المسافة : سامي بن محمد السديري

[معلومات العضو جزل الفرايد]

المَسَافة

***

أدري إن قلبي لا نسى انشغل فيك
وأدري إن قلبك لا نشغل
مانساني
*

حارت بي الدنيا .. ودارت لياليك
والوقت يامظنون عيني
عصاني

*

مهما توديك المسافة .. وتدنيك
الروح من يمك تدّل
المكاني

*

ما ألوم قلبي لأرتجف عند طاريك
والعين : ترجي طلّتك
ياحناني

*
ياغربة أيامي .. أعاني وآحاتيك
و الورد لونه ذابلٍ في
كياني


*

وذا لي قدر تسعين ليلة وأنا أرجيك
والشوق يا نهّاب روحي
دهاني

*

أراقب العالم وأحسّ .. بحراويك
ليّاك .. تنساني ترى
العمر فاني


*

لا بد من يومٍ على البعد ، ناصيك
لو مابقى بالعمر كود
الثواني


*

فات الزمان ، وانتحت بي مراميك
والشوف مايروي إذا الموت
جاني

*



شعر :
سامي بن محمد الأحمد السديري

\

اضغط هنـا

*
*
*

 

 

 

 

[معلومات العضو تآج روس السلاطين]

صح السان شاعرها وتسلم يمين ناقلها ويعطيك العافيه ياجزل الفرايد كلك ذوق سلامي عليك