شالح بن هدلان وقصه كامله <اقربوا - الصفحة 2 - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم قصــه و قـصيــده ::

إضافة رد
انشر الموضوع
 
أدوات الموضوع انواع عرض الموضوع
قديم 29-01-2010, 05:03 PM   #16
 
إحصائية العضو








ناصر بن فهد غير متصل

وسام الخيمة الرمضانية 1430هـ الفضي لصاحب المركز: الوسام الفضي لصاحب المركز الثاني بالأفضلية - السبب: وسام الدواسر الفضي: للأعضاء المميزين والنشيطين - السبب: النشاط والتميز
: 2

ناصر بن فهد is on a distinguished road


افتراضي رد: شالح بن هدلان وقصه كامله <اقربوا

.
.

اسمتعنا بهذه قصص شالح بن هدلان المعروفهُ
ولاهنتيٌ يا شيهانهٌ وتقبليُ موروريٌ

..

 

 

 

 

    

رد مع اقتباس
قديم 11-05-2014, 05:00 PM   #17
 
إحصائية العضو







عقاب العتيبي غير متصل

عقاب العتيبي is on a distinguished road


افتراضي رد: شالح بن هدلان وقصه كامله <اقربوا

السلام عليكم ورحمة الله وبركاته


والله وألف ونعم بكل القبايل وبكل مسلم يقول لا اله الا الله ومحمدا رسول الله

اعلم يا أخوان ان النقاش في أمور الماضي من التخلف والله .. وقد ينحرف الى سب وشتم وقدح في ناس ماتوا وزمنهم ولى .. الله يرحمهم ويسكنهم فسيح جناته .. زمانهم غير زماننا كانت الحروب من أجل لقمة العيش


وحنا الحمد لله يومنا هذا القلوب بيضا والنفوس متصافيه عايشين في نعمه وفي امن وامان ولا نبي نشحن النفوس ونبغض بعض على أمور منتهيــه ..؟

أمر حدث وانتهى وش الفائده من الخوض فيه .. يعني يبي يتغير في التاريخ شئ ..؟


وأحب اذكر الاخوان ...... من يلفظ من قول الا لديه رقيب عتيد ...... كل ما تكتبه بيظل مكتوب وبتموت بكره ولا ينفعك ويضرك الا عملك ... فأنتبه للي تكتبه ولا تجرفك العصبيه القبليه للهاويه .. فـدعوهـا فإنها منتنه ..!! الله يعزنا بالاسلام كما أتمنى التوقف عن المهاترات وانهاء النقاش الي لا يودي ولا يجيب ..وإنما أردت من ردي هذا ان ابيّن
للجميع ان هذه القصة او الروايه ولاهانوا اهل المحل ضيعه من الضيعات

فانظروا الى اغلب المعارك والقصص اللي يكتبونها
قحطان كانت لصالح قحطان ولكن كذبهم وافترائهم الدائم على عتيبه وتزويرهم مثل تزوير الموضوع هذا خلا اللي مايدري وش السالفة والعذال يصدقون كلامهم عن عتيبة التي لاأعلم سبب تحاملهم عليها، وللأسف أنهم يبحثون عما يخالف عتيبة ويهز تاريخها حقداً وليس حقيقة

والكاتب مايكتب الا اللي يناسبه او تجاهله والاسباب كثيرة ويكثر الاغلاط واللغط منهم في ذكرهم للقصص

الخلاصة :كلامي هذا طال عمرك من شيبانا وليس كلام شخص واحد بل الجميع فلسنا مجبورين ان نصدق رواية القحاطين

وهذا يدل على التواتر والتواتر يدل على المصداقيه

وأقول ادخلوا موقع قبائل قحطان سوف تجدون هذة القصة بس مزيفين فيها وكلن يحرف من عنده لايعد الصحيح الا القليل .


بالنسبه لمقتل ذيب الي تكلم عنه معروفه قصته انها ليست كذا او غدر كما هو منشور في منتديات قحطان وهذا شي منتهين منه
وقصيدتها موجوده ومثبته ومانقول فيها شي وان كان بنتبع الكلام الي يطلع ويقولونه كان وجدناه في قصيدة ابوه شالح بن هدلان ولم ينسى ذكره في قصيدته
هذا ان كان بنتبع الكلام فإن شالح بن هدلان يشير على هزيمتهم وهروبهم من ارض المعركة ولو كان فالسالفة غدر كان ذكرها بالقصيدة وتطرقولها الشعراء في وقتها ولم ينسوها

يقول شالح بن هدلان :

ياربعنا ياللي على الفطر الشيب
عز الله انه ضاع منكم وداعه

خليتو النادر بدار الاجانيب
وضاقت بي الآفاق عقب اتساعه

تكدرت لي صافيات المشاريب
وبالعون شفت الذل عقب الشجاعه

ولكن يوم يقال انها كذا ترى السالفه قالوها ربعه يعني قحطان يعني بيلفقون السالفه لهم والدليل على ذلك قول الي ذبح ذيب بقى مختبئ تحت الشجرة أعجبتهم السالفه ونشروها

