العودة   ::: مـنتدى قبيلـة الـدواسـر الـرسمي ::: > :::. الأقســــام الـخــــاصـــــة.::: > :: قسم اللقــاءات والفعاليات والتغطيات الخاصة::

إضافة رد
انشر الموضوع
 
أدوات الموضوع انواع عرض الموضوع
قديم 21-02-2007, 12:26 AM   #1
 
إحصائية العضو







الإداره غير متصل

الإداره is on a distinguished road


افتراضي التغطية الـمصّورة للحـفل الثـاني لموقع الدواسر الرسمي برعاية الغرره




والصلاة والسلام على خاتم الأنبياء والمرسلين


الأخوه أبناء قبيلة الدواسر العريقة

الأخوة أعضاء زوّار وروّاد موقع قبيلة الدواسر الرسمي



ان من أسس هذا الموقع ومن اهدافة الطموحه كانت ولاتزال جمع ابناء القبيلة على المحبة والطاعه والتعارف فيما بينهم ، ومن فضل الله تعالى وبجهود هذا الموقع الذي لم ولن يخيّب طن أمراء واعيان القبيلة ان شاء الله عندما وضعوا الثقة فيه وأعلنوا بأنه الممثل الرسمي لقبيلة الدواسر على شبكة الانترنت .

فكان تحقيق اول الأهداف المستقبلية هو : -


((حفل موقع قبيلة الدواسر الأول))

والذي عقد العام الماضي برعاية الشيخ عبداللطيف بن سعد البنوادي الودعاني .

وفي هذا العام قام مشكورا ً فخذ الغرره الدواسر بالتكفل بالحفل لهذا العام والذي لاقى نجاحاً مبهراً وشعبية منقطعة النظير ، فيسرّنا ان نقدم لكم تقريرا مفصلا عن الحفل : -



في ليلة فريدة وفي تجمع عـز وطاعة وفي لقاء أنس ومحبة ومن على جنبات الساحل الشرقي ، في جو ربيعي زاد من جماله ذلك التجمع الرائع بين أفراد قبيلة الدواســـر.

في حفل موقع قبيلة الدواسر الثاني والذي تكفل به هذا العام : -

فخذ الغرره الكرام

وقاموا بتنظيمه بالتعاون مع موقع الدواسر الرسمي على أحسن ما يكون .



فقد بدأت جموع المدعوين تتوافد على قاعة الأندلس الكبرى بحي الجامعيين من بعد صلاة المغرب لليلة الخميس الموافق 21 /12 /1427هـ

فقد حضر أغلب أمراء وأعيان قبائل الدواسر، كما توافد العديد من ابناء القبيلة من مناطق المملكة العربية السعودية ودولة الكويت ومملكة البحرين ودولة قطر ودولة الامارات العربية المتحدة. تلبية لدعوة إخوانهم أفراد قبيلة( الـغـــررة) بالتعاون مع إدارة موقع ومنتدى قبيلة الدواسر الرسمي

وقد رعى هذا الحفل اعلامياً : (قناة فواصل الفضائية) بواسطة الأستاذ نايف بن مسرع المسعري والأستاذ عبدالعزيز العجالين ، (جريدة زوايا الشعبية) بواسطة الأستاذ سعد بن فهيد آل بريك ،( مجلة ليالينا ) بواسطة الأستاذ رشدي ابراهيم الغدير ، (جريدة اليوم).

وقد أكتضت القاعة عن بكرة أبيها وبقي من لم يجد مكاناً واقفاً طيلة فقرات الحفل والبعض لم يستطع الدخول للقاعه لامتلاءها وقد قدر عدد الحضور بأكثر من 3000 ثلاثة آلاف شخص.

كما لم تغب ذكرى شاعر القبيلة الكبير وعضو ادارة موقع الدواسر الرسمي ( دغش بن بطي الشياحين الغييثات) رحمه الله نهائياً عن مخيلة الحفل والشعراء والحضور.



صور للحضور ويلاحظ اللافته التي كتب عليها الى اسم الشاعر الكبير دغش رحمه الله



جانب من الحضور



جانب أخر من الحضور




يلاحظ كثافة الحضور



وفد آل البليهي قدم خصيصا من الشماسية بالقصيم ليشارك في الوسط ممثل الموقع بالقصيم محمد البليهي وبجانبه والشاعر الكبير عبدالكريم البليهي



جانب من الحضور



مستشار الموقع الاعلامي الأستاذ منير آل راكان الودعاني متوسطا ً مع وفد اسرة البن غدير الشكره.




من اليمين الشيخ محمد بن مسفر الغربي الرجباني والأمير ضاري بن سعد بن بداح آل الحطيم الغييثات أمير فخذ آل سلمة الغييثات (عضو شرف موقع الدواسر) والأمير بتال بن هميل المصارير واخوانه



الأمير محماس بن مصيبيح بن قويد في الوسط



الشيخ مفلح بن الحميدي السلاطين الغريري




الأمير فارس بن ظافر الحقباني



في الوسط الأمير محسن بن هذلول أمير شمل الشرافا


الشيخ حسن بن عويضة آل عرفج النتيفات



الشيخ خالد بن فهاد بن نادر يتحدث مع الامير فارس بن ظافر الحقباني



هايف العماني وابوعبدالرحمن الودعاني في لقطة جماعية مع الشيوخ المعروفين آل شامان الهوامله ..



الشيخ دايل بن محمد الودعاني والشيخ راجس الشرافي



من أقصى اليمين الشاعر بدر بن نايف وبجواره عضو المنتدى الشاعر عامر النتيفات



د.بادي حسيان الرجباني (عضو شرف موقع قبيلة الدواسر الرسمي)



د. جلوي الجميعه المسعري (عضو شرف موقع قبيلة الدواسر الرسمي)



النائب في البرلمان البحريني /عبدالله بن خلف الشكره



الشيخ محمد بن ناصر آل دايل الودعاني



من اليمن الأستاذ هايف بن مبارك العماني رئيس مجلس ادارة الموقع والشيخ ابوعبدالرحمن الودعاني مدير الموقع .


في اقصى الصورة من يمين مناظراًَ الكاميرا الشاعر الكبير ابراهيم بن عبدالرحمن آل عريمة شقيق المشرف القدير عبدالله آل عريمة .



الأستاذ والاعلامي المتألق مراقب موقع الدواسر الرسمي : حنيان مبارك المسعري



الأستاذ والأعلامي المبدع : عبدالعزيز بن محمد العجالين



بدأ الحفل عند الساعه الثامنه مساء بآيات عطرة من الذكر الحكيم تلاها القارئ : عبدالهادي بن سعد بن نفجان الغريري .


عبدالهادي بن سعد بن نفجان الغريري



محمد بن سعد بن نفجان الغريري

بعدها القى كلمة محمد بن سعد بن نفجان الغريري ، كلمة شكر فيها الحضور على تلبيتهم لهذه الدعوه العزيزه على الجميع وتحملهم مسافة الطريق ومشقة السفر في سبيل رفعة اسم قبيلة الدواسر .


بعدها القى الشيخ والخطيب المعروف طلال بن فالح آل عريمه الودعاني كلمة توجيهية اشاد فيها بالحفل ومن تكفل به ، وبيّن أن ديننا الاسلامي حث على صلة الرحم ومثل هذه التجمعات وان هذا من فضل الله علينا وان الجميع مؤجور بإذن الله كما شدد ان تكون مثل هذه الاجتماعات سنوياً ، داعيا ًلوحدة الصف والوقوف جانباً مع ولاة أمرنا وقادتنا في هذه الدولة المباركة.


الداعية طلال الدوسري والى جانبه الأستاذ هايف العماني على منصة الحفل






الأمير محماس بن مصيبيح بن قويد يلقي كلمته

وبعدها قدم الأستاذ عبدالعزيز العجالين للجميع الأمير محماس بن مصيبيح بن قويد حيث القى كلمة حث فيها على توحيد أمر القبيلة وتمنى أن يكون هذا الاجتماع فال خير للقبيلة ثم وجه الشكر لكل من قام بإعداد هذا الحفل ومن ساهم في حضوره من جميع الجهات السعودية ومن الدول الشقيقة وذكر بعض ما يتميز به أفراد قبيلة الدواسر من صفات وهي: الشجاعة والكرم وحسن الجانب لمن استعان بهم في أي شيء من أموره.كما تقدم بالشكر إلى كل القنوات التلفزيونية التي سوف تنقل الحفل.


بعدها تقدم عضو مجلس الأمة الكويتي السابق وعضو شرف موقع قبيلة الدواسر الرسمي حسين براك الحضيري المشاوية أكد فيها بأن كل قبيلة تطمح بأن تكون عنصر فعالاً في المجتمع الخليجي وأن قبيلة الدواسر احد أسس هذا المجتمع وقال بأن مثل هذه اللقاءات الطيبة إنما تجسد روح المحبة والقوة وتوحيد المواقف من الجميع


الأستاذ حسين بن براك الدوسري

كما قدم دعوته للجميع لحفل موقع الدواسر الثالث في العام القادم في دولة الكويت الحبيبه ان شاء الله .




الشيخ عبداللطيف بن سعد البنوادي الودعاني

بعدها ألقى رجل الأعمال عبداللطيف البنوادي الودعاني راعي حفل موقع قبيلة الدواسر الأول والذي أقيم العام الماضي في أبوحدرية كلمة بهذه المناسبة أثنى فيها على الحفل وعلى القائمين عليه وعلى ماوجده هو ومن حضر معه من حسن ترتيب وترحيب لاقى استحسان الضيوف والمدعوين مطالباً الجميع بتكرار هذه اللقاءات والاعتزاز بها والفخر بحضورها كونها تعكس صورة تلاحمية رائعة لأفراد القبيلة شاكراً كل من ساهم في ظهور هذا المحفل بالصور الحسنة.






الشيخ نادر بن فهاد آل نادر الودعاني

وبعدها ألقى الشيخ نادر بن فهاد بن نادر الودعاني كلمة نيابة ً عن أهل السليل شكر فيها اهل الحفل والحضور على هذا التجمع المبارك داعيا الى مواصلته وتوحد صف القبيلة دائما وابدا .




وبعدها اعتلى المنصة الشيخ أحمد بن ضيف الله الودعاني ( أبوعبدالرحمن الودعاني ) مديرعام موقع قبيلة الدواسر الرسمي حيث القى كلمة نيابة ً عن ادارة موقع قبيلة الدواسر الرسمي :



الشيخ ابوعبدالرحمن الودعاني


عضو مجلس إدارة الموقع الأستاذ فهد بن هادي السلاطين الغريري


من اليمين رئيس مجلس الادارة هايف بن مبارك العماني والشيخ ابوعبدالرحمن الودعاني والأستاذ فهد بن هادي الغريري


ففي البداية ذكر الشيخ ابوعبدالرحمن الودعاني أن قبيلة الدواسر فقدت رجلا عزيزا وغاليا على الجميع الا وهو محب الجميع الشاعر الكبير دغش البطي رحمه الله تعالى ، حيث ذكر مناقبه وصفاته الطيبه ودوره الكبير في تأسيس موقع قبيلة الدواسر وما قدمه في سبيل خدمة قبيلته ودينه ودفاعه عنها بالمال والجهد والقصيد .

ثم أكد الشيخ ابوعبدالرحمن الودعاني ان هذا الحفل وسابقه ماهو الا ثمرة من ثمرات موقع قبيلة الدواسر التي بدءنا نحصدها الواحده تلوى والأخرى وان المشاريع الطموحة كثيرة وان القادم أجمل ان شاء الله

وقام بذكر العديد من انجازات موقع قبيلة الدواسر الرسمي منذ انشاءه كما شكر مؤسسي الموقع:
هايف بن مبارك العماني الغييثي ومحمد بن صهيب الغريري وعادل بن عبدالرحمن الودعاني

وقام بتعديد بعض المشاريع المسقبلية لموقع الدواسر الرسمي واهمها :

قناة الدواسر الفضائية

التي يجري العمل الأن على اعداد انطلاقها لتكون قبيلة الدواسر الأولى والسبّاقه لهذه الأمر على مستوى الجزيرة العربية فحسب بل على مستوى العالم العربي أجمع.



محمد بن صهيب بن نفجان الغريري

بعدها توالت الفقرات الشعرية ، بدأها ن محمد بن صهيّب الغريري حيث القى قصيدة ترحيبية نيابة عن الغرره :


لسماع القصيدة أضغط هنـا






الشاعر محمد بن ناصر بن هديهد الغريري

بعدها القى احد شعراء منتدى الدواسر المعروفين الا وهو الشاعر القدير محمد بن ناصر بن هديهد الغريري (ابن هديهد) حيث القى قصيدة ترحيبية بهذه المناسبة :


طلبت الله خير علم في البداية نبتديبه=طلبت الله راس مال في المواقف نعتبرها
نطلبك عطفك ولطفك في البعيده والقريبه=والليالي يا عزيز الجاه تكفينا خطرها
يإله الكون عز الحق واللي يعتنيبه=ويالله انصر راية الأسلام وانصر من نصرها
وبعد هذا حان ميقاف القصايد واحتضي به=وأسبح أبحور القصيد الهوج لين أنقى دررها
والقصيد إن حان ميعاد وميقافه نجيبه=شاعرلا حان ميقاف القصايد ما ذخرها
أتشرف بالمقام اللي يشرف وأعتزي به=واتقدم بالتراحيب الجزيلة ةافتخرها
مرحباً ترحيب عزن ما يحن عطرها وطيبه=مرحبا بالحاضرين أعداد ما شعشع قمرها
أرحبوا يأهل الوجيه البيض والسلم أقتدي به=اقتدي في السلم وأفخر في السلوم ومن عمرها
مرحباً ما بان نجمن وعد ما قرب مغيبه=مرحبن عد المزون وعد ما يمطر مطرها
بالجرجال اللي لهم تاريخن وأفعولن عجيبة=بالفعول وبالسلم اللي تنومس من ذكرها
عز فعل وعز سلمن من هرج به ما غوي به=والمثايل في مدايحهم تنومس من نشرها
والختام اعداد ما خط الكتاب وما قري به=مرحباً عدّ النبات وعد مايخضر شجرها






الشاعر الفحل ومسؤول العلاقات العامه بالموقع نايف بن مسرع المسعري

ثم جاء بعدها دور الشاعر المميز واحد اعضاء موقع الدواسر المشهورين ، مسؤول العلاقات العامة بالموقع الأستاذ نايف بن مسرع الضباعين آل بوسباع المسعري، حيث قرر اخيرا المشاركة بقصيدة بعد ان قرر عدم المشاركة بعد أن فجع بوفاة الشاعر دغش البطي رحمه الله:


