العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم إبداعات شعراء المنتدى ومساجلاتهم ::

إضافة رد
انشر الموضوع
 
أدوات الموضوع انواع عرض الموضوع
قديم 06-06-2016, 11:15 PM   #1
 
إحصائية العضو








فهد الغريري متصل الآن

فهد الغريري is a jewel in the roughفهد الغريري is a jewel in the roughفهد الغريري is a jewel in the rough


:t-t-5-: نخبة من شعراء الدواسر يجارون أبيات في الصداقة ( موضوع تحت التحديث)



الحمد الله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين

إخواننا أعضاء وزوّار وروّاد الموقع الرسمي لقبيلة الدواسر








(( ( الموضوع تحت التحديث)))


الشعر ديوان العرب يتفاخرون به والعرب أمه لسان فكان من أمجادهم قول الشعر: وحفظه وهو علامة فارقة في أمتهم تعز به القبيلة وتذل

وإذا كان الإسلام غير هذه الوظيفة وفتح أبواب المعرفة، فإن الشعر ظل يحتفظ بمكانة رفيعة في الإسلامية، وظل ديوانا يسجل فيه الناطقون بالعربية تراثهم وتاريخهم ويشيدون فيه بقيمهم ويخلدون به مآثرهم وأمجادهم.




وعلى هذه اخترنا لكم هذه المجارها التي تترجم الصداقه :

بعنوان

الصداقه من كم باب ونظرة شاعر :

وقد استهلها بيتين الشاعر محمد بن سالم الخضراني


علموا من غرّه الوقت وغواه السراب
ان قنع ولا فجوج البسيطه ماتضيق

من فتح باب المشاريه يبشر بالغياب
لايشّره لاقضى العمر ماحوله صدّيق


(وقد جارها نخبه من شعراء الجزاله والابداع والاخلاق من ابناء القبيلة )



من صدوف الوقت والتجربه والاغتراب
صرت اميز جوهر الناس عن لمع البريق

لو صداقات البشر بالمظاهر ، والثياب
خذت دولاب الملابس لي حزام ورفيق

لـ هادي_بن_زابن_الودعاني


بين خبرة حكمة الوقت وأبداع الشباب
نظرةٍ مع زحمة الوقت تكشف لك طريق

مير بعض الناس قربه يجيب الاكتئاب
يقطع حبال الطموحات لو انّه شقيق
.

لـ مسعود_بن_سعد المقيبلي


علمو من غرّه الوقت يرجع للصواب
ان تمادى والله انه مايلقى له طريق

لا يعاتب واحدٍ مادرس باب العتاب
ومن يقدّر ظرف غيره يحصل له شقيق


لـ شافي_بن _اشد_النتيفات


هـايفوبي صـوب الإبـداع دمثين الجناب
رغــم كـثـر الانـديه كـل نـادي لـه فـريق

رحلت الدنيا عطت كل طرقي له زهاب
ومـن عـبد لـصنام مـاحج لـلبيت العتيق

لـ جهز بن شجاع المسعري


بالرغم من قصرت الأبيات كن القاف شاب
والـسـبب أنـكـم خـذيـتو مـالـلشاعر يـليق

مـن يـبي الـفرقا مـامن دونـها قـفلٍ" وباب
ومـن يبينا عاش معنا مايشكي يوم ضيق

لـ علي خميس الحراجين


حومه اسماء نخبه الشعر من فوق السحاب
خـلت اسـمي يـعرض بـحومةٍ بـاسمي تليق

اثـــر مـــا آعــانـي يـعـانـونه اعـــزاز الـجـناب ؟
واثـر سـو الـوجه الاغـبر عـلى الـوجه الطليق

جــعـل صـيـاد الـعـجاف الـذهـاب بــدون ايــاب
ودمــت يـامـتن الـمـحامل ويـا الـسد الـعميق

ودك ان الله يــــبـــد الــقــبـيـسـة و الــــغـــراب
وتـسـلمً الـنـاس الـوصـاخات وازعــاج الـنعيق

لـ عبدالله_مرضي_الودعاني


هـكـذا الأنـسـان مـابـين خـبـره وأكـتـساب
لـيـن يـدخـل مـدرسـة حـي والله ذالـرفيق

فــي ظــلام الـليل يـفتح لـه الـحرمان بـاب
والأمل يفتح له الباب مع شمس الشريق

لـ مشيع بن فهيد الغييثات


رفقة اهل الطيب عندي مثل طش السحاب
ابــرك مــن الـطّـل والــذ مــن طـعـم الـرحـيق

وخــوةٍ مـاهـي عـلـى الـعـز يـغـشاها ضـبـاب
مـثـل لـدغـة حـيـه الـجـثن والـمـلمس رقـيق

وش لـقـو ورادة الـقـيظ مــن شـوف الـسراب
غــيـر حــلـم يـجـذب الـمـوت لـعـيون الـغـريق

نــحــتـزم بالله والاعـــمــار قـافـيـهـا الــذهــاب
الامـــــل قـــــدام وفـــجــوج ربــــي مـاتـضـيـق


لـ عبدالله_فهد_الصخابره


تـذبل اغـصون الـموده // مـعى كـثر العتاب
وترسي اكبار الهقاوي على السد العميق

مـا اسـتفادت عوج الارقاب من عوج الرقاب
بــيـن هــدات الـنـداوي..// وزرفــال الـزريـق

والـحضور الـلي تـسامى على وجه الغياب
فــي ذرى صــدق الـنـوايا وصـدرً مـا يـضيق


لـ ثقل_حسن_الشكره


شـاقـنـي قــافٍ وجــاروه دمـثـين الـجـناب
واسـبـقـوني لـلـمـعاني وكــلٍ لــه طـريـق

اشهد ان بعض المشاريه نوع من العذاب
خـص لامـن جـات مـن واحـد يـسوا فـريق

مـيـر بـعض الـناس مـاله مـشاريه وعـتاب
إن زعـــل والا رضــى مـاعـلينا لــو يـضـيق


لـ عبدالله بن محمد بن سويدالمساعره


لــلـمـجـارا جـــــات بــيـتـيـن عــبــر الــواتـسـاب
فــــي مـعـانـيـها عــذوبــه وشــاعـرهـا وثــيــق

والــعــزوم تــعـانـق الــسـحـب طــفـاح الــربـاب
والـقـصـائد ذوقــهـا الـــوزن والــوصـف الـدقـيـق

والــمــواقــف عــلـمـتـنـا الــخـطـايـا والـــصــواب
وتكشف الساس الملفق من الساس العريق

والـكـفو بـيـن الـمـطاليق يـحسب لـه حـساب
والــردي فـرقـاه تـطـفي عــن الـصـدر الـحـريق

لـ سعد_باني_المخاريم



مـع طـلوع الـشمس والجو هتاف وضباب
وعـقـب فـنجال اشـقر الـبن وبـيالة بـريق

لـلـمـجارا جـــا لـفـكـری نـحـيـه وانـجـذاب
مـثل حـر لابـرق الـريش يـرهي بـاللحيق

والـمشاعر جـا لـها داخـل الـصدر الـتهاب
تـقطف الـصافي وتـطلع علی قمة طويق

فــي سـما لـبداع تـطلع مـطاليع الـعقاب
عادتي في نظم الاشعار للجزلة عشيق

والـنـشـاما شـوقـونـي بـالابـيـات الـعـذاب
كـل مـنهم يـقصد وكـنه فـي قـلبي يويق

اسـتمع يـاصاحب الـعرف والـقلب الـلباب
لاتـــورد مـامـعك حـبـل فــي حـنـة زريــق

ولاتــخـاوي غــيـر قـــرم جــسـور مـايـهاب
والــرخـوم لـيـا بــدا لازمــك راحــو طـقـيق

الـرخـوم رخــوم عـنـد الـمـواقيف الـصعاب
لا تــصـد وجـيـه غــاره ولا فـكـت وسـيـق

مـثـل مــال مـايـزكا لــو انــه امـيـة نـصـاب
انـسـهم لــو حـدك الـوقت لـلي مـاتطيق

لــ محمد باني المخاريم



عـلمتني رحـلة العمرمضمون الكتاب
وقتنعت ان الاختبارات لاطال الطريق

والـنتيجه كـلها يـارسوب ويـانسحاب
خـلـها بـيـن احـتـمالات ولا فـالطقيق

لـ عبدلله_بن_بجاد_الغييثات


حـي مـردود الـبراء من عزيزين الجناب
كل جزل من بني اعمي أعده شقيق

كـوكبة الابـداع تشدو ب ماء لذا وطاب
كـل نـجم لـه جـماهير وأحـزاب اوفريق

ادري ان الـعمر رحـله ذهـاب بـلا ايـاب
والـمشاريه الـضعيفه لـها درب وطريق

لـ سعد_بن_جليميد الخرفاني


خوة الطيّب تبدا على الماء و الزهاب
لا يــغـرك خـوتـن جـالـها لـمـع وبـريـق

ورفقةٍ ماهيب شروى عزيزين الجناب
لا حـداك الـوقت دوّر وتـلقاهم طـقيق

لـ راشد بن مسرع المسعري


مـن رحـااب الـصدر لـو كـان باقي به رحاب
انا اشوف ان شرهة الطيب لازم تستفيق

شـرهة الاصـحاب حـبلً وثـيق / ومـايعاااب
والـصـداقه ويــش لـو مـالهاا حـبلً وثـيق

لـ محسن بن تركي آل بريك


هاض فكري والليالي مثل طعن الحراب
لـين صدري فاح من غدرها فوحةً ابريق

الـلـيالي مـدرسـه والـظـروف الـها كـتاب
وكـــم رديٍ لـلـيـالي غـــدا عــبـدٍ رقـيـق

شـرهة الـرجال يـفتح لـها تـسعين بـاب
والـــردي مـــارد قــالـه ولافـــاد الـصـديق


لـ وقيان بن فهد الصخابرة



هـيضو فـكري جـمال الـثقايل و الـصعاب
بـالبيوت الـي لها في سما العليا طريق

خوّة الطيّب تشيلك على متن السحاب
و الـضـعيّف خـوتـه مـاتسرك ي الـصديق


لـ راشد بن غانم الهوامله


شـرهـة الـطـيب تـقـيد و تـبقى فـالحساب
أٓنـشـد الـغـالي عـلامـه ؟ و لا ودي يـضيق

إن قــنـع ودي و هـــذا ســـؤال و ذا جـــواب
وإ ن زعل ! حبل الصداقة على خبرة وثيق

لـ حسن بن راشد الغريري


نـدمـح الـزله لـيا جـات مـن دمـث الـجناب
من رفيقاً في الشدايد يسمى لي رفيق

الـرفـيق الـلـي لـيا صـك جـال بـجال طـاب
فــاح مـثـل الـعود الازرق لـيا جـاه الـحريق


لـ بتال_بن_شلوان_العمور


فـي سـنع خـطلان الايمان وجهت الركاب
والمعاني في سنعهم على صدري تويق

مــن طـرق بـاب الـمشاريه مـاعين جـواب
الـبـحر مـاقـد سـمـعناه نـجـى لــه غـريـق

لـ عبدالله بن سالم المسعري

فــيـه رجـــلٍ لـوتـشره يـحـق الــه الـعـتاب
لـــه فــعـولٍ تـنـعـرف بـالـفـريق وبـالـطريق

وفيه رجلٍ لو حضر ينحسب ضمن الغياب
ولو تشره فالعذر منه .. لاجاني .. اطويق

لـ تركي بن هذال بن نيف الودعاني


خـوة الـرجال تـحميك فـي ظـهر الـغياب
خوتن يتعب لها الرجل في دورة صديق

وافــي بـطـبايعه دايـمن سـمح الـجناب
مـبـتـعد عــن الـتـشراه طـبـعن مـايـليق

إلا إن كــان أن الـخوي بـيتشره لـلعتاب
يـنـقـبـل مـعـاتـبـه بـيـنـنا حـبـلـن وثــيـق

لــ عبدالله بن شيبان النتيفات


بـيـن بـيبان الـمشاريه ومـن بـاب الـعتاب
وبـيـن تـوثـيق الـعـلاقه ومـفهوم الـصديق

غـض طـرفك وألـتفت يـم دمثيين الجناب
وأنطح الشرهات بالطيب والوجه الطليق


لـ ناهض محمد الحراجين



شـرهت الـطيب ضـريبه وطـيبه بنك ساب
شـوك بـستان الـوفا يـدمحه طيب الرحيق

كل سيف ما شكا حده من اطراف الجراب
والــردي لامــن تـشـره عـلى الـفرقا يـويق


لـ فهاد بن محمد بن شريدان الودعاني


الـصـداقه والاخــوه مـهي لـمعه سـراب
تطلب الصدر الشمالي وضلعك ياطويق

بـعض الانفس للمشاريه يثلمها الذباب
وبـعض الانفس ماتبين ولو راحت حريق

لـ محمد بن عبدالله الجماعين




ودّك إنّا فالصداقات نغلق كل باب
لين يلقى الطيّب الطيّب اللي به يليق

الرفيق اللي معك ماهو ابدمث الجناب
ولّا وش حضرة جنابه تسميّه الرفيق

لـ مسفر بن ثنيان المصارير


خـوة أهـل الـطيب تشبه زيادة الإنتداب
تـرفع الـمنسوب و تـقوي الـحبل الوثيق

مــاتــدوم إلا بـطـاعـه ويـقـفـاها الــثـواب
مـابـني لـلـه يـبـقئ عـلئ طـهر الـعقيق

والوفا مابين الأصحاب شيمه وإحتساب
سنّة ٍ عاشوا عليها هل السلم العريق

لـ صالح بن محمد الصليبي الحقباني


يــوم طــرو لـي الـصداقه تـلهمت الـجواب
كـنـي مـبـشر عـلى ذكـر مـعناها الـوثيق

الـصـداقه صــدق نـيـه ولـينه فـي الـجناب
ووقـفـةً عـنـد الـلـوازم وفـزعـه عـند ضـيق

مـاهـي بـنزوة مـصالح ولا جـلسة شـباب
ولاهــي بـضـحكات نـجّـد ولا خــوة طـريق

الـصديق الـي يـعزمك عـلى حلو الشراب
ويعترض من دون عرضك ولو ناشه حريق

ويـذكرك بـالخير دايـم ويـاصل فـي الغياب
ذاه مــن يـزهـاه ذكــر الـصـداقه والـصديق

لـ عبدالله بن سعود الصخابرة



زلـة المنعور لو كانت الشرهه حراب
لـو تـمثنت فالصدور الرحيبه ماتضيق

جعل منهو مع رفيقه محاضيبه قراب
فـدوة اللي جاذبه للوفا عرقٍ عميق

لـ فارس بن سالم الدبالين



الـعـمر رحـله وخـوة هـل الـطاله زهـاب
والـخوي تـظهر خـوافيه لاطـال الـطريق

الـمخابر تـنعرف فـي مـرض والا اغتراب
والمظاهر ماتفك النشب لو نشف ريق

لـ راشد_سفر_النتيفات


شرهة الطيب لهاعندنا باب وجواب
من ملازيم الصداقه مشاريه الصديق

الصداقه غيث وسمية ماهي سراب
مايبل الكبد من ماه لو جاله بريق

الخطاوارد ولولاه ما عرف الصواب
وشرهة الرفيق من كبر مقدار الرفيق

والردي ماله مشاريه على عزازالجناب
ان صحا والا يخلا على اطراف الطريق

خوةٍ ماهي على الطيب وصدورٍ رحاب
تنطوي صفحاتهاعند حزات المضيق

لـ ابراهيم بن محمد العامر البدارين

هـاضني طـرقً مـن طـروق دمـثين الـجناب
وكل شاعر جاب فكره على احسن مايليق

والله ان الــخـوه الـــي عــلـى بـــاب الـعـتاب
مــايـطـول عـمـرهـا لــوّهـا ١٠٠ /// رفـيـيـق

والـخـوي الــي يــدور عـلـى زلــة الاصـحـاب
مــاهـو بـكـفـو يـخـاويـنا لـــو اقـــرب صــديـق

لـ محمد_قبلان_الشرافي



الـصـديـق الــصـادق الـصـامل الـصـلب الـلـباب
مـاعـلـيـنا لــنـدغـج سـمـنـنا وســـط الـدقـيـق

ولا فـــبــنــادم اتـــــــراب ويــــرجـــع لـــلــتــراب
ومــاتـسـاوت هــامــة الــحـر والـعـبـد الـرقـيـق

الــعـبـوديـة لــغــيـر الـــولــي قــطـعـة عــــذاب
ومنزلق جرف السفاسف إلى الواد السحيق

لـ خلف بن محسن بن زمال ال بريك


من قضاء زهرة شبابه الين الرأس شاب
ما لقى له لو صديقنً على الخوه حقيق

صـاف ربـك واحـفظ الـهدي وآيـات الكتاب
لين يظهر لك صديقً على نفس الطريق

لـ مبارك بن حسن بن زمال ال بريك



الصواب الي يسمى يجي قبل الجواب
يا خوين نادرن عارفك من قبل ضيق

أن نوا يرقاء رقاء من على متن السحاب
و أنزل فوق الثريا على العالم يويق

فدوتن له صاحبن طق باب أو صك باب
الهزيله عادته له طريق و لي طريق

لـ سهل حمد الحراجين



لايحسب حساب للي مايحسب له حساب
ولايـحـمّل نـفـسه الـحـاجة الـلـي مـايطيق

لـو رفـيقه فـي الشدايد رفيقه في السناب
كـان يـمدي فـي الـشدايد يـحصل له رفيق

لـ مسلم بن فهد المصارير



(صوت قبيلة الدواسر)
منتدى قبيلة الدواسر الرسمي
www.alduwaser.org/vb

 

 

 

 

 

 

التوقيع

    

رد مع اقتباس
قديم 07-06-2016, 12:27 AM   #2
 
إحصائية العضو







دغش بن حمد بن منصور متصل الآن

دغش بن حمد بن منصور is on a distinguished road


افتراضي رد: نخبة من شعراء الدواسر يجارون أبيات في الصداقة ( موضوع تحت التحديث)


في البدايه : السلام عليكم ورحمة الله وبركاته


ابارك للجميع حلول شهر رمضان شهر الخير والاحسان والله يجعلنا من المقبولين فيه ..


واشكر اخوي / فهد على جمع هذه المجاراه لشعرائنا الجزلين .. والله يصح السنتهم على هذا الابداع

ذكرتني مجاراة الشعراء لابيات محمد بن سالم .. بمجاراه اخرى سبق وان نزلت في الموقع وشاركوا فيها نخبه من شعرائنا كذلك.. وكانت الابيات ل / مسعود بن سعد وموضوعها عن داعش ..

نتمنى ان شاء الله نشوف اكثر من مجاراه.. والله لايهينهم ويبيض وجيههم ✋🏻

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 4 ( الأعضاء 0 والزوار 4)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
التغطية المصوّرة للحفل السنوي الخامس لقبيلة الدواسر بإستضافة ورعاية الشيخ فيحان بن شجاع بن محماس بن سويلمه آل بريك حفظه الله ورعاه. الإداره :: قسم اللقــاءات والفعاليات والتغطيات الخاصة:: 39 30-04-2011 02:03 PM
التغطية المصوّرة لحفل إفتتاح مبرة قبيلة الدواسر الخيريّة بدولة الكويت. الإداره :: قسم اللقــاءات والفعاليات والتغطيات الخاصة:: 16 22-11-2010 08:44 AM
التغطية المصوّرة للحفل التكريمي لقبيلة الدواسر العريقة بمناسبة موقفها المشرّف إتجاه قضية إبنها محمد بن فهد الصخابرة الإداره :: قسم اللقــاءات والفعاليات والتغطيات الخاصة:: 12 22-02-2010 07:34 PM
التغطية المصوّرة للحفل السنوي الثالث لقبيلة الدواسر بإستضافة ورعاية حسين بن براك آل حضيري المشاوية بدولة الكويت الإداره :: قسم اللقــاءات والفعاليات والتغطيات الخاصة:: 71 03-03-2008 01:25 PM

 


الساعة الآن 02:10 AM


Powered by vBulletin® Copyright ©2000 - 2018, Jelsoft Enterprises Ltd.
---