وانا اعرف لي شخص يخبرني بالسالفه كلها الي هي معروفه لدى الجميع وايضا الشيبان واعلم مني ومنكم

فقد روى جميل بثينه القصة فقال :

احبتي السلام عليكم ورحمة الله وبركاته

المتتبع للتاريخ وكتاباته يجد فيها من الوهم الشيء الكثير ، وخصوصا حينما يتعلق الامر بقبيلة عتيبة ، وانا لا اقول هذا من باب التعصب وانما الشواهد كثيرة والاثباتات اكبر من تحجب ، وان حصل للامر مناسبة شرحت هذا الامر بما لايدع مجالا للشك ،،،
اعود بكم الى الموضوع الاساس
فالجميع يعرف الفارس ذيب بن شالح بن هدلان فارس قحطان المشهور
هذا الفارس دارت حول مقتله روايات سواء في الكتب او على الالسن ولكن اغلب هذه الروايات يحمل صبغة الوهم ، بل ان بعض الروايات ليجلب الضحك من شدة غرابة الرواية .

انا هنا اسرد لكم القصة الحقيقية لمقتل ذيب بن هدلان ، حيث انقل القصة لكم من فم حفيد من كان في الواقعة

القصة تقول

ان مجموعة من فرسان الحوابية من المقطة من عتيبة كانوا على ماء جنوب عروى
وكانوا ستة رجال ومعهم بعض الحريم ،
المهم كان الرياجيل الستة على الماء ووحدة من الحريم عند الغنم مع مطلاع الشمس ،،، ويوم انتبهة الحرمه لضلاع وراهم الا شلفا تبرق على نور الشمس وشافتهم،
راحت الحرمة للرياجيل اللي على الماء وقالت لهم انتم ارسلتم احد منكم ،، قالوا لا ما ارسلنا احد
قالت اجل ترى فيه ريجيل ورا هاك الضلاع
طبعا كانوا جيش من قحطان وكانوا فرقتين فرقة رجليه وهم اللي ورا الضلاع وفرقة خياله وكان ذيب مع الخياله.وكانوا يحترون الاشارة من الرجليه
وكان مقصد القحاطين ان الرجلية يهجمون ثم يتبعهم الخياله .
المهم العتبان الستة باغتوا القحاطين اللي ورا الضلاع ، وخلوهم يهجون يم ربعهم الخيالة .
وبعدين بدا الرمي بين العتبان وبين القحاطين ، والقحاطين كانوا واجد فوق العشرين .
المهم تقول الحرمة الى من الريجيل تراموا مع القحاطين يجي عليهم مثل الغبرة من رمي المقمع ولامن راحت الغبرة عديت ربعي لهم ستة
المهم القحاطين انهزموا ولحقوهم العتبان واخذوا يلبقونهم ، وكان ذيب بن هدلان ينزل من على فرسه ويتراما مع العتبان لين ربعه يبعدون ثم يركب ويلحقهم ، واستمر على هالحال مرات
وفي مرة منها يوم نزل من على فرسه واخذ يتراما معهم ، رماه عوض بن بقشان المقاطي العتيبي ، لذيب بن هدلان طايح صريع
ويوم طاح ميت وربعه القحاطين يغدون طقق كل واحد منهم في جهه
دروا العتبان ان هالرجال اللي ذبحوه هو عقيد القوم

ويوم جوه وهو ميت شافته حرمة زد جاوروا اهلها اهل ذيب بن هدلان
وصاحت فالعتبان وقالت هذا ذيب بن هدلان
ويوصفونه يوم شافوه ان له لحيه سوداء وكان الطيب يفوح منها


هذه هي القصة الثابتة في مقتل ذيب بن هدلان ، انقلها لكم من افواه احفاد اهل المعركة ، لا زيادة فيها ولانقص


تحياتي للجميع أخيكم جميل بثينة

وكما نشر من الأخ جميل هو الصواب فالذي قتل ذيب بن هدلان هو عوض بن بقيشان السعلي الحوبا المقاطي واما من طلب ان يذكر احفاد هولاء فاذكرله ابن من قتل ذيب وهو حي يرزق أسمه زايد بن عوض بن بقيشان وهو ساكن في مدينة الخرج لكنه كبير في السن فمن اراد التأكد فليذهب أليه وشكراًَ .


تحياتي للجميع

 

 

 

 

 

 

التوقيع

استغفر الله

آخر تعديل عقاب العتيبي يوم 11-05-2014 في 05:11 PM.

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 12:03 PM


Powered by vBulletin® Copyright ©2000 - 2024, Jelsoft Enterprises Ltd.
---