حنا الدواسر شينا هادرن ماه

[معلومات العضو *عالي مستواه*]

السلام عليكم ورحمة الله وبركاته

يالله ياللي قدرته تسبق سواه
الواحد اللي نتجه له وندعيه
يالاطف بيونس من الحوت نجاه
يامنقذٍ عبده من النار محييه
تَفرج لمن قلبه سقاه العنا داه
وتغيث دارٍ حبها ما كنن فيه
يشّوش راسي لآ لفعول المطراه
مفاخرٍ كسب الثنا من معانيه
يامن بنا الخايف وحنا له احماه
ناسم عصاه ويهتني في مفاليه
والجار حقه وافين مانقصناه
سقنا الديه من جَدرنا به نواسيه
وقوز الشريف بفعلنا طاب مسماه
من وقع ربع ضربهم من يقاويه
كله لعينا مٓن زبن خايف تاه
ابن ال مطرف عدها في مغانيه
وحنا هل الخوه وحنا هل الجاه
يشهد لنا فعل تسطر معانيه
الشمري لنا زهم قاطعٍ ماه
من موتره ما عاد يالربع يرجيه
قال الوعد لا وقف الحرب عدناه
وش رايكم يالربع انا محرقن فيه
قالوا جلا همن بصدرك تعلاه
في واجب الخوه نعدا المشاريه
فكوا القطع من مقدمه لين متلاه
ما همهم ضرب العدوا لا يقفيه
وعلى المواتر نقل يوم ن وملفاه
نجران وعقبه مشتغل ما فقد فيه
والثار ماننساه حق نتقاضاه
لودارت الايام لابد نقضيه
حتى الغريم الي ورا الحد جبناه
يامخبل االي وآمن ن في مخابيه
شمر له مبارك عسا تحج يمناه
سداد دين الي جهل يوم يوفيه
ربعي وداعين الثمان المسماه
الاد زايد فخر من هم عزاويه
حنا فقار المجد دوم نتعلواه
مانرتضي غيره ولافي مساعييه
حنا الدواسر وأسّمنا صاد مرماه
فعل ن سبق قول ن تلاحت معانيه
حنا الدواسر شيبنا هادرٍ ماه
عيبن علينا بعيته يوم نسقيه
حنا الدواسر وسمنا مرهب اعداه
يخيب من هو طامع ن من هقاويه
في شفها لو هو على الحد طلناه
تنزل بقفرٍ خايعٍ مانِزل فيه
هاذي بعض ماطاب شرحه ذكرناه
اتنومس اللي طيبن في مباديه
وصلاة ربي عالذي طاب مسعاه
نبينا اللي منهجه خير توجيه

الشاعر / محمد بن راشد الودعاني

 

 

 

 

[معلومات العضو *عالي مستواه*]

حاولت اعدل في المشاركه ولم استطع


وعلى المواتر نقل يوم ن وملفاه
نجران وعقبه مشتغل ما فقد فيه


نتمنى التعديل

 

 

 

 

[معلومات العضو نآصر البدراني]

أرررررحب في ذمتي أرررررحب


عالي مستواك وعاليً ذوقك صح لسانك


ولسان الشاعر الجزل محمد بن راشد الودعاني لين تشرق الشمس من مغربها



تم ابلاغ الاخوان عن التعديل



لاهنت ولاتحرمنا جديدك نفداكـ

 

 

 

 

[معلومات العضو *عالي مستواه*]

جعل عمرك طويل والبقا


وصح بدنك

 

 

 

 

[معلومات العضو حمد ابن فهد]

صح لسسانك يالودعاني ملايين وبيض الله وجهك للقصيدة الجزلة

 

 

 

 

[معلومات العضو *عالي مستواه*]

صح بدنك يابوفهد

 

 

 

 

[معلومات العضو أبونواف الدوسري]

صح ألسانك ..

وتم التعديل..

وفقك الرحمن..