رد مع اقتباس
قديم 11-08-2009, 08:20 PM   #18
 
إحصائية العضو







عبدالكريم العماري غير متصل

وسام الدواسر الفضي: للأعضاء المميزين والنشيطين - السبب: المميزين والنشيطين
: 1

عبدالكريم العماري is on a distinguished road


افتراضي رد: مـــن القـــــائــــل؟

فيه قصيدة أوردها الباحث فايز البدراني في كتابه قصائد قديمة تنشر لأول مرة
منها هذه الأبيات

دواسر ما دنقوا للبراطل=ولا ذكر عميلهم بايقينه
على النقا ذباحة للمغاليل=وعلى الصخا جزارة للسمينة

وقائلها غير معروف سوى أن اسمه مقيبل
من هو مقيبل ؟

 

 

 

 

    

رد مع اقتباس
قديم 11-08-2009, 09:58 PM   #19
 
إحصائية العضو







دغش محمد الصخابرة غير متصل

وسام الدواسر الذهبي: للأعضاء المميزين والنشيطين - السبب: لنشاطه الكبير وجهوده الطيبه في خدمة الموقع
: 1

دغش محمد الصخابرة is on a distinguished road


افتراضي رد: مـــن القـــــائــــل؟

ارررررررحب ثم اررررحب يابومطر

بيض وجهك انت وابوسالم على هذي الفكره


واختيار موفق لهذا الموضوع

ويعطيكم العافيه ,,,والله لايهينكم

ودمتم بحفظ الرحمن

 

 

 

 

    

رد مع اقتباس
قديم 24-08-2009, 05:11 AM   #20
 
إحصائية العضو








عبدالله الحافر الغييثي غير متصل

وسام الدواسر الذهبي: للأعضاء المميزين والنشيطين - السبب: لنشاطه الملحوظ ومشاركاته المميزه بالموقع
: 1

عبدالله الحافر الغييثي is on a distinguished road


افتراضي رد: مـــن القـــــائــــل؟

اقتباس:
المشاركة الأصلية كتبت بواسطة سمي الظبي مشاهدة المشاركة
السلام عليكم ورحمه الله وبركاته

أرجو من لديه معلومات عن هذة القصيدة


المسلم اللي داز بالنذاره

يقول بي عليكم فواريع

يرصخ بنا غرس يقطع مراره

كسب لنا والا فلا أضحى ولا ابيع

من ذل دون الغرس تصلاه ناره

يعدا من الدسمة ويعطي الكراميع

من خرطم يحده لياح الفقارة

ويحده من المعيازغرب الى الريع



من قائل الابيات ؟وهل لها تكمله
ومامناسبه القصيدة ؟
ومعناها

أرجو من لديه معلومات عن هذة القصيدة

 

 

 

 

    

رد مع اقتباس
قديم 07-10-2009, 06:12 PM   #22
 
إحصائية العضو








اخو بتلا غير متصل

اخو بتلا will become famous soon enough


افتراضي رد: مـــن القـــــائــــل؟

فكره طيب من عضو اطيب منها

يعطييك العافيه

ولاإ هنت


وانا عندي يا الربع بيت ابي من يجيب القصيده وسالفة القصيده

غرس يالي كنك التين مايل بالحثر بين يام ولقحاطين كل( ن ) هايبه

 

 

 

 

    

رد مع اقتباس
قديم 07-10-2009, 10:44 PM   #23
 
إحصائية العضو








ابو زيد الغييثي غير متصل

وسام التميز: وسام التميز - السبب: لمشاركاته المتميّزه وجهده الطيب في المنتدى
: 1

ابو زيد الغييثي is on a distinguished road


افتراضي رد: مـــن القـــــائــــل؟

اقتباس:
المشاركة الأصلية كتبت بواسطة عبدالكريم العماري مشاهدة المشاركة
فيه قصيدة أوردها الباحث فايز البدراني في كتابه قصائد قديمة تنشر لأول مرة
منها هذه الأبيات

دواسر ما دنقوا للبراطل=ولا ذكر عميلهم بايقينه
على النقا ذباحة للمغاليل=وعلى الصخا جزارة للسمينة

وقائلها غير معروف سوى أن اسمه مقيبل
من هو مقيبل ؟
منقوله من مخطوطة الصويغ نشرتها مجلة المختلف في احد اعدادها بملف

( وسم ) وهي كما نشرت :-
لولا الحيا عفيت بكري عن الشيل = وفرّيت وحدي من نواحي المدينه
مافوقها الا جرم خرجي من الميل = و خماسي ٍ تشفي الغلايل ضمينه
واحثّها ، وادلج نهاري مع الليل = باغ ٍ أقرّب وصل عيني لعينه
وأفوز وأهلّي بزين التعاليل= كما يهلّي والد ٍ في جنينه
شبّيتني بين الملا تقل قنديل=وعلّقتني يم الثريا بسينه
وسمّيت حالي ياسموت الخلاخيل=واطلقت في قلبي شراع السفينه
والله لولا خوفة القال والقيل = وادرى على المجمول من شي يشينه
لاجيه بعيال ٍ غواة ٍ مداليل= بأيمانهم حدب السيوف السنينه
واشيل من جا دون ضافي البها شيل=واحرق ابي من حال بيني وبينه
من غير حقران ٍ لعيد المراميل = السابقي ورباعة ٍ تابعينه
دواســر ٍ مادنّقوا للبراطيل = ولا ذكر عميلهم بايقينه
على النقا ذبّاحة ٍ للرياجيل = وعلى الصخا جزّارة ٍ للسمينه

 

 

 

 

    

رد مع اقتباس
قديم 07-10-2009, 11:10 PM   #24
 
إحصائية العضو







عبدالكريم العماري غير متصل

وسام الدواسر الفضي: للأعضاء المميزين والنشيطين - السبب: المميزين والنشيطين
: 1

عبدالكريم العماري is on a distinguished road


افتراضي رد: مـــن القـــــائــــل؟

اقتباس:
المشاركة الأصلية كتبت بواسطة ابو زيد الغييثي مشاهدة المشاركة
منقوله من مخطوطة الصويغ نشرتها مجلة المختلف في احد اعدادها بملف

( وسم ) وهي كما نشرت :-
لولا الحيا عفيت بكري عن الشيل = وفرّيت وحدي من نواحي المدينه
مافوقها الا جرم خرجي من الميل = و خماسي ٍ تشفي الغلايل ضمينه
واحثّها ، وادلج نهاري مع الليل = باغ ٍ أقرّب وصل عيني لعينه
وأفوز وأهلّي بزين التعاليل= كما يهلّي والد ٍ في جنينه
شبّيتني بين الملا تقل قنديل=وعلّقتني يم الثريا بسينه
وسمّيت حالي ياسموت الخلاخيل=واطلقت في قلبي شراع السفينه
والله لولا خوفة القال والقيل = وادرى على المجمول من شي يشينه
لاجيه بعيال ٍ غواة ٍ مداليل= بأيمانهم حدب السيوف السنينه
واشيل من جا دون ضافي البها شيل=واحرق ابي من حال بيني وبينه
من غير حقران ٍ لعيد المراميل = السابقي ورباعة ٍ تابعينه
دواســر ٍ مادنّقوا للبراطيل = ولا ذكر عميلهم بايقينه
على النقا ذبّاحة ٍ للرياجيل = وعلى الصخا جزّارة ٍ للسمينه
أبو زيد الغييثي الله لا يهينك على الإفادة
وجزاك الله خير

 

 

 

 

    

رد مع اقتباس
قديم 02-11-2009, 10:50 AM   #25
 
إحصائية العضو







راشد المسعري غير متصل

راشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud of


افتراضي رد: مـــن القـــــائــــل؟

السلام عليكم ورحمة الله وبركاته:

باسأل عن البيت القائل :
أحب البداوة حب الجزاير للاستقلال = ومن لامني في ذمتي ماعلي منّه

انا سمعت إنه للقرقاح ولست متأكد ، ياليت من يقدر يفيدنا وهل للبيت تكملة !!!!!
وللجميع ودي وتقديري ،،،،

 

 

 

 

    

رد مع اقتباس
قديم 02-11-2009, 11:25 PM   #26
 
إحصائية العضو








ابو زيد الغييثي غير متصل

وسام التميز: وسام التميز - السبب: لمشاركاته المتميّزه وجهده الطيب في المنتدى
: 1

ابو زيد الغييثي is on a distinguished road


افتراضي رد: مـــن القـــــائــــل؟

والله لولا ضيقة الصدر ياعبيد = ما اجيك من بين العشاوين ساري

هل قائلها ابن عويد الغييثات و ماهي باقي الابيات

 

 

 

 

    

رد مع اقتباس
قديم 05-11-2009, 07:12 PM   #27
 
إحصائية العضو








برنسيسه الريــــاض غير متصل

برنسيسه الريــــاض is on a distinguished road


:e-e-5-: رد: مـــن القـــــائــــل؟

اقتباس:
المشاركة الأصلية كتبت بواسطة راشد المسعري مشاهدة المشاركة
السلام عليكم ورحمة الله وبركاته:

باسأل عن البيت القائل :
أحب البداوة حب الجزاير للاستقلال = ومن لامني في ذمتي ماعلي منّه

انا سمعت إنه للقرقاح ولست متأكد ، ياليت من يقدر يفيدنا وهل للبيت تكملة !!!!!
وللجميع ودي وتقديري ،،،،


وعلييييكم الســلاااااااام ورحمه الله وبركااتــــــــه

الأبياات لـــ\الشاعر / فلاح القرقاح القحطاني



بشـارتك منـــي يا ابلج الوجه فرحة بــال=بشـرتني والله يبــشرك بالجـنه
جـعل الوسمي اللي ذكر له في الجنوب خيال=رعـوده مـــن القبله ترازم لهـا حنه
وبـراقه بشير اهل المقانيص واهل المال=وشعاف الحزين مضري الصدر بالونه
وذكـره تساوقه النشـامى مع الفنـجال=بـقـلوب تـقـول الفـضل لله والمــنه
عسى نصوبه ليا جات كنها خشوم جبال=مـن الارض تمحى جرة القيظ والكـنه
ويسـيل مطرها وادي مبطي ما سال=ويحيي عرق عود غصنه ايبس من الشنه
اليــن العشوب تزوف لا محــزم الرجال=يجي للمسير والرعي والقنص بنـه
وعطايـا الله تربع بروض لها مدهـال=بادر نبتـته من وطية اقدامك تحنـه
وتـارد عدوود جمها اصفى من الشـلال=مورد حـيام الطرش يلقى بها ظـنه
ومتـعهد طعـام الماشيه يطرد العمـال=لا شــاف الزبائن كلهم ما دروا عنـه
تبـطي وقفته لاجـاه شاوي ولا جمال=ويعود بحمل السـكس في ساقه الدنه
بضاعتك ترجع ما حد سامها بريـال=بفضل الكـريم مفضل انسه على جنه
وتبـقى بدو شبه الجزيره على افضل حال=افقرهم للضـيف يثولث النجر ويدنــه
بيت الشعر في ايساره الهاتف الجوال=وفي ايمينه كتاب مكمل الفرض بالسنه
يسمّع لصغير عياله التوبه والأنفال=ويوضح له الإخفاء والإدغام بالغنه
في كل دار لارجـــعت من بعد الامحـال=يعـجز رسمها الفنان مهما بلغ فنه
احـب الـبدو حب الجزائر للاستقلال=ومن لامني في ذمتي ما علي منـه


تقـــــــديـــــــــــــــري

 

 

 

 

 

 

التوقيع

اللهم اغفر لنا وارحمنا برحمتـــــــــــــــــك

    

رد مع اقتباس
قديم 10-11-2009, 01:53 AM   #28
 
إحصائية العضو








متعب الصخابره غير متصل

متعب الصخابره is on a distinguished road


افتراضي رد: مـــن القـــــائــــل؟

لاهنت يابو مطر على الفكره الطيبه


عندي بيت ابي من يجيب القصيده ومن قائل الابيات




الله كريم مانوى بتهاليك.....ولانوى بفراق جال الثنيه

 

 

 

 

 

 

التوقيع

لي صار لك حيًّ من الناس تغـليه ... يربطك به غـير المودة صداقة

واخطا الطريق ولا لقى من يوريه ... درب العـدال ومايل الدرب شاقه

وش حيلتك لو صار ودك تـقـديه ؟ ... وتنظف فؤاده عن طبع الحماقه



    

رد مع اقتباس
قديم 16-11-2009, 05:53 PM   #29
 
إحصائية العضو








برنسيسه الريــــاض غير متصل

برنسيسه الريــــاض is on a distinguished road


:e-e-5-: رد: مـــن القـــــائــــل؟

اقتباس:
المشاركة الأصلية كتبت بواسطة خميس مطر الغييثي مشاهدة المشاركة
أرجو من لديه معلومات عن هذة القصيدة




محمد بن سعد ابن معجب الخييلات . رجال اشتهر بالـــكرم والسخاء وكان محله منصا للضيفان

والطرقيه . ولــه العديد من القصص في كــرمه . وكان نازل قبله ( غرب ) من الافلاج بالقرب من

الحمر . وكان بينه وبين الشيخ هذال ابو وقيان الشكره - كريم سبلاء - رفقه وصحبه

حتى انه يوم شــد ابن معجب قال هذال : كثروا على الضيفان يوم شـد الخييلي .

في يوم من الايام كان ناصى ابن معجب قريه الجنينه ويوم جاها لقا اسوارها مغلقه وهو جايها

في ليل. وكان مع اهل حموله . وينوخون ركايبهم خارج سور القريه . وهم جالسين

قال واحد من الرجال: ليتني مضيفً على قحطان .. وقال الاخر : الا ليتني والله مضيف على

سبيع. وقال الاخر : ليتني مضيفً على ابن معجب الخييلي . وهو كان يسمعهم .. وهم لايدرون

انه ابن معجب . ويقوم على ذلوله وينحرها . ويــصوت : جزور جزور . ويجمعهم وحتى اهل

الجنينه بعضهم اطلعوا ويعشيهم ويضيفهم. قال فيها قصيده ولكن لاتحضرني . وقد قال

محمد بن منصور العمور قصيده بمناسبه وقعه للخييلات وذكر فيها هالسالفه ويقول :





يوم الخييلي في الجنينه ضايف .... يبي يضيف وضافته خطارها





رهنه لسلاحه

في يوم من الايام جاه ضيوف وكان وقتها معــسر لاعنده لاحلال ولامال ويقوم ويأخذ ســلاحه

ويرهنه عشان يشتري لهم مايكرمهم ويضيفهم. وقال فيها .




يابو هميم العـازه اللـى توافـي
اخير لي من عازه عند الادنيـن

لو قلت هافي قلت زيـن ووافـي
وان قال شينٍ قلت انا عندنا زين

تفرح بنا هجنً داميات الخفافـي
انقلط لها الترحاب والجانب الزين

لاعاد ولد الاش ماهـو يشافـي
لاكرم دور السنـه حـط مديـن

يذل على مالـه يجيلـه خلافـي
حساب ربحه جعلـه الله للبيـن






وايضاً . يوم كان نازلً بالقرب من الــلحمر كان محله مزبن للقومانيه فكان من يجني

بجنايه من اهل ذيك المنطقه في وقت الامام ابن سعود يزبن شعب الخييلي . ومن زبنه

ماعاد يقدرون عليه. فــكثرت الشكاوي على ابن معجب فأرسل الامام ابن سعود سريه

لمنصوبه بالافلاج وأمر بأنه يهجم بالسريه على ابن معجب ويشحم نخله ويأتي به .

وكان واحد من اخويا منصوب الافلاج خويً لابن معجب فأنذره فقام ابن معجب فستعد لها

فلما جاته السريه نطحها هو وال هذال الشكره - كان بينه وبينهم قرابه - فكســـروا السريه

فعودوا مهزوين شر هزيمه . وقال فيــها قصيده رائعه ولكن للأسف لم استطع الحصول

الا على كم بيت منها . ويقول :




المسلم اللى داز لنـا بالنـذاره
يقول بي سريه عليكـم فواريـع

يرسخ بنا غرسً يقطع مـراره
كسبً لنا والا فلا اضحى ولاابيع

من ذل دون الغرس تصلاه ناره
يعدا من الدسمه ويعطا الكراميع

من خرطم يحده ليـاح الفقـاره
ويحده من الميعاز ... الى الريع





* خرطم:جبل بارز بين وادي الهدار ووادي الحمر
*الميعاز: اسفل وادي الحمر


منقوووووول للأفااااده


تقديـــــــــــــــــــــــــري

 

 

 

 

 

 

التوقيع

اللهم اغفر لنا وارحمنا برحمتـــــــــــــــــك

    

رد مع اقتباس
قديم 17-11-2009, 02:05 AM   #30
 
إحصائية العضو








متعب الصخابره غير متصل

متعب الصخابره is on a distinguished road


افتراضي رد: مـــن القـــــائــــل؟

أرجو من لديه معلومات عن هذة القصيدة


يادقيق الماعنق يازمانن طويل

 

 

 

 

 

 

التوقيع

لي صار لك حيًّ من الناس تغـليه ... يربطك به غـير المودة صداقة

واخطا الطريق ولا لقى من يوريه ... درب العـدال ومايل الدرب شاقه

وش حيلتك لو صار ودك تـقـديه ؟ ... وتنظف فؤاده عن طبع الحماقه



    

رد مع اقتباس
إضافة رد


الذين يشاهدون محتوى الموضوع الآن : 3 ( الأعضاء 0 والزوار 3)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 05:04 AM


Powered by vBulletin® Copyright ©2000 - 2018, Jelsoft Enterprises Ltd.
---