(( حسبي عليكم هالـردى ويـن جاكـم )) لجحيش السرحاني - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم الـشعر العــام ::

إضافة رد
انشر الموضوع
 
أدوات الموضوع انواع عرض الموضوع
قديم 18-04-2005, 12:39 PM   #1
 
إحصائية العضو







الفدعاني غير متصل

الفدعاني is on a distinguished road


افتراضي (( حسبي عليكم هالـردى ويـن جاكـم )) لجحيش السرحاني

هذه القصيدة للشاعر جحيش السرحاني

عندما كبر في السن وجد عقوق من أولاده الثلاثة فتركوه وذهبوا مع نسائهم فقال فيهم :





قـال الـذي يقـرا بليـا مكاتـيـب = ياللي تقـرون العمـى مـن عناكـم
يا عيالي اللـي تشرفـون المراقيـب = تريضوا لي واقصـروا مـن خطاكـم
خوذوا كلام الصدق مـا بـه تكاذيـب = مثل السنـد مضمـوم للـي وراكـم
ياعيال لا صرتوا ضيـوف ومعازيـب = ترى الكـلام الزيـن ملحـة قراكـم
وتروا السبابه مـن كبـار العذاريـب = وهرج البلايـس مـا يطـول لحاكـم
المذهب الطيب فهـو مذهـب الطيـب = والمذهـب الخايـب يبـور نسـاكـم
يا عيـال مـا سرحتكـم باللواهيـب = يا عيال مـا عمـر المعـزب ولاكـم
يا مـا توليـت القبايـل تقـل ذيـب = من خوف لا ينقص عليكـم عشاكـم
وياماشريت السمن من عرض ما جيب = يفـز قلبـي يـوم يبـكـي حـداكـم
وياما قطعت من الفيافـي العباعيـب = نـدور مـن صيـد البـراري غذاكـم
يا عيال دوكـم لحيتـي كلهـا شيـب = هـذا زمـان قعودنـا فـي ذراكــم
قمت اتوكا فـوق عـوج المصاليـب = قصرت خطانـا يـوم طالـت خطاكـم
عطونـي القرضـة عليكـم مطاليـب = عطوني القرضة جـزى مـن جزاكـم
لابـد يـوم ٍ عـاوي ٍ دونـي الذيـب = بالقبر ما افرق طيبكـم مـن رداكـم
ما ني بفاضحكـم بوسـط الاجانيـب = باعمالكـم يـدرون كـل اقربـاكـم
لو كان تـدرون الـردى والمعاييـب = صرتوا مع المخلـوق مثـل خوياكـم
خوالكـم بالطيـب تـروي المغاليـب = لـو تتبعـون الجـد محـدٍ شنـاكـم
وش علمكم يـا تاركيـن المواجيـب = حسبي عليكم هالـردى ويـن جاكـم
يالله عسى اعماركم شمسهـا تغيـب = .يعتـم قمركـم ثـم تظلـم سماكـم
يـا علكـم فـي حاميـات اللواهيـب = ياللي علـى الوالـد خبيـث ٍ لغاكـم
شفت الجفا والحيف والغلـب والريـب = بضلوعكـم لا بـيـض الله قـراكـم
اطلب عسى نساكم ما تحمل ولا تجيب = ولا احد ٍ من الوغدان يمشـي وراكـم
اخسوا خسيتـوا يـا كبـار اللغابيـب = اهبـوا هبيتـوا يقطـع الله نمـاكـم

 

 

 

 

    

رد مع اقتباس
قديم 18-04-2005, 09:01 PM   #2
 
إحصائية العضو








الجوهره غير متصل

الجوهره is on a distinguished road


افتراضي

اطلب عسى نساكم ما تحمل ولا تجيبولا احد ٍ من الوغدان يمشـي وراكـم

اخسوا خسيتـوا يـا كبـار اللغابيـباهبـوا هبيتـوا يقطـع الله نمـاكـم


لا حول ولا قوة الا بالله.... قصيده تقطع القلب... لا هنت أخوي على القصيده المؤثره...

شيهانه

 

 

 

 

 

 

التوقيع


وش جاب والي العين لأضعف خدمها؟
بين الذهب و(الجوهره) فرق شتــّــان
فرق مثل فرق الثريا وعسمــــــــــــها
عن الثرى واللي بها كايــــــنٍ كــــــان
(الجوهره) ألماسه ولا أحد(ن) رسمــها
وإلا الذهب مرسوم بأشكال وألــــــوان!

**منتديات قبيلة الدواسر**

    

رد مع اقتباس
قديم 18-04-2005, 09:42 PM   #4
 
إحصائية العضو








العماني غير متصل

العماني is on a distinguished road


افتراضي

لاهنت اخوي الفدعاني ويقال ان الله قطع صيب عيالهم بعد دعواه عليهم في آخر القصيدة

تقبل تحياتي،،

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 12:42 PM


Powered by vBulletin® Copyright ©2000 - 2024, Jelsoft Enterprises Ltd.
---