التغطية المصورة لحفل آل شملان الحقبان لتكريم شاعر بيرق الدواسر للمسابقة الشعرية الثالثة للموقع الرسمي لقبيلة الدواسر الشاعر صالح بن محمد آل شملان الحقباني - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـخــــاصـــــة.::: > :: قسم اللقــاءات والفعاليات والتغطيات الخاصة::

إضافة رد
انشر الموضوع
 
أدوات الموضوع انواع عرض الموضوع
قديم 27-10-2013, 06:35 PM   #1
 
إحصائية العضو







الإداره غير متصل

الإداره is on a distinguished road


افتراضي التغطية المصورة لحفل آل شملان الحقبان لتكريم شاعر بيرق الدواسر للمسابقة الشعرية الثالثة للموقع الرسمي لقبيلة الدواسر الشاعر صالح بن محمد آل شملان الحقباني




الحمد لله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين

إخواننا أعضاء وزوّار ومرتادي الموقع الرسمي لقبيلة الدواسر




أعدّ التقرير

عضو مجلس إدارة الموقع الأستاذ فهد بن هادي الغريري


قام بالتقاط الصور

عضو الموقع : هادي بن فهد الغريري









صالح طويل ذراع راعي جمايل=دين وفاء واخلاق شاعر واديبي
ومن روس قوم" يحتمون الدبايل=حقبان ﻻ نادى منادى الحريبي
ونعم ﻻ عدو كبار الحمايل=الطيب دايم عندهم مايغيبي
ونعم ﻻ جو يدفعون الرحايل=حدتهم الفاقه وبرد" ظريبي
معزبهم ابن عياض للحمل شايل=الجود له غارم وهو له نسيبي
ونعم ﻻ ركبوا ظهور الاصايل=يثنون عند مﻻفخات السبيبي
دواسر" ﻻ صار وقت الصمايل=اهل العصاء والوسم ماله طليبي


يتناوب الرجال على فعل الكرم والطيب ويتسابقون في ذلك من باب التنافس الشريف ومن باب لم الشمل وتجديد الولاء والطاعة والمحبة في ظل القيادة الحكيمة ،ومن باب الإخاء بين القبيلة وفي ليلة فريدة وفي تجمع عـز وطاعة وفي لقاء أنس ومحبة ومن على جنبات محافظة الاحساء ، في جو أخوي زاد من جماله ذلك التجمع الرائع بين أبناء قبيلة الدواســـر. وفي صورة زاهية لمدى تفاعل قبيلة الدواسر العريقة مع بروز وإنجازات أبنائه في شتى المجالات وفي بادرة كريمة اقام آل شملان الحقبان حفل لتكريم شاعر بيرق الدواسر للمسابقة الشعرية الثالثة للموقع الرسمي لقبيلة الدواسر .الشاعر صالح بن محمد آل شملان الحقباني. وذلك بعد حصولة على بيرق الدواسر حينما ابدع في قصيدة التي امتلأت بالوطنية وحب الوطن وبما تتميز به المملكة العربية السعودية بالأمن والأمان وبأبيات اتسمت بالجزالة وقوة المعنى التي ابهرت الجميع.



الشاعر صالح بن محمد آل شملان الحقباني.












من اليمين الشيخ ناجي بن جفيران الحقباني وبجانبة الشيخ فيحان بن شجاع بن سويلمة


من اليمين الشيخ متعب بن محماس الهواشلة وبجانبة الشيخ محمد بن مشيع الحقباني




من اليسار رجال الاعمال مشبب بن فياض الحراجين وبجانبة عضو المجلس البلدي بالمنطقة الشرقيه الاستاذ فالح بن راجس الشرافا


من اليمين الشيخ هذال بن علي آل بريك



من اليسار الشاعر نايف بن مسرع


في المنتصف الشاعر محمد بن محسن بن حشفل الخضراني وبجانبة الشاعر ماجد بن جفيران الحقباني


من السيار عبدالله بن موافق الحقباني وبجانبة هذال الحقباني


من اليمين الشيخ فيصل بن محمد بن ملحم الحراجين وبجانبة محمد بن عامر الحقباني


في المنتصف الشيخ سعد بن مسفر بن طاقان


الشاعر والاعلامي عبدالعزيز الدلبحي



في المنتصف عبدالله بن نقيزان الحقباني


من اليمين شبيب بن حليس الخييلات وبجانبة الشاعر مرزوق بن حليس الخييلات وبجانبة متعب الخييلات


موافق الحقباني

فـقـرات الحـفـل


الأستاذ راشد بن حماد الغريري


إنطلقت فعاليات الحفل المنبري عند وصول جميع الضيوف التي قدمها الأعلامي المتميز الأستاذ راشد بن حماد الغريري وقد بدأ الحفل بآي من الذكر الحكيم تلاها محسن بن محمد آل شملان الحقباني



محسن بن محمد آل شملان الحقباني


عامر بن محسن آل شملان الحقباني

بعدها ألقى عامر بن محسن آل شملان الحقباني كلمة رحب فيها بــ شيوخ ووجها قبيلة الدواسر والقبائل الاخرى الذين اتوا من كل مكان للمشاركة بهذى الحفل الكبير.


الأستاذ راشد بن محسن المسعري ي عضو مجلس إدارة الموقع الرسمي لقبيلة الدواسر يلقي كلمة الموقع الرسمي لقبيلة الدواسر

وبعدها إعتلى المنصة الأستاذ راشد بن محسن المسعري عضو مجلس إدارة الموقع الرسمي للقبيلة حيث ألقى كلمة نيابة ًعن مجلس إدارة الموقع الرسمي لقبيلة الدواسر :




لأن مثل هذه المناسبات لابد لـ الشعر أن يكون له حضوراً ، ولأن مثل هذه المواقف العظمى لابد أن تسجل وتدوّن بأبيات القصيدة . إستهل الشاعر عبدالله بن صالح الصليبي آل شملان الحقباني



الشاعر عبدالله بن صالح الصليبي آل شملان الحقباني


هاجسي بالشعر عطني من جزيل بحوره=بالجزاله دايمٍ يا هاجسي تتّسْمي

وقفةٍ ما هيب لرجال الصخا مذخوره=ما تمثّلني و لو جتني بوجهٍ بسْمي

يالسّرايا لك سرا المعنى بصوت و صوره=كلّ شاعر يطلبك قسمه و هذا قسمي

جاك ابن شملان بالبيرق و صدق شعوره=صفّقي له يالسّرايا و افرحي و ابتسْمي

ابو محمّد وريث الشّعر يا جمهوره=من صليب الصوت قيفانٍ رسمها رسْمي

نحتفي باللي حضر و مقدّرين حضوره=كل قرمٍ جاء يشاركنا بروح و جِسْمي

يا سلامَ الله سلامٍ رايته منشوره=من ضميري يعتلي عالي سماه و يسمي

مرحباً ترحيبةٍ لأهل الوفاء ممهوره=طيبها من مسكٍ و عنبر و عودٍ مسْمي

مرحبا و اعداد ما شعّ الصباح بنوره=او عدد ما لاح برّاقٍ و طاح الوْسمي

عند صبيان العياضي عزوةٍ مشهوره=كل منهم في المواقف له قرارٍ حسْمي

ربعي الحقبان في كسْب الثّنا ماموره=تكرِم العاني و تذرِي الواني و ينَّسْمي

و الدّواسر هم هل العادات قُدْم عصوره=تغلب و زايد يا مالَ العزّ يا ذا الإسْمي

لابةٍ وقت الّلقاء عدوانها مدحوره=و يدْسمون الشّارب اللي تستحقّ الدّسْمي

من سوانا في القبايل ياسم الباكوره=دون نقصٍ في القبايل جارنا له وسْمي

نًعرف بخطلان الايدي حكمةٍ ماثوره=بأسنا باسٍ شديد و صفّ ما ينْقَسْمي

تحت حكم اخوان نوره أمّةٍ منصوره=هم ملاذ الديره اللي جوّها منعَسمْي
و الوطن نفداه لا جات الدّماء منثوره=نِرخِص الارواح لا حلّ الزّمان الجَسْمي

و الشكر بعد الوليّ للّي جليٍّ دوره=اشهد انّه للدّواسر (منتداها الرّسمي)




الشاعر باني بن فايز السبيعي


ثم ألقى الشاعر باني بن فايز السبيعي قصيدةً بهذا الحفل
، حيث يقول في قصيدته :




ابدي بذكر الله منشي المخايل=الخالق اللي فوق خلقه رقيبي
اللي رفع سبع" عظام" هوايل=وجميع مافالكون له يستجيبي
تستاهل البيرق ومركز الاوايل=يالتغلبي يالدوسري يالصليبي
فيك الكرم والدين وبدع المثايل=ومسندن راسك ومجناك طيبي
واقولها واقولها انت طايل =وﻻ من خذيت الفوز ماهو غريبي
صالح طويل ذراع راعي جمايل=دين وفاء واخﻻق شاعر واديبي
ومن روس قوم" يحتمون الدبايل=حقبان ﻻ نادى منادى الحريبي
ونعم ﻻ عدو كبار الحمايل=الطيب دايم عندهم مايغيبي
ونعم ﻻ جو يدفعون الرحايل=حدتهم الفاقه وبرد" ظريبي
معزبهم ابن عياض للحمل شايل=الجود له غارم وهو له نسيبي
ونعم ﻻ ركبوا ظهور الاصايل=يثنون عند مﻻفخات السبيبي
دواسر" ﻻ صار وقت الصمايل=اهل العصاء والوسم ماله طليبي
امدح رجال عظام وعندي دﻻيل=وتاريخهم وسط الجزيره يجيبي
من شاعر الغلبا عراب السﻻيل=من سبيع ابن عامر عزيز" عريبي
من قيس ابن عيلان ﻻ سال سايل=من مظر من عدنان اصلن نجيبي
من غير قاصر في جميع القبايل=كلن يزيد الكيل مافيه عيبي
وحق الوطن نحميه بكل الوسايل=نحمي ترابه من بعيد وقريبي
من دون حده نحتدي كل عايل=نارد على حياض الوغاء مانهيبي
وﻻ عندنا فاللي يصيح القوايل=غره بليس وصار جرحه عطيبي
حنا بنعمة خير ماله مثايل=يالله عساها دايمه ماتشيبي
في ظل ابو متعب والعقال مايل=ميل عقالك وانسدح فالشعيبي
ظل" ظليل" مانبيله بدايل=امن وامان وحكم شرع الحبيبي
وصلوا على المبعوث بختم الرسايل=وآله ومن جا في زمانه صحيبي