قالوا دعيت لحفلـةٍ عنـد اغـرره=وش عندك بنسمع من انتـاجٍ جديـد
في ليلة والها مـن العمـر ثمـره=عسى هجوسك من نوادرها تصيـد
قلت البداية بـا شكـر الله واذكـره=الواحد الرحمن فاعـل مـا يريـد
الواحـد اللـي نعبـده ولـم نـره=الله يجملـنـا بميـقـافٍ سـديـد
سلام يا هل الحفل من قلـب شـره=على قصيدٍ غاب في يـوم القصيـد
وسلام للي ساق رجلـه وحضـره=في ليلةٍ كنهـا مـن الايـام عيـد
واللي قرا في خافي الفكره اعذره=إن كان عجز اليوم عن نظم الفريد
موتة دغش تسوى من الناس اعْشره=أنا اشهد إنـه فاجعـه وانـه فقيـد
وانا اشهد انه صعب تضنا به مـره=وصعبن نحصل له مثل شخصه نديد
الله يبيحه كـل مـا البـال اذكـره=ويالله تبيحه لا طرق بابـك وحيـد
واختامها وان كان جينا يا غـرره=كلمة نعم لأمثالكم شيـك ورصيـد
واللي عرف وش خافي القلب اعذره=أرجو المعذره..كان ما تم القصيـد





الشاعر سعد آل بريك

بعدها القى الشاعر والاعلامي سعد بن فهيد آل بريك مالك جريدة زوايا الشعبية وعضو موقع قبيلة الدواسر الرسمي قصيدة جميلة في هذا الحفل المبارك نالت استحسان الجميع:


في الموقف اللي ينذكر فيه رجال=ما نيب أصد الا أعتزي وأرتكيله
وفي مثل هالموقف أبحضر وفالحال=بحضر ومثل في حضوري قبيله
لني بريكي والبريكي اذا قال=ما تلحقه فيما يقول الفشيله
تدفعني احميياي وجيك بهبال=والي الرابعة ما حما واحليله
يا مرحبا ترحيبة أرجال لرجال=ترحيبة تصفط ولا هي هزيله
ترحيبةٍ تصب مع كل فنجال=وتمدها يمناً كريماً أصيله
للي حضر حفل الدواسر ولا قال=ما نيب متعني على شان ليله
يا ربعي الغالين ونتم لي ضلال=يا وجيه عز ألا وجيهن نبيله
المدح فيكم يقصر شوي لو طال=وكثرالكلام أيسد عنه قليله
لكن مشاعر خافقي تشعل اشعال=والشعر يا ربعي هو أسمى وسيله
وعندي حروف الشعر لا جالها جال=في ذمتي مختار غير الجزيله
أنتم مشاكيل ومناعير وأبطال=وانتم أرجالاً ما تدوس الرذيله
وانتم عماد العز شيبان وعيال=وانتم كثير المدح منتو قليله
وانتم عصابة راس ومطيبه فال=وأنتم دوا طب الكبود العليله
اعقال من امسى وأصبح بلا عقال=حصيل من ضيع زمانه حصيله
وأحدكم اصمل من نحى السيل لا سال=ومن جى بوجه الدوسري عزتيله
وأرداكم الي شال حمله ولا مال=راسي كما ترسي الجبال الثقيله
وأبخلكم الي مدته تبري الحال=ضاري على مدات جودن أمهيله
ما همكم جمع الدنانير والمال=الهم ذكران طيبن ينعنيله
عقال لا والله منتم بعقال=الا مثال العقل واكبر دليله
جهال والله منتم بجهال=الا اليا ثار الفشق كالمخيله
اجبال لا بالله أرسى من جبال=على هبيلن ما درا من قبيله
والذكر الأول كاسبينه بلا جدال=والوقت ذا بالذات حنا عميله
أفعالنا زادت على كل الأفعال=ولا خذينها بغدر وحيله
إلا بضرب أسيوف وحراب وسلال=أو وقفاتن أتسجل بماء الفضيله
شجعان نجد اليا احتمى صالي الجال=فتيل حرب وما تطفى الفتيله
دواسراً ياقف لنا الكل إجلال=قبيلة نرقى الراس والطويله
حنا لحصان الفخر فار وخيال=والمجد والتاريخ حنا صهيله
وحنا بيلرق طيب جيلاً ورا أجيال=واضح كذا للناس ولا يبيله
وحنا نصاب العز في كل الأحوال=ما كل من طاله بيقدر يشيله
وحنا عزوم الجود طلعة ومحوال=جود الفتى فينا له أطيب وسيله
فينا الولد ينطح (30) رجال=ولا يصد من السيوف السليله
شجاعته يمكن تسمونها خبال=خبال طيب لا خبال الفشيله
يروم عزه لو دمه طاش ثم سال=ممات عز ولا حياتن ذليله
خطلان ليدي لزما كل عيال=نضرب بروس أمهندات صقيله
اسهوم موت ألا له أعمام وخوال=والموت نعشق جيته ونعنيله
في روسنا طنخة وتسعين موال=ما بين حربيه وما بين شيله
وفي صدورنا مجلس وبه ضو ودلال=للضيف والعاني وعابر سبيله
وفي قلوبنا طيب كما المزن همال=لا صب غيثه يروي أرضن محيله
وفي عيونا ورثن مورث للجيال=ننهج علىنهجه ونرفض بديله
شوفو شموخ المجد وشلون يختال=في عروقنا يدبك ونسمع عويله
ما ننهزم للفقر والوقت لو طال=وما ننحني الجور السنين الطويله
وما نرضخ الصكات بقعا ولهوال=الا نتحدى ضروفنا المستحيله
الدوسري تميز بفعل وخصال=نادر ويفرق في زمانه وجيله
وهذي فقط نبذه تبين ولا زال=به من مزايا الدوسري الجليله
والمدح فينا يقصر شوي لو طال= وكثر الكلام يسد عنه قليله
والله يبيض وجه من نضم وشال=حفل جمعنا مع وجيه القبيله
لاد الغريري عزوةً ترثة أشبال=منا وفينا كالخليل و خليله






الشاعر الفذ بدر بن نايف بن شين الحلايا
(عضو موقع قبيلة الدواسر الرسمي)

ومن دولة الكويت الشقيقة جاء الشاعر بدر بن نايف بن شين الحلايا الرجباني مشاركاً ابناء عمومته في هذا الحفل المبارك ليلقي قصيده جميلة امتع فيها الحضور وهذا ليس بغريب عليه فهو حفيد قامة الشعر الشاعر الكبير ( شين الحلايا ) رحمه الله كما لم ينسى الشاعر بدر بن نايف في قصيدته المرحوم دغش البطي :


