عبيد بن حمدان - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـتـاريـخـيـــة .::: > :: قسم أمـراء وفـرسان وأعـلام الـدواسـر::

إضافة رد
انشر الموضوع
 
أدوات الموضوع انواع عرض الموضوع
قديم 28-05-2005, 10:14 PM   #1
 
إحصائية العضو







يحيى الودعاني غير متصل

يحيى الودعاني is on a distinguished road


افتراضي ترجمه للشاعر عبيد بن حمدان

عبيد بن حمدان بن عجعج الدوسري








الشاعر الكبير \ عبيد بن حمدان بن عجعج الدوسري من أبرز شعراء وادي الدواسر, ولد عام 1335هـ
في قرية الفرعة آل عويمر بوادي الدواسر , يتسم معظم شعره بطابع الحماس والحرب , وقد شهد للشاعر ابن حمدان ببطولات فذة في الحروب التي خاضها مع الملك عبد العزيز ومع الملك فيصل رحمه الله , في الحروب الجنوبية , وفي عام 1360هـ عين الشاعر أميراً في بلدة النويعمة بوادي الدواسر حتى عام 1367هـ حيث نقل وعين أميراً في بلدة السليل , ثم في عام 1368هـ أعيد لإمارة النويعمة , وفي عام 1369هـ أعيد للمرة الثانية كأمير ( للسليل ) وفي عام 1370هـ أعيد للمرة الثانية كأمير لبلدةالنويهمة وبقي أميرها حتى عام 1398هـ حيث أحيل للتقاعد ولا يزال حياأطال الله عمره , بقي أن تعرف متى قرض الشعر , قلت له : متى قرضت الشعرفقال : عندما كان عمرى ( 8 سنوات ) فقلت له وكيف ؟ قال : لا تستغرب فاسرتي جميعهم يقرضون الشعر , ومناخي الذي أعيش فيه كله شعر , ثم سألته هل تعرف كم قصيدة قلتها طول عمرك المديد إن شاء الله ؟ , قال وهو يبتسم ( خمسة آلاف قصيدة ) في الحرب , والحماس , والرثاء والنصائح والغزل .
ولن أطول عليكم فشعر ( الحمدان ) سيطل بكم على شخصيته وقوة شعره, ونهجه الذي نهجه في قول الشعر
.

القصيدة أدناه قالها في إحدى حروب جنوب المملكة :


بدينا بذكر اللي رفيعٍ علـــى السماء = رفيعٍ رقيبٍ واحدٍ لا ثاني
ربٍ تعالى لا إلــــــــــــــه غيــــــــره = سبحان من هو نزل القرآني
عظيمٍ جلاله منشي الغيث والمطــــر = واللي علينا نوحد الرباني
علينا صلاة الخمس ونحـــــــج بيته = وادا الزكاة وصوم رمضاني
من قام بالمفروض وادا حقــــــــوقه = يفوز لامن نصب الميزاني
يدخل ويشرب مـــــن نهور وكواكب = نهور وردها صادق الأيماني
فيا مستجيب الـــــداعي إقبل دعوتي = عنا وعاونا على الشيطاني
فلابد مايجـــــرى على العبد من زلل = والله كريم يمنح الغفراني
ومن بعد ذا فيضت مكنـــون خاطري = مكنون أناشيد لهن أثماني
فكــــــرت بالحاضر وعاينت مامضا = حنا نسير بقدرة الرحماني
فاقول مــــن سوس مكين على الـعزا = يسير بيته عالي البنياني
من ساس فكرى بابدع القاف والحنه = يوم إستوى لي بدعة القيفاني
عزمنا بعون الله تحت راية العـــــــلا = مشينا بدبرة منزل الفرقاني
مشينا من المطرح مع طالع السحـــر = مواترٍ واجيوش مع خيلاني
ثم أذن المـــــــذن نصلـــــــي لطاعته = وبعد الصلاة تبايحو لخواني
تحرك المــــــــــوكب وسارت مراكبه = مواتر ركبوا بها الشباني
قال الشويعر ياهــــــل الجيش حركوا = والخيل جالت وحتما الميداني
فالذل مانجا جبان مــــــن القـــــــــدر = تحرصه مارد من عزراني
خوض المعارك ماتجــــــــــي بالمنية = الحي حي لو بنار كاني
منها نــــــزلنا ماحــــــــد خان واجبه = وردنا عليهم وردة الضمياني
معنا شبات الحــــــــــرب فرد وخنجر = ومعنا الأماني سبرة العلماني
يــــــوم إنتحينا فالبيارق تفـــــــــرقت = غربٍ وكثرتها نصا الضلعاني
لــــــــــزمنا المحاجي وارتكينا لضدنا = ثم أرفع القايد لنا النيشاني
هلل مهللنا ثم مشت بيارقه = من ولبنا شاف العدو خذلاني
مــــــــاهمنا نار المـــــــــــكاين علينا = ومنا عليهم شبت النيراني
لين أشهب البارود منا ومنـــــــــــهم = غطا السماء مثل الدخان القاني
ماراعنا كثرة عددهم وجيشهم = بارادة الله طقوا العدواني
لاشك يوم الحرب ما يسلم الفتى = من يقدم الهيجاء ينوش إسناني
يوم الثلاثاء جعل ماعله الحيا = فرق بيومه غالي الخلاني
لا وارفيق اللي غدا يوم وردنا = عساه ينزل روضة واجناني
بعده طوال الليل ماذقت أنا الكرى = أبطيت أنا بعده وأنا مرضاني
صباح حرب ماحد فيه يعتذر = كل ٍ بعزمه عاديٍ فتاني
قمنا بهجمٍ كالأسود المهاجمه = حتى فتحنا مغلق البيباني
فاللي قتلنا في حرض يوم وردنا = ألف وثماناً خليوا سدحاني
واللي منعناهم وخذنا سلاحهم = تسعين شخصً كلهم شجعاني
قفوا كما جول الحبارى مصدره = فان الحبارى ضدها العقباني
قتل إشيوخ مايهابون ضدهم = بالكون نتلا سعود بن درعاني
لا غارت الأصوات في كل معركة = لاذاك فراج بصوته باني
فراج بن نادر تبين بفعله = يستاهل البيضاء الفتى الودعاني
فحنا هل الردات يوم الدبيله = وآل زايد في اللقاء شجعاني
هذى عوايدنا عوايد إجدودنا = ولا خير في هرج بلا برهاني
يوم البلاء والموت حنت رعايدة = نطحه إرجال كلهم ضفراني
باعوا أرواح غاليه دون حدهم = وأرواحهم باعوا بأعز إثماني
كم واحد من وقعنا راح هارب = بامات خمسٍ شالعة لكواني
ذيب يجر إعواه في كل مرقب = نبه إذياباً للعشاء جيعاني
في ساعةٍ غيم سماها من الفشق = والرابح اللي صار فعله باني
يوم التقينا عند ميدي مناطحة = والحرب يومه يشتغل دخاني
بامره صليب الراس قايد إجيوشنا = سرن بعزم وهمة وايقاني
فالله نصرنا وانتصر مجد عزنا = والشكر للمولى عظيم الشاني
زانت لفيصل واستقرت بهمته = جته القبايل تطلب الأماني
من بعد ذايا راكب فوق ضمر = أسبق من اللي ضف بالجنحاني
تجعل مسير الخمس يوم على الرخا = ولا سربلت ماتملك الأرساني
إتشوق الركاب واللي يشوفها = لامن عطت في صحصح دنداني
تنصا لنا داراً عزيزاً نحبها = الوادي اللي شرقي الودياني
ديرة بني عمي هل الجود والثناء = كسابة الناموس بالأيماني
لا جيت ياركابها بك تباشروا = كنه عليهم ملفيٍ سلطاني
أبشر بهيلٍ خالطه زعفرانه = واصحون برٍ فوقها خرفاني
عاداتنا هذى وعادات قبلنا = مستقصر ماقلتنا بالساني
سلم على من كان ينشد عنا = سلام تقدير مع حفواني
الطايلة فيها خذوها آل زايد = ماقولها كذباً ولا بهتاني
قول صحيح ماتغبا فعايله = يوم الجنايز في الضحا طيحاني
ولا اغط فعل أحد ولا أقول ماحصل = الكذب عيب والصحيح إيباني
تمت وصلى على سيد البشر = الهاشمي المبعوث من عدناني