الشاعر سعيد بن حويل آل رشيد


ثم ألقى الشاعرسعيد بن حويل آل رشيد قصيدةً بهذا الحفل بداها بــ ثلاث ابيات ومن ثم قصيده في الدواسر.حيث يقول في قصيدته :


يالدواسر في حفل تكريم صالح=بيض الله وجيهكم ما لاح بارق
شاعر وجه مع الشعار فالح= فارقٍ في المرجله والشعر فارق
وانتوا اللي من قبل وقت المصالح= في ظهور الجيش فزتوا بالبيارق




قرايح الشعر ماموره ومنهيه=حسب القوانين نامرها وننهاها

ماهي بتهمل ولا تاتي مزاجيه=تحدد اهدافها ويصاغ معناها

ولاهي مجرد وزن مبنى وقافيه =وابيات قصاد سواها وغناها

على شموخ الوفا والعز مبنيه =سيسانها الطيب والامجاد مبناها

وان جت تراكيبها ماهي بعاديه=تشهر وتفخر بماردها ومنصاها

بسم مطانيخ قومٍ نارها حيه=يام العريضه من اقصاها الى اقصاها

على اعداها قنابل حرب ذريه=وبين الاسامي الشهيره تعرف اسماها

وعلى اصدقاها عسل سدرٍ وبريه=وصفا من الشاش الابيض في نواياها

سلام ياهيبة الاسماء الكباريه=ياقمة امجادها واعظم دهاياها

سلام ياذات جاه وذات اهميه=قومٍ على المرجله تشعب مطاياها

تتعب على النعم والروس انتحاريه=ايلين خاوت نعم والنعم خاواها

ماجات الامجاد والامداح عاريه=برخاصها الاحمرين وطيب مجناها

تارد على الموت لامن كبرت الهيه=واتطب في سوقها لاغلي مشراها

دواسرٍ اسمها لطيب ماريه=واصعب سلوم القبايل من مزاياها

تاسم عصا الجار عزم وكبر جاهيه=وطناخةٍ تمن البل في مفلّاها

من عادها راس رمح وحد جنبيه= تمن دخيل الوجيه ان لاذ بحماها

وبن مطرّف وقصته البطوليه=اكبر دليلٍ اليا منا ذكرناها

ما زبنه غير ممّنة الجلاويه=وسلطان الاشراف بجيوشه تحداها

ونطحوه فوق الرمك مثل النداويه=الاد دوسر تغير وتكسر اعداها

لين اكسروه المطانيخ الفداويه=وحالت على جارها والخصم خلاها

ذولا هل الجود ف ايام المعسريه=يوم القبايل شديد الفقر يلحاها

مثلوثة الضيف مربوعه ومثنيه =ضيفان خطلان الايدي تثني قراها

كفوفهم بالعطا دايم رهاويه=ارها من النوه اللي نثرت ماها

اهل البيارق قبل حكم السعوديه=واهل فعولٍ بنبطي ماحصرناها

ومدحٍ مايثبت بدلته الحقيقيه=احلام لاصحي راعيها مايلقاها

واليوم توجد شواهد مجد عصريه=وشهودها يام والحقبان مبداها

قصة بطوله وعزم وقو شخصيه=وهذال بن راشد الوافي تبناها

اللي عفا عن ولد جاره شهاميه=يوم ابتلت جاره الدنيا بلواها

جاه الخبر في طريقه وعقد النيه=وابناه بالعفو علمها وصاها

البيض له في حجا المزموم مبنيه=ولدواسر من اقصا يام وادناها

يالاد دوسر بنشرها علانيه=ونعلن الكلمه الحره ونحماها

ما مثلكم في حقوق الجار موليه =فوق البسيطه من ارجاها الى ارجاها



الشاعر علي بن محسن الغيثاني المري

ثم ألقى الشاعر علي بن محسن الغيثاني المري قصيدةً بهذا الحفل :



الشاعر ماجد بن جفيران الحقباني


ثم ألقى الشاعر ماجد بن جفيران الحقباني قصيدةً بهذا الحفل ، حيث يقول في قصيدته :


نافدا اللي دايماً يكسب الفعل الجميل = كاسبٍ كل المراجل وهو كفوٍ لها
نظرته عليا ولاهوب يرضى بالقليل = هامته من عادته لازمٍ ياصل لها
صالح ابن محمد ياعسى عمره طويل = فوزه ينومس جميع القبيله كلها
كاملٍ بالمرجله وان هرج هرجه دليل = والمراكز الاوله عادته يحتلها
في القوافي عادته لا يعيل ولا يميل = تعجبك قيفانها يعجبك في هلها
في المنصه لاوقف ماتغير مستحيل = كل صعبات القوافي لزوم يحلها
الصليبي لاشهر كنه السيف الصقيل = يالصليبي سلها يالصليبي سلها
بين جدان وخوالٍ لهم لهم فعلٍ جليل = كل منهم جود المرجله ويتلها
ريف هشال الخلا والمسير والنزيل = جدك اللي ارتكى للحمو وشلها
في زمانٍ فيه سباع الخلا تعول عويل = كم صبيٍ في زمانه غدى عشاً لها
شل دين ابن نهج واحتمل حملٍ ثقيل = والديون اشتلها دقها مع جلها
يشهد التاريخ بافعالكم في كل جيل = من قرا سيراتكم في الكتب ماملها
ختمها بطلب جزيل العطا منشي المخيل = ان يعز الدوله اللي نعيش بظلها





الشاعر مشيع بن فهيد الغييثات


ثم ألقى الشاعر مشيع بن فهيد الغييثات قصيدةً بهذا الحفل
، حيث يقول في قصيدته :