يامرحبا من هاجس الرجبانى =فى ضيفنا واصحابنا والعانى
ويامرحبا فاللى لفا محفلنا =عند الدواسر فالمقر الثانى
قولة هلا يامرحبا ثم اقلط =سلمٍ لنا من سالف الازمانى
وحجاج يضحك للعزيمه صامل =وارث سلوم وعادة الجدانى
الضيف يلقا عندنا تقديره =العود يقفا دلة الرسلانى
ومن عقبها ما فالكرامه منه =اليا جمعنا الحيل والقعدانى
ولا ننشده عن حاجته لين انه =يقول مايخفيه فالوجدانى
ياخذ معنا فى بلدنا سجه =فى ديرة اللى يحتمون الجانى
يدله بعد ضيقه وينسي همومه =يسرح ويمرح فى رحاب اوطانى
وسم العصا ميزه تميز ربعي =فازوبها مابين قاصي ودانى
وعلومهم واجد ولا نحصيها =ماتنحصر فالشعر والقيفانى
من زايد وتغلب جدار العزه =هم عزوه اللى للقا طربانى
وحدودهم بسيوفهم محدوده =من الخرج لا ليلي ليا نجرانى
الزايديه كملوها تغلب =تغلب وزايد فالقا شجعانى
هم سور لابه حصنها المهيوبي =فالسيف الابتر رسو الاركانى
الله يعز اللى مجمع ربعه =انا اشهد انه كاسب الاحسانى
ارسل على كل الدواسر خطه =تجمعو يالابتى واخوانى
لم الشمل من كل دار وديره =للدوسرى يااهل الفخر عنوانى
عن تغلب وزايد كفونا لابه =غرره كما الميدان للفرسانى
رجالهم للضيف صار معزب =والضيف فى حكم المعزب كانى
تنظيمهم راقي بذوق الراقي =الله يديم مشيد الميدانى
الله يديمك يالغريرى حيثك =فى بادراتك تلبس النيشانى
من فوق صدرك تفتخر فى فعلك =الله يعزك يارفيع الشانى
نبغي التجمع يالدواسر دايم =لجل التلاحم يقهر العدوانى
حثو على وصل الرحم يالابه =عسي المطر فدياركم ودانى
جعل التواصل بيننا مايقطع =يااهل الفخر خصامة القومانى
نفرح على مثل التجمع هذا =شوفة ربوعى تجلى الاحزانى
انا اشهد انى فى كلامى صادق =ترجم شعورى منطقي والسانى
افرح ويفرح من براسه طنخه =فى شوف ربعه يكحل الاعيانى
جيت اتسابق والفرح يسبقنى =لجل اجتمع فى ربعي الضفرانى
مير القدر غيب رفيقٍ وشاعر =ماله مثيل وجنس فى الاقرانى
كيف اوصفه والوصف منه يوصف =عيا الوزن يطيع والالحانى
راعى الكرم الا صدوق النخوه =شجاع الا طيب السيسانى
بشوش الا منطقه ما مثله =سموح الا منبع الايمانى
عراف الا ضحكته فحجاجه =دليل الا ذيبنا السرحانى
((ابو محمد)) ياالاهى بيحه =يامبدل السيات فى الاحسانى
وابدله خير الدار دار الجنه =فى رحمتك يالله والغفرانى
واغسله فى مائك وثلجك والبرد =والبسه سندس ضافي الاردانى
وزوجه حور العين واقبل منا =دعواتنا ياربنا الرحمانى
وصلو على محمد شفيع الامه =نبينا الهادى نسل عدانى





الشاعر لبنان الرجباني
(عضو موقع قبيلة الدواسر الرسمي)

وكانت مفاجئة الحفل مشاركة شاعر برنامج (شاعر المليون المعروف) لبنان بن عبدالله الرجباني الدوسري حيث قدم بدعوة شخصية من الأستاذ هايف بن مبارك العماني ، وقد تحمل الشاعر مشقة السفر بسبب عدم وجود حجوزات ، فجاء من ابوظبي الى الرياض جواً ثم الى الدمام برا ً ،في سبيل مشاركة ابناء عمومته فرحتهم ، واعلنها امامهم انه كسب الملايين بلقياهم في ذلك اليوم ، وشاركهم بقصيدتين الأولى قصيدة كتبها على عجاله وهو في طريقه للحفل والأخرى قصيدته التي القاها في الجولة الثانيه في برنامج شاعر المليون :



سلام من أقصى خافقي يأهل الدمام=سلام شعوري ظاهره والوفا بطنه
دواسر لهم صولة وجولة مع الأخصام=مكارم وجود وطيب ومجالد وفطنه
وأنا فرد منهم وأتشرف و أحط وسام=ولا نيب شاعر يجهل الناس في رطنه
أنا اكتب على ذوقي وأرصع وأكب أوهام=ولاني بحب الزور والكذب والعطنه
وأنا اضمر جروح القوافي بدون الأم=مثل ما يضمر جرح الإنسان بالقطنه





الشاعر الكبير عبدالله الصليبي الحقباني

بعدها تقدم احد شعراء الموقع المعروفين مشرف قسم الابداعات الشعرية بالموقع الشاعر القدير عبدالله بن صالح الصليبي الحقباني (عبدالله الدوسري) حيث القى قصيدة رائعه بهذه المناسبة ثم قصيدة رثاء في فقيد الجميع دغش بن بطي الشياحين الغييثي رحمه الله :


يالله ياللي كلّنا نسايله = يا عالمٍ بالخافية وجهارها
يا منشي من السّماء مخايله = يا ضامنٍ رزق البشر وأعمارها
ما غيرك أحدٍ نرتجي فضايله = عفوك إلا ثقلت عليّ أوزارها
قال الصليبي بادعٍ مثايله = ينقى من القيفان روس خيارها
لبيت من طرّش علي رسايله = نسل الرجال اللي تشيع أخبارها
لاد الغريري مقعِدين المايله = وقت اللّوازم ما تغيب أدوارها
حفلٍ جمَع شيخان من قبايله = من كل فجٍّ من بعيد ديارها
سلام مني ما مِشت رحايله = سلامٍ أحلى من حليب بكارها
تحيةٍ فيها المشاعر سايله = بالطيب لأهل الطيب يا حضّاّرها
حبٍّ لكم وسط المشاعر شايله = معزةٍ ما ينحصى مقدارها
يا عزوتي وان جت الأمور الهايلة = يا فزعتي لا زعزعت بأقطارها
دواسرٍ ساس الفعول الطايله = خطلان الأيدي مِكرمة خطّارها
دواسرٍ من ساس تغلب وايله = وآلاد زايد لا خذت في ثارها
حريبنا نسقيه من غلايله = ما عاد ينسى شربته وأمرارها
حنّا هل البِل والجياد الصايله = لا ثارت الهيجاء وعجّ غبارها
كم شيخ قومٍ يصطلي ملايله = يبي العمار وطاح في دمارها
يشهد لنا التاريخ في دلايله = لا من تعلّينا ظهور أكوارها
هل واديٍ جعل الحيا مسايله = فيه النّخيل اللي بدون حظارها
قصيرنا نرفاه من خمايله = يقلط على الكرمَه وشبّة نارها
نزبّن المجرم عصور أوايله = ناسم عصاه ونهمله في دارها
وخويّنا ما يشتكي علايله = يبشر بعزِّه لا حَدَتْه أعسارها
قلته وربعي ترتكي ثقايله = لاد العياضي بيّنٍ تذكارها
ويا جعل ما نعتاض في بدايله = القرم أبو متعب زعيم أحرارها
الشّعب منه كل خيرٍ نايله = في برها وجبالها وبحارها
وختامها صلّوا عدد همايله = على النبي عداد هلّ أمطارها





الشاعر راشد بن دحيم النتيفات

ثم ألقى الشاعر راشد بن دحيم النتيفات قصيدة طيبه نالت استحسان الجميع :

لسماع القصيدة أضـــغــط هــنا







الشاعر حسن بن محمد بن بطحية الجماعين الودعاني
(عضو موقع قبيلة الدواسر الرسمي)

وجاء دور احد شعراء المنتدى المشهورين الا وهو الشاعر الكبير حسن بن محمد بن بطحيه الجماعين الودعاني حيث القى قصيدة جميلة بهذا الحفل كما القى قصيدة مرثية في فقيد الجميع دغش البطي رحمه الله.


سلامي سـلام الله تحيـة وفـاء نبديـه=سـلام يليـق بحفلكـم ياهـل العـادات
سلام من أقصى القلب أرده بعد وأثنيـه=لمن يفعل المعروف ومن يسمع الأبيـات
ولاياحليـف ماتخيـب الهقـاوي فـيـه=حليف الوفاء تظهر مواقفـه بالأزمـات
دعيته ولبـا وستجـاب لنـداء داعيـه=يقول أحتزم بي ورفع الصوت بالصـالات
ولاياقصيدي بزهمـك فالوجيـه أوجيـه=تجمـل وجملنـي معـا طيبيـن الـذات
تجمل بمعنى كل منهـو حضـر يرضيـه=يصفق له الجمهور يضـج بالصيحـات
أبي حاجـة لاسمعهـا المستمـع تغنيـه=قصيدة مشاعر شاعـر يملـك القـدرات
وأبي مربط المهره وكل العـرب تبغيـه=وأبي إكة المعنى ولالي غـرض بالـذات
ترى النقد مثل المدح لابـد لـه قافيـه=عسى الله يناولنا الرضى بأعذب الصدفات
وليل جمعكم جيت مـن حبكـم ساريـه=علي الحرااام أنها علي أبرك الساعـات
وليل جمعكـم ياوجيـه السعـد نشريـه=وذي غايتي والناس كـل لهـا غايـات
وعلى ((المنتدى واللي بناء المنتدى نهديه=صروح البياض اللي تطاول لها الهامات))
قبيله لها أسم ورسم واوسم العصا تحميه=لها عزوتن يعرف صداها على الساحـات
دواسر يوحدها أسمهـا ويـن ماتوحيـه=تسجل فعايلها بنـور علـى الصفحـات
ليا ذكرو العربان كـل حسـب ماضيـه=فحنا جمعنا اليوم والصبح واللـي فـات
لنا كل مطلع شمس فعلـن روى راويـه=فعول مهيب أهروج فعول عليـه إثبـات
فعول عددها منتـدى النـت مايحصيـه=ولو زودو عبر الفضاء أقمـار نايلسـات
نفاخر بضـل احكومـة خيرهـا نجنيـه=ملوك عليها مـن ملـوك السمـا آيـات
تعز العزيز ومـن حـداه الدهـر تؤيـه=نصرها جليل الملك والنصر له شـارات
وعلى من تكفل وأستضاف الحفل نقريـه=ثناء والثناء لله وأنتـوا هـل الطـالات
الآد الغريري تنطـح الواجـب وتقضيـه=تسد اللـزوم وتبهـج العيـن بالوقفـات
كفو يابني عـم جزيـل الثنـاء تزهيـه=وفيتو وكفيتو عساكـم علـى العـدلات
وأنا شاعر موهوب وأقول الشعر وألقيه =وعلى عالي المرقاب أبركز لها الرايـات





ماجد المهنا
(عضو موقع قبيلة الدواسر الرسمي)

ثم تقدم شاعر المنتدى المحبوب ماجد بن عبدالله المهنا الشكره ، حيث القى قصيدة بمناسبة هذا الحفل وقصيدته الشهيره ( زايدي ان زهمني زايدي ، وتغلبي ان زهمني تغلبي):

لسماع القصيدة

أضغـط هـنـا





الشاعر فهد بن عبيد الشكره

بعدها القى الشاعر فهد بن عبيد الشكره قصيدة جميلة بهذه المناسبة:

لسماع القصيدة أضـغـط هـنـا





الشاعر خالد بن حليس الخييلات


ثم القى احد شعراء المنتدى الممزين قصيدة رائعه في هذه المناسبة الا وهو الشاعر الشاعر خالد بن حليس الخييلات عضو موقع قبيلة الدواسر الرسمي :


يالله يا منزل من المزن همال=انك تجملني على كل الاحوال
في لابتي اهل الكرم والحميه=الابه اللي من قديمً ولا زال
دواسرن .. وقت الرخا والشدايد=يفنون ماهبو من الخلق عيال
كم شيخ قومً اعتنز بالدواسر=وكم شيخ قومً حولو به على الجال
تاريخنا معروف مبطي وذ الحين=وقوالنا ما ترجمت غير بفعال
و لاد .. الخييلي ... جاته اغلا رساله=لدعوه اللي واصله لكل رجال
خيالت الشرفا على العسر والين=مع ربعهم اجبال وتعانق اجبال
حبيت اشارك و فتخر بالقبيله=للمجد عنوانً وللعز منزال
في ظل ابو متعب حكيم القياده=سلايك اكحيلان مضرب للامثال
الله يعز املوكنا ..و هل الدين=والله يعز المملكه بك الاشكال
نفرح بشوف اربوعنا والجماعه=ويا جعل يسلم من يمانيّه اخطال
على المعزه اجتمعنا وجينا=نرقى الي العليا الي حد الامال
ونقطف عناقيد الشيم والاصاله=ونشرب غلا اللي ينومس ومدهال
لاد الغريري فعلهم يرفع الراس=في ما مضى ... واليوم .. والصدق ينقال
ارجالً تحب .. اتخسر كل الدنانير=وفــ الصف الاول لا ذكر فيه الابطال
والله يعيد الليله اللي اجمعتنا=على المعزه وتّناقل للاجيال
ويالله يا معبود والي التدابير=انك تجملني على كل الاحوال







الشاعر حسن آل حزمي المشاوية
(عضو موقع قبيلة الدواسر الرسمي)

ومن الكويت ايضا القى شاعر موقع الدواسر الرسمي المعروف حسن آل حزمي المشاوية قصيدة جميلة نالت استحسان الجميع :

لسماع القصيدة أضــغط هنـا






الشاعر صالح بن محمد بن صالح آل شملان الحقباني

ثم تقدم الشاعر صالح بن محمد بن صالح آل شملان الحقباني ليلقي قصيدة رائعه بهذه المناسبة الطيبه :

لسماع القصيدة أضـغط هنـا







الشاب عايض بن منصور بن عايض الحراجين

وبعدها القى الشاعر الشاب عايض بن منصور بن عايض الحراجين قصيدة طيبه بهذه المناسبة الغالية :


البداية يا سلام الله دبل=لرجال اللي يشوف اقبالها
عطرها يفوح خزامى مع نفل=للحضور اللي كبار أفعالها
بارك الله فالحفل وأهل الحفل=والرجال الطيبة بأعمالها
الغريري دق صدره وأشتغل=بالحفل ما قال كم ريالها
الغريري يوم نظم وأتكل=كاسب الحسنه بعشر أمثالها
والحميدي مفلح مضرب للمثل=فالمدح يذكر لاعد أرجالها
والغرره رجالهم بمية رجال=الكرم والطيب ربع خصالها
حالفن ما أجيب يكو الجزل=والمعاني ما نخم أهزالها
ما علي لو الشعر نقض وفتل=أنقض العنا وأجيب أجزالها
والدواسر حفلها اليوم اكتمل=بالرجال اللي تحل حبالها
بالمحبة والمشاعر تختزل=والفرح جعله يعم ليالها
والدواسر لو تجي وقت الجهل=كم شيخن حالته يرثالها
بالسيوف الحدب وتذر الكحل=في عيونن طامعة منزالها
والمطرف فالعرب فقد الأمل=والدواسر ترتكي من جالها
والشريف بضربة السيف أعتدل=وابن بدران البطل خيالها
والدواسر شامخة مثل الجبل=للعرب دايم بضل ضلالها
يوم( مرّان) الأمير شيخ الشمل=مايهاب قصارها وطوالها
الامير اللي على الشدة صمل=والحمول الجايرة شيالها
يوم انا لاد الحريجي لا صهل=في المواقف لو رجف زلزالها
وابن ملحم قايد للي ما يزل=يقطع الفرجة ويسوق جمالها
دون ربعه ما رجع مهما حصل=يضبط الكيله على مكيالها
وزايد وتغلب سيوفاً للعدل=كل منهم ما سمع جمالها
والعداوة جعلها ما تنتقل=لدواسر دفها وجلالها




الشاعر مانع بن شلحاط العجمي

ومن ثم ختم فقرة الشعر الأولى بمسك مع شاعر العجمان المعروف مانع بن شلحاط آل ضاعن العجمي حيث ابى الا ان يشارك أخواله (الدواسر) بهذه المناسبة المباركة حيث القى قصيدة تفاعلت معها الجماهير ونالت استحسان الحضور :


شهر كانون موعد الاحتفال=جمعني مع مداغيش الرجال
هل الطّولات والراي السديد=هل الوقّفات ذربين الفَعَال
سلام الله سلامٍ مايبور=يراضيكم غلا وِدْ و وِصَالْ
وأنا شاعر ليا حَلْ القصيد=ثقيل الروز وبيوتي ثقال
أقَلَّطْهَا على الخَرْمَانْ كَيّْفْ=وتَقْعِدْ راس كَيَّيْفْ الدّْلَالْ
وأنا مِعكم وأنا جدي إعجيم=أكَابِرْ فَخْرْ حيثِ أنِكم خوال
أفاخر بالدواسر وأسْتَطيْشْ=وأقول الحق وأشرع فالمقال
ظنا دَوْسَرْ هل الجمع الرزين= كذا التاريخ ما فيها جدال
(ابن بدران) يثرينا صداه=ولو هو زال ذِكْرَه لا يزال
ظنا( زايد وتغلب )خلدوه=طناخ العَوّْدْ في روس العيال
وقف سالم يوصى به ظناه=وداعينٍ ذخرهم للقتال
ومخاريمٍ ورجبانٍ عُصاه=خوانٍ ما تفرقها الجبال
وعيال صهَيب لَحَلْ اللزوم=حمول الخيل وكفوف السّْلال
ظنا مَسْعر ومَنْ سمي بريك=ونَسْلْ غياث في يوم الهوال
وآلاد الحريجي لأعتزيت=وصولات الشرافاء فالنزال
وطغا الفرجان يخشاه الحريب=كذا جَمْع} الهواملهَ لَمنْهْ صال
وظنا صخبور والخضران قوم=وهومات الهواشله صعبة منال
ودَبَالينٍ تَرَدْ المَعْتدين=وغارات الشّْيَنَهْ سِمْ حَال
أقوله وآل عمار الدُهَات=أيوالله والشّْكَرَهْ صَوّْكْ جال
وفزعات الغــرره لعتزيت=وجَرّات الكبرا لفح لال
ولكَبْرَتْ فالنتيفات أحْتَضَوّْك=ونخوات آل عرفج طيب فال
وتغلب تغلب الخصم الكبير=ذرى الحقبان للزابن ظلال
تعزوا بالخيلات العمور=وكفوٍ بالمشاويه لجا مجال
وآلاد الحبيبي فارقين=ومصاريرٍ ليا كبرت نصال
يجوز أني نسيت أو ما نسيت=أنا ألتمس العذر في كل حال
فعذراً يا حما ذاك الدَرَيْك=يوم أن الاشراف ردوها شمال
بيومٍ تعتذر عَنْهْ الجموع=وزبنتوا ولد عمي وطال
كذا وأنتم حما ذيك الغروس=وفي هيباتكم يرعا الحلال
فرقتوا يا دواسر بأثنتين=ولا معكم شَبَيهْ ولا مثال
الأولى وسمكم عصا القصير=وَمَنْ وأَمنْ بعدِ ما كان ذال
والأخرى جاركم من بعد صْيْب=على ذاك الجدار أيْسَاق مال
ومن شيخانكم أبن أقويد=وأبن حفيظ يومه طال قال
ومن فريسكم ناس ودُهَات=إلا ياكثرهم من آل وآل
خجيم وراعي الهَدْلَا وزيد=وسحمي والمبيعيج المثال
وأبن وقيان وماجد والقضيع=وسند من صهوة الصفرا ما مال
وأبن نادر وسبر القوم ذيب=وأطليفيح شَرَّابْ الزهال
ومنكم أبن هذال الكريم=فَرَقْ وأنتم كريمين السبال
ومَقْطَعْ حقكم فالعرف عرف=أبن إوثيله وللقصيا جمال
ومن شعاركم ظافر وغير=وأبن عمهوج لصر المحال
وأبارك جمعكم هذا وأقول=سلام الله عليكم يا رجال


وفي لفتة كريمة وبعد القصيدة مباشرة تقدم ابن العم علي بن عبدالله آل بريك الدوسري وحلف( وطلّق) على ابن شلحاط بان ياخذ سيارته الخاصة ، وقام باهداءها للشاعر العجمي .

وهذا ليس بغريب على ابناء الدواسر الكرم والشهامة وبيض الله وجه علي بن عبدالله آل بريك، ويستاهل الشاعر الكبير مانع بن شلحاط.




بعدها انتهت فقرة الشعر الأولى ، وفتحت ابواب المضائف ليتناول الجميع طعام العشاء على مائدة الغرره الكرماء.







وبعد ان تناول الجميع طعام العشاء بدأت الفقرة الشعرية الثانيه والأمسية الجميلة حيث بدأت مع الرواية والشاعر المعروف شخبوط بن سعد المقابلة حيث امتع الحاضرين بعدد من القصص والقصائد التي قيلت من ابناء القبائل في الدواسر .


الشاعر والرواية القدير شخبوط بن سعد المقابلة تحمل مشقة السفر والمرض ليشارك ابناء عمومته ، فبيض الله وجهـه وترفع له البيضا.



تلاها تكريم لمن قام بتغطية الحفل ، من قبل الشيخ هادي بن قريع بن مرشد الغريري

ففي البداية قام باهداء درع تذكاري لقناة فواصل الفضائية تسلمه الأستاذ : عبدالعزيز العجالين

ثم قدم درع مماثل لصحيفة زوايا الشعبية تسلمه رئيس تحريرها ومالكها الأستاذ : سعد آل بريك


الأستاذ : سعد آل بريك


وأخيرا ً درع لموقع قبيلة الدواسر الرسمي أستلمه رئيس مجلس الإدارة
الأستاذ : هايف بن مبارك العماني


الأستاذ رئيس مجلس إدارة الموقع / هايف بن مبارك آل عيد العماني الغييثي


بعدها بدأت أمسية شعرية جميلة أحياها نخبة من شعراء موقع قبيلة الدواسر الرسمي بشكل خاص وشعراء الدواسر بشكل عام منهم :
الشاعر المميز نايف بن مسرع ، والشاعر الكبير محمد بن محسن بن حشفل الخضراني حيث القى قصيدة رائعه بمناسبة الحفل وغيرها من القصائد الجميلة والشاعر حسن بن بطيحة الجماعين والشاعر سعد بن فهيد آل بريك ،والشاعر ماجد بن عبدالله المهنا الشكرة ،
والشاعر عبدالله بن صالح الحقباني ،والشاعر إبراهيم بن عبدا لرحمن آل عريمة ، والشاعر راشد بن دحيم النتيفات، والشاعر مانع بن شلحاط العجمي



الشاعر الكبير محمد بن محسن بن حشفل الخضراني
(عضو موقع قبيلة الدواسر الرسمي)


الشاعر القدير حسن بن بطحية الجماعين خلف الميكروفون ويظهر الشاعر محمد بن حشفل الخضراني .


جانب من الأمسية الشعرية


وقد ادار الأمسية بجدارة الاعلامي المتألق حنيان بن مبارك المسعري


وختاما تتقدم ادارة موقع قبيلة الدواسر الرسمي بخالص الشكر والتقدير الى الغرره الكرام لرعاية الحفل الثاني لموقع قبيلتنا الغراء ، كما نشكر كل من حضر وساهم في انجاح هذا الحفل من أمراء وشيوخ وأعيان وابناء قبيلة الدواسر العريقة .

والى اللقاء في العام القادم ان شاء الله في الحفل الثالث في دولة الكويت برعاية ابن العم الغالي حسين بن براك المشاوية .



موقع قبيلة الدواسر الرسمي
www.alduwaser.org/vb



 

 

 

 

    

رد مع اقتباس
قديم 21-02-2007, 12:52 AM   #2
 
إحصائية العضو







عبدالرحمن الشرافي غير متصل

عبدالرحمن الشرافي is on a distinguished road


افتراضي رد: التغطية الـمصّورة للحـفل الثـاني لموقع الدواسر الرسمي برعاية الغرره

إدارتنا الموقره

السلام عليكم ورحمة الله وبركاته ..

اولاً : وبعد الصلاة والسلام على رسول الله ..
أشكر الادارة الموقرة على هذه التغطيه الجميله والمنسقه والرائعه

شكراً جزيلا .. لعله يوفيها حقها ,,


ثانياً: أتقد بالشكر الى كل من قام ورعا وساعد على نجاح هذا الحفل الجميل والمشرف
وبالاخص بني عمنا الغرره

وشكر لجميع من حضر ولجميع الشعراء
وبالاخص الشاعر / بن شلحاط العجمي
والراويه / بن شخبوط المقابله

وتقبلوا فائق التحية والتقدير

 

 

 

 

 

 

التوقيع

    

رد مع اقتباس
قديم 21-02-2007, 02:28 AM   #3
 
إحصائية العضو







طموحي فكره غير متصل

طموحي فكره is on a distinguished road


افتراضي رد: التغطية الـمصّورة للحـفل الثـاني لموقع الدواسر الرسمي برعاية الغرره


السلام عليكم ورحمة الله وبركاته

أولاً أجدها فرصه سانحه لشكر كل من ساهم بماله وجهده في هذا الحفل ( تعليقي هذا كله شكر بِشكـر )

كل إنجاز لابد أن يقف وراءه رجال مخلصون، متميزون مبدعون يتسمون ببعد النظر وسمو الهمم

وتجدد الأفكار فهؤلاء هم ( الغرره بيّض الله وجيهم ) أشكرهم جزيل الشكر على ماقاموا به من جهود ملموسه وإنجازات جليه في إنجاح هذا الحفل.

ولايفوتني أن أشكر إدارة موقع منتدى قبيلة الدواسر الرسمي على هذه التغطيه المميزه

ولايفوتني أن اشكر كاتب الموضوع (الإداره) على تميّز نقله وجهده وكأننا نشاهد إعاده للحفل من جودة الطرح والتصوير والإخراج وأشكرك لما بذلته وقدمته لنا وأسال الله ان يجزاك خير الجزاء

أحمد الله أن جمع شمل هذه القبيله في هذا الحفل وأسال الله ان لايكون أخر لقاء وأن يجمع شملهم دوماً في الدنيا والآخره في جناتٍ نعيم

وأخيراً اشكركم انتم

وأقول أن الاهداف المحققه في هذا الحفل هو جمع شمل هذه القبيله العريقه على الخير والتعارف وصلة الرحم

أخيراً اصلي وأسلم على نبينا محمد وعلى آله وصحبه أجمعين

 

 

 

 

 

 

التوقيع

لا إله إلا الله

    

رد مع اقتباس
قديم 21-02-2007, 05:32 AM   #4
 
إحصائية العضو








نايف الخييلي غير متصل

نايف الخييلي is on a distinguished road


افتراضي رد: التغطية الـمصّورة للحـفل الثـاني لموقع الدواسر الرسمي برعاية الغرره

الاداره المـــوقره


بصـــراحه تعجز الكلمات ان توفيــكم حقـــكم على الجــهود التي تقوم بها إداره المنتدى


تغـــطيه متميـــزه وجميله ومنسقه . فأسئل الله ان يبارك في جهودكم وان يسدد خطاكم


ولاأنســـى أن أشكـــر قبيله الغرره على جــهودهم وإقامتهم لهذا الحفل وجمع الشمل


فبيـــض الله وجيههم وجزاهم الله خيـــر وهــذا لايُستغرب عليـــهم



 

 

 

 

    

رد مع اقتباس
قديم 21-02-2007, 06:34 AM   #5
 
إحصائية العضو







سعد المقابله غير متصل

سعد المقابله is on a distinguished road


افتراضي رد: التغطية الـمصّورة للحـفل الثـاني لموقع الدواسر الرسمي برعاية الغرره

الادارة الكريمه

والله ان الفكره والكلمه تلاشت تقريبا

في مدحكم والله

لا اقدر اقول الا وفقكم الله لما يحب ويرضا

وبيض الله وجيهكم وبيض الله وجيه الغرره على الحفل الطيب

ويقولون ويطولون

وبيض الله وجه المشاركين جميع

وتحياتي لكم

 

 

 

 

    

رد مع اقتباس
قديم 21-02-2007, 10:22 AM   #6
 
إحصائية العضو








عبدالله بن عريمة غير متصل

عبدالله بن عريمة is on a distinguished road


افتراضي رد: التغطية الـمصّورة للحـفل الثـاني لموقع الدواسر الرسمي برعاية الغرره




المكارم والمواجيب من شـرع العـرب ="والغريري" حقه البيض باعلى هظابهـا
للندب لادالغريـري تجـي عنـد النـدب = الشكاله والوفـى مشرعيـن.ن. بابهـا
بيض الله وجيهكـم ياموطيـن الصعـب = السلـوم الطيبـه ضاربيـن طنابـهـا
السلام يسـاق مانـاظ بـراق وسكـب = والمثايـل أسرجـت خيلهـا وركابهـا
لابتي "دوسر" لها المجد والعـز انكتـب = من بني "تغلب" و"زايد" كريـم انسابهـا
واللقب "خطلان الايدي" هل السيف الحدب = "مديةجيرانهـا "متيهـيـن اصحابـهـا"
وشرعنا"وسم العصا" والمفاخـر تنكتـب = وجودنا مثل المطـر لاانهمـل سكابهـا
وفي الشجاعة والكرم المثل فينا انضرب = وفي الشهامة والوفى نعرف وندعابهـا
ومن زبنا هارب الخوف يبشر بالشبـب = السلـوم "الدوسريـه" حمينـا عقابهـا
مثل "بن مطرف" زهمنا وثنيّنـا الركـب = شرعنـا وسلومنـا جدنـا وصابـهـا

 

 

 

 

    

رد مع اقتباس
قديم 21-02-2007, 11:01 AM   #7
 
إحصائية العضو








عبدالله بن عريمة غير متصل

عبدالله بن عريمة is on a distinguished road


:r-r-5: رد: التغطية الـمصّورة للحـفل الثـاني لموقع الدواسر الرسمي برعاية الغرره

(



بيض الله وجه هايف الأصيل بن الأصيل= الغييثي عز ربعـه ودرع دوسـر كلهـا
هو رئيس المنتدى اللي رقا راس الطويل= قـل لجهـال الحقايـق يالغييثـي قلهـا
المكارم حطها الله فيـك يازبـن الدخيـل= تحفظ امجـاد القبيلـة والـدروب ادلهـا
تبهج نفوس بنا عمك وتحرق القلب الغليل = صفحة التاريـخ تمشـع سيفهـا وتفلهـا
هيه يا "خطلان الايدي" مروية حد الصقيل= مزبن الجالي متيهة الخـوي فـي ظلهـا
لابتي سقم المعادي لالتقت خيل.ن. بخيل = تارد حيـاض المنايـا والسيـوف تعلهـا
درانا دار المكارم علهـا وبـل المخيـل = وبيض الله وجه هايـف يالغييثـي سلهـا