هذه القصيدة قالها الشاعر / عبيد بن حمدان في إحد المعارك الجنوبية عندما ربط السيد خوياء ابن زعير تمهيداً لقتلهم غدا .
يقول الشاعر عبيد عند علمنا أن خوياء ابن زعير مأسورين تجهزنا بأمر أميرنا وركبنا لنجا بحرياً عن طريق الساحل الغربي حتى وصلنا المكان الحصين المنيع المأسورين فيه فاقتحمناه اقتحاماً وحصلت معركة حامية الوطيس أسفرت بحمد الله وتوفيقه بنصر مكلل بالفخر والاعتزاز بإخراج إخويانا المسجونين سالمين مظفرين ونحن نهلل ونكبر وقد استولينا على كل مامع أعدائنا من سلاح وعتاد ومعدات ..! ! بهذه المناسبة العظيمة قلت القصيدةالواردة أدناه .


يوم
جينا من على اللنج حادينا الغرام = مثل موجٍ ما وطا من رفيعٍ ميله
ثم حولنا على السيف وانباج الظلام = ماحد منا قعد والجموع مهيله
في يدينا مسلهبات يقصن العظام = وقضت قوماً بوسط الحصون إمقيله
فكت اللي في سجونٍ على حسب العدام = جاء لهم ربع إسوات الأسود معيله
يا نديبي وارتحل فوق مزبور السنام = نحره جمع الدواسر بعلم هيله
قل عليكم بالهناء العز ياوفد الأمام = يا فهود فعلكم بالمدوح إمذيله
حل في جازان يوم عبوس له قتام = وادى جره رغابٍ ودمهم سيله
ياسلام الله على صلب جدي ياسلام = خلوا السيد يخلي الديار إمشيله
خلي قصره منه قد هو مربٍ للحمام = الرخم والبوم لا جاء نهار قيله
من حضر يوم الحفاير يثنى له سلام = حقه البيضاء مع كل زين إمهيله
جمعنا يوم المضايا ورد ورد الحيام = واجعلوا فيها نهاراً يشيب إمخيله
بشروا فيصل بنصرٍ وجمع مايضام = سربة العوجاء بعدها الحصون إمزيله



وله عندما كان في شرق الجزيرة في حياة الغوص وأهوال البحر يبث أحزانه وهمومه ويتوجد على قومه وأهله ويشيد بالرفيق السميدع فب الغربة ، ثم هو ينجب ذلولاً لصاحبته التي تسكن في الفرعة بوادي الدواسر
( آل عويمر ) :


يا
الله يامن هو بخلقه رحومي = يا غافر الزلات يا عالم الحال
يارازقٍ خلقه ومنشي الغيومي = يا منزلٍ طاها مع آيات لنفال
تبرح لمن حاله برته الهمومي = ما عاد فيه من اللحم وزن مثقال
من عقبهم والعين عيت تنومي = والدمع من بين المظيرين همال
يسقا إلى من شفت أنا النشر يومي = تباشروا به قالوا اليوم قفال
راحت حكايا الغوص مثل الحلومي = والرابح إلى ذكر قيل رجال
خذنا الحساب وللسلع بينسومي = نشرى من الأسواق مايطرب البال
رفيقي اللي للدروب إمهمومي = صميدع في الضيق للحمل شيال
واللي قعد في دار ديل إمحرومي = ماينبغا لو فاض كفه من المال
سكان ديرتهم يهود ورومي = والله يبدل حالها غير ذا الحال
من عقب ذا ياراكبٍ فوق بومي = لوحه على المويات والموج زللال
يمة سهيل مقتدى بالنجومي = أرب له في بندر الخان مقيال
ثم عقبها في دار ريف القرومي = عبد العزيز اللي خذا الحكم باسلال
في دار أبو تركي عريب السلومي = اللي بسيفه مخضع كل عيال
ثم عقبها تنحي جنوب إعزومي = تبغي إديار للوداعين مدهال
يازين مشي البر والجيش يومي = عقب البحر ركبوا على شهب لذيال
ويازين طرق إخفوفها بالحزومى = لا عرضوهن العصي واشهب اللال
يافاطري بيني وبينك لزومي = ترا الخصال الطيبات التجمال
لامن لفينا دار صافي الرقومي = أبو دليق فوق لمتان ميال
لابد لك من نبت عشب الوسومي = ولابد لك من راحةٍ عقب لنكال






وله حربية :


يالله
اليوم ياعدل النظر = عز دينك وعز المسلمين
يا مخالٍ على ميد إنحدر = طو نوه مخالٍ به رزين
وبله الملح والدم الحمر = والنضا جت باهلها مردفين
ننتظر من الملك ياتي خبر = كلبون لشفه زاهبين
زين مشي مع وقت السحر = صوت ميدي وحنا محرمين
صلب جدي كما نجم ظهر = ترثة العود زايد يا فطين
لا التقى الجمع حذفوا الغتر = وارخوا السيف والقاسي يلين
هيه يالعذب كشاف النحر = ظامر البطن براق الجبين
لا تعشقين لاش ماحضر = هافي الجد فعله مايبين



وله حربية ألقاها أمام الملك فيصل رحمه الله ، في أحدى مخيماته بإحدى الغزوات
التي قادها رحمه الله :



مرحباً عد مانشا المطر = عد مالاح برٍق في سماه
شيخنا اللي على الشرع استمر = وجات جرات نجدٍ في هواه
جاك فيصل كما حرٍ شهر = وارجفت هيبته ديرة إعداه
فيصلٍ في العرب مثل القمر = والقمر للعرب يوظي سناه
نب فيصل علينا في السحر = فانتهضنا مع وقت الصلاه
لين جانا من الديرة خبر = شيخ ميدي هرب واقفا وراه
يحسبه بيزبنه البحر = من وحم ظربنا عاف الحياة
طير ميدي يغني في الشجر = يرفع الصوت ويردد إغناه



وله حربية ألقاها في الحفل الذي أقيم على شرف سعادة الأمير المرحوم بأذن الله / تركي بن أحمد السديري عند تعيينه أميراً على منطقة جازان بدلا من أميرها السابق الشويعر .

عاش يامن حضر شيخ على حله = وارجفت هيبته دايات لطرافي
تركي شيخن وانا جنودٍ له = هو يسدنا وحنا درعه الضافي
جدنا زايد بالثبت جدله = من قديم ومجد إجدودنا وافي
تركي في اللقاء ما يعرف الذله = شيخنا أبو فهد يثنى له الصافي
كل شره ولد بدران سقم له = لا احتمى الحرب تركي فعله إيشافي
عاش شيخٍ تربع في محلٍ له = شيخته ثابته ماهيب تزيافي


وله حربية :



مامشينا إلا وحنا عوارى = والعمار إن ذي مواجيبها
في الملاقا لا خذينا السوارى = صادت العرجا مطاليبها
في وقيعنا تعشا الضوارى = تشبع العرجا مع ذيبها
جمعنا يقلط وحنا نمارى = كسبة الهية نما ريبها
هيه ياللي تلبسين الخزارى = إطمحي من اللي يتاقيبها
واعشقي غمراً على الجود ظارى = دايماً في الهوش يرمي بها
جعل ولد اللاش قطع الذرارى = جعل يطرح في محانيبها
جعلها تذرا عليه الذواري = في اللدويسة طاح خلي بها


وله حربية :



قال
من هو لابغ القول ما يصعب عليه = ينقده نقد الدراهم مع حسابها
يامسوي البن راعي الشرف عده عليه = واترك الجبان واللاش يا صبابها
الردى يا سامع القول لا تشفق عليه = رفقته خسران يالقرم لا تشقابها
لا تصاحب كون حراً ولد حر نبيه = مسندك في الكايده لا تغلق بابها



بين
الشاعر / عبيد بن حمدان .
الشاعر / مشاري بن عامر الصيعري من بني سلول ، من أهل بيشه .

قال الشاعر مشار بن عامر ، يسند على الشاعر عبيد بن حمدان
:


ياراكب ستٍ من عمان منقيات = بعيد المثل في رمشة العين بتجيبه
تشادى سواعىٍ طافحات مع الغبات = مع سرعة المويات والموج تقفيبه
مشت من صلاة الصبح من دارنا عجلات = وحزة إعصير جات مفرح مناجيبه
لفت عيدها أبو راشد حامي العيرات = يرحب بها ويزيد غالي تراحيبه


إلى آخر القصيدة



وهذا جوابها من الشاعر عبيد :



يالله
يالمطلوب يا غافر الزلات = مدير الفلك يسر لعبدك مطاليبه
فنا طالبك يا عالم السر والنيات = وعلام ما كنت في الصدر وانويبه
ويا قابل التوبه لعبدك إلى من مات = وعند الحساب أرجو تهون مكاريبه
فيا خف قلبي خف طيرٍ قفاه إغتات = شهر في الخضيراء والمعاصي تومي به
وياجر قلبي جر غرباً على عيرات = على ريهجان الجم تقبل وتقفي به
أنا أمسٍ بعالي الرجم دكت بي الضيقات = وكني على جمرٍ تواقد مشاههيبه
أدير النظر مني عليه أفضي الغايات = رفيقٍ شفيقٍ يحفظ السد لصحيبه
فنا اللي مهيضني على بدعي الأبيات = نديم علي يشكي وجتني مكاتيبه
تراحيب بالغالي هلا وين مثنيات = بمن هو لنا ياخال طرش مناديبه
بمحامي عقاب الجيش لادبرن عجلات = ولاخف تاليها منعها تناديبه
ولا يانديبي دن لي خيرة العيرات = كبيرة الباهر نابي الشط واديبه
تدريق كما بنتٍ تمارى بها الحفلات = تنسف جعود واكحل الطرف تغضي به
يا زينها لاروحت ميلة الفيات = مع مجرهد خاليٍ عاويٍ ذيبه
عليها صبيٍ يقطع الدرب له هقوات = يبوج التهالك خدرس الليل يسري به
تنحر مشاري عيد النضا إلى من جات = يرحب بها ترحيب والجودى يحرى به
فالى جيت قلط لك دلال حساويات = بمجلس كريمٍ والردي مايعدي به
تسلم عليه وتخبره بالعلوم إزتات = وهو هقوتي شفقٍ على العلم يدرى به
وقله ترا الناموس في طردك الجودات = ولا أنتب توصا مير من حبك أطرى به
فتطرى لنا علم نسيته وهو قد مات = و أنا أشوف قلبي عقب علمك ينوى به
ترا العز فعل الجود ماهوب في الخفرات = فعقب صبي لانشا مايمارى به
فما في الرجاء نأخذ على ضمر سجات = على عوص عيراتٍ نهار نغني به
مع خبرةٍ في المرجلة تكسب الطالات = وما كان جاء بايمانها ماتبالي به
أنا حالفٍ ما اصحب ولا أخاوى الفلات = ردى العزوم اللي هقاويه تجذى به
فترى كل نفسٍ ماهوت ياهل الغايات = وكل على دالوب قلبه ويمشي به
برجوى حبيب شد قلبي العناء باسكات = أطريه يا مشكاى والا ما اطرى به
ملكني بهرج بعض لحيان مع فاقات = غزال غزل قلبي وكدر مشاريبه
ترا إسم الحبيب يا مشاري حلوله جات = وترا منبته في البر والبدو تدرى به
وتمت وصلى الله على سيد السادات = نبي الهدى شفيعنا يوم نلجي به



وله غزلية يسندها على الشاعر / فراج بن عايض الدرعان :


ألا
يا ابن عايض عذبوني على وشك = غريمٍ وانا ما احتلت أقاضيه باجفوه
نطحني برمحٍ يانديبي على رمك = يبي ذبحتي مير الله اللي طفا ضوه
نطحني يهوش وقلتنا ذا نما ملك = على مهرة يدهش بزينات وجروه
فراج أنا بنخاك في ذى وبزهمك = كما زهمة اللي من الجفاء راح باجلوه
فلايا وجودي وجد من طاح واندهك = على صاحب يا بو صقر لحقني سوه
أشوفه بعيدولا أقدر أجيه باسألك = عن الحل في لاماه ياطيب الخوه
جميع الوصوف الفاتنة كلها ملك = تنفل على بعض الغنادير باعلوه
تنوم الخلائق وابن حمدان في درك = على صاحب حبه خذا القلب بالقوه



وله يسند على الشاعر / سعد بن هتيل المساعره من عيال صهيب بن سالم ابن زايد آل زايد الدوسر
.


ألا
يا عظيم الشان ياربنا الجبار = عسى من يخيف النار من حرها تنجيبه
ولاجاء نهار الحشر يحشر مع البرار = من المتقين الفائزين برضاه أرجيه
فانا بشرح الموضوع وابين اللي صار = وما بان لك في الأوله بان في التاليه
لمن هو حليم يفهم الورد والمصدار = وفي يعرف السلم والراى ما يخطيبه
أبو سحمي وافي وباقوالها تكرار = ومن قيمته ربعه ومن يعرفه يغليه
زعيمٍ شجاعٍ يكرم الضيف هو والجار = وفي طاعة الله يحتضي الفرض ويصليه
فلايا سعد جت منك لي مير أنا صبار = ولاخير فيمن لا يحملك ولو هي فيه
أنا جيت أنا وياك في وصف راعي الغار = تضايق عليه الغار والنار شبت فيه
علامك تواعدني وعد خيرٍ لاخيار = ولاهوب مثلك يعطي القول ويخليه
فانا خابرٍ ماانتب جبانٍ ولابوار = ولا انتب من اللي ينكر الحق مايعطيه
ولا يا سعد مانيب أنا قابلٍ لعذار = يكون الجواب اللي ظهر منك لي توفيه
سلامٍ عليك إعداد ماهملت لمطار = سلام وتحيه يا سعد واعذروني فيه



وله : عندما كان في الغربية ويشكى على بعض أصحابه :



يالله
ياغلفر للعبد لا تاب = ياخيرٍ يا رفيعٍ في المقامي
إفرج لمن هو سهر لين القمر غاب = والقلب والعين عافن المنامي
مقعادنا في الغرب يالربع لاسباب = دور المعزه مع الربع الحشامي
فكرى حضر للغنى وافتر دولاب = دولاب لشعار من فكرى قوامي
قم يانديبي ترحل شامخة ناب = تزها الرسن والفريدة والخزامي
منجوبةٍ من حراير جيش لجناب = كن جريها مقفيه جريٍ النعامي
تمشي على كل مدغوشً ولولاب = وكل أبلج يشبهه زين الوشامي
أشكي على اللي لطرد الحب ماتاب = يفزع لقلب غريقٍ في الغرامي
غديت مثل المصخن مابعد طاب = وحالي نفد مابقى كون العظامي
زهمتنا في النشاما ماحد غاب = كل تقدم بسهمه من كلامي
والشف يا لابتي من الفن ماطاب = جوارى تقطع إبحورٍ طوامي
لا وصلت السيف دنوا شمخ لنياب = وحطوا عليهن من الكيف التمامي
من سوق هجرٍ نشرى زين لسلاب = فالي قضينا تواعدنا الخزامي
مع التخاتيخ راحت مثل لذياب = والا القرانيس حاديها الكتامي
عجلات سير بضماد وهذراب = تقارنت مقفياتٍ كالريامي
عقب أربعٍ من الحساء في دار لحباب = في وادي من جنوبي العدامي
ديرة بني زايدٍ من عصر خطاب = عادين منها العدو باسيوف شامي
تمت بذكر النبي والآل واصحاب = عساه يشفع لنا يوم القيامي



فرد الشاعر / عبد الله بن غانم من آل بريك الدواسر على الشاعر ، عبيد بن حمدان بالأبيات
التلية
:


يالله
ياللي لاطلبناه ماخاب = يا عالمٍ ماكان في الصدر كامي
جانا كلام عبيد يزهم له أصحاب = وحنا على شفه ترانا أولامي
هيض علي بالشعر ثم جاله أسباب = واقبل علي مثل الورود الحيامي
قم يانديبي وارتحل حر خباب = يقطع تخاتيخ الليالي الظلامي
تلفي صبي قدمك إهمام واحضاب = عبيد كفاه الله عيال الحرامي
سلم عليه وناوله مني إكتاب = على عبيد الذرب ردوا سلامي
معونته تسعين جيشٍ وركاب = ولا خير في هرج بليا تمامي
فاللي يبي ننصاه لو دونه إحراب = وحنا لبو راشد قوى الحزامي
فان كان مكروب حذفنا بلسلاب = يمشي عيال مثل دولة نظامي
فان كان يطرى الحب فالحب غلاب = حب الهوى يا عبيد عذب لنامي
فان كان حاله نافد عقب لحباب = فقبله وانا حالي براه الغرامي
واللي مشا درب الهوى شاف لتعاب = يسهر ويبكي والخلائق نيامي
يا عبيد ماني عنك في النب غياب = وجه إركابي ياعشير الكرامي

المداعبات


الشاعر / سعد بن فيصل آل عريمه من الوداعين ساكني قرية الفرعة ( آل عريمة ) بوادي الدواسر ، وسعد المذكور معروف في المنطقة بشعر الحكمة واللذعة الساخرة في شعره المقل والتي يعبر بها عن أكثر من معنى ومغزى فهو يضيف هاتان الصفتان ويمزجهما بشعره الساخر ..!!، فإليكم مداعبته مع الشاعر / عبيد بن حمدان عندما ذهب ذات يوم له في زيارة ودية من الفرعة آل عريمة إلى الفرعة آل عويمر لقلع ضرس آلمه في بلدة عبيد فقال
:


ضحى السبت سيرنا جنوب = نبي نقلع إضروس موجعات
نصينا بنت قشاع الضروس = وقشعنا إضروساً غاليات
وعقبه عينا بنا وهيل = بادلال كيف والمات
أهلها من مداغيش العيال = إرجالٍ كاسبين الطايلات
تقهوينا وعدنا مكرمين = وعينا غنادير البنات
بناتٍ جميلات الوصوف = على جال حسيٍ واقفات
فسلمنا فلا ردن سلام = ولا فينا نووا حتى إلتفات
هجروني يحسبوني جد قوم = وانا توي شباب في الحيات
بنات إرجال مافيهن سفيه = جمال ودل مع عقل ثبات
أبشكيهن على عبد العزيز = يمشيهن معي صوب القضات
وباشكيهن على رجلٍ فطين = إعبيد القرم خذ مني وهات


وهذا جواب عبيد الحمدان :


أنا
باديٍ راس طويل = تعليت روس النايفات
سقنه شخاتيل المزون = يذكرني إعصوراً ماضيات
تفرجتنا به ساعتين = فذكر على ماكان فات
ومن عقب ذا جتني ورود = إبيوت الشعر جني واردات
أذوده كما ذود النهال = إجسام البيوت مشكلات
سببها رفيقٍ له شكات = زهمني بشكوى وانخوات
فلايا سعد يا بو دحيم = كلامك حرمني من المبات
فنا في لزومك ماب أغيب = رفيقك على طول الحيات
أبا سوق من المال الكثير = ونفسي لمطلوبك زتات
ولكن مطاليبك قريب = أنا وانت في الدعوى سوات
وأنا وأنت خلنا نستجير = بربع إزنودٍ من الثقات
جماعة ولافينا غريب = ولاظن يحتاج الوصات
فياليت دعواكم بعيد = نجهز إرجال واحركات
ونفسي بذا دونك سبيل = إذا هي تحل المشكلات
ختمنا بذكر الله سلام = على محمدٍ ألف الصلات



للشاعر / سعد بن مدوس الفصام المعروف بلقب الشاعر ( جلحان ) من قبيلة المساعرة عيال صهيب بن سالم بن زايد آل زايد الدواسر .
يسند على الشاعر عبيد بن حمدان
:

ساهرٍ البارحة ما تهنيت المبات = جالسٍ لين إنتهى الليل وانباح النهار
ونتي ونه مريضٍ دنت منه الوفات = ودعوه أهله وقد هو على حال إحتضار
من عشير عذب القلب حبه بالسكات = ماقدرت أحصل على هرجته ساعة نهار
يغضي بطرفه على شان خوفه من الوشات = مادرى إن قلبي من الحب كنه فوق نار
ودي أزوره واحاكيه سيد المترفات = مير ماجالي وهو مانوالي بالمزار
حيلتي باشكي على عبيد مع سيد البنات = ويش تنصح له يسويه يالرجل الخيار
عقب ذا ياراكب ست جيشٍ متعبات = عوص لنضا منتقيها من الجيش الحرار
كن تخاطفها مع البيد عصر إموجهات = جول صيدٍ راعه الرمي واقفا واستطار
آكما موج تسوقه رياح إمصلفات = مع طمان ومع رفاعٍ سريعات المغار
جاهزٍ جيش ( ابن مدوس ) بتكميل الزتات = واحضروا ركابة الجيش من خير الغمار
ينحرون إعبيد عيد الركاب العانيات = يبشرون بكيفة الراس مع دسم الفقار
سرعوا لي ما عطاكم من العلم الثبات = واخبروه إني حريصٍ لعلمه بانتظار



جواب الشاعر عبيد بن حمدان على الشاعر جلحان :


راكب خمسة عشر حيلٍ أمتيهات = توهن غفلٍ معفات ماجن بالحوار
رعيهن لازاف عشب رعن زين النبات = دايماً ولفٍ يحبن مطامين الزبار
لين جات إحجوزهن والحصاير مايلات = واصبحت ماهمها الجري وابعيد الديار
كن وصوف أوروكهن والوصوط مخمصات = ضمرٍ في غاية الركب لبعيد المزار
من حرار إعمان كم قربن بعد الفلات = كاملات وافيات بتوصيف العمار
ما حلاهن كلهن بالصرايم والمات = كاملات بالكلايف على شف الغمار
هيه يالركاب شيلوا عليهن بالزتات = وافهموا هرجي وردوا علي قبل الثوار
وانحروا جلحان حامي عقاب الجاذيات = عيدهن لا ما اقبلن من يمين ومن يسار
لالفن جلحان قلط إدلال متعبات = دايما تلقا إدلاله تباغش بالبهار
وافيٍ خطه بكل العلوم الطيبات = كاملٍ هشهوش قرمٍ وصيداته إكبار
بلغوه أزكا سلاماً إعداد السامرات = أو عدد ماهبت النود في ليل ونهار
جاني إعلومه مع شوق ترفات البنات = الخوي أحمد معفي حنازيب البكار
فمخطي باركاب جيشك بسنع الغاويات = محسن قبلك وليفه معرضه الخطار
شرعتك قد صدتها والخبر عندي ثبات = قصدك إتحير عبيد وتفتح له مثار
مايدور كون مثلي يدز إمنجبات = في سنع من هو كواني على غير إختيار
لاطراني كرت العين من حلو المبات = وان ذكرته كن قلبي يصلى له بنار
وقفن العجز من دون مردوع الشفات = واغلقن لبواب دونه وطولن الجدار
إسم خلي نذكره في طويل النايفات = لابغيت إسمه ترا مرتعه بارضٍ قفار


واحة الشعر الشعبي
ت / عبد الله بن حمير الدوسري

ج/
3

 

 

 

 

    

رد مع اقتباس
قديم 29-05-2005, 12:08 AM   #4
 
إحصائية العضو







عبدالله الشكري غير متصل

عبدالله الشكري is on a distinguished road


افتراضي

عز الله انك ماقصرت يايحيي
وبيض الله وجهك على الموضوع الرائع عن شاعرنا اكبير عبيد بن حمدان بن عجعج الدوسري

اخوك
عبدالله الشكري

 

 

 

 

    

رد مع اقتباس
قديم 29-05-2005, 01:13 AM   #6
 
إحصائية العضو







محمد ال بو زمام غير متصل

محمد ال بو زمام is on a distinguished road


افتراضي

السلام عليكم ورحمة الله وبركاته


بيض الله وجهك اخوي ( يحيى الودعاني ) على هذا المجهود الطيب . وتسلم يمناك ياولد عمي . . .

 

 

 

 

 

 

التوقيع

ســبــحانك اللهم بحمدك لااله الا انت اني كنت من الظالمين .

    

رد مع اقتباس
قديم 02-06-2005, 09:15 PM   #8
 
إحصائية العضو







محمد الغريري غير متصل

محمد الغريري is on a distinguished road


افتراضي

الله لايهينك يايحيى الودعاني


على كتاباتك الاكثر من رائعة والجميلة



اخوك في الله


محمد الغريري

 

 

 

 

    

رد مع اقتباس
قديم 09-06-2005, 04:31 PM   #10
 
إحصائية العضو







يحيى الودعاني غير متصل

يحيى الودعاني is on a distinguished road


افتراضي تكمله للشاعر عبيد بن حمدان

مجموعه من قصائد الشاعر / عبيد بن حمدان بن عجعج الدوسري
سبقت ترجمته في مشاركه سابقه .




مما قال الشاعر / مشاري بن عامر الصعيري من بني سلول أهل بيشه ، يسند على الشاعر / عبيد بن حمدان بن عجعج الدوسري :

ياراكب اللي من الحراير نجيبه = لاهيب معسوفٍ ولاهيب مرجاع
بأول عسافتها ذلولٍ غريبه = وأنا مأدبها على زين لطباع
إن درهمت ما مل منها الركيبه = وان زرفلت هاضت غرامه بصراع
نجبتها للي علومه عجيبه = عيد الركايب لالفت ضيم واجياع
بو راشد ملفي الرحول النديبه = تعطي إعلوم وترجع الرد باسراع
تبشر بترحيب يثني وطيبه = مقصودها في الحال ترجع به إرجاع
يا عبيد من حالٍ نفد من حبيبه = يمشي سليم مير بالداخل أوجاع
صابه طبيب مايعالج صويبه = وش رايكم به يا سند كل فزاع
فالحب بلوى من بلاه إبتليبه = يسوف به يا مسندى سوف من ضاع
يومٍ سليم وشاف في الروح طيبه = ويوم مهيمٍ سارح الفكر منصاع
وهذا جواب الشاعر عبيد بن حمدان :

يالله يالمطلوب عبدك تثبيته = وياكاسي لرض الحياء عقب لقطاع
رزق الملأ يا ربنا تعتني به = ومن كنت عونه يا إلا هي فلا ضاع
من عقب ذا يا راكب من خبيبه = يشدى ظليم شاف زول مع القاع
مشيه مع البيداء يجي له حطيبه = والى وطا خفه على الأرض يرتاع
يجفل جفيل الربد لا شاف ريبه = وان تل به حبل الرسن صار مطواع
توه على أول شق ماشيف صيبه = ولاهوب لاهرش ولاهوب صعصاع
ركابه اللي في المساري إمصيبه = قرمٍ على الفرجه جرى وبتاع
النظو نظو إعبيد ينصا صحيبه = يلقاه قدمه واقفاً مثل لسباع
يلقا البشاشة في جبينه لبينه = مع خاطرٍ يقريك ماهوب قرقاع
في مجلسه تلقا إدلالً ربيبه = ياما غدا فيها من البن من صاع
وكبش المربى لاتغلق يجي به = عوايده في المرجلة طايل الباع
فالمرجله مثل الحبال القطيبه = ما يلتزم فيها سوى كل جزاع
نطاحها مثل الجدي تقتديبه = ما يصبر إبها في القساء كون بزاع
يا طارشه هاك الخبر تنثني به = وده لبو عامر ترى العلم له شاع
بلغ سلام من سراير حبيبه = سلامٍ أحلى من ثمر كل لنواع
تراى عقبه في حياةٍ تعيبه = حياة عز عاشها كل زراع
لاشك أنا ولهٍ مع كل أديبه = والقلب مجبور مع كل مرجاع
ساموا و باعوا و اشتروا باللي هي به = الرابح الشاري وخسران من باع
أبطا القمر مابان عيني رقيبه = سهرت عيون عبيد والناس هجاع
والليل طلمس والغدارى مريبه = والغدر مايسرى بها كون جزاع
هذا وببني قصر ماينهقي به = لاهوب في جو ولاهوب في قاع
لبنه زمرد واليواقيت لي به = والكهرب المصبوب في الباب لماع
مبناه صعب والموارى صعيبه = فيه ألف بناى وفيه ألف مصراع
وفيه ألف سايس ما تعايا تجي به = وفيه ألف باب وفيه ألفين مرباع
إسم الإله إحماه كل يهيبه = ما يقدره يكون خلاق لسماع
مجرى السفاين في بحور مهيبه = سبحان مجريها بسكان واشراع
أختم بذكر المعتلي وابتدى به = والقول ما يخفى على طايل الباع
وله يسند على أخيه ، مبارك بن حمدان رحمه الله ، في الدنيا وفي الجيش وفي ما يتمناه ويشير في القصيدة إلى تعريف خاص عن الهوى :

