(عجيبه يا فيافي نجد تدحمك الحيود السود) محاورة نارية مع الشاعر معيوف الدوسري

**معلومات** **العضو** · 11-03-2010, 02:00 AM

جرت هذه المحاورة ما بيني وبين الشاعر معيوف الدوسري ، وذلك في مدينة الخرج ١٦/ ٣ /١٤٣١

محمد بن حمدان المالكي

سلامي فيه تولة ورد بغدادي وتولة عود
تكرم به لحى قروم الدواسر حي والفاني
عجيبه يا فيافي نجد تدحمك الحيود السود
وانا خابر جبالك بيض يانجد البريحاني

معيوف بن مبارك الدوسري

هلا يا مرحبا ترحيبة ناصل بها المقصود
ونعطي صاحبي مما عطا كاش وسفطاني
ترى ما فيه ضباط ياصاحبنا بدون جنود
على قول المثل ما فيه نار بدون دخاني

يدوم الطيب يامعيوف ما هبت هبوب النود
ولكن رد ما يشفي سوالات ابن حمداني
غريبه ما نشوفه يابن دوسر في نتاج الذود
لقيت انتاج بطن وظهر مير اشكال والواني

شهادتكم عزيزه والشهاده جت بدون شهود
وانا بالعز الاول ماتحرا تزكيت ثاني
حكومتنا الرشيده تعرف ان حكامها آل سعود
وبني مالك من آبنا الشعب ورد ابيض وريحاني

ترى نقطة حبر زرقا تعكر لون كاس اليود
وياكثر الحبر مبثوث في ثوب العريباني
تبرى من يمينك بعد ما شبت لك البارود
وربعي من بجيله ما بها بوذي وسيلاني

بياض وجيهنا من فعلناوالصادرات ورود
ليا قام يتفاخر في بلد جيزان جيزاني
يا ابو عين كفيفه والمعرفه حبلها ممدود
ولدنا اللي خذا معشوقته بالسيف شاماني

كفو يا لابة متسلطنه ما تارد المنقود
وانا ماني مفرق يابن دوسر بين الاخواني
وأنا ماني عما حكمه ولكن ما عليكم زود
خطوط الطيب فيكم حطها ربي بميزاني

**معلومات** **العضو** · 11-03-2010, 02:32 AM

صح الله لسانك يامحمد ولسان ابو مباااارك

محاورة ناااارية بين شاعرين جزلين

سلمت وسلم مغليك

ارق التحايا

**معلومات** **العضو** · 11-03-2010, 02:10 PM

صح الله لسانك يامحمد ولسان ابو مبارك

**معلومات** **العضو** · 11-03-2010, 02:27 PM

صح الله لسانك يامحمد ولسان ابو مبارك

طربان ابومبارك عزاللة انة كفو

لاهنت يامحمد حمدان المالكي
اخوك الوليد ابن قويد

**معلومات** **العضو** · 12-03-2010, 10:29 AM

صح السان الشعار جميع وتنمنا اني خصيمك يامحمد المالكي

لكي اعطيك ماريد في النفقض والفتل ولايهون ابومبارك

**معلومات** **العضو** · 12-03-2010, 04:38 PM

حيا الله الجميع
ولي الشرف أخي سعود في جولة فتل ونقض مع شخصك الكريم
وابو مبارك ما قصر ليتنا نطلع سالمين

**معلومات** **العضو** · 13-03-2010, 12:00 AM

محاور جميله

لاهنت على نقلها

**معلومات** **العضو** · 08-06-2010, 11:08 PM

مرحبا أخي عاشق هريسان

**معلومات** **العضو** · 08-06-2010, 11:15 PM

محاوره فى قمة الروعه صح السانك يا المالكى

ولايهون المسعرى

**معلومات** **العضو** · 09-06-2010, 02:17 PM

محاوره جميله ورايعه

مشكوور يابوحمدان على طرحها هنا

وصح لسانك وبيض الله وجهك

وتحية اكبار للشاعر معيوف الدوسري

تقبل تحياتي وتقديري

**معلومات** **العضو** · 19-06-2010, 12:29 AM

صح السان الشعار جميع وتنمنا اني خصيمك يامحمد المالكي

لكي اعطيك ماريد في النفقض والفتل ولايهون ابومبارك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية