نبذة عن الأمير الشاعر سليمان التركي السديري - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـتـاريـخـيـــة .::: > :: قسم أمـراء وفـرسان وأعـلام الـدواسـر::

إضافة رد
انشر الموضوع
 
أدوات الموضوع انواع عرض الموضوع
قديم 02-04-2012, 11:51 PM   #1
 
إحصائية العضو







فيصل السديري غير متصل

فيصل السديري is on a distinguished road


افتراضي نبذة عن الأمير الشاعر سليمان التركي السديري

بسم الله الرحمن الرحيم

لا يخفى على الجميع بأن قبيلة الدواسر العريقة تضم عدد كبير من الفرسان و الشعراء العظام الذين ذاع صيتهم في الجزيرة العربية بسبب أخلاقهم العربية الأصيلة و فروسيتهم و مواقفهم التي يحفظها التاريخ لهم.

الأمير سليمان بن تركي بن سليمان بن تركي بن عبدالله السديري هو أحد رجال أسرة السديري التي تفخر بإنتمائها الدوسري الأصيل و الذين خدموا الدولة السعودية بكل شجاعه و رجولة و شرف، صابرين على الشدائد و مواجهين لها عند التأسيس و مرحلة البناء.

تولى سليمان التركي السديري عدداً من المناصب الحكومية و كان وكيلاً لإمارة منطقة تبوك عضيداً للأمير المرحوم مساعد بن أحمد السديري حتى عام 1392 ، ومن ثم أميراً للمنطقة من عام 1392 الى 1400 ، ومن ثم مستشاراً لسمو وزير الداخلية حتى عام 1405 و هو تاريخ وفاته رحمه الله.

و من أشهر قصائده رحمه الله تلك القصيدة الشهيرة التي رثى فيها نفسه و هو حي موصياً ابنه فيصل :

أشوف ديّاني وقف لي على الباب = يبي الوفا منيّ ويطلب حسابه

ماينسيّ دينٍ تقفّاه طلاب = الدين مايوفيه كثر الطلابه

يافيصل أودعّك توديع الاحباب = لاتحتريه انّه يجي من غيابه

غيبة دهر ماهي شهر عدّ وحساب = في مظلمٍ ينهال فوقي ترابه

ابيك ماتجزع وتفزع وترتاب = انّ جاك من ينعي ويشلع ثيابه

عمر البكا مافاد حيٍ ولاثاب = لوّ سرّ غيرك كان سرّ الندابه

اعزم وشم وأصعد من المجد مرقاب = واطلب لبوك انّه يخفف عذابه

وعليك بخوانك وربعك والاقراب = حقيّ عليك مواصلك للقرابه

ومن بينكم لاينقل الهرج سبّاب = ترى دمار الدار نقل السبابه

ومن الرجال الى تخيّرت الاصحاب = تخيّر اللي مايغيّر جوابه

مغلاق باب الشر حلال الانشاب = زبن الدخيل الى تنصىّ جنابه

وابعد عن الدوني ولوّ مرةٍ طاب = لزوم يظهر لك مرادٍ عيابه

وانصى الرجال الى تخيّرت الانساب = كل يعوّض به ياكود النسابه

وانشد عن المربى ترى العرق جذاّب = عرق الردى لابد يجذب جذابه

بلغتك الاعلام من غير نجّاب = والحر يعرف من خطاه وصوابه


و له هذه القصيده المعبرة التي يمتدح فيها أهل دياره نجد و المناطق الشماليه:

ليت من حول مطر لندن وغيمه ******* يم صحراء نجد وبلاد الشمالي

للديار اللي بها سمتٍ وشيمه ******** مايحكمن النسا فيها الرجالي

للرجال بــــــــدارهم قدرٍ وقيمه ******** يكرمون الضيف في عسر الليالي

شبتي للنار في حد القصيمه ******** والنشاما حـــلقةٍ عنــــد الدلالي

حلقةٍ مارددوا فيها النمـــــــيمه ******* كود ذكر أمجاد مكرمت السبالي

والسوالف بالـــــتواريخ القديمه ******* عن كبار الناس ماضين الفعالي

خير عندي من مبانيها العضيمه ******* لو زهت بالعين وأحلام الخيالي

حب نفسي للرجال المستقيمه ****** يرفعون نفوسهم لأعلا العوالي

مانحب اللي طبايعهم ذميمه ********* الردى لأهل الردى سقط الرذالي

رفعتي للنفس عن طرق الهضيمة ******* خير عندي من ملايين الريالي

ياعسفت النفس بعنان وشكيمه ****** طاوعت لك بالمكارم والمعالي

وأن تركت عسافها طرقه وخيمه ***** سودت تاريخ مرخين الحبالي

نبذل المجهود مع قو العزيمه ***** وماجرى يذكر ليا حل المجالي

الرجال أفعال مافيهم وسيمه ******** أنشد اللي جربوا مرٌٌ وحالي


و من القصص المعروفة لسليمان التركي قصة معشي الطير التي ذكرها الأخ الكريم سعود بن أحمد السديري في موضوعه و هذا رابط الموضوع لمن يحب أن يطلع عليه
http://www.alduwaser.org/vb/showthread.php?t=12137

و الأمير سليمان كان محباً لشعر المحاوره و قد حاور كبار الشعراء في منطقة تبوك في ذلك الوقت و لكن للأسف لم استطع الحصول على الأبيات و ان كنت قد سمعت أبياتاً رائعه لمحاوره قديمة بينه و بين الشاعر الكبير خليف بن دواس.

ومن القصائد الرائعة في مدح سليمان التركي السديري قصيدة الشاعر عبدالله بن حبيب التشيم:

يامرحبا باللي لفتنا ركابه ====== عداد بالبيدا مواطي خطاها
عد الرمال وعد نايف هضابه ==== وعداد حروف الكتب واللي قراها
جميع ركاب الركايب هلابه ===== حيث أن بالترحيب ملحة قراها
الف هلابه عد وبل السحابه ==== وسميتاً ماها المصامد ملاها
تحيتاً من قلبي لشخص وفابه ==== كلمت وفا مالي مقاصد وراها
قريت قافك ياكبير المهابه ===== مثل الجواهر غالياً مشتراها
يامير قافك كل الاهداف صابه === طير عن العين الكري ماهواها
يامير قافك لقينا به غرابه ==== تقول بعض الناس طاعت نساها
السلم ماهو مثل وقت الحرابه === والناس تمشي مع طريق قصراها
السيده يامير يحسب حسابه ==== مجبور راع البيت يتبع رضاها
يمشي مع التيار قبل الطلابه ==== يخاف دلوه ينقطع به رشاها
واللي خالف رايها واعذابه ==== كنه يحارب دولتاً باوزراها
بعض السلوم الطيبه وسفابه === هفت مهف خشيت معها رشاها
البيت لولا الساس يبدي عيابه === وعلى الدوم الحبل ياسم حصاها
راحو هل الشيمات واهل الصعابه ==== ودور المره توه تزخرف وجاها
يامير عدي كاسباً لي كسابه ===== جيت ركايبكم وانا في حراها
وصلت ركايبكم وشفت الحفابه ==== مشوار قيض وفي لهيبه شوها
مرافةً بركابكم عن ذهابه ===== واخشا عليها من تجدد حفاها
لنا مع البدوان ناساً قرابه ===== ودعتهن من عرض ذودً رعاها
وأذا نجوم القيض بالكون غابه ==== لآهبهب الوسمي يجيها سراها
ودنيت جمساً مابعد فك بابه ===== عليه ركاب الركايب تراها
وأخترت له سواق عرف وحزابه ==== الجايزه بسواقته كد خذاها
مهمته مني كتاباُ مشابه ===== ممشا الركاب بنصف يومه طواها
جمساً معنا لك برد الاجابه ==== يالقرم ياعز الضيوف بمساها
يامن جمع مع زود طيبه حبابه ==== يامن على العليا رقا واعتلاها
ذكرتني بالشعر بعد اجتنابه ===== عن رد قافي خاطره مانساها
يامير رواد المجالس غدابه ===== الموت ذربين الفعايل خذاها
من شاف بالدنيا قبول وطرابه ===== لابد تسقيه من كدر ماها
ترا جديد الدار تصبح خرابه ===== يموت راعيها ويخرب بناها
يامكثر الصدقات ساعة حسابه ==== مار اللوازم نادر اللي قضاها
بالعز لو تمشي على شوك لابه ==== او حرة سوداء تقادح حصاها
احسن من اللي مايعزك جنابه ==== الذل هو موت النفوس وبلاها
يامير يامن طال علينا غيابه ==== ليته بقا والنفس تعطى هواها
جميع مميزات الرجوله مشابه ==== كم قصة تعجب علينا رواها
بالمعرفه بحرً تلاطم غبابه ====== دايم تحقق هقوته لاهقاها
فرقه مشا بالجود باول شبابه ===== لو تطلبه بالجود روحه عطاها
لو به على حق الحكومه صلابه ==== مصالح الدوله بحده حماها
المشتبه ياضع عليه الرقابه ===== عيبه اذا شاف الافاعي وطاها
اذا رما النيشان بالعرف صابه ==== شبعان من مر الأمور وصلاها


و للشاعر الكبير الأسمر بن خلف الجويعان قصيد يسندها على سليمان التركي السديري :

يازين فنجال الخضر بن خولان=يوم الاناثي مدبحات هدافي
قبل صلاة الصبح والوقت ماحان=وقت لرذلين المذاهب منافي
كيف لهتشآ من القفر عمسان=في مجلس يلقاه والنذل غافي
بعد العشا ومعلم الفجر مابان=وناسة والوقت معطيك كافي
يستاهله من يشترونه بالاثمان=وكمالته من طلع فج الخوافي
ويجذى عن اللي ما بهم غير نقصان=اللي سوالفهم هزال عجافي
يصلح لمثلك يالسديري سليمان=ياللي بنطحات المواجيب وافي
عن الرذيله صانك الله ومنصان=والطيب سنداء والمراجل تشافي
الطيب عندك له علامه ونيشان=عز الله انك يالسديري سنافي
ماهي حكايا شفت للطيب برهان=ديوان بيتك للنشاما ملافي
يازبن مرهوق عليه الدهر شان=يامضهره من كون غزو المهافي
اشكي عليك الحال ياطير حوران=من لاذبك عن سوء شاف العوافي
وش هقوتك في حاجتآ ما امرها هان=بيني وبينه نازحات الفيافي
من دونها نشبان والوضع مازان=عليك حل المعضله وانت تافي
باح العزاء يامسندي والخفي بان=مجحد على مثلك ولاعنك خافي
صبرت عشر سنين والقلب وجلان=والصبر يرث بالضمير التلافي
لوكان محمود العواقب وله شان=ياشين رمسه بالنفوس العفافي
كون الهواء حشد على القلب وكأن=جحافل سوت عليه التفافي
مشحون قلبي بالروابع ومليان=حتى حرق معلوق قلبي وهافي
يبس كما عشب من اللال هيفان=اقفا نداه وهيفته السوافي
هاف الضمير ولافه الحب وندان=لوف الهبايب للغصون المشافي
من واحدآ لحضه سبا العقل فتان=موتي بداء بأطراف روس الاشافي
اليا مشى يمشي مع القاع فنان=ياطا على راس القدم بأختفافي
طرد الهوى متبوع من دور عدنان=قبلي مشوه معطرين الشلافي
والله لاعيب ولافيه نقدان=مافيه نفس للمحبه تعافي
عندك خبر محسن ونمر ابن عدوان=وجري الجنوبي طمه الغي ضافي
وحتى الخفاجي بالهواء كان غرقان=ماصار وقته من هواء البيض صافي
هذا هواي وكل نفس لها لان=الله يريح بالضعون المقافي

 

 

 

 

    

رد مع اقتباس
قديم 03-04-2012, 10:08 AM   #2
 
إحصائية العضو







راشد المسعري غير متصل

راشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud of


افتراضي رد: نبذة عن الأمير الشاعر سليمان التركي السديري

اقتباس:
أشوف ديّاني وقف لي على الباب = يبي الوفا منيّ ويطلب حسابه

ماينسيّ دينٍ تقفّاه طلاب = الدين مايوفيه كثر الطلابه

يافيصل أودعّك توديع الاحباب = لاتحتريه انّه يجي من غيابه

غيبة دهر ماهي شهر عدّ وحساب = في مظلمٍ ينهال فوقي ترابه

ابيك ماتجزع وتفزع وترتاب = انّ جاك من ينعي ويشلع ثيابه

عمر البكا مافاد حيٍ ولاثاب = لوّ سرّ غيرك كان سرّ الندابه

اعزم وشم وأصعد من المجد مرقاب = واطلب لبوك انّه يخفف عذابه

وعليك بخوانك وربعك والاقراب = حقيّ عليك مواصلك للقرابه

ومن بينكم لاينقل الهرج سبّاب = ترى دمار الدار نقل السبابه

ومن الرجال الى تخيّرت الاصحاب = تخيّر اللي مايغيّر جوابه

مغلاق باب الشر حلال الانشاب = زبن الدخيل الى تنصىّ جنابه

وابعد عن الدوني ولوّ مرةٍ طاب = لزوم يظهر لك مرادٍ عيابه

وانصى الرجال الى تخيّرت الانساب = كل يعوّض به ياكود النسابه

وانشد عن المربى ترى العرق جذاّب = عرق الردى لابد يجذب جذابه

بلغتك الاعلام من غير نجّاب = والحر يعرف من خطاه وصوابه
الله الله
من أجمل ماقرأت من القصائد المؤثرة والمليئة بالنصح والحكمة
رحم الله الامير سليمان بن تركي السديري وبارك في ذريته
سيرة مختصرة وافية اخوي فيصل
وننتظرك من المزيد من قصص وقصائد هذا البطل الرائد
تقبل ودي وتقديري ،،،،

 

 

 

 

    

رد مع اقتباس
قديم 04-04-2012, 01:06 AM   #4
 
إحصائية العضو







فيصل السديري غير متصل

فيصل السديري is on a distinguished road


افتراضي رد: نبذة عن الأمير الشاعر سليمان التركي السديري

اقتباس:
المشاركة الأصلية كتبت بواسطة راشد المسعري مشاهدة المشاركة
الله الله
من أجمل ماقرأت من القصائد المؤثرة والمليئة بالنصح والحكمة
رحم الله الامير سليمان بن تركي السديري وبارك في ذريته
سيرة مختصرة وافية اخوي فيصل
وننتظرك من المزيد من قصص وقصائد هذا البطل الرائد
تقبل ودي وتقديري ،،،،

ابن العم الكريم راشد المسعري

يشرفني مرورك الكريم

وباذن الله سابحث عن المزيد من القصائد التي لم ترى النور

شكراً لك يابن العم

 

 

 

 

    

رد مع اقتباس
قديم 04-04-2012, 01:07 AM   #5
 
إحصائية العضو







فيصل السديري غير متصل

فيصل السديري is on a distinguished road


افتراضي رد: نبذة عن الأمير الشاعر سليمان التركي السديري

اقتباس:
المشاركة الأصلية كتبت بواسطة محمد راشد النتيفات مشاهدة المشاركة
صراحة قصائد رائعة وتاريخ عظيم ومشرف

لاهنت ياخوي فيصل على النقل
ابن العم الكريم محمد راشد النتيفات

الأروع هو مرورك العطر اخي الحبيب

شكراً لك يالغالي

 

 

 

 

    

رد مع اقتباس
قديم 04-04-2012, 01:40 AM   #6
 
إحصائية العضو







شافي بن راشد النتيفات غير متصل

وسام شاعر التميّز .: وسام يقدم لمن يستحق أن يطلق عليه وسام الدواسر الذهبي: للأعضاء المميزين والنشيطين - السبب: شكر وتقدير.. ونعتذر علي سقوط اسم
: 2

شافي بن راشد النتيفات has a spectacular aura aboutشافي بن راشد النتيفات has a spectacular aura about


افتراضي رد: نبذة عن الأمير الشاعر سليمان التركي السديري

ياسلام يافيصل بيض الله وجهك على هذه النبذه عن
الامير الشاعر الكبير سليمان السديري رحمه الله
رحمة واسعة واسكنه فسيح جناته نتمنى تزويدنا
بباقي قصائده رحمه الله

 

 

 

 

 

 

التوقيع




لمتابعتي بتويتر

Shafi-1978

    