ليتني ماجيت أنا الرجم عصريه = جعل ما يسقيه من الوبل رعادي
جيت راسه دالهٍ ما لنا نيه = ما طراني باتهيض بلنشادى
هيضتني بالمراقيب قمريه = غطرفت بالصوت من بعد غرادي
إفتكرت وبان مهياعها ليه = واقبلت جل التماثيل ورادى
في ضميري حل بدوٍ وشاويه = مالهم ضيق على اليوم ينقادي
من يدور كاتباً يزهمه ليه = يوم ما عينت للشعر ذوادى
يا مبارك سعد هجنٍ خلاويه = والمزاهب خالياتٍ من الزادى
طالبك يا مسندى وافتكر فيه = وانتظر حال دنا منه النفادي
مسندى ذا الشيب قد هو سبق فيه = بانت إسبوره على روس لشهادى
أطرد الدنيا وهي ما استوت ليه = عزتي لي ياعرب ويني غادى
آه بحرٍ جهش صافق الميه = لافهد قامت صيلفات لنوادى
غبته سوداء على السفن خطريه = والهواء طوفان والموج يزدادي
قلبي الميلاف كثرت طواريه = والمعاني جابهاتن وأفرادى
يا مبارك بازهمك وافطنوا ليه = من برك ينخا شغاميم لا لادى
هات حبراًً وهات قرطاستك ليه = والقلم نكتب جواباً على القادى
مبتداها كل قلبٍ وطاريه = كلمتي ماهيب في غض لنهادى
والله مالي في الهواى كون مزويه = يوم أشوف أوقوعها يطرب إفوادى
الهوى ياهل الهوى واسمعوا ليه = صحبة اللي مايجي درب لنقادى
والهوى خمسٍ على النار مركيه = نجرهن يجذب مع الليل لجوادى
عاش من هو يحتزى دايماً ذيه = مجلسه من خسرة الجود ميرادى
هاظني لعب توارد قوافيه = قمت أصرفها على كيفة أمرادى
يا نديبي دن تسعين عمليه = حيمران ربعاً تختخ هادى
ربعاً وادى الرشا عقب وسميه = كل زملوقٍ رعنه من البادى
ماخلطها كون عفراً ودرعيه = جدهن ظبيان منسوب لجدادى
حجل ليدى روحن عقب عصريه = مثل ريماً ذيره قانصٍ عادى
وجهت والله يسمح لها النيه = ما حلا ركب النظا فج لعضادى
فوقها ربع نشاماً فداويه = ضربهم مايخطي الراس ركادى
كنها يوم إغتشت راس حزميه = جول غزلانٍ رموها بمطرادى
أو قطا لافر من جال مطويه = أو نعامٍ شاف شوفاً توكادى
أقبل المركوب والربع حربيه = والرقيبة قدمهم له توقادى
نوخت في بيت ربعٍ هلاليه = منوة الضيفان لاكمل الزادى
في مجاليس على العز مبنيه = كل كيفٍ عندهم ماله إعدادي
آل درعان صقورٍ نداويه = لاوزا المجرم بهم أمله إنقادى
وان لفاهم عاني نال مبغيه = دايماً واصحونهم فوقها أضمادى
وآل زايد كلبوهم على ذيه = فعلهم يشهد بطولات وامجادى
والقبايل حقهم وافي هيه = كلمتي تعني بلمداح لجوادى
بلغوا ربعي سلامين واتحيه = ذوقه أحلى من لبن كل محشادى
وافضل التسليم صلاة مثنيه = للنبي ما ناض برق ورعادى
محاورة بين الشاعر / عبيد بن حمدان .
والشاعر / مرضي بن مهيزع .

في ليلة (5) من شهر ربيع الثاني عام 1375هـ حضر الشاعر عبيد والشاعر مرضي في بيت حمزة عبد الرحمن المدني في سهرة ( مقلاط) بعد العشاء في بيت حمزة المذكور الواقع في حي ( البيضاء ) باللدام ، أثناء الحديث والمداعبات بينهم قال : عبيد مداعباً للشاعر مرضي .

النجم قام إيتلالا واظلم الليل = ولا يبوج الغدارى كون حايف
تكفون يالربع دنوا فطراً حيل = عيرات لنضاء يبوجن التنايف

فرد عليه مرضي مجاوباً :

يا عبيد ركب الفطاير يفند الحيل = يا زين دور الرحل فوق العسايف
فلا طاحت أنيابها ثم أشهب الذيل = فلا لها كون مفتوق الرهايف

قال عبيد :

تقول ركب العسايف ينعش الحيل = واقول تر بعضهن ركبه حسايف
مايطربك لازمت روس الأماثيل = الا دروب على قطع المخايف
قال مرضي :

يا عبيد ماكل دربات الحلا حيل = تبرد غليك على شوفٍ وشايف
فان كان جربتها بالحوف والشيل = فلا باس يا عيدها لاجت نكايف

قال عبيد :

أذكرها تخبرك جيل بعد جيل = إن الحلا حيل مركب كل نايف
بنات حراٍ على أمات أواصيل = والا ترا غيرها يالقرم عايف
قال مرضي :

سلمت و اصدقك في كل ما قيل = لو كان ما انسى عسيفاتٍ نوايف
وايعيش بالطايلة ريف الرجاجيل = أبو عرب طايفٍ والفعل طايف
الأبيات التالية لشاعر يدعى / نصيب كان يعيش في الشرقية قالها عام 1370هـ والأبيات أدناه من قصيدة طويلة لم أتمكن من معرفتها كاملة :

إمريكا تقز الشغل واللعب له قزاز = وانا حالفٍ أني لابدع القاف واقزه
غزال غزيته يا محمد ومني حاز = طمر طمرتينٍ ما كفا الطمر عن نزه
ملكني بعود مثل عودٍ القنا الممتاز = كما عود موزٍ يوم جاه الهواء هزه
إلى آخر القصيدة

وعندما سمع الشاعر عبيد بن حمدان هذه القصيدة عارضها مضمناً أبياتها الأبيات التالية :

