|
|||||||
02-03-2010, 08:40 AM
|
#1 | ||||
|
الشاعر الفحل شلعان الودعاني يمتدح قبيلة العجالين
طاب النسيم أو طاب لي بدع الأمثال=وبديت بسم الله بأول مقالي
ونساح بالي والعمس مني انجال= وفضيت في القرطاس مماطرالي مثايلٍ بين المناعير تنقال= كالطيب لمن دار بين الرجالي يقرا بها القاري على طول الأجيال= ويجيلها بين النشامى مجالي أحب لامن جات ماضين الأفعال=مايعترضها ناقدٍ بالخمالي أحكمتها وعلنتها فوق الأقذال=وهديتها لاهل الوجيه الطوالي ربعٍ لهم بالمجد مرقا ومحوال=كسابة الناموس في كل حالي يا معتلين اكوار عجلات الأزوال=حيلٍ هجاهيج زواها الحيالي قطم الفخـــوذ وعضـودها فج وجلال=حيلٍ يجفلها سمار الضلالي مثــــل النعام ان ذيرّة زول ختــــــال=وقفا مع جوٍ من الناس خالي أخذوا عليها بالمنـاعيـر زرفــــــــال=خلوا ركايبكم تبوج التلالي محلي تخافقها مع ذيـك الأطـــــــلال=تمشي طرب ويسوقها شف بالي تلفي بــــكم (الأفــــلاج) والفـي ما مال=دار المعزة من قديم وتالي دار حفظـها فعــل ماضين الأفعال=يوم الحروب تهز روس الجبالي ديرة( عجـــــالينٍ) على طــول الأجيال=أم الفروس مشبوكات الضلالي حطوا الأشـــــدة عند ما ضين الفعال=أهل الكرم والجود غاية منالي قدام بيت معرب الجــــــــد والخــــال=معجب(1)إلى ذكرت فحول الرجالي عرق الصخا بحر النداء شبل الأشبــال=سقم العداء عون الرفيق الموالي والفوا على بن حـزام(2) شيال الأثقال=لامن جذت بحمولهن الجمالي عبد العــــــزيز اللي عسى أيامه اطوال=قـرمٍ على قــــرمٍ ومجنــــــــــــاه عالي فرز الوغى بيت الصخا مرخص المال= خذا المراجل بالوفاء والكمالي شدوا عليها عقب ممسا ومقيال=تلفي بكم مشعان(3)عيد الهزالي مشعان لامن صك جالٍ على جال= حلال عسر معقدات الحبالي عون الرفيق وللمعاديين سلال=شبره طويل او وافي الشبر طالي سلام يا مقعد صخا كل عيال=ياصاعدٍ بالجود روس الطوالي كم عالجت يمناك من كدر وزلال=حتى غداء شربه قراحٍ زلالي وصبحت يا مشعان في عالي الجال=يشرف على الديرة ومبناه عالي مرفوع بازنود العجــالين الأبطــــــــال=(حمر النواظر ملحقين التوالي) أهــــل السيوف مطــوعة كل من عـال=نارٍ إلى جهلة تزيد اشتعالي لاجــــالــها بين الحـفيــفيـــن زلــــزال=واشتب نار الحرب والدم سالي اموردين الخيـــــل والسيـــــف عمـــال=لاحذفن بيض الصبايا الشيالي وإليا نـــزت بقطيــــها شهب الأذيـــال=عاداتهم نطح الجموع الثقالي وإن جاء نهـــار فيه شومٍ وغربــــــــال=ترخص بقايا الروح لوكان غالي نعـــــــم الرجـال إلى اعتلوا كل مشوال= يردون حوض الموت ورد النهالي أفعالهم تمشي مع كل رحال=متناقلتها موميات الحبالي أن أشهــــد إن أفـــــعالهم تطرب البـال=وقولة نعم في حقهم راس مالي يا كاسبين المدح شيبان واعيال=من طيبكم طبنا وطاب المقالي أقولــــــــــــها والقــــاف لي فيه مدخال=سوجة نفس يامتعبين الدلالي نمشي على تاريــخ من جاد وأحتـــــال=صقر الجزيرة يوم شد الرحالي عبد العزيز اللي له أفعال تنــــــقـــــال= يلوي ولاتلوى عليه الحبالي ضراب هـامات العداء نطح وأقبــــــال=لاشرعت بيبان حرب القتالي (وانتو معه بالسيف والحــــال والمــــال=أفعالكم بيض بسود الليالي قمتوا معه بإخلاص والحق ينقال=محزم ظفر شيبانكم والعيالي) تشهد لأخو نورة تواريخ الأجيال=والخيل لامن جالهن أجتوالي لا كلحت الأنياب والدمع شلال=ضربات كفه تجعل المر حالي خلا طواغيت العــــداء بأشهـــب الـلال=تذري عليها ذاريات الرمالي عبــــــد العزيز أمطـــــوع كـــل عيـال=لاكبرت القاله وطال الجدالي عفا جـــوانب نجـد من عقب الإهمــال=ومشى بها الأسلام والهم زالي سجل عظيـــمـــات العظــــايم والآمـال=يهدى بهدي الله عظيم الجلالي وخلـف حرار نــــدر شبــــــرها طــال=معربين من عمام وخوالي فخـــــر العــروبـــة للعرب في وظلال=ميزان عدل واقفٍ بالعدالي وأيضــا على العـدوان شرســـين وثقال=وأعظم واشد من الحبال الثقالي الله ينصـــرهم عـلى طول الأجيــــــال=وياجعل ما نعتاظ فيهم بدالي وصلاة ربــــي عـــــد ما زايـــــل زال=واعداد ماهلت مزون الخيالي
|
||||
|
|
|
|
04-03-2010, 06:39 PM
|
#2 | ||||
|
رد: الشاعر الفحل شلعان الودعاني يمتدح قبيلة العجالين
مشكووور على الطرح الجميل ....
|
||||
|
|
|
|
05-03-2010, 05:31 PM
|
#3 | |||||||||||||
|
رد: الشاعر الفحل شلعان الودعاني يمتدح قبيلة العجالين
|
|||||||||||||
|
|
|
|
07-03-2010, 02:42 PM
|
#4 | ||||
|
رد: الشاعر الفحل شلعان الودعاني يمتدح قبيلة العجالين
الأخوة الكرام
|
||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 01:53 AM