رد مع اقتباس
قديم 04-04-2012, 09:36 AM   #7
 
إحصائية العضو







فيصل السديري غير متصل

فيصل السديري is on a distinguished road


افتراضي رد: نبذة عن الأمير الشاعر سليمان التركي السديري

اقتباس:
المشاركة الأصلية كتبت بواسطة شافي بن راشد النتيفات مشاهدة المشاركة
ياسلام يافيصل بيض الله وجهك على هذه النبذه عن
الامير الشاعر الكبير سليمان السديري رحمه الله
رحمة واسعة واسكنه فسيح جناته نتمنى تزويدنا
بباقي قصائده رحمه الله
ووجهك ابيض يابن العم الكريم شافي بن راشد النتيفات

شكرا لمرورك و تشريفك للموضوع

بإذن الله سأضع المزيد من القصائد قريباً

تقبل تحياتي و احترامي

 

 

 

 

    

رد مع اقتباس
قديم 05-04-2012, 04:10 PM   #8
 
إحصائية العضو








حمد ابن فهد غير متصل

وسام الدواسر الذهبي: للأعضاء المميزين والنشيطين - السبب: شكر وتقدير
: 1

حمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond repute


افتراضي رد: نبذة عن الأمير الشاعر سليمان التركي السديري

والله كفو يالسدارى والامير سليمان السديري له مواقف مشرفة تشهد له والبركة بأولاده واحفاده

الاخ فيصل اختيارك موفق لشخصية الامير سليمان تقبل مني فائق الاحترام

 

 

 

 

    

رد مع اقتباس
قديم 05-04-2012, 11:55 PM   #9
 
إحصائية العضو







فيصل السديري غير متصل

فيصل السديري is on a distinguished road


افتراضي رد: نبذة عن الأمير الشاعر سليمان التركي السديري

اقتباس:
المشاركة الأصلية كتبت بواسطة حمد ابن فهد مشاهدة المشاركة
والله كفو يالسدارى والامير سليمان السديري له مواقف مشرفة تشهد له والبركة بأولاده واحفاده

الاخ فيصل اختيارك موفق لشخصية الامير سليمان تقبل مني فائق الاحترام
الأخ الكريم حمد ابن فهد

تسلم يالقرم على الإطراء و بارك الله فيك

لك مني كل الود و الاحترام و التقدير

 

 

 

 

    

رد مع اقتباس
قديم 23-09-2012, 03:41 AM   #11
 
إحصائية العضو







دوسري وخوالي دواسر غير متصل

دوسري وخوالي دواسر is on a distinguished road


افتراضي رد: نبذة عن الأمير الشاعر سليمان التركي السديري

سيره عطره الله يرحمه ويغفر له ان شاء الله

مشكور اخوي فيصل على هذا الموضوع الرائع بروعة صاحبه

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
التغطية المصوّرة لحفل (ترقية الشيخ محمد بن مرّان بن قويد)وحصوله على درجة الماجستير برعاية الشيخ مرّان بن متعب بن قويد (حفظه الله تعالى) الإداره :: قسم اللقــاءات والفعاليات والتغطيات الخاصة:: 51 09-10-2011 10:09 PM
سليمان القانوني (اعظم ملوك الأسلام) خالد المطيري :: القسم الـتاريخــي الــعام :: 8 24-10-2010 04:10 PM
التغطية المصوّرة (الحصريّة) لحفل الصلح بين فخذيّ آل سويلم وآل عرفج النتيفات بحضور أمراء ومشائخ قبيلة الدواسر . الإداره :: قسم اللقــاءات والفعاليات والتغطيات الخاصة:: 28 16-07-2010 04:54 PM
التغطية المصوّرة للحفل السنوي الرابع لموقع الرسمي لقبيلة الدواسر بإستضافة الأمير ضاري بن سعد الحطيم بمحافظة الخرج الإداره :: قسم اللقــاءات والفعاليات والتغطيات الخاصة:: 26 04-05-2010 01:12 PM
التغطية المصوّرة للحفل السنوي الثالث لقبيلة الدواسر بإستضافة ورعاية حسين بن براك آل حضيري المشاوية بدولة الكويت الإداره :: قسم اللقــاءات والفعاليات والتغطيات الخاصة:: 71 03-03-2008 02:25 PM

 


الساعة الآن 03:51 PM


Powered by vBulletin® Copyright ©2000 - 2024, Jelsoft Enterprises Ltd.
---