أنا شاقني قاف من الشاعر القزاز = بدالي على معناه قافٍ على قزه
عسى الله يودينا لدار وراء لبراز = قطيع الغضاء شبوبهم ما احتروا قزه
ترا ذيك دار يا مبارك وراء لقواز = ومن دون بدع حويل بالحزم معتزه
سقاها من البراق ليل عروض إحجاز = حقوقٍ مخاله يوم جاه المطر دزه
وجودى عليها وجد من خاسرٍ معتاز = قليل حصيله زود ثم إحترق بزه
فنا لا عذلت القلب ثم قلت جز ما جاز = حلف ما يجوز القلب من صاحب جزه
حلف ما يجوز القلب من غالي ممتاز = رهيف الثنايا لونها حبة المزه
كما خضرىٍ لاجاك عجلٍ مع المحواز = إلى من لطمه الريح ثم فز للفزه
ضربني على البهر برمح سطا ما هاز = عسى الله يولينيه يوماً بعض حزه
فلا ياهني إهذيل يا والله اللي فاز = وانا شرعتي من دونه الشهب مرتزه

وله في الحكمة :

لامن جفاك الوطن لا تصحب الساسي = خل الوطن للربوع اللي يحبونه
دارٍ بدار وتهماجٍ مع الناسي = أخير من مقعدٍ تكثر بك إشطونه
فاما نصيد الشرف ونجي بنوماسي = ونبرجح اللي علينا تسهر إعيونه
والا تروح الدلي في الجم غطاسي = والا تجينا الدلى بالجم مشحونه
عقب صبي دلوه دايماً ناسي = لاعدوا أهل الشرف لا ما يعدونه
تعيش ياللي على درب الشرف راسي = درب الشرف دايماً ماينقصر دونه
فاحدٍ لون كثر ماله مال عباسي = عليه ظلم عسى لدنين يرثونه
واحدٍ على العز والنوماس له باسي = يفرح إلى شاف هل لنضا يعمدونه
يا خال أنا بزهمك يا رافع الراسي = الجود مادمت حي لا يبيعونه
وله غزلية :


جعل عصر السبت يسقيه ركاد الرعد = جعل سحب الصيف تسقيه من عقب الربيع
كلمتين جاتني فيه من رسل الجعد = عندنا تسوى الملايين لانقدت جميع
قلت له ويش أنت تبغي تعرفه ثم جحد = قلت أنا أنت إفلان ثم قال حشا لا تضيع
والله إن مانيب ياشيخ من ذى البلد = جات بي لقدار ثم جيت من فج وسيع
قلت له كلمتك ذى ما عليها معتمد = أجنبي ما معك سلعة فيها تبيع
قال : ماصدقتني قلت : واللي ينعبد = ما دخل قلبي كلامك فاوافق له واطيع
يا لطيف الروح يا لترف يا غض النهد = والله إنك جايز لي كما خطوى طليع
أو كما خطوى مهات تخطا مع جلد = في فياض خالطٍ نبتها بعض النقيع
جابك الله صدفةٍ لي على غير الوعد = جات بي لقدار ثم جات بك صرنا جميع
جعل موقفنا المعزز ماهوب أتلا العهد = جعلنا بك نجتمع باللقاء وقتاً سريع
وله عندما رأى بعض الشحناء والجفوة بين جماعته قال القصيدة التالية ، وعندما سمعوا القصيدة تصالحوا وعادت الألفة والمودة والقربى بينهم وعادت المياه إلى مجاريها بسبب هذه القصيدة التي سميت ( المصلحة) :

يا ربعنا واسمعوا = بهدى عليكم نصيحة
والا فلا به كلف

ترا التصافي معزه = وترا التفاخت فضيحه
وترا التعاون شرف
من عصر عاد وثمود = من شت شاف المهونه
يصعب عليه الهدف

مير إسمعوا واحذروا = ياهل القلوب السليمه
من بعض خطوى ملف

مادام ربعك عضودك = فابهم تحل المشاكل
وتعز بأيه طرف
وان كان مالك قبيله = تخطي عليك القبايل
وتعيش عيشة كسف


هذه القصيدة الحديثة قالها الشاعر عبيد يبين فوائد الهاتف في عصر السرعة :

هذا التلفون عز اللي نفعنابه = هذا التلفون صدنا منه لذاتي
كل يكلم براحة جملة أحبابه = قريب والا بعيدٍ كل حزاتي
يا خذ إعلومه ولا يحتاج لكتابه = يا خذ إعلومه وهو عجلٍ براحاتي
فامنولاً ما يجينا العلم نهنابه = صعبٍ وصوله من إبعيدٍ متى ياتى
واليوم دق الجرس واحرص على الجابه = خذ واعط ممن تبي باسرع دقيقاتي


له نصيحة لبني قومه الذين رآهم في جفوة وبغضاء وشحناء ..!! ، فقال لهم :


يالله ياللي كل شن في دبرته = يا خالق الدنيا ويا مفنيها
إني جويرك من عذاب جهنم = لا قربت لعمال من راعيها
لا يال عويمر جاتكم نصيحه = نصيحة من منصحٍ مهديها
نصيحةٍ من منصحٍ شفقٍ بكم = شفقٍ بكم من نقطةٍ قاريها
فامنولاً كان النصائح تشرى = واليوم عدوٍ للي لها يلقيها
فمن مثلكم يقبل نصيحة ناصح = من اللي لكبده فعلكم كاويها
فانتم ما غير إعيال رجلٍ واحد = ما احد لعينه لا ابصرت يعميها
هو به حد يالربع يقطع زنده = يقطع إزنوده كلها ويرميها
يقطع زنوده ثم يقعد حاسر = ما يذكر أولها مع تاليها
فهجر القرابه حسرة وندامه = وكثر البغاضي ضوهم يطفيها
فانتوا هل المبنى الرفيع إمنول = فكيف المباني ينهدم بانيها
ترا العداوة يا جماعه بينكم = تفرح إكبود غلها يشويها
تكفون بالشيبان فكوا مشكل = تسببوا للصلح وايتوا فيها
تكفون مثل أجدودكم وابوانكم = قصر الثناء بنوه ياباغيها
فما يهدم المبنى يكون إمخالف = اللي إدروب المرجلة مخطيها
فيا الله المطلوب تجمع شملكم = واقلوبكم واللي بها يصفيها
والختم صلى الله على سيد البشر = اعداد ما ذعذع هواء ذاريها

وله حربية :

اسمعوا ما قلت ياللي ترمون الشرف = من بغا الطالات يصبر على قرايبه
من دمح زلات ربعه فذا راس الهدف = مثل من جاء للمحاضر وشال النايبه
يمدح الرجال بافعاله اللي تنوصف = وما يعيب كون من هو يعيب جانبه
بعضهم لانشد من إسمه يقول إسمي صلف = والصلف للرجل دايم يحسن شاربه

في عام 1382هـ تقريباً طلق أحدهم زوجته ويدعى ( سعد ) ولكن بعد شهور من طلاقه إياها أصيب بولع شديد ، وهيام أشد وأقسى ، على زوجته المطلقة ، فحاول الاعتداء على زوجها الأخير ولكن العدالة له بالمرصاد ، بأن شكي على إمارة بلدة النويعمة التي كان أميرها آنذاك الشاعر / عبيد بن حمدان ، فبحث عنه ولم يجده ولما أحس بذلك هرب من المنطقة .
بهذه المناسبة أنشد الشاعر عبيد بن حمدان القصيدة التالية التي عارضها تضميناً أكثر من عشرين شاعراً بنفس المعنى والقافية .

