ياناس ياكثر العوارض والاشناب

[معلومات العضو تآج روس السلاطين]

يا ناس ياكثر العوارض والاشناب
كثر اللحى واللي على علمهاتجيب

ويا كثر ما يوضع على الشيب خضاب
حتى تزين اللحيه اللي بها شيب

شيخ المجوس اللي على النار كذاب
يكذب على قومه ويرجم على الغيب

من ياخذ أسباب الهزيمه بالأسباب
يشبع من امرار الهزيمه بلا ريب

أقرا الحقيقه كنها صفحة كتاب
قدام عيني لفظها بالتراكيب

من حاسبك في نظرته خلها إعجاب
تسلم من النظره وتستاهل الطيب

يااللي تعاني ظلم الاعدا والاقراب
ظلم القريب اصعب ورماحه تصيب

عنك الكلام اللي تعداك مرتاب
رتب على لحن الشجن فيك ترتيب

أعطاك حق وصرت للحق طلاب
من عقب ما أنت تصيب فالناس وتخيب

ياموق عيني صرت للقلب مخلاب
تسرح مع الراعي وتعدي مع الذيب

عاتب على ليلي وليلي لك عتاب
خذني يمين يسار كلي تراحيب

اشم عطرك وانت غايب وغلاب
لاني على حبك تعودت ما اغيب

حاضر وأنا فالدرس فاهم ومنتاب
ينتابني فالدرس طعن المحاريب


سالم ابن صعيكر الوابصي البلوي
....... ....وسلامتكم

 

 

 

 

[معلومات العضو نآصر البدراني]

صح لسان الشاعر مدد بليا عدد وصح ذوقك واختيارك


جزل ولاتجيب غير الجزل بيض الله وجهك


احترامي وتقديري لك

 

 

 

 

[معلومات العضو تآج روس السلاطين]

المشاركة الأصلية كتبت بواسطة نآصر البدراني

صح لسان الشاعر مدد بليا عدد وصح ذوقك واختيارك


جزل ولاتجيب غير الجزل بيض الله وجهك


احترامي وتقديري لك

كلك ذوق وحساس ياابن بدران ووجهك ابيض تحياتي لك وأشواقي