وقعة الجفـــير - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـتـاريـخـيـــة .::: > :: قسم تاريـخ قــبـيـلة الــدواسـر ::

إضافة رد
انشر الموضوع
 
أدوات الموضوع انواع عرض الموضوع
قديم 12-04-2005, 11:42 PM   #1
 
إحصائية العضو







تركي ال فنيس غير متصل

تركي ال فنيس is on a distinguished road


افتراضي وقعة الجفـــير

هذه وقعه بين الدواسر وقحطان معهم السوده من سبيع وقتل ا ميرهم ذلك اليوم واسمه شباب بن باحص وحدثت الوقعه قبل فتح الرياض حيث نزل ال عبود من شيوخ ال مسعود من قحطان ومعهم السوده من سبيع علي الجفير بدون اذن ، و منهم جعفر واخوه ذيب واخوه عمر ،ولقد شرب فنجال ذيب نهار العيد طليفح بن حزام المصروري الدوسري ، وانتهت المعركه بانتصار الدواســـــر
وقد قال الشاعر صحين بن حويزي بن قويد الدوسري هذه القصيدة يسندها للشيخ محمد بن حفيظ شيخ الشكره الدواسر ويبشره بالنصر
/
ياراكب من فـوق سـت تعنّـى=من حميها تكسر عصي المواسير
تلفي لنا ابن حفيظ زبن المجنّـى=حامي اعقاب اقطيهن بالقناطيـر
ياليت مظهـوره يبـاري ظعنّـا=يوم التقينا بين عـذال وامشيـر
الطامـع الـي زارنـا ماتهـنّـا=خذنا جواده والسلف والمظاهيـر
وخيار ذوده صدرت فـي وطنّـا=من عقب ما ترعا خشوم الدعاثير
وعندما وصلت القصيدة للشيخ محمد بن حفيظ رد على الشاعر صحين بن حويزي المسعري بهذه القصيدة :
يـا
مرحبـا باركابـك اللـي لفـنّـا=اعداد ماتـذري هبـوب المعاصيـر
يامرحـبـا ترحـيـبـة ماتـمـنـا=لامنـه بـدل رفقتـه قاطـع السيـر
ليـت الحمايـا يـوم جتنـا وحنّـا=بين( الجفير) وبين عـوج الدواويـر
والله أن يجيكـم يـا جماعـة ظعنّـا=وخيـل تنـازي بالعيـال المناعيـر
حريبنـا لا شافـنـا جــظ مـنّـا=مثل الخريش اللي بلاها مـن الطيـر
ماقـومـه الا بالمـلاقـا طـعـنّـا=من فوق قب معسكـرات المساميـر
يا نفـدى اللـي يـوم غبنـا كفنّـا=سربة (اصخاف الشول) عند المعاشير
لا جرها( ابن قويـد )زبـن المجنّـا=يسهج خصيمه مثل سهج الطوابيـر
اصخاف الشول: عزوة المساعره
شباب بن باحص امير السوده من سبيع وقد قتل في المعركه ذبحه ماجد بن عايش الدموخ المساعره الدوسري وقد قيلت كثير من القصائد بس لم نحفظ سوا هذ البيت
شباب شوق الي ثمانه مغاتير=.عليه طير ام علجان يتثنــى
هذه قصيده
قالها محمد بن برجس المصارير الدوسري ، وتخلد مافعله حزام بن شبنان

ابديت باسم ا للي ينشي المخايـل=الواحد اللي تسجد الخلق لرضـاه
يالله يامعطـي العطايـا الجزايـل=رب كريـم مغنـيـات عطـايـاه
ويـا الله ياعـدال ماكـان مايـل=ياعالـم ماكـان بالصـدر يكنـاه
القلب كنه وسط حامـي الملايـل=ولا يستريح القلب في غير مشهاه
ودي بـدار مطوعـة كـل عايـل=ربع كما ضلع يعنـز لمـن جـاه
ربعي كما سيـل يطـم المسايـل=كم من عقيد راح في زمـة غثـاه
لا د الحبيبـي تشتهـر بالفعايـل=اثقل علي العدوان من طويق وقراه
عدونا يمسي بـه الحيـف مايـل=وان جا نهار الكون ماحن بنـدراه
من صلب اهل العشر كسبنا النفايل=ذود المعادي في ضحا العيد زعناه
ومنـا حـزام شيخنـا بالكمايـل=((حزام ابن شبنان)) فعله ذكرنـاه
ضربة يمينـه وقعـت بالفصايـل=كم طيرت رجل وفـرس بشلفـاه
ولا خير في هـرج بليـا دلايـل=وفنجال راعي الزود حنا شربنـاه
شربه طليفيـح عريـب السلايـل=سنه صغير وسيرة العـز ممشـاه
وكم طامع لديارنـا جـاك صايـل=وخلـي طريـح للذيابـه تعشـاه
[size=3]
كاتبه تركي الودعاني

