هاتف العون مارن

[معلومات العضو مشيع فهيد الغييثي]

للتواصل فقط بعد الانقطاع ,,,آمل ان تنال على رضاكم واستحسانكم

مصايب الدنيا عريضات وأطوال=ان ماخذت لك عين والا خذت لك سن
حل الشتاء والصيف ماحولك أظلال=لو تتصل في هاتف العون ما رن
وانا على الاوطان مريت رحال=رحال وجروحي تعرا وأنا اكن
لافيه لاممسى ولا فيه مقيال=ولا حواني ماحوى الانس والجن
اجر من وجد المعاليق موال=وأون ونات المصخن ليا ون
واقنب مثل ذيبا" قنب في نحر جال=واحن مع صوت الحوير ليا حن
وطيت وجه الارض تجوال تجوال=واللي يسئ الظن يبقى ردي ظن
ماودي اسمع من وكالة خبر قال=وحنا نميز دنة النجر لا دن
يمكن يدنه واحدا" ضايق البال= لادق له هيلا" ولادق له بن
الرجل يبقى للرجاجيل رجال=ماهوب لاطروه ماينعرف من؟
من حاول بحيله وحاله ولا احتال=يصبر ويلقا للتجارب طعم فن
اضحك لو انك شايلا" ضلع غربال=وده حمل طنين والا حمل طن
واكتم غرابيلك ولاتشكي الحال=ون ضاقت الدنيا على خاطرك غن

 

 

 

 

[معلومات العضو عبدالله الحافر الغييثي]

الله الله عليك يابوفهيد ,,صح لسانك مدد بلا عدد ما ابطى بالسيل الا كبره مبدع مبدع مبدع سجل اعجابي وفائق تقديري لك ولشعرك

 

 

 

 

[معلومات العضو ناصر بن فهد]

صح لسانك يا ابو فهيد على القصيده الطيبه
ونتظر جديدك

 

 

 

 

[معلومات العضو نايف الخييلي]

الله عليك يامشيع

صح لسانك على هالكايفه الجزله

دمت مبدع ولاعاد تقطعنا من مثل ذي الرائعه

تقبل تقديري لك

 

 

 

 

[معلومات العضو محمد.الودعاني]

صح لسانك يا ابو فهيد على القصيده الطيبه
ونتظر جديدك

 

 

 

 

[معلومات العضو دغش محمد الصخابرة]

صح لسانك يا ابو فهيد على القصيده الطيبه

تقبل تقديري لك

 

 

 

 

[معلومات العضو شافي بن راشد النتيفات]

مشيع الغييثي صح لسانك وارجو ان لا تقاطعنا من ذا النوعية وسجل اعجابي بقصائدك الرائعة

 

 

 

 

[معلومات العضو مشيع فهيد الغييثي]

صحت ابدانكم والله لايهينكم على المديح والتشجيع لكم مني المحبه والشكر الوفير