 

 

 

 

    

رد مع اقتباس
قديم 21-02-2007, 11:26 AM   #8
 
إحصائية العضو







بدران البدراني غير متصل

بدران البدراني is on a distinguished road


افتراضي رد: التغطية الـمصّورة للحـفل الثـاني لموقع الدواسر الرسمي برعاية الغرره

الاداره


بصـــراحه تعجز الكلمات ان توفيــكم حقـــكم على الجــهود التي تقوم بها إداره المنتدى


تغـــطيه متميـــزه وجميله ومنسقه . وأكثر من رائعة


أشكـــر قبيله الغرره أشكر الجزيل على جــهودهم وإقامتهم لهذا الحفل وجمع الشمل دوسر



فبيـــض الله وجيههم وجزاهم عنا كل خيـــر وهــذا لايُستغرب من لادالغريـري

تقبلوا تحياتي

 

 

 

 

    

رد مع اقتباس
قديم 21-02-2007, 10:05 PM   #9
 
إحصائية العضو








ابو زابن المسعري غير متصل

ابو زابن المسعري will become famous soon enoughابو زابن المسعري will become famous soon enough


افتراضي رد: التغطية الـمصّورة للحـفل الثـاني لموقع الدواسر الرسمي برعاية الغرره

بسم الله الرحمن الرحيم

الإداره الكرام نشكركم جزيل الشكر على على هذه التغطية الجميله

التي تنضر إاليها وكأنك حاضر الحفل

اشكر قبيلة الغرره الكرام على إقامع هذا الحفل المميز

واشكر كل من لبى الطلب من بني عمي

وصح الله السنة الشعار كلهم

تحياتي لكم

ابـو زابـن

 

 

 

 

 

 

التوقيع

لاصار حظك ردي والوقت ماياوي= مناطح الروس خيرا من مصافحها
وإن لم تكن ذيب في راس الجبل عاوي= اصبحت طمعة لعاويها ونابحها

    

رد مع اقتباس
قديم 22-02-2007, 07:03 AM   #10
 
إحصائية العضو







بو سلمان الدوسري غير متصل

بو سلمان الدوسري is on a distinguished road


افتراضي رد: التغطية الـمصّورة للحـفل الثـاني لموقع الدواسر الرسمي برعاية الغرره

السلام عليكم
اولا اشكر قبيلة الغررة الكرام على هذا الحدث الكبير وبيض الله وجيهم ووجيه كل من ساهم في انجاح هذا الحدث المتميز..
ثم جزيل الشكر الى القائمين على هذا الموقع على هذه التغطية المتميزة..
الله يدوم مثل هذه الاحداث على قبيلتنا الغالية
اخوكم بو سلمان

 

 

 

 

    

رد مع اقتباس
قديم 22-02-2007, 10:26 PM   #11
 
إحصائية العضو








خاطر محمد الخاطر غير متصل

خاطر محمد الخاطر is on a distinguished road


افتراضي رد: التغطية الـمصّورة للحـفل الثـاني لموقع الدواسر الرسمي برعاية الغرره

بسم الله الرحمن الرحيم

أحب اتقدم بخالص الشكر والتقدير للغرره الكرام على رعايتهم لحفل موقع الدواسر الثاني وبيض الله وجيهم

والى الأمام دائما ومن نجاح الى نجاح ومن اعلى الى اعلى

اخوكم خاطر الخاطر

 

 

 

 

    

رد مع اقتباس
قديم 24-02-2007, 12:13 AM   #12
 
إحصائية العضو








إبـراهيـم بـن راكـــان غير متصل

إبـراهيـم بـن راكـــان is on a distinguished road


افتراضي رد: التغطية الـمصّورة للحـفل الثـاني لموقع الدواسر الرسمي برعاية الغرره

يعجز لساني عن الشكر ,, وتتلاشيء تعبيري بهذه الصور والقصائد

والمله المباركه ادامها الله علينا


لاهنتوو وبيض الله وجيهكم

 

 

 

 

 

 

التوقيع

    

رد مع اقتباس
قديم 24-02-2007, 09:52 AM   #13
 
إحصائية العضو







فالح الشكره غير متصل

فالح الشكره is on a distinguished road


افتراضي رد: التغطية الـمصّورة للحـفل الثـاني لموقع الدواسر الرسمي برعاية الغرره

شكرا جزيلا لادارة المنتدى على تنظيمها لهذا الحفل
وشكرا جزيلا للاخوه الغرره على رعايتهم لهذا الحفل

ارجوا من ادارة المنتدى ارشادنا على كيفيه الحصول على شريط الفيديواو ال دفي دي او الفيديو سي دي الذي تم تسجيل الحفل عليه لاقوم باقتناءه

 

 

 

 

    

رد مع اقتباس
قديم 24-02-2007, 12:31 PM   #14
 
إحصائية العضو







سالم الغريري غير متصل

سالم الغريري is on a distinguished road


افتراضي رد: التغطية الـمصّورة للحـفل الثـاني لموقع الدواسر الرسمي برعاية الغرره

الف شكر للادارة الكريمه

على هذا الموضوع التفصيلي عن الحفل والملتقى

والذي ظهر بصوره جميله

تجعل المتصفح يستمتع وكأنه من ضمن الحضور

الف شكر للجميع

وبيض الله وجيهكم

 

 

 

 

 

 

التوقيع

    

رد مع اقتباس
قديم 24-02-2007, 09:58 PM   #15
 
إحصائية العضو







ابو المثنى التركي غير متصل

ابو المثنى التركي is on a distinguished road


افتراضي رد: التغطية الـمصّورة للحـفل الثـاني لموقع الدواسر الرسمي برعاية الغرره

مشكورين وبيض الله وجوهكم
وتمنيت اني حاضر لكن لعدم دخولي للموقع لفترة طويلة حال دون معرفتي بالموعد

 

 

 

 

 

 

التوقيع



فزعة دواسر كنها السيل عميان=تشهد بها خدان نجد وعربهـا
اللهم إني استودعك أمن وأمان وإيمان وحدود أرض الحرمين ، اللهم إني استودعك إياها يا من لا تضيع الودائع عند ، والله خير حافظاً وهو رب العالمين .

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مشائخ وأعيان وأدباء وشعراء قبيلة الدواسر وبعض ضيوف القبيلة (يثنون ويشكرون) على المسابقة الشعريّة الأولى للموقع الرسمي لقبيلة الدواسر الإداره :: قسم المسابقة الشعرية السنوية للموقع الرسمي لقبيلة الدواسر :: 9 12-02-2011 09:11 PM
التغطية المصورة لحفل المسابقة الشعرية الأولى لموقع قبيلة الدواسر الرسمي الإداره :: قسم المسابقة الشعرية السنوية للموقع الرسمي لقبيلة الدواسر :: 17 11-12-2010 10:09 PM
التغطية المصوّرة لحفل إفتتاح مبرة قبيلة الدواسر الخيريّة بدولة الكويت. الإداره :: قسم اللقــاءات والفعاليات والتغطيات الخاصة:: 16 22-11-2010 08:44 AM
تغطية الموقع الرسمي للقبيلة لحفل قبيلة الحراجين برعاية الشيخ محمد بن فهيّد آل ملحم شيخ قبيلة الحراجين المقام على شرف قبيلة الغفران آل مره . الإداره :: قسم اللقــاءات والفعاليات والتغطيات الخاصة:: 18 19-07-2010 12:45 AM

 


الساعة الآن 08:12 PM


Powered by vBulletin® Copyright ©2000 - 2018, Jelsoft Enterprises Ltd.
---