يالله ياللي بيدك المد والعون=عني وعاوني ليا قل عوني

عني وعاوني ترا الفكر مشطون=يافزعتي كان العباد اتركووووني

أسهر واسامر نجمةٍ في سما الكون=وأشوح لنجوم الثريا عيوني

واستدرج العذبات بالهون بالهون=اللي عسيرٍ نيلها ماتهوني

واليا غدت في ليلةٍ مالها عيون=غرست باطراف الشفايف سنوني

انا الذي بمجنن الصيد مجنون=مجنون والعسرات سبة اجنوني

الله على العليا ولا نظرة الدون=حي الرفاع ولا انحناي المتوني

قم شغّل ولف الدركسون=يم الرفيق وربعه اللي دعوني

شرّق مع خطوط الحسا وانت ممنون=قبل مغيب الشمس دونه ودوني

خله يغني للطواريق بلحون=على شجون الليل هاضت شجوني

وعلى صليب الصوت دق التليفون=وقله تراني فالطريق أحتروني

متنصيٍ ربعي وربعي يهلون=أسعد لقا هذا اللقا واسعدوني

حضرت اهنيكم عساكم تهنوون=بألذ واحلى فرحةٍ تهتنوني

صالح من أغلى الناس ويمون وأمون=وال الصليبي لا بغوني لقوووني

وأهل الوفا من طبعهم ما يصدون =عن وقفة الواجب ولا يتقوني

لاد العياضي فالمواجيب يرهون=امبركين الحيل فوق الصحوني

اهل الوفا والعز وابليس ملعون=في موقفٍ فيه اختلاف الظنوني

وحنا على الحد الشمالي لكم عون=لو ضاقت الدنيا تضيق وتهوني

فينا مصخرةٍ القوافي يغنووون=يوم الضعون تساق على الضعوني

نفخر ويفخر بالفخر كل دندون=وارفع بعال الصوت فالمكرفوني

حنا الدواسر لاطغا رأس فرعون=روس الحراب موسعين الطعوني



الشاعرذيب بن راشد بن ذيب العجمي


ثم ألقى الشاعر ذيب بن راشد بن ذيب العجمي قصيدةً بهذا الحفل :



الشاعر والاعلامي محسن بن عبدالله بن الحميدي الحقباني



ثم ألقى الشاعر والاعلامي محسن بن عبدالله بن الحميدي الحقباني
قصيدةً بهذا الحفل ، حيث يقول في قصيدته :



من هجوس الشاعر اللي من ورا العارض تعنا=السلام ومرحبا في مبتدانا بالكلامي

مرحبا من خاطر اللي عن لزومه ماتونا=شاعرمن دون ربعه لاوقف مس الحزامي

مرحبا ياضيوف حفلتنا تراحيب اتثناء =عد مالاحت ابروق الوسم في عرض الغمامي

ريحها الجاوي وريح المسك مع هيل وبناء=بالنيابه عن بني عمي رفيعين المقامي

عيدكم مبروك ياربعي عسا يقبل عملنا=ياعسا ربي يعيده بالفرح في كل عامي

يال شملان اجتمعنا لجلكم منا ومنا=ماجذبنا الاغلاكم يوم طير العز حامي

اجتمعنا في حفل تكريم صالح واحتفلنا=بالعديم اللي جذبه الطيب من خال وعمامي

نحتفل باللي علومه بالمواقف نومسنا=نفتخربك ونتنومس فيك يالحر القطامي

شاعر يعسف عسير القاف لاهندب وغنا=ياخذالبيرق على الشعار والميقاف حامي

الصليبي جاك بالبيرق ولا خيب املنا=بيرق باسم الدواسر والوطن اكبر وسامي

يادواسر ياكواسر بالفخر رفرف علمنا=ليلة فيها اجتمعنا نورها جلا الظلامي

الدواسر لابتي تاج الفخر زبن المجنا=تغلب وزايد يكبر الاسم من بين الاسامي

سلمنا ناسم عصا اللي من عنا بقعاء زبنا=في ذرى خطلان ليدي باذن ربي مايضامي

حن هل العادات والوقفات والسيف المحنا=لاختلط عج السبايا فعلنا يحمى الجهامي

يوم دقلات القبايل بالهنادي لادقلنا=نارد احياض المنايا ورده اعطاش احيامي

نحمي العطفه نهار الكون ونقيد جملنا=صيدنا الشيخان واهل الجوخ في يوم الزحامي

تعقل الجهال في يوم الدبايل لاجهلنا=عقب ضرب امصقل لامن هوى قص العظامي

من جهل فعل الدواسر يسئل التاريخ عنا=نحمد الله قسمنا بين العرب راس السنامي

ثم شهر صقر الجزيره والقبايل عاهدنا=الحكم لله ثم العبدالعزيز ابن الامامي

عقبها ساد الامن الله يديمه في وطنا=تحت حكم ال السعود انعيش في خير وسلامي

والسلام اختام ماغصن من الغربي تثنا=وافر التقدير ياربعي وشكري واحترامي



الشاعر مطرف بن شارع الحراجين

ثم ألقى الشاعر مطرف بن شارع الحراجين قصيدةً بهذا الحفل
، حيث يقول في قصيدته :



القوافي ساقها صفق الهبايب=يا هجوسي كل نادر حضريبه

انتشت بي و استهلت بي سحايب=لين صدري فاض من مجرى شعيبه

عن طواريق الشعر مانيب تايب=لو يتوب أبليس في مكه و طيبه

شاعرٍ موهوب و أعشق الصعايب=و اتباشر كل ماشفت الصعيبه

حاضر اسمي في الشعر ماهوب غايب=و الفعل قدم الرياجيل تحكي به

من عصب راسه ليا جوه الندايب=الرجال ابتعتصب لا جاء نديبه

لجل راع الاوله سقت الركايب=شاعرٍ ما يلحقه شكه و ريبه

يومها بصامخ رجال و طلايب=و كل فارس ل اعتزا صاب الضريبه

كلها لعيون مجدول الذوايب=دونها الفرّيس كلٍ طرّ جيبه

يوم شافت فعل صالح في الحرايب=اطمحت صوبه و قامت تعتزيبه

عادةٍ و عهود يا عطب الضرايب=أشهدٍ ماهيب يا صالح غريبه

وأنت من قومٍ يفكون النشايب=عزوةٍ ال شملان ماترضى الغليبه

لا اعتلو فوق الاصايل و النجايب=و الله ان يسمح طليبٍ من طليبه

كم عقيدٍ ركّزو فوقه نصايب=بالسيوف اللي مضاربها عطيبه

المصايب مالها غير المصايب=والصبي فيكم ليا وقف مصيبه

من تعزوا بالعياضي في النوايب=يبشر بعزٍ على الدنيا و هيبه

نوم عيني يا مفرجة الكرايب=كل عزٍ ماخذينه باالغصيبه

و قعكم ما ينجهل و الضرب صايب=ترثة الحقبان سيفٍ ينغزيبه

وانا من قومٍ على الطاغي عقايب=و العدا في نومها ما تهتنيبه

يوم كلٍ عيشته غصب و نهايب=الحريجي لاعوا ذيبٍ لذيبه

ولابتي من فعلها الهاجوس طايب=الدواسر ويل من صارو حريبه

يكسبون الطايله و اللاش خايب=و ينطحون الغايره و الكذب خيبه

كان للتاريخ و العليا ضرايب=للدواسر تدفع العليا ضريبه

كم كسرنا من جموع و من كتايب=لا زِهم في جدنا و انّا كتيبه

و عودنا يوم اللقا ماهوب شايب=يفرق الطابور ما كنّه ب شيبه

و صبينا لا ولّعت نار و لهايب=ذيب ضلعٍ يرهب الغازي قنيبه

لا انتوخر في الحقوق ولا انترايب=البعيده لا بغيناها قريبه

وجارنا حقه مثل حق القرايب=سلمنا اللي نحتميه و نعتنيبه

و الكرم من ربنا جزل الوهايب=الفقارى من عطانا تغتنيبه

لا عجايب يا الدواسر لا عجايب=و الادمي ربه على قوله حسيبه

ومن جحد فعل الرجال يروح هايب=كل قومٍ فيه فعلٍ ترتقيبه

ما التفتنا صوب ملعون الصلايب=ان حضر ولاّ تغيّب ما دريبه



الشاعر نابت بن حسن الحقباني


ثم ألقى الشاعر نابت بن حسن الحقباني قصيدةً بهذا الحفل :




المنشد سعد بن فراج الخييلي


ثم كان هناك حضور مميز لصاحب الصوت الشجي
المنشد سعد بن فراج الخييلي


الشاعر سلطان بن سالم بن عجب الحقباني


ثم ألقى الشاعر سلطان بن سالم بن عجب الحقباني قصيدةً بهذا الحفل :
حيث يقول في قصيدته :




بديت بأسمك يا رجاء كل مضلوم=لا جاء نهار فيه حق وعداله

انك توفقنا على خير مقسوم=وتدلنا بهداك درب السهاله

من بعدها يا هاجسي حارب النوم=جالك من المنعور خط ورساله

ذرب اليمين اللي على القوم زيموم=اليا عطا يمناه تجهل شماله

خضت التنافس مع بني عم وقروم=كلن يقدم من قصيده جزاله

كان الهدف معروف للكل معلوم=بيرق شرف مرفوع للي يناله

قلته..وانا صالح ولد سيد القوم=ترى الهدف محفوظ للي سعى له

اسرجت خيلك يافزع كل مضيوم=بأسم القبيله والتحدي بساله

حقبان لا منه زمى كل مزموم=بفعالنا كلن يدرس عياله

حنا فرج من يشكي الضيق مهموم=لا جاء نهار فيه عقل وجهاله




الشاعر:عبدالاله بن عامر بن انقيزان الحقباني


ثم ألقى الشاعر عبدالاله بن عامر بن انقيزان الحقباني قصيدةً بهذا الحفل
، حيث يقول في قصيدته :




لشعر وقفه في لزوم اهل الوفا والغانمين =والشاعر الشاعر يجيب اللي قليل اشكالها
يمرحبا ترحيبتن قلدتها درن ثمين = والعود الازرق والنفل والطيب كله فالها
ويمرحبن في مرحبن اعداد ماهل الغشين =واعداد ما لاحت ابروقن في عروض خيالها

يامرحبا في حفلنا يامرحبا بالحاضرين = يامرحبا عد النجوم وعد هل اهلالها
جينا نرحب بالنشاما الوله ومباركين=بالرايه اللي كل رجلن يفتخر لاشالها
ويستاهل البيرق صميدع شاعرن وقعه يبين =ابومحمد كفو يوم انه بغاها نالها
ويمرحبا في حفلنا في حفل ذربين اليمين =في حفل صبيان العياضي والسعد يبرالها

وان جا الكرم حزنا الكرم تشهد لنا غبر السنين =يوم العرب تشكي من الدنيا وقل اموالها
الضيف حقه لا لفى حقه من الحيل السمين =والعود الازرق والنشاما دارجن فنجالها

وحنا بني تغلب وتغلب من قديمن الاولين =امشرفن تاريخها ومعرفين ابطالها

ولاد زايد درعنا لاصار ديان ومدين =يوم اللقا ترسي كما ترسي رواسي جبالها

دواسرن سقم العدا وتلين اللي مايلين= دواسرن مثل الجبال اللي يضل ضلالها
وباقي القبايل نعم بفعول الرجال الطيبين =عقب صبين يحقر العالم وطيب افعالها
وختامها صلوا على خير البشر والمرسلين =محمدن شفيعنا يوم الحشر واهوالها




الشاعر فالح بن تميم الخييلي

ثم ألقى الشاعر فالح بن تميم الخييلات قصيدةً بهذا الحفل :


_____________________________________________

قام بعدها الشاعر صالح بن محمد الصليبي آل شملان الحقباني بتكريم
الداعمين ولجنة التحكيم للمسابقة الشعرية الثالثة للموقع الرسمي لقبيلة الدواسر الرسمي تحت عنوان (( نعمة الأمن)) وهم:

((الشيخ فيحان بن شجاع بن سويلمه آل بريك ، والشيخ فهد بن فريج بن راشد الشكرة ، الشيخ يوسف بن احمد الدموخ وإخوانه والشيخ راجس بن نبجان الشرافا و رجل الاعمال/ مشبب بن فياض الحراجين والشيخ / سلمان بن حمود الهدلاء الشيخ عبدالله بن حصوان بن قويد و الشيخ سعد بن مبارك بن قرنين الشيخ عبدالعزيز الحسين الودعاني والشيخ حمد بن حسين المسعري والشيخ هذال بن علي سيف ال بريك والشاعر نايف بن مسرع))




تكريم الشيخ فيحان بن شجاع بن سويلمة


تكريم الشيخ راجس بن نبجان الشرافاء. يستلمه نيابتاً عنه ابنه عضو المجلس البلدي الاستاذ فالح بن راجس الشرافاء


تكريم عضو المجلس البلدي الاستاذ فالح بن راجس الشرافاء


تكريم رجال الاعمال مشبب بن فياض الحراجين


تكريم الشيخ هذال بن علي آل بريك


تكريم الشاعر والاعلامي نايف بن مسرع


________________________________________

تكريم لجنة التحكيم للمسابقة الشعرية الثالثة للموقع الرسمي لقبيلة الدواسر الرسمي تحت عنوان (( نعمة الأمن)) وهم:

الشاعرسلطان بن سعيدان القحطاني والشاعر عبدالعزيز الدلبحي و الشاعر على بن نايف الغامدي


تكريم الشاعر والاعلامي عبدالعزيز الدلبحي


____________________________________

تكريم إدارة لموقع الرسمي لقبيلة الدواسر المشرفين على المسابقة الشعرية الثالثة للموقع الرسمي لقبيلة الدواسر الرسمي تحت عنوان (( نعمة الأمن)) وهم:
عضو مجلس إدارة الموقع الأستاذ فهد بن هادي الغريري
عضو مجلس إدارة الموقع الأستاذ راشد بن محسن المسعري



تكريم عضو مجلس إدارة الموقع الأستاذ فهد بن هادي الغريري


تكريم عضو مجلس إدارة الموقع الأستاذ راشد بن محسن المسعري

__________________________________________

من ثم جاء تكريم احد شعراء قبيلة الدواسر الكبار محمد بن محسن بن حشفل الخضراني وذالك لطرح فكرة( نعمة الامن) للمسابقة الشعرية الثالثة لموقع قبيلة الدواسر الرسمي


تكريم الاعلامي المتيز الاستاذ حنيان بن مبارك المسعري. يستلمها نيابتاً عنه شعلان بن سعد بن مسرع


تكريم الشاعر محمد بن محسن بن حشفل الخضراني

من ثم جاء تكريم احد الجهات الاعلامي البارزه في لمسابقة الشعرية الثالثة لموقع قبيلة الدواسر الرسمي الاعلامي محسن بن عبدالله الحقباني


تكريم الاعلامي محسن بن عبدالله الحقباني




تكريم مقدم الحفل الاستاذ راشد بن حماد الغريري ويستلمه نيابتاً عنه
هادي بن فهد الغريري
__________________________________________

من ثم جاء تكريم الشعراء المشاركين بـــ الحفل


تكريم الشاعر باني بن فايز السبيعي


تكريم الشاعر سعيد بن حويل آل رشيد


تكريم الشاعر على بن محسن المري


تكريم الشاعرذيب بن راشد بن ذيب العجمي


تكريم الشاعر مشيع بن فهيد الغييثات


تكريم الشاعر ماجد بن جفيران الحقباني


تكريم الشاعر مطرف بن شارع الحراجين


تكريم الشاعر نابت بن حسن الحقباني


تكريم الشاعرعبدالاله بن عامر بن انقيزان الحقباني


تكريم الشاعرسلطان بن سالم بن عجب الحقباني


تكريم الشاعر عبدالله بن صالح الصليبي الحقباني


____________________________________________

وبعدها قدمت هدايا تذكرية للمحتفى به الشاعر صالح بن محمد الصليبي آل شملان الحقباني



























صــور عــــامــه من الحفل


































































































































































































وختاماً، فإنه ليسر إدارة الموقع الرسمي لقبيلة الدواسر أن تتقدم بخالص الشكر والعرفان لـ آل شملان الحقبان لتكريم شاعر بيرق الدواسر الشاعر صالح بن محمد آل شملان الحقباني للمسابقة الشعرية الثالثة للموقع الرسمي لقبيلة الدواسر والشكر موصول للجنه المنظمة للأحتفال.



