اهدا للرائد / بدر بن عجيان المصارير الدوسري واخوانه الافاضل

[معلومات العضو محمد الجعيدي]

هات القلم ياخوي واكتب عناوين
وانثر على الاوراق روح الدفاتر

جات القريحة بالشعر والتلاحين
الظاهر اني صرت يخوك شاعر

ماني بشاعر قبل ذا اليوم يا حسين
اصبحت شاعر يوم شفت الدواسر

اللي عطيتك علمهم يوم الاثنين
يوم (ن) زهمني لابتي وأنت خابر

عصبت راسي ثم نصيت السلاطين
نصيت اخو شيخه صبي المخاسر


بدر ولاغيره سنافي على الدين
قال احتزم بي وأنت تبشر و تامر

ماقال لي بكره ولا قال بعدين
سنع لزومي قبل ماامشي وأغادر

جعله غني وأيامه سنين وسنين
والله على ما اقول قاوي وقادر

وإخوانه رجال (ن) يساوو ملايين
ماحدٍ يطول اشبارهم بالمشابر

عرفت ابوتركي وفيٍ واحمر العين
محمد عقيد القوم راعي مخابر

وحنيش وشويمي وناجي وفيين
لخوانهم فزعه على طول حاضر

وناصر وفيصل سيف يقطع بحدين
ماخاب من يمناه فيصل وناصر

اهل الشجاعة شر للي معادين
واللي يعاديهم فلا شك خاسر

لو المصارير سكنو في فلسطين
في ذمتي ما اشوف في القدس كافر

واهل الكرم فوق الكرم زود ذربين
ضيفٍ يجي والضيف الاخر مسافر

هم فزعة المحتاج لاحده الدين
وهم نصرة المظلوم في وقت جاير

ومنهم طعام الارملة والمساكين
يعطونها لله من طيب خاطر

ياجعل يفداهم ردي الذراعين
اللي عروقه دمها صار خاثر

هيضني المعنى ببدع التلاحين
للي معرفتهم تشد النواظر

وأنا جعيدي وانتم اخبر ودارين
من هضبة ال جعيد والعلم ظاهر

حدودنا نجران من يام لدنين
ويحدنا الرمله كناور وحادر

وأجيالنا في حد لأجداد عسرين
كم من شنب لعيونها في المقابر

فينا المره ربت ولدها على الشين
لجله يموت بحد الاجداد ثاير

وآخر تحياتي من ازكى البساتين
سلام بالمليون ينصى الدواسر




اهداء من الشاعر // محمد بن صالح بن حويل الجعيدي

 

 

 

 

[معلومات العضو محمد الجعيدي]

هذه القصيدة قلتها في رجال من الدواسر الذين يستاهلون اكثر من هذا الكلام فيهم فانني اشوف نفسي مقصر في اعطائهم حقهم فالدواسر الصراحة انا ماشفت منهم ردي لأنني خاويت منهم الكثير وكل ماخاويت واحد قلت هذا كفو والصراحه انهم كفو كلهم وشهادتي فيهم مجروحه .

 

 

 

 

[معلومات العضو حمد ابن فهد]

الجعيدي صح لسانك ويستاهلون ال كتاب ماقيل فيهم وطيبهم من طيب شيبانهم بيض الله وجهك

 

 

 

 

[معلومات العضو جليل المحزم]

صح لسانك يالجعيدي ويستاهلون لاد الحبيبي المدح والثنا


يقول فيهم شاعر الدواسر في وقته الشاعر / شلعان بن ظافر الودعاني


ومافشـل جمـع فيـه لاد الحبيبـي ///////////////////////////// مـن كـل حــر طـيـب مجـنـاه


تقبل مروري

 

 

 

 

[معلومات العضو مبارك بن شافي النتيفات]

الجعيدي صح لسانك ويستاهلون ال كتاب ماقيل فيهم وطيبهم من طيب شيبانهم بيض الله وجهك

 

 

 

 

[معلومات العضو محمد الجعيدي]

صح بدناكم جميع فهذه القصيدة انا اشوف مالي طيب في حق اخواني ال عجيان المصارير

 

 

 

 

[معلومات العضو راشد المسعري]

لو المصارير سكنو في فلسطين
في ذمتي ما اشوف في القدس كافر

واهل الكرم فوق الكرم زود ذربين
ضيفٍ يجي والضيف الاخر مسافر

هم فزعة المحتاج لاحده الدين
وهم نصرة المظلوم في وقت جاير

الله الله

عز الله كفو بلاد الحبيبي حاضر وماضي

صح لسانك يابن حويل وسلمت على هذه الجزلة

ويستاهلون لاد الحبيبي علومهم تجمّل أول وتالي

وآل عجيان الكرام علومهم تنومس دايم وتشرف الدواسر الله يبيض وجيههم

وانت بيض الله وجهك على مدح الرجال اللي يستاهلون وهذا من طيبك نافداك

مرحبا بك مرة أخرى ويشرفنا تواجد مثلك وشرواك في المنتدى

تقبل ودي وتقديري ،،،

 

 

 

 

[معلومات العضو عبدالرحمن بن فلاح آل بريك]

صح لسانك طال عمرك . أبيات جزلة ويستاهلون آل عجيان ما قيل فيهم .

 

 

 

 

[معلومات العضو سالم الخضراني]

صح لسانك ويستاهلون المصارير

المصارير طيبهم مهوب توه يجرب .. معروفين من مبطي

صح لسانك واعتلى شانك

 

 

 

 

[معلومات العضو محمد الجعيدي]

أنا أشكر كل من أهتم في هذه المشاركة وما عليكم زود ويشرفني أن أكتب في منتدى الرجال الذين يستاهلون المدح والذكر الطيب لأنهم اهل له والصراحه الدواسر يشرفون في كل موقف ومايخيب الي ينصاهم وشهادتي فيهم مجروحه ـ

 

 

 

 

[معلومات العضو نآصر البدراني]

المشاركة الأصلية كتبت بواسطة محمد الجعيدي

اهداء من الشاعر // محمد بن صالح بن حويل الجعيدي

والله ونعــــم


صح لسانك لين ترضى الله يسعدك أطربتني بهالشامخه


كُفو بربعنا المصارير آلاد الحبيبي يستاهلون ما قيل فيهم


مجملينا الله يبيض وجيهم ..

 

 

 

 

[معلومات العضو ابو زابن المسعري]

لو المصارير سكنو في فلسطين
في ذمتي ما اشوف في القدس كافر

كفوا بالاد الحبيبي

وصح الله السانك وبيض الله وجهك

 

 

 

 

[معلومات العضو محمد الجعيدي]

ماعليك زود ياناصر البدراني وماعليكم زود جميعاً انتم كفو وتستاهلون ويحق لمن اخر اسمه دوسري ان يفتخر في قبيلته وبني عمه اللي ترفع الراس

 

 

 

 

[معلومات العضو شافي بن راشد النتيفات]

بيض الله وجهك وصح الله لسانك
وكفو بلاد الحبيبي ويستاهلون

 

 

 

 

[معلومات العضو محمد الجعيدي]

ووجهك ابيض يابو راشد وصح ابدانك ولاد الحبيبي يستاهلون ماقيل فيهم والدواسر عموم مامنهم ردي