مرثيه في الشيخ عمر المخاريم

[معلومات العضو أبـ ريماس ـو]

الحر والبـرد وأدوار المسـاء والمقيـل
والعسر واليسر وفصول السنة والهـلال
تقول ما في الحيـاة إلا دروس الرحيـل
إن قل عمر الفتـى ولا تمـادى وطـال
هذا يشيـع مـن الدنيـا وهـذا نزيـل
والكون كله مصيـره للفنـى والـزوال
لكن ياليت عمر أهل المراجـل طويـل
وأهل الردى والحسد يا مال قصر الآجال
اللاش لو طال عمره مال طولـه ذبيـل
وعليه سعيه إليا من طال عمـره وبـال
والكفو لا طال عمره صار طوله سبيـل
للخير والمجد وفعـول الوفـا والمعـال
مثل ابن خشنان راعي المرجله والجميل
اللي رحل بالمحبـة والوفـا والجـلال
مرحوم يا أبو فهد مرحوم يا أبـو دليـل
مرحوم يا اللي تربع في قلوب الرجـال
يا طيب المد لا شحـت يديـن البخيـل
كل(ن) ينعم إليا منـه حصلـه مجـال
ركن يذري ولا جاء الحر ظـل ظليـل
ومنصى(ن) لربعه إليا جاءت الأمور الثقال
ليته ملى حفرته من غير شكلـه بديـل
من قصر(ن) في القبيلة ما اقتدوا به مثال
أحد(ن) يثير المشاكل مثل فعل العميـل
وأحد(ن) يمينه بخيله ما تمـد الريـال
يا بعد فرق الكديش من الحصان الأصيل
ويا قل نفع الردي لوا كان له رأس مال
أمدحه من باب قول الصدق لا منه قيـل
ولا فلا له علـي مـن ٍ وفضـل يقـال
لكن عاني وابن عم(ن) وطبعـه نبيـل
لاجَوه اللي مشاكلهـم عـراض طـوال
يصلح ويبذل من أمواله ومـده جزيـل
الله يغفـر ذنوبـه دقـهـا والـجـلال
ولا أقول كامل وهذا مطلـب مستحيـل
الكامل الله ولا لأحـد سـوى الله كمـال



( الشاعر / محمد بن عبد الله بن كلاوى المخاريم)

 

 

 

 

[معلومات العضو شافي بن راشد النتيفات]

صح الله لسانك ولسان ابوعبدالله
والله يرحم الشيخ عمر ويسكنه فسيح
جناته ويشهد الله انه فقيده على الدواسر كافة

 

 

 

 

[معلومات العضو راشد المسعري]

الله يغفر للفقيد ويرحمه رحمة واسعة

كان مرافق خاص للأمير سلطان بن عبدالعزيز حتى في رحلته العلاجية

ولم ينتظر طويلاً بعد وفاة الأمير سلطان فلحق به ، جعلهم في جنات النعيم كلهم

صح لسان بن كلاوى المخاريم ، وبيض الله وجهك يابو ريماس على النقل المميز

تقبل ودي وتقديري ،،،،

 

 

 

 

[معلومات العضو حمد ابن فهد]

صح الله لسانك ولسان ابوعبدالله
والله يرحم الشيخ عمر ويسكنه فسيح
جناته ويشهد الله انه فقيده على الدواسر كافة

 

 

 

 

[معلومات العضو مبارك بن شافي النتيفات]

صح الله لسانك ولسان ابوعبدالله
والله يرحم الشيخ عمر ويسكنه فسيح
جناته ويشهد الله انه فقيده على الدواسر كافة

 

 

 

 

[معلومات العضو بطل]

صح الله السان محمد وشكرا ياريماس علي النقل ورحمه الله علي ابن خشنان

 

 

 

 

[معلومات العضو محمد راشد النتيفات]

صح الله لسانك ولسان ابوعبدالله

والله يرحم الشيخ عمر ويسكنه فسيح

جناته ويشهد الله انه فقيده على الدواسر كافة