 

 

 

 

    

رد مع اقتباس
قديم 13-04-2005, 12:35 AM   #2
 
إحصائية العضو







الشكري غير متصل

الشكري is on a distinguished road


افتراضي

يا نفـدى اللـي يـوم غبنـا كفنّـا = سربة (اصخاف الشول) عند المعاشير
لا جرها( ابن قويـد )زبـن المجنّـا= يسهج خصيمه مثل سهج الطوابيـر


لاهنت يا تركي وذي عوايدك

مجمع الطيب

تسلم يا الودعاني

 

 

 

 

 

 

التوقيع


آلاد شكر هم اكعام المعاديني= صوارم في اللقا تروي شلافيها
ذباحة الحيل يوم الزمن شيني= مهوب يوم العرب فاضت مخابيها
يفرح بهم هاشل ذاق الامريني = والجار يامن بقصرتهم ويغليها
الشاعر الكبير برق الجنوب

    

رد مع اقتباس
قديم 13-04-2005, 02:18 AM   #4
 
إحصائية العضو







المبيعيج غير متصل

المبيعيج is on a distinguished road


افتراضي

تركي الله لايهينك والله يبيض وجهك على المشاركات الطيبة

 

 

 

 

 

 

التوقيع

بشر غدا عند المبيعيج ناصر
غدا بينهم يوم اختلاف الوعايد
.........................................
ونعم ياولد المبيعيج ناصر
سابقه في المعركة تنغبى وتشاف
.........................................


وداعين عز الجار من زايد الملطوم
سهوم المنايا عنهم الضد حوادي
وداعين مايخطون ضربة عقيد القوم
ومن ذاق ضرب سيوفهم راح ماعادي
وداعين لاجا موقفٍ فيه لطم خشوم
يردون راس الشر بخزام وقيادي

للتواصل عبر الماسنجر latwa2000@hotmail.com

    

رد مع اقتباس
قديم 15-04-2005, 04:12 AM   #6
 
إحصائية العضو







محمد ال بو زمام غير متصل

محمد ال بو زمام is on a distinguished road


افتراضي

السلام عليكم ورحمة الله وبركاته

بيض الله وجهك اخوي ( تركي الودعاني ) على هذه القصايد الرائعه ولاهنت .


والى الامام

والـــســـلام خـــتـــأم

 

 

 

 

 

 

التوقيع

ســبــحانك اللهم بحمدك لااله الا انت اني كنت من الظالمين .

    

رد مع اقتباس
قديم 15-04-2005, 11:46 AM   #7
 
إحصائية العضو







الـتـغـلـبـي غير متصل

الـتـغـلـبـي is on a distinguished road


افتراضي

كفووووووووووووووووو والله بعيال عمنا لاد زااااااااااايد ولاد الحبيبي


يعطيك العافيه يا تركي الودعاني

 

 

 

 

 

 

التوقيع

    

رد مع اقتباس
قديم 16-04-2005, 08:38 AM   #8
 
إحصائية العضو







عبدالله الشكري غير متصل

عبدالله الشكري is on a distinguished road


افتراضي

لاهنت ياتركي وعز الله انك ماقصرت يالذيب
وبيض الله وجهك يالقرم يابن القروم

اخوك
عبدالله الشكري

 

 

 

 

    

رد مع اقتباس
قديم 16-04-2005, 10:21 PM   #13
 
إحصائية العضو







المصروري غير متصل

المصروري is on a distinguished road


افتراضي

الله لايهينك يابن الوداعيين على ماسويته وهذا دليل على الحميه اللي مغروزه بقلبك وفي ساسك الطيب ؟
لاشك عندي الكثير والكثير مثبوت بعد عن الدواسر كافه ان شاء الله
لكن اصبروا علي من شان ظروف العمل لأنه بمنطقه نائيه ولا فيها اتصال بالانترنت
وهذا السبب الوحيد اللي رايح يقطعني منكم ويمنعني من التواصل معكم بشكل
يومي ؟ لكن رايح ارجع بعد اسبوع او عشرة ايام بأذن الله.
ومشكووووور لك ولكل من ساهم في جميع الاشتراكات .
ونشوفكم على خير.

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 3 ( الأعضاء 0 والزوار 3)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 04:54 AM


Powered by vBulletin® Copyright ©2000 - 2024, Jelsoft Enterprises Ltd.
---