خذ الشرافا جعل تسقى بوبل إغيام = حقوقٍ مطرها لين ترجع به جوابه
على شان فيها جادلٍ شاقني باعلام = وأنا ما نظرته مير قالوا لي إعجوبه
عسى من يلوم القارىء المختلف يلام = عسى من يلومه جعل يرتاع من ثوبه
فيا صبر عينه كيف ذا الصبر من ملعام = ويا كيف كبده تقبل الزاد لاجوبه
ترا من تذكر صيدته شق في الكمام = ولو كان ما يبغي هل الغي وادروبه
يقولون خده ناصعٍ كن فيه أوشام = ولاخلق مثله في الغنادير نبنوبه
فلا ألوم سعداً يوم ماعاد فيه إعزام = ومن يوم فاته حصل الهم واعقوبه
نوى بالمراح إمعزم مثل روح إدهام = سمح من البلد من يوم ما صاد مطلوبه
فياليت من يلقاه في المجلبه ويسام = تحده على لثمان واشريه ماهو به
أرده على اللي صاب قلبه عناً واهيام = محب ملكه الحب واشقاه محبوبه
فيالجتي لجة قطيع تدوج إحيام = على جال عدٍ والمياييح شاغوبه
وياخف قلبي خف جيشٍ تحت حكام = يقولون ياهل الجيش ذا اليوم ماجوبه
أعاون به اللي قلبه إمولعٍ وامضام = وانا مالي الا فزعةٍ وانقل النوبه



ولناصر بن تميم الدوسري يسند على الشاعر عبيد بن حمدان في الدنيا :

يالله يالمطلوب يا عالي الشان = ياللي على خلقه رقيبٍ وعالي
يا سامكٍ العرش من غير عمدان = والى نفذ حكمه فلا هو يبالي
فالبارحة ممسيت لين السفر بان = ولا احد يلوم اللي جراله جرالي
أفكرت بالدنيا ولا شفت شن زان = لعنك ذا وقتٍ كثير الهوالي
أحد ترافي له برفقٍ وسفطان = واحدٍ تحذف به على كل جالي
فيا راكب من عندنا فوق ظبيان = ولد آركٍ متنعته في الجمالي
فهو إن عدا يشدى لطير بجنحان = والا كما هيقٍ خذاه الجفالي
ملفاه أبو راشد عبيد بن حمدان = اللي محله مدهلاً للرجالي
ما اخلف صليب الراس من طير حوران = عز الله أنه وافي في العيالي
أبشر الى جيته بكبشٍ من الضان = وبنٍ يسوى في نظيف الدلالي
يا عبيد أنا أشكي الوقت من الوقت حيران = اللي دعا المفلول جاله مقالي
وانا اسألك يا عبيد في الأمر وش كان = يومك فهيم ما يغرك مجالي


وهذا رد عبيد بن حمدان :


أمس ٍ وأنا يا فاهم الرمس زعلان = جاني بقلبي مثل وصف الشعالي
متعومسٍ وابغي مكاناً له إكنان = وابغي مكاناً خالياً من التسالي
فعديتنا بمشمرخ الراس برزان = قصر بحزم شامخ في العلالي
عاينت به لاقد نزل فيه فرسان = واليوم خربانٍ من النزل خالي
فايقنت بالله خالق النار واجنان = مجري المراكب في البحور الطوالي
من عقب ذا دنيت صنع الامريكان = من مصنعه ورد على شف بالي
لامن مشا يقذف من الزيت دخان = يمشي على ست إعجلاتٍ إجلالي
لافرة السواق عجلٍ بسكان = خطر يسوي في الهواء له إظلالي
يسرح من الفرعة مع الصبح لا بان = ينصا رفيقاً دز علمه وجالي
في قصر مشرف نايفٍ بين بلدان = وبيته يسار من شمال إموالي
لامن لفا يلقى على الباب ديقان = رجل يروم الكيف كنه شمالي
لاهوب لا طفق ولاهوب زملان = يوم عليه إسعيد شوف الرجالي
يابو سعد من هرجتك صرت مشتان = وهيضتني وأنا أولاً كان سالي
فاشوف دنيا إنقضت والدهر شان = وياراغب الدنيا وعدها الكمالي
فاصبر على الدنيا ولو كان ما كان = ودرب المعزه دوره لا تبالي
وجود بنى الخيمة بطنبٍ وعمدان = ولا تبين للرخوم الحوالي
يشمت عليك إفلان وافلان وافلان = وابعد بعيد والصديق الموالي
إموالي لاشك يكني لك أحيان = بغضٍ ويظهر لك حسين القبالي
لامن بغيته قام يمضي لك أديان = أني فلا أذخر منك غالي الحلالي
سد المحاضر يعتذر منك كوبان = لين إيتخلص جعل ماله إعيالي
يابو سعد ترا الردي جرف هاران = وأن عدت الأفعال ماله فعالي
وان جاء يدور قاصر الشبر مابان = في حزةٍ الشطات حمله يشالي
فيا جعل من يرضي لنفسه بحقران = جعل النثايل فوق روحه إتهالي
فتمت وصلوا عد ماهل ودان = على نبي دلنا من الظلالي
واحة الشعر الشعبي
عبدالله بن حمير الدوسري
ج/3

 

 

 

 

    

رد مع اقتباس
قديم 25-01-2006, 09:23 PM   #11
 
إحصائية العضو







الطرقي غير متصل

الطرقي is on a distinguished road


افتراضي

للشاعرالكبيرعبيدبن حمدان بن عجعج رحمه الله قصيده من اجمل ماقدقيل ارجوممن يعرفهاان يوردهاكامله اللي فيهايقول:

يامبارك ياعشيرالسنافيه
ياعشيرالعذب مركوزلنهادي

مع جزيل الشكر

 

 

 

 

    

رد مع اقتباس
قديم 27-01-2006, 02:26 AM   #13
 
إحصائية العضو







الطرقي غير متصل

الطرقي is on a distinguished road


افتراضي

يحيى الودعاني

القصيده موجوده ولم انتبه لها

الف شكرعلى ماتبذلونه من جهد
انت والاخوان

تحياتي

 

 

 

 

    

رد مع اقتباس
قديم 03-04-2010, 02:20 PM   #15
 
إحصائية العضو








محمد بن عريمه غير متصل

محمد بن عريمه is on a distinguished road


افتراضي رد: عبيد بن حمدان

لاهنت اخوي الطرقي والله يرحم بن عجعج واموات المسلمين

لكن فيه خطا في قصيدة الشاعر سعد بن فيصل ال عريمه رحمه الله

نصينا بيت قشاع الضروس؟ وليس بنت




تقبل مروري فــــــــــارس الـــفــرعــــه

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 35 ( الأعضاء 0 والزوار 35)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
التغطية المصوّرة (الحصريّة) لزيارة صاحب السمو الأمير فهد بن عبدالله بن محمد بن عبدالرحمن آل سعود لـ الشيخ جمحان بن عرار بن صلال المسعري الإداره :: قسم اللقــاءات والفعاليات والتغطيات الخاصة:: 13 21-04-2013 01:31 PM
علي الحرام إني ماحس الحمامة*وانا معينها على مراح جمحان راشد المسعري :: قسم قصايد مدح وفخـر في الــدواسـر :: 27 30-05-2011 10:50 AM
قصيدة مدح في الشيخ سعد بن عبيد ال بريك فهد الفهادي :: قسم قصايد مدح وفخـر في الــدواسـر :: 3 06-12-2010 09:05 PM

 


الساعة الآن 01:58 PM


Powered by vBulletin® Copyright ©2000 - 2024, Jelsoft Enterprises Ltd.
---