(صوت قبيلة الدواسر)
الموقع الرسمي لقبيلة الدواسر
www.alduwaser.org


 

 

 

 

 

 

التوقيع


حسابنا في تويتر

@alduwaser1

    

رد مع اقتباس
قديم 27-10-2013, 08:14 PM   #2
 
إحصائية العضو







بوراجس المشاوية غير متصل

وسام الدواسر الفضي: للأعضاء المميزين والنشيطين - السبب: المميزين والنشيطين
: 1

بوراجس المشاوية is a splendid one to beholdبوراجس المشاوية is a splendid one to beholdبوراجس المشاوية is a splendid one to beholdبوراجس المشاوية is a splendid one to beholdبوراجس المشاوية is a splendid one to beholdبوراجس المشاوية is a splendid one to beholdبوراجس المشاوية is a splendid one to behold


افتراضي رد: التغطية المصورة لحفل آل شملان الحقبان لتكريم شاعر بيرق الدواسر للمسابقة الشعرية الثالثة للموقع الرسمي لقبيلة الدواسر الشاعر صالح بن محمد آل شملان الحقباني

السلام عليكم ورحمة الله وبركاته

الشكر والعرفان لـ آل شملان الحقبان لتكريم شاعر بيرق الدواسر الشاعر صالح بن محمد آل شملان الحقباني للمسابقة الشعرية الثالثة للموقع الرسمي لقبيلة الدواسر والشكر موصول للجنه المنظمة للأحتفال

ولأخواننا في الإدارة المتواجدون دائما في جميع إحتفالات الدواسر
1- فهد هادي الغريري
2- راشد محسن المسعري
3- راشد حماد الغريري

هؤلاء هم فرسان موقع الدواسر الرسمي وهم من يظهر الإحتفالات بأبهى ديباجه


شكر الله لكم

 

 

 

 

 

 

التوقيع






اللهـــم إغفر لأمي وإرحمها وأجعلها في عليين برحمتك يا أرحم الراحمين - يا مال الجنة يا نور عيني

    

رد مع اقتباس
قديم 28-10-2013, 12:23 AM   #3
 
إحصائية العضو








فهد الغريري غير متصل

فهد الغريري is a jewel in the roughفهد الغريري is a jewel in the roughفهد الغريري is a jewel in the rough


افتراضي رد: التغطية المصورة لحفل آل شملان الحقبان لتكريم شاعر بيرق الدواسر للمسابقة الشعرية الثالثة للموقع الرسمي لقبيلة الدواسر الشاعر صالح بن محمد آل شملان الحقباني

بالبداية فإنني أقدم شكري وتقديري لــــ آل شملان الحقبان

علي هذا الاحتفال المبارك


ويستاهل التكريم الشاعر المتميز في اخلاقة وفي شعره

الشاعر صالح بن محمد الصليبي آل شملان الحقباني

وأحب أن انوه الجميع على أن من يعرف اسماء بعض الأشخاص بالصور العلويّة، فعليه مراسلة من خلال البريد الإلكتروني الخاص بي، وهو :

barq003@hotmail.com


نسأل الله العليّ القدير التوفيق والسداد ونحمد الله العليّ القدير على أن منّ علينا بالأفراح المستمرة للقبيلة من خلال إقامة الملتقيات النيره.

ودامت ديار قبيلة الدواسـر عامرةً بالأفراح والمسرات

 

 

 

 

 

 

التوقيع

    

رد مع اقتباس
قديم 29-10-2013, 01:03 PM   #4
 
إحصائية العضو







راشد المسعري غير متصل

راشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud of


افتراضي رد: التغطية المصورة لحفل آل شملان الحقبان لتكريم شاعر بيرق الدواسر للمسابقة الشعرية الثالثة للموقع الرسمي لقبيلة الدواسر الشاعر صالح بن محمد آل شملان الحقباني

ماشاء الله تبارك الله

حفل مميز ورائع ويستحق المحتفى به كل تقدير واحترام

بيض الله وجه آل شملان والحقبان كافة على هذا الحفل الكبير

وبيض الله وجيههم على الحفاوة والإستقبال الغير غريب على لاد العياضي

وكل الشكر والتقدير للأخ فهد الغريري على هذا الجهد الكبير لإخراج هذه التغطية المميزة

وللجميع ودي وتقديري ،،،،

 

 

 

 

    

رد مع اقتباس
قديم 30-10-2013, 12:30 PM   #5
 
إحصائية العضو








منصور بن سعد غير متصل

منصور بن سعد is on a distinguished road


افتراضي رد: التغطية المصورة لحفل آل شملان الحقبان لتكريم شاعر بيرق الدواسر للمسابقة الشعرية الثالثة للموقع الرسمي لقبيلة الدواسر الشاعر صالح بن محمد آل شملان الحقباني

(نيابة عن آل شملان كبيرهم وصغيرهم)


أتقدم لكم بخالص الشكر والعرفان على تغطيتكم الإعلامية المميزة وتواجدكم في تلك الليلة
وجهودكم المبذولة والمشهودة في الموقع الرسمي للقبيلة وهذا ليس بمستغرب عليكم فأنتم أهلاً لذلك .

لذا نقول لكم أستمروا ولكم منا كل محبةٍ وتقدير


وفقكم الباري وحفظكم صحيح مسلم والبخاري








منصور بن سعد آل شملان

 

 

 

 

    

رد مع اقتباس
قديم 01-11-2013, 05:48 PM   #6
 
إحصائية العضو








حمد ابن فهد غير متصل

وسام الدواسر الذهبي: للأعضاء المميزين والنشيطين - السبب: شكر وتقدير
: 1

حمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond repute


افتراضي رد: التغطية المصورة لحفل آل شملان الحقبان لتكريم شاعر بيرق الدواسر للمسابقة الشعرية الثالثة للموقع الرسمي لقبيلة الدواسر الشاعر صالح بن محمد آل شملان الحقباني

اتقدم بالشكر للادارة للتغطية المميزة لحفل ربعن يستحقون كل الثناء والطيب وأبارك للشاعر صالح بن محمد لحصوله على البيرق
وبيض الله وجيه آل شملان للحفل الكبير والمميز

 

 

 

 

 

 

التوقيع

    

رد مع اقتباس
قديم 03-11-2013, 11:36 PM   #7
 
إحصائية العضو







سلمان الحقباني غير متصل

سلمان الحقباني is on a distinguished road


افتراضي رد: التغطية المصورة لحفل آل شملان الحقبان لتكريم شاعر بيرق الدواسر للمسابقة الشعرية الثالثة للموقع الرسمي لقبيلة الدواسر الشاعر صالح بن محمد آل شملان الحقباني


بيض الله وجه كل من ساهم وشارك في نجاح هذا الحفل


الرائع الذي يليق بروعة شاعرنا / صالح بن محمد الحقباني


ونشكر من دعم شاعرنا وبيض الله وجيهم على هذه الوقفه


وشكراً لجميع المنظمين لذلك الحفل الأسطوري الرائع


فاجتهتم لتكريم أحد أبناء القبيلة


كما أشكر إدارتنا الموقره على التغطيه المميزه والرائعه


وجعلهم على القوة ..

 

 

 

 

    

رد مع اقتباس
قديم 04-11-2013, 12:25 AM   #8
 
إحصائية العضو








عبدالرحمن بن فلاح آل بريك غير متصل

وسام الدواسر الذهبي: للأعضاء المميزين والنشيطين - السبب: شكر وتقدير
: 1

عبدالرحمن بن فلاح آل بريك is a name known to allعبدالرحمن بن فلاح آل بريك is a name known to allعبدالرحمن بن فلاح آل بريك is a name known to allعبدالرحمن بن فلاح آل بريك is a name known to allعبدالرحمن بن فلاح آل بريك is a name known to allعبدالرحمن بن فلاح آل بريك is a name known to all


افتراضي رد: التغطية المصورة لحفل آل شملان الحقبان لتكريم شاعر بيرق الدواسر للمسابقة الشعرية الثالثة للموقع الرسمي لقبيلة الدواسر الشاعر صالح بن محمد آل شملان الحقباني

حفل مميز وتنظيم جميل .

بيض الله وجيه الحقبان جميع وآل شملان خاصة على هذا التكريم

لشاعر بيرق الدواسر صالح آل شملان ولا يستغرب الطيب من منبعه ..

والشكر لإدارة موقع الدواسر على جهودهم في إخراج هذه التغطية ..

 

 

 

 

 

 

التوقيع

    

رد مع اقتباس
إضافة رد


الذين يشاهدون محتوى الموضوع الآن : 4 ( الأعضاء 0 والزوار 4)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
التغطية المصورة لجولة موقع قبيلة الدواسر الرسمي بـ المذنب و بريدة الإداره :: قسم اللقــاءات والفعاليات والتغطيات الخاصة:: 20 09-05-2012 12:14 PM
التغطية المصوّرة للحفل السنوي الخامس لقبيلة الدواسر بإستضافة ورعاية الشيخ فيحان بن شجاع بن محماس بن سويلمه آل بريك حفظه الله ورعاه. الإداره :: قسم اللقــاءات والفعاليات والتغطيات الخاصة:: 39 30-04-2011 02:03 PM
التغطية المصورة لحفل المسابقة الشعرية الأولى لموقع قبيلة الدواسر الرسمي الإداره :: قسم المسابقة الشعرية السنوية للموقع الرسمي لقبيلة الدواسر :: 17 11-12-2010 11:09 PM
التغطية المصورة لموقع قبيلة الدواسر الرسمي لمهرجان الخرج لمزايين الأبل لعام1427هـ الإداره :: قسم اللقــاءات والفعاليات والتغطيات الخاصة:: 26 18-02-2008 12:00 AM
التغطية الـمصّورة للحـفل الثـاني لموقع الدواسر الرسمي برعاية الغرره الإداره :: قسم اللقــاءات والفعاليات والتغطيات الخاصة:: 29 18-08-2007 06:40 PM

 


الساعة الآن 12:41 PM


Powered by vBulletin® Copyright ©2000 - 2024, Jelsoft Enterprises